Tag: راجہ فاروق حیدر

اسلام آباد: وزیراعظم آزاد کشمیر راجہ فاروق حیدر نے کہا ہے کہ کشمیریوں نے اپنا مستقبل پاکستان سے وابستہ کر رکھا ہے۔

تفصیلات کے مطابق اسلام آباد میں تقریب سے خطاب میں وزیراعظم آزاد کشمیر فاروق حیدر کا کہنا تھا کہ کشمیریوں نے اپنا مستقبل پاکستان سے وابستہ کر رکھا ہے،حکومت کو مسئلہ کشمیر بارے تجاویز ارسال کر دی ہیں۔

راجہ فاروق حیدر کا کہنا تھا کہ کشمیری عالمی سطح پر اپنا مقدمہ پیش کر سکتے ہیں، آزاد کشمیر حکومت، حریت کانفرنس کو اپنا مقدمہ لڑنے کی اجازت دی جائے۔

وزیراعظم آزاد کشمیر نے کہا کہ کشمیر سے آنے والے دریاوں کا پانی پاکستان کے لیے لائف لائن ہے، بھارت سوچے سمجھے منصوبے کے تحت پاکستان کی لائف لائن پر وار کر رہا ہے۔

انہوں نے کہا کہ مظلوم کشمیری پاکستان اور مسلم امہ کی جانب دیکھ رہے ہیں، مسلم امہ کشمیریوں کو مایوس نہ کرے۔

تقریب سے خطاب میں سابق صدر آزاد کشمیر سردار یعقوب خان کا کہنا تھا کہ بھارتی فورسز کشمیری نوجوانوں کو ماورائے عدالت قتل اور املاک کو تباہ کر رہی ہیں۔

انہوں نے کہا کہ اقوام متحدہ اور عالمی برادری انسانی حقوق کی خلاف ورزیاں رکوانے اور کشمیریوں کو حق خودارادیت دلوانے کے لیے اپنا کردار ادا کرے۔

مظفرآباد: وزیراعظم آزاد کشمیر راجہ فاروق حیدر نے کہا ہے کہ تحریک آزادی کے لیے دی گئی قربانیاں کشمیری قوم کااثاثہ ہیں، کشمیری شہدا کی قربانیوں کو رائیگاں نہیں جانے دیں گے۔

تفصیلات کے مطابق وزیراعظم آزاد کشمیر راجہ فاروق حیدر کا حریت رہنماؤں کو خراج عقیدت کرتے ہوئے کہنا تھا کہ شہدا کشمیر کا مشن ہرصورت میں پورا کیا جائے گا، حریت رہنماؤں نے بھارتی فوج کے مظالم کے خلاف آواز اٹھائی۔

انہوں نے کہا کہ قابض فوج منصوبہ بندی سے کشمیریوں کی املاک تباہ کررہی ہے، شہدا کشمیر سے تحریک آزادی فیصلہ کن مرحلے میں داخل ہوچکی ہے، خواجہ عبدالغنی لون شہید منجھے ہوے سیاستدان ومفکر تھے۔

مقبوضہ کشمیر ، بھارتی فورسز نے حزب المجاہدین کے کمانڈر ریاض نائیکو کوشہید کردیا

راجہ فاروق حیدر کا کہنا تھا کہ میرواعظ محمد فاروق عالم دین اور شعلہ بیاں مقرر تھے، کشمیری قوم کی قربانیاں جلد رنگ لائیں گی، بھارت مظلوموں کی آواز نہیں دبا سکتا۔

خیال رہے کہ رمضان المبارک میں بھی وادی میں قابض بھارتی فوج کی جانب سے مظالم کا سلسلہ جاری ہے، نام نہاد آپریشن کے نام پر نہتے مظلوم کشمیروں کو شہید کیا جارہا ہے۔ حالیہ دنوں مقبوضہ کشمیر میں بھارتی فورسز نے کشمیری کمانڈر ریاض نائیکو کو شہید کیا، ریاض نائیکو کو برہان وانی کی شہادت کے بعد کمانڈر مقرر کیا گیا تھا۔

مظفر آباد: وزیراعظم آزاد کشمیر راجہ فاروق حیدر کا کہنا ہے کہ آزاد کشمیر اور مقبوضہ کشمیر کے عوام پاکستان کے ساتھ کھڑے ہیں۔

تفصیلات کے مطابق وزیراعظم آزاد کشمیر راجہ فاروق حیدر نے چمبہ گلی میں جلسے سے خطاب کرتے ہوئے کہا کہ بھارتی فوج کی فائرنگ سے بچے،عورتیں، بزرگ نشانہ بنے۔

راجہ فاروق حیدر کا کہنا تھا کہ آج مقبوضہ کشمیرمیں ہماری بہنوں کی آبرو خطرے میں ہے، دہلی میں جو کچھ ہوا دنیا نے بھارت کا اصل چہرہ دیکھ لیا ہے، دہلی میں جومسلمانوں کے ساتھ ہوا وہ مقبوضہ کشمیر کا تسلسل تھا۔

وزیراعظم آزاد کشمیر کا کہنا تھا کہ آزاد کشمیر اور مقبوضہ کشمیر کے عوام پاکستان کے ساتھ کھڑے ہیں، پاک فوج کامقابلہ بزدل بھارتی فوج نہیں کرسکتی، پاک فوج کے ساتھ مل کر آزاد کشمیر کے عوام بھارتی عزائم ناکام بنائیں گے۔

بھارتی فوج کی ایل او سی پر بلا اشتعال فائرنگ سے شہری شہید

پاک فوج کے شعبہ تعلقات عامہ کے مطابق گزشتہ ماہ بھارتی فوج کی جانب سے ایل او سی کی خلاف ورزی کرتے ہوئے چری کوٹ سیکٹر پر بلااشتعال فائرنگ کے نتیجے میں شہری میر محمد شہید اور خاتون زخمی ہوگئی تھی۔

مظفرآباد: وزیراعظم آزاد کشمیر راجہ فاروق حیدر نے برفباری سے متاثرہ علاقوں کو آفت زدہ قرار دینے کی منظوری دے دی۔

تفصیلات کے مطابق آزاد کشمیر کے وزیراعظم راجہ فاروق حیدر نے برفباری سے متاثرہ علاقوں کو آفت زدہ قرار دے دیا۔ ضلع نیلم، وادی لیپہ اور ضلع حویلی کے علاقے بھیڈی کو آفت زدہ قرار دیا گیا۔

قدرتی آفات ایکٹ 1976 کے تحت کمشنر مظفرآباد کو ریلیف کمشنر مقرر کرنے کی منظوری دے دی گئی۔ راجہ فاروق حیدر نے کہا کہ امدادی کاروائیوں کی منصوبہ بندی موسمی حالات مدنظر رکھ کر کی جائے، شدید برفباری سے لیپہ ویلی اور بھیڈی کا زمینی رابطہ منقطع ہے۔

واضح رہے کہ آزاد کشمیر میں حالیہ برفباری کے باعث برفانی تودوں سے متاثرہ وادی نیلم میں 20 سے 24 جنوری تک مزید برفباری کا امکان ہے، آزاد کشمیر میں بارش اور برفباری کا نیا الرٹ جاری کر دیا گیا۔

وادی نیلم کے متاثرہ علاقوں میں برفباری کے دوران لینڈ سلائیڈنگ اور برفانی تودے گرنے کا خدشہ ہے، جاری الرٹ میں کہا گیا ہے کہ مقامی انتظامیہ جانی نقصان سے پچنے کے لیے آبادیوں کو محفوظ مقامات پر منتقل کرے۔

واضح رہے کہ آزاد کشمیر میں شدید برفباری کے دوران برفانی تودے گرنے سے جاں بحق افراد کی تعداد 76 ہوگئی۔

مظفرآباد: وزیراعظم آزاد کشمیر راجہ فاروق حیدر کا کہنا ہے کہ امدادی سرگرمیوں کی خود نگرانی کر رہا ہوں، برفباری کا سلسلہ ختم ہونے کے فوری بعد زمینی راستہ بحال کیا جائے گا۔

تفصیلات کے مطابق وزیراعظم آزاد کشمیر راجہ فاروق حیدر نے وادی نیلم کے متاثرہ علاقوں کا دورہ کیا، وزیراعظم آزاد کشمیر نے متاثرین سے ملاقات، امدادی سرگرمیوں کا جائزہ لیا۔

اس موقع پر راجہ فاروق حیدر کا کہنا تھا کہ حکومت، انتظامیہ، فوج مل کر آپکی بحالی میں کوئی کسر نہیں چھوڑیں گے، امدادی سرگرمیوں کی خود نگرانی کر رہا ہوں، برفباری کا سلسلہ ختم ہونے کے فوری بعد زمینی راستہ بحال کیا جائے گا۔

وزیراعظم آزاد کشمیر نے کہا کہ حکومت آپ کے دکھ میں برابرکی شریک ہے، متاثرین کی بحالی تک آپ کے ساتھ رہیں گے، روزانہ کی بنیاد پر بحالی، ریلیف کے کاموں کی رپورٹ لے رہا ہوں۔

برفانی تودے میں 18 گھنٹے تک معجزاتی طور پر لڑکی زندہ

یاد رہے کہ دو روز قبل ثمینہ نامی 12 سالہ لڑکی کو ریسکیو ٹیموں نے 18 گھنٹے بعد برفانی تودے سے زندہ نکال کر مظفرآباد کے اسپتال منتقل کیا تھا۔

آزاد کشمیر اور بلوچستان میں برفباری نے تباہی مچا دی ہے، آزاد کشمیر، گلگت بلتستان اور بلوچستان میں جاں بحق ہونے والوں کی تعداد 100 ہوگئی ہے ، برف باری سے متاثرہ علاقوں میں آپریشن جاری ہے اور پاک فوج کی ٹیمیں بھی امدادی کاموں میں مصروف ہیں۔