راجگال : خیبرایجنسی میں پاکستانی چیک پوسٹ پرسرحد پار سے دہشت گردوں کی فائرنگ کے نتیجے میں پاک فوج کے آفیسر کمانڈنگ لیفٹیننٹ ارسلان عالم شہید ہوگئے۔
تفصیلات کے مطابق وفاقی کے زیرانتظام قبائلی علاقے خیبرایجنسی میں راجگال کے علاقے میں قائم کی گئی نئی پاکستانی چیک پوسٹ پر سرحد پارسے دہشت گردوں کی فائرنگ سے پاک فوج کے آفیسر کمانڈنگ لیفٹیننٹ ارسلان عالم شہید ہوگئے۔
پاک فوج کے شعبہ تعلقات عامہ آئی ایس پی آر کے مطابق 22 سالہ پاک فوج کے آفیسر کمانڈنگ لیفٹیننٹ ارسلان عالم راجگال میں سرحدی پوسٹ پرڈیوٹی پرمامورتھے۔
پاک فوج کے آفیسر لیفٹیننٹ ارسلان عالم والدین کے اکلوتے بیٹے اور3 بہنوں کے بھائی تھے۔
آپریشن خیبر فور، سپاہی عبدالجبارشہید ، 13دہشت گرد ہلاک
یاد رہے کہ رواں برس 15 جون کو پاک فوج نے دہشت گردوں کے خاتمے کے لیے آپریشن ردالفساد کے تحت آپریشن خیبرفور کا آغاز کیا تھا جس کا مقصد سرحد پار سے دہشت گردوں کی کارروائیوں کو روکنا تھا۔
پاک فوج نے آپریشن خیبرفور مکمل کرلیا‘ آئی ایس پی آر
واضح رہے کہ گزشتہ ماہ 21 اگست کو ڈی جی آئی ایس پی آر میجر جنرل آصف غفور نے آپریشن خیبرفور کے اختتام کا اعلان کیا تھا۔
