Tag: راجہ ناصرعباس

  • ‘بنی گالہ پر کسی بھی قسم کا ایڈونچر درحقیقت ملکی استحکام پرحملہ ہے’

    ‘بنی گالہ پر کسی بھی قسم کا ایڈونچر درحقیقت ملکی استحکام پرحملہ ہے’

    اسلام آباد : چیئرمین مجلس وحدت مسلمین راجہ ناصرعباس کا کہنا ہے کہ بنی گالہ پر کسی بھی قسم کا ایڈونچر درحقیقت ملکی استحکام پرحملہ ہے۔

    تفصیلات کے مطابق چیئرمین مجلس وحدت مسلمین راجہ ناصرعباس نے عمران خان کی گرفتاری کی خبروں پر سماجی رابطے کی ویب سائٹ ٹوئٹر پر اپنے بیان میں کہا بنی گالہ پرکسی بھی قسم کاایڈونچردرحقیقت ملکی استحکام پرحملہ ہے۔

    راجہ ناصرعباس کا کہنا تھا کہ غیورعوام ایسے کسی بھی ایڈونچر کو کامیاب نہیں ہونے دیں گے، چند مربع کلومیٹر پر محدود حکومت ملک کو عدم استحکام کا شکار کرنا چاہتی ہے۔

    خیال رہے سوشل میڈیا پر عمران خان کی گرفتاری کی خبروں کے بعد پی ٹی آئی کے کارکنوں کی بڑی تعداد بنی گالہ کے باہر رات گئے جمع ہوگئی تھی۔

    اسد عمر، مراد سعید سمیت تحریک انصاف کی قیادت بھی بنی گالہ پہنچے جبکہ لاہور کے لبرٹی چوک پر بھی پی ٹی آئی کارکنان بڑی تعداد جمع ہوئی۔

    کراچی میں شارع فیصل پرنرسری کے قریب پی ٹی آئی کارکنان نے احتجاج کیا۔۔ گوجرانوالہ، فیصل آباد، ملتان، رحیم یار خان، اوکاڑہ، سیالکوٹ، بھاولپور، صادق آباد، حافظ آباد اور ساہیوال میں بھی کارکن سڑکوں پرنکل آئے۔

    پی ٹی آئی کارکنوں کےعمران خان اور اے آر وائی نیوز کے حق میں نعرے لگائے۔

  • تحقیقاتی کمیشن کے ٹی او آرز کے ذریعے انصاف ممکن نہیں، راجہ ناصرعباس

    تحقیقاتی کمیشن کے ٹی او آرز کے ذریعے انصاف ممکن نہیں، راجہ ناصرعباس

    کراچی : مجلس وحدت مسلمین کے سربراہ علامہ راجہ ناصرعباس نے کہا ہے کہ پانامہ لیکس پر تحقیقاتی کمیشن کیلئے حکومتی ٹی او آرز کے ذریعے سات نسلوں تک بھی انصاف نہیں مل سکے گا۔

    لاہور میں صوبائی شورٰی کے انتخاب کے بعد میڈیا سے گفتگو کرتے ہوئے مجلس وحدت مسلمین کے سربراہ علامہ راجہ ناصر عباس کا کہنا تھا کہ عوام پانامہ لیکس کے حوالے سے تحقیقاتی کمیشن کیلئے حکومتی ٹی او آرز کو مسترد کرتے ہیں۔

    انہوں نے کہا کہ اپوزیشن کو اعتماد میں لئے بغیر ٹی او آرز بنائے گئے تو حالات کی ذمہ داری حکومت پر عائد ہو گی۔

    علامہ راجہ ناصرعباس کا کہنا تھا کہ موجودہ ٹی او آرز کے ذریعے سات نسلوں تک بھی انصاف نہیں مل سکے گا، وزیراعظم اپنے اخلاقی اور سیاسی دیوالیہ پن کے باعث حق حکمرانی کھو چکے ہیں۔

    اس موقع پر علامہ اصغر عسکری کو مجلس وحدت مسلمین پنجاب کا جنرل سیکرٹری منتخب کیا گیا۔