Tag: راجہ بشارت

لاہور: وزیراعلیٰ پنجاب سردار عثمان بزدار کا کہنا ہے کہ ماضی میں ون مین شو تھا، فیصلے بغیرمشاورت کے کیے جاتے تھے۔

تفصیلات کے مطابق وزیراعلیٰ پنجاب سے صوبائی وزیر قانون وپارلیمانی امور نے ملاقات کی، راجہ بشارت نے محکمہ قانون و پارلیمانی امور کی کارکردگی سے متعلو رپورٹ وزیراعلیٰ پنجاب کو پیش کی۔

سردار عثمان بزدار نے کہا کہ ایک سال میں وہ کام کیا جو سابق حکومتیں کئی سال نہ کرسکیں، پنجاب اسمبلی نے پہلے سال ریکارڈ قانون سازی کی۔

وزیراعلیٰ پنجاب نے کہا کہ پنجاب اسمبلی نے ایک سال میں انتہائی اہمیت کے 19 بل منظور کیے، تقریباً 32 اہم بل تیاری کے مراحل میں ہیں۔

سردار عثمان بزدار نے کہا کہ محکمہ قانون و پارلیمانی امور کا نئی ویب سائٹ کا اجرا خوش آئند ہے، ماضی میں ون مین شو تھا، فیصلے بغیر مشاورت کے کیے جاتے تھے۔

حوالات میں ملزمان سے ماورائے قانون کوئی اقدام برداشت نہیں ہوگا: عثمان بزدار

یاد رہے کہ رواں ہفتے وزیراعلیٰ پنجاب نے پولیس نظام میں اصلاحات کے عمل کو تیز کرنے کی ہدایت جاری کرتے ہوئے کہا تھا کہ حوالات میں ملزمان سے ماورائے قانون کوئی اقدام برداشت نہیں ہوگا۔

عثمان بزدار کا کہنا تھا کہ سابق حکومتوں نے پولیس کے محکمے کو سیاسی مقاصد کے لیے استعمال کیا، ہم اس میں موجود خامیوں کو درست کر کے عوام دوست پولیس نظام لائیں گے۔

لاہور: وزیر قانون پنجاب راجہ بشارت نے کہا ہے کہ اہل وطن یوم سیاہ منا کر کشمیریوں سے بھر پور اظہار یکجہتی کریں۔

تفصیلات کے مطابق وزیرقانون پنجاب راجہ بشارت کا کہنا ہے کہ وزیراعظم عمران خان کا بھارتی یوم آزادی پر یوم سیاہ منانے کا فیصلہ قابل تحسین ہے۔ انہوں نے کہا کہ اہل وطن یوم سیاہ منا کر کشمیریوں سے بھر پور اظہار یکجہتی کریں۔

صوبائی وزیرقانون نے مزید کہا کہ سیکیورٹی کونسل کا فوری مسئلہ کشمیر پر نوٹس لینا پاکستان تحریک انصاف کی حکومت کی کامیابی ہے۔

مودی حکومت کی جانب سے مقبوضہ کشمیر کی خصوصی حیثیت ختم کرنے اور وادی میں قابض فوج کے مظالم کے خلاف آج 15 اگست کو بھارت کا یوم آزادی سرکاری سطح پر یوم سیاہ کے طور منایا جا رہا ہے۔

کیا دنیا مقبوضہ کشمیر میں نسل کشی خاموشی سے دیکھتی رہے گی، عمران خان

اس سے قبل وزیراعظم عمران خان کا کہنا تھا کہ مودی پہلے گجرات میں مسلمانوں کی نسل کشی کرچکا ہے، کیا دنیا مقبوضہ کشمیر میں نسل کشی خاموشی سے دیکھتی رہے گی۔

واضح رہے کہ بھارتی حکومت کی جانب سے آرٹیکل 370 اے ختم کرنے کے بعد مقبوضہ کشمیر میں گیارویں روز بھی کرفیو جاری ہے، مقبوضہ وادی کا بیرونی دنیا سے رابطہ بدستور منقطع ہے۔

مقبوضہ کشمیر میں موبائل فون، انٹرنیٹ سروس بند اور ٹی وی نشریات معطل ہیں۔ مقبوضہ وادی میں کھانے پینے کی اشیا اور دواؤں کی قلت ہے، جامع مسجد کے اطراف رکاوٹیں لگائی گئی ہیں۔

لاہور: وزیر قانون پنجاب راجہ بشارت نے کہا ہے کہ عوام نے اپوزیشن کی یوم سیاہ کی کال کو مسترد کردیا اور یوم تشکر کے بیانیے کا ساتھ دیا ہے۔

تفصیلات کے مطابق وزیر قانون پنجاب راجہ بشارت نے اپوزیشن کے یوم سیاہ پر ردعمل دیتے ہوئے کہا کہ چور بازاری اور لوٹ مار کے خاتمے کے لیے عوام نے پی ٹی آئی کو چُنا ہے۔

[bs-quote quote=”یوم سیاہ کی لاہورمیں ناکامی وزیراعظم عمران خان کے موقف کی فتح ہے” style=”style-8″ align=”left” author_name=”راجہ بشارت”][/bs-quote]

انہوں نے کہا کہ تحریک انصاف نے چوروں کے خلاف عوامی مینڈیٹ سے انصاف کیا، یوم سیاہ کی کال کو مسترد کرکے عوام نے یوم تشکر بیانیے کا ساتھ دیا ہے۔

راجہ بشارت نے کہا کہ اپوزیشن کے یوم سیاہ کی لاہورمیں ناکامی وزیراعظم عمران خان کے موقف کی فتح ہے۔

واضح رہے کہ چند روز قبل وزیر قانون پنجاب کا کہنا تھا کہ ہمیں جس مہنگائی اور معاشی بدحالی کا سامنا ہے اس کی ایک وجہ سابقہ حکمرانوں کی غضب ناک کرپشن ہے۔

راجہ بشارت کا کہنا تھا کہ اپوزیشن اپنا تعمیری کردار ادا نہیں کررہی ماسوائے غیراخلاقی نعرے بازی اور ہلڑ بازی کے جو کہ پالریمانی روایات کے خلاف ہے۔

ان کا کہنا تھا کہ اپوزیشن نے ایک خاندان کی کرپشن کا دفاع کرتے کرتے پورے ملک کو یرغمال بنالیا ہے اورعدلیہ، ججز سمیت کسی ادارے کو نہیں بخشا، جس کے انتہائی نتائج خطرناک نکلیں گے اور قوم مزید مشکلات کی شکار ہوجائے گی۔

لاہور: پنجاب کے وزیرِ قانون راجا بشارت نے پاکستان مسلم لیگ ن کے رہنما حمزہ شہباز کی پبلک اکاؤنٹس کمیٹی کی چیئرمین شپ پر تحفظات کا اظہار کر دیا۔

تفصیلات کے مطابق لاہور میں پنجاب کے وزیر قانون راجا بشارت نے میڈیا سے گفتگو کرتے ہوئے کہا ’حمزہ شہباز کی پی اے سی چیئرمین شپ پر تحفظات ہیں۔‘

وزیر قانون پنجاب کا کہنا تھا کہ حمزہ شہباز پر مختلف مقدمات چل رہے ہیں، پی اے سی کے سلسلے میں اپوزیشن سے مذاکرات بھی چل رہے ہیں، تاہم مونس الہیٰ ن لیگ سے ملاقاتوں کی تردید کر چکے ہیں۔

راجا بشارت نے کہا کہ پرویز الہیٰ نے بھی پی ٹی آئی کی قیادت پر اعتماد کا اظہار کیا ہے، حمزہ شہباز پر مقدمات ہیں، پی اے سی چیئرمین شپ کیسے دی جائے۔

یہ بھی پڑھیں:  میں نے جو بھی کیا پاکستان اور ٹیکس قوانین کے مطابق کیا: حمزہ شہباز

انھوں نے پنجاب میں بیوروکریسی میں تبادلوں کے سوال پر کہا کہ آئی جی پنجاب اور بیورو کریسی میں تبادلوں کا اختیار وزیر اعلیٰ کے پاس ہے، بیورو کریسی پاکستان کی ہے کسی جماعت کی نہیں، اس کی وفاداری ریاست کے ساتھ ہوتی ہے۔

خیال رہے کہ آج آمدن سے زائد اثاثہ جات کیس میں نیب میں پیشی کے بعد میڈیا سے گفتگو کرتے ہوئے حمزہ شہباز نے کہا ’2005 سے 2008 تک مجھے ٹی ٹی کے ذریعے پیسا آیا ہے، اس دور میں میں عوامی نمائندہ نہیں تھا، پبلک آفس ہولڈر نہیں تھا تو کس بات کی کرپشن اور منی لانڈرنگ کی۔‘

انھوں نے کہا ’ایک طرف فواد چوہدری اور شہزاد اکبر 85 ارب کی بات کرتے ہیں، وزارت داخلہ نے 33 ارب کی کرپشن کا الزام لگایا، جب کہ نیب نے مجھ سے صرف 18 کروڑ کا سوال کیا ہے۔‘