راجن پور : انڈ س ہائی وے پر ٹریفک حادثے میں ایک بچہ جاں بحق جبکہ انیس افراد زخمی ہوگئے۔
زرائع کے مطابق راجن پور کے قریب انڈ س ہائی وے پر مسافر کوچ اور ٹریلر میں تصادم ہوا ، جس کے نتیجے میں ایک بچہ جان بحق جبکہ انیس افراد زخمی ہوگئے۔
زخمیوں کو ڈسٹرکٹ ہیڈ کواٹر اسپتال راجن پور منتقل کردیا گیا ہے۔
مسافر کوچ باجوڑ ایجنسی سے کراچی جارہی تھی۔
کراچی: راجن پور اور حافظ آباد میں دو مختلف ٹریفک حادثات کے دوران دس افرادزندگی کی بازی ہارگئے۔
ریسکیو ذرائع کا کہناہےکہ روجھان انڈس ہائی وےپرمُسافرکوچ ٹرک سے ٹکرا گئی، خُونی حادثے میں چھ مسافرزندگی سےہاتھ دھو بیٹھےاور اکیس زخمی ہوگئے۔
کراچی سے روانہ ہونےوالی مسافر کوچ کی منزل سوات تھی، تاہم تیز رفتاری کے باعث بد قسمت مسافرمنزل پر نہ پہنچ سکے اور سفر ِآخرت پر روانہ ہوگئے۔
دوسرا ٹریفک حادثہ شہر حافظ آباد میں گوجرانوالہ روڈ پر پیش آیا۔ جہاں مسافر وین ڈمپر کی زد میں آگئی۔
حادثے کے نتیجے میں چار افراد جاں بحق جبکہ متعددزخمی ہوئے۔ واقع کی اطلاع ملتے ہی ریسکیو اہلکاروں نےوین سے زخمیوں اور لاشوں کو نکال کر ڈی ایچ کیو اسپتال منتقل کیا۔
راجن پور:پولیس نے مدرسے سے بھاری تعداد میں بارودی مواد برآمد کرلیا، پولیس نے بچوں کو دینی تعلیم دینے کے نام پر دہشت گرد بنانے کا انکشاف کیا ہے۔
تفصیلات کے مطابق پنجاب کے علاقے راجن پور میں پولیس نے خفیہ اطلاع پر ایک پر مدرسے پر چھاپہ مارا جہاں سے بھاری تعداد میں بارودی مواد برآمد ہوا۔
پولیس نے مدرسے کے مہتمم قاری عبداللہ کو گرفتار کرلیا، ذرائع سے ملنے والی اطلاعات کے مطابق مذکورہ مدرسہ لال مسجد اسلام آباد کے خطیب مولانا عبدالعزیز کی زیرسرپرستی کام کر رہاتھا، پولیس کے مطابق گرفتار ملزم سے اہم انکشافات متوقع ہیں۔
راجن پور: بس اور گاڑی کے تصادم کے نتیجے میں سات افراد جاں بحق اور پچیس افراد زخمی ہوگئے۔
زرائع کے مطابق راجن پور میں انڈس ہائی وے پر دو بسوں اور گاڑی کے درمیان تصادم ہوا، جس کے نتیجے میں سات افراد جاں بحق جبکہ پچیس زخمی ہوگئے۔ امدادی ٹیموں کے اہلکاروں نے لاشوں اور زخمیوں کو فوری طور پر قریبی اسپتال میں منتقل کیا جہاں انہیں طبی امداد دی جا رہی ہے، زخمیوں میں خواتین اور بچے بھی شامل ہیں۔
اسپتال زرائع کے مطابق کچھ زخمیوں کی حالت تشویشناک ہیں ، جس کے باعث ہلاکتوں میں اضافے کا خدشہ ہے۔
راجن پور: فاضل پور کے قریب ریلوے ٹریک پر نصب بم کو ناکارہ بنا دیا گیا، بم ڈسپوزل اسکواڈ نے بم ناکارہ بنا کر ٹرین کو ایک بڑے حادثے سے بچالیا۔
پشاور سے کراچی جانے والی خوشحال خان خٹک کو راجن پورکے علاقے فاضل پور کے قریب اسوقت روک لیا گیا، جب مقامی انتظامیہ کو ریلوے ٹریک پر بم نصب کرنے کی اطلاع ملی، سیکیورٹی فورسز اور بم ڈسپوزل اسکواڈ نے موقع پر پہنچ کرعلاقے کو گھیرے میں لے لیا۔
بم ڈسپوزل اسکواڈ نے ریلوے ٹریک پر نصب ریمورٹ کنٹرول ڈیوائس بم ناکارہ بنا کر لائن کو کلیئر قرار دیدیا، سول ڈیفنس ذرائع کے مطابق ریلوے ٹریک پر نصب کیا جانے والے ریمورٹ کنٹرول بم پانچ سے سات کلو وزنی تھا۔
ٹریک پر نصب بم ناکارہ بنانے کے بعد ممکنہ خدشے کے پیش نظر ریلوے لائن پر بم ڈسپوزل اسکواڈ کی جانب سے مزید سویپنگ بھی کی گئی۔
متحدہ قومی موومنٹ کی رابطہ کمیٹی نے راجن پور میں خوشحال خان خٹک ایکسپریس کے قریب بم دھماکے کی سخت ترین الفاظ میں مذمت کی ہے اور دھماکے کے نتیجے میں متعدد افراد کے جاں بحق و زخمی ہونے پر گہرے دکھ اور افسوس ااظہار کیا ہے۔
ایک بیان میں رابطہ کمیٹی نے کہاکہ کہ دہشت گردی اور بم دھماکوں کے ذریعے معصوم عوام کو خاک و خون میں نہلایاجارہا ہے اور جو سفاک دہشت گرد معصوم و بے گناہ لوگوں کی جان و مال سے کھیل رہے ہیں وہ ملک و قوم کے کھلے دشمن ہیں ۔ انہوں نے بم دھماکے میں شہیدہونے والے افراد کے سوگوار لواحقین سے دلی تعزیت وہمدردی کااظہار کرتے ہوئے دعا کی کہ اللہ تعالیٰ شہداء کو جنت الفردو س میں اعلیٰ مقام عطا فرمائے۔
لواحقین کو صبرجمیل عطا کرے اور زخمیوں کو جلد ومکمل صحت یابی عطا فرمائے، رابطہ کمیٹی نے صدر مملکت ممنو ن حسین، وزیر اعظم میاں نواز شریف اور وفاق وزیر داخلہ چورہدی نثار علی خان سے مطالبہ کیا ہے کہ وہ راجن پور میں خوشحال خان خٹک ایکسپریس کے قریب بم دھما کہ کا نوٹس لیا جائے، اس میں ملوث دہشت گردوںکے گرفتار کرکے قرار واقعی سزا دی جائے۔
راجن پور میں خوشحال خان خٹک ایکسپریس تخریب کاری کا شکار ہو گئی، راجن پور میں خوشحال خان خٹک ایکسپریس میں دھماکہ ہوا، جس کے نتیجے میں تین افراد جاں بحق اور درجنوں زخمی ہوگئے، ٹرین پشاور سے کراچی جارہی تھی، وفاقی وزیر ریلوے نے واقعے کی رپورٹ طلب کرلی۔
پشاور سے کراچی جانے والی خوشحال خان خٹک ایکسپریس کو راجن پور کے قریب دہشتگردی کا نشانہ بنایا گیا، ٹرین اپنی منزل کی جانب رواں دواں تھی کہ راجن پور کوٹلہ حسن شاہ کے قریب اچانک ہونے والے زور دار دھماکے ہوا، پوری ٹرین پٹری سے اتر گئی۔
دھماکے کے نتیجے میں پچاس سے زائد افراد زخمی ہوگئے، جاں بحق اور زخمی ہونے والوں کا تعلق خیبر پختونخوا کے مختلف شہروں سے ہے، واقعے کے بعد امدادی ٹیموں نے لاشوں اور زخمیوں کو مختلف اسپتالوں میں منتقل کیا، اسپتال میں وجود زخمیوں اور لواحقین کا کہنا ہے کہ جی ایم ریلویز انجم پرویز کے مطابق دھماکہ پٹری پر ہوا، جس سے ٹرین پٹری سے اتر گئی۔
دھماکے کے باعث لاہور سے کراچی ٹرینوں کی آمدورفت تعطل کا شکار ہوگئی، دھماکا ریمورٹ کنٹرول ڈیوائز سے کیا گیا، آر پی او ڈیرہ غازی خان کے مطابق دھماکہ ریموٹ کنٹرول ڈیوائس سے کیا گیا، ٹرین میں سوار مسافروں کو کشمور کے راستے روانہ کر دیا گیا ہے، پولیس کے مطابق جائے حادثہ کے ارد گرد کے علاقوں میں سرچ آپریشن جاری ہے۔
راجن پور انڈس ہائی وے پر ٹرک اور بس کے درمیان تصادم کے نتیجے میں دو افراد ہلاک جبکہ ایک زخمی ہوگیا۔
پولیس ذرائع کے مطابق راجن پور انڈس ہائی وے پر افضل آباد کے قریب تیز رفتار ٹرک نے بس کو ٹکر مار دی، جس کے نتیجے میں دو افراد موقع پر ہی جاں بحق ہوگئے جبکہ حادثے میں ایک شخص زخمی ہوا، جسے فوری طور پر اسپتال منتقل کردیا گیا، ریسکیو ذرائع کے مطابق بس کراچی سے پشاور جارہی تھی۔
