Tag: راجر فیڈرر

برن: سوئٹزر لینڈ سے تعلق رکھنے والے عظیم ٹینس اسٹار راجر فیڈرر نے تاریخ میں دوسری بار عالمی اعزاز اپنے نام لیا۔ وہ یہ اعزاز حاصل کرنے والے دنیا کے سب سے عمر رسیدہ کھلاڑی بن گئے۔

تفصیلات کے مطابق فیڈرر نے چھتیس سال اور ایک سو پچانوے دن کی عمر میں ٹاپ پوزیشن پھر سے حاصل کر لی ہے، اس سے قبل وہ دو ہزار بارہ میں دنیا کے نمبر ون کھلاڑی بنے تھے۔

انہوں نے یہ اعزاز گزشتہ روز روٹرڈیم ایونٹ کے کوارٹر فائنل میں میزبان کھلاڑی ڈچ حریف روبن ہیس کو شکست دے کر حاصل کیا تاہم اس کا باضابطہ اعلان پیر کو ٹینس کی نئی رینکنگ میں کیا جائے گا۔

راجرفیڈررنے چھٹی بار آسٹریلین اوپن ٹینس مینزسنگلز کا ٹائٹل جیت لیا

کوارٹر فائنل میں فیڈرر نے ہیس کو 4-6 اور 6-1 کے مقابلے میں 6-1 سے شکست دی، وہ پانچ برس بعد دوبارہ نمبر ون پوزیشن پر براجمان ہوئے ہیں، اس سے قبل وہ فروری 2004 میں پہلی بار رینکنگ میں ٹاپ پوزیشن حاصل کی تھی۔

خیال رہے انہوں نے یہ اعزاز اس بار عالمی نمبر ون کھلاڑی اور روایتی حریف رافیل نڈال سے چھینا ہے۔

یاد رہے گذشتہ ماہ سوئس اسٹار راجر فیڈرر نے آسٹریلین اوپن مینز سنگلز کا ٹائٹل جیتا تھا،جس کے فائنل میں انہوں نے مارن سلچ کو شکست دے کر آسٹریلین اوپن کا ٹائٹل اپنےنام کیا تھا جس کے تحت اب آسٹریلین اوپن فیڈرر کے کیرئیر کا یہ 20واں گرینڈ سلم ہے۔

راجر فیڈرر نے آسٹریلین اوپن جیت لیا

واضح رہے کہ ٹینس کھلاڑیوں میں مارگریٹ کورٹ، سرینا ولیمز اوراسٹیفی گراف نے بیس بیس گرینڈ سلام ٹائٹل جیت رکھے ہیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔