Tag: راحیل شریف

اسلام آباد: وفاقی وزیرِ دفاع خواجہ آصف نے کہا ہے کہ حکومت نے جنرل (ریٹائرڈ) راحیل شریف کو ابھی این او سی جاری نہیں کیا۔

وفاقی وزیر دفاع نے یہ بات ایک نجی ٹی وی چینل کے پروگرام میں کہی۔ انہوں نے کہا کہ جنرل ریٹائرڈ راحیل شریف کے این او سی کا پروسیس جا ری ہے جس کی تکمیل پر این او سی جاری کیا جائے گا۔

خواجہ آصف نے کہا کہ سعودی عرب نے سابق آرمی چیف راحیل شریف کی خدمات مانگی تھیں تو ہم نے رضامندی ظاہر کی تھی تاہم ابھی تک حکومت نے جنرل (ر) راحیل شریف کواین اوسی نہیں دیا کیوں کہ وہ انڈر پروسس ہے۔

واضح رہے کہ سعودی عرب میں 39 ممالک کا عسکری اتحاد تشکیل پارہا ہے جس کی سربراہی کے لیے پاکستان کے سابق آرمی چیف راحیل شریف کو چنا گیا ہے تاہم اس کے لیے حکومت کی جانب سے این او سی کا اجرا بھی ضروری ہے۔

یہ پڑھیں: سعودی عسکری اتحاد: حکومت نے راحیل شریف کو این او سی جاری کردیا

 خیال رہے کہ کچھ دنوں قبل نجی ٹیلی ویژن کے ٹاک شو میں دوران گفتگو وزیر دفاع خواجہ آصف کا کہنا تھا کہ حکومت کو راحیل شریف کے اتحادی فوج کے سربراہ بننے پر کوئی اعتراض نہیں اور اس کے لیے این او سی بھی دے دیا ہے جس پر تحریک انصاف نے اس کی مخالفت کرتے ہوئے اس معاملے کو پارلیمنٹ میں لانے کا اعلان کیا تھا۔

آج ہی گورنر سندھ زبیر عمر نے کہا ہے کہ جنرل راحیل شریف ایک عام جنرل تھے، کراچی میں امن کا سہرا وزیراعظم کے سر ہے۔

یہ بھی پڑھیں: راحیل شریف ایک عام جنرل تھے، گورنر سندھ

راولپنڈی: پاک فوج کے شعبہ تعلقات عامہ کا کہنا ہے کہ سابق آرمی چیف کو زرعی اراضی آئینی طریقہ کار کے تحت دی گئی، اس ضمن میں کی جانے والی قیاس آرائیاں ادارے کی کردار کشی کے مترادف ہیں۔

آئی ایس پی آر کی جانب سے جاری کردہ اعلامیے میں کہا گیا ہے کہ سابق آرمی چیف کو زرعی اراضی کی الاٹمنٹ سرکاری و فوجی قوانین کے مطابق دی گئی، اس موضوع پر کی جانے والی بحت پاک فوج کی کردارکشی کے مترادف ہے۔

پاک فوج کی جانب سے جاری اعلامیے میں کہا گیا ہے کہ الاٹمنٹ کے حوالے سے بحث و مباحثہ اور رویہ اداروں کی موجودہ ہم آہنگی کے لیے خطرناک ثابت ہوسکتاہے اور یہ فعل فوج کو بدنام کرنے سمیت ریاستی اداروں میں بد اعتمادی کا موجب بن سکتی ہے۔

آئی ایس آر نے سابق آرمی چیف کو اراضی دینے کی تصدیق کرتے ہوئے کہا کہ ’’فوجی افسران، جوانوں کو زرعی زمین آئینی طریقہ کار کے تحت دی جاتی ہے تاہم سابق آرمی چیف کی الاٹمنٹ کے حوالے سے کی جانے والی قیاس آرائیاں اداروں میں غلط فہمیاں پیدا کرنے کی کوشش ہے‘‘۔

خیال رہے کہ راحیل شریف کی مدتِ ملازمت گزشتہ سال 29 نومبر کو مکمل ہوگئی تھی جس کے بعد وزیراعظم کی جانب سے نامزد کردہ نئے آرمی چیف جنرل قمر باجوہ نے فوج کی باگ ڈور سنبھالی۔

سابق آرمی چیف کی اراضی الاٹمنٹ کے حوالے سے خبریں گردش تھی اور اس پر طرح طرح کے تبصرے بھی کیے جارہے تھے تاہم اب آئی ایس پی آر کی جانب سے راحیل شریف کو اراضی دینے کی باقاعدہ تصدیق کردی گئی ہے۔