راولپنڈی: آرمی چیف جنرل راحیل شریف دو روزہ دورے پر بہاولپور پہنچ گئے۔
آئی ایس پی آر کے مطابق آرمی چیف جنرل راحیل شریف چولستان میں جنگی مشقوں کاجائزہ لیں گے۔ سپہ سالار فیلڈ ایریا میں فوجی جوانوں کے ساتھ رات بھی گزاریں گے۔
ترجمان کا کہنا ہے کہ چولستان میں قیام کے بعد آرمی چیف ملتان کا بھی دورہ کریں گے۔
راولپنڈی: افغانستان میں امریکی فوج کے کمانڈر جنرل جان کیبمل نے راولپنڈی میں آرمی چیف جنرل راحیل شریف سے الوادعی ملاقات کی۔
آئی ایس پی آر کے مطابق جنرل جان کیبمل اور جنرل راحیل شریف کے درمیان ملاقات جنرل ہیڈ کوارٹرزراولپنڈی میں ہوئی۔ ملاقات میں افغان امن عمل کو جاری رکھنے کے بارے میں آئدہ کے لائحہ عمل پر تبادلہ خیال کیا گیا۔
جنرل کیمبل نے آپریشن ضرب عضب میں پاک فوج کی کامیابیوں کو سراہا، انہوں نے کہا کہ خطے میں امن کیلئے پاک فوج کا کردار نہایت اہم ہے۔ ملاقات کے بعد جنرل کیمبل نے یادگار شہدا پر پھول چڑھائے۔
تہران : سعودیہ ایران کشیدگی کے خاتمے کیلئے وزیراعظم نوازشریف اور آرمی چیف جنرل راحیل شریف مصالحتی مشن پر ہیں۔ پاکستان کی اعلٰی قیادت سعودی عرب کے بعد ایران پہنچ گئی۔
تہران پہنچنے پر وزیراعظم نوازشریف اور آرمی چیف جنرل راحیل شریف کا استقبال ایران کے وزیردفاع حسین دہگان نے پرتپاک انداز میں کیا۔
اس موقع پر میڈیا سے گفتگو کرتے ہوئے ایران کے وزیردفاع کا کہنا تھا کہ خطے کے استحکام کے لئے پاکستان کے کردار کا خیرمقدم کرتے ہیں، انہوں نے کہا کہ وزیراعظم نوازشریف کا دورہ ایران بہت اہمیت کا حامل ہے.
بعد ازاں ایرانی صدر حسن روحانی سے وزیراعظم نوازشریف کی ملاقات کے موقع پر سعودیہ کے ساتھ کشیدگی کے حوالےسے اہم بات چیت ہوئی, اس موقع پر آرمی چیف جنرل راحیل شریف معاون خصوصی طارق فاطمی بھی موجود تھے۔
ملاقات میں وزیر اعظم نواز شریف نے مسلم امہ کے اتحاد اور خطے کے استحکام کی ضرورت پر زور دیا۔ ثالث کامرکزی کردار نبھانےوالے پاکستان کےمصالحتی مشن میں عالمی طاقت چین بھی شامل ہوگیا۔
چینی قیادت سعودی عرب کےبعدآج ایران پہنچ رہی ہے۔ واضح رہے کہ پاکستانی سیاسی اور عسکری قیادت کے سربراہان نےمشن کے پہلےمرحلے میں سعودی حکام کوراضی کرلیا ہے کہ اختلافات کاحل مذاکرات کےذریعے کیا جائے گا.
ریاض میں سعودی فرمانروا شاہ سلمان بن عبدالعزیزسے ملاقات کے بعد مشترکہ اعلامیہ میں کہا گیا کہ معاملات مذاکرات سے حل کرنا اولین ترجیح ہے۔
عرب و عجم کو قریب لانےکیلئے پاکستان کے قائدانہ کردار کو خلیجی ریاستوں سمیت ایشیاء اور دنیا بھر میں قدر کی نگاہ سے دیکھا جارہاہے۔
ریاض : وزیراعظم نواز شریف کی شاہی محل میں سعودی فرمانروا سلمان بن عبدالعزیز سے ملاقات کی، آرمی چیف جنرل راحیل شریف اور طارق فاطمی بھی ملاقات میں شریک تھے۔
تفصیلات کے مطابق پاکستانی قیادت ایران سعودی عرب کشیدگی ختم کرانے کے لئے سرگرم ہوگئی، سعودی عرب کے دارالحکومت ریاض کے کنگ سلمان ایئر بیس پہنچنے پر ریاض کے گورنر نے ان کا پرتپاک استقبال کیا۔
بعد ازاں نواز شریف نے سعودی فرما روا شاہ سلمان بن عبدالعزیز سے ملاقات کی،ملاقات کے دوران خطے کی صورت حال اور باہمی دلچسپی کے دیگر امور پر تبادلہ خیال کیا گیا۔
آرمی چیف جنرل راحیل شریف نے مشرق وسطیٰ کی صورتحال پر پاکستان کا مؤقف پیش کیا اور سعودی عرب اور ایران کے درمیان رابطے بڑھانے کی ضرورت پر زور دیا۔ان کا کہنا تھا کہ مشرق وسطیٰ کی موجودہ صورتحال کے باعث امت مسلمہ کمزور ہو رہی ہے۔
آئی ایس پی آر کی جانب سے جاری بیان کے مطابق آرمی چیف جنرل راحیل شریف نے ریاض میں سعودی عرب کے وزیر دفاع شہزادہ محمد بن سلمان سے بھی ملاقات کی ہے.
جہلم: پاک فوج کے سربراہ آرمی چیف جنرل راحیل شریف نے کہا ہے کہ اگر سعودی عرب کی جغرافیائی اور نظریاتی سالمیت کو خطرات لاحق ہوئے تو پاکستان سعودی عرب کے ساتھ کھڑا ہو گا اور سخت رد عمل کا اظہار کرے گا۔
جہلم کے قریب پبی میں پاکستان اور سعودی عرب کی اسپیشنل فورسز کی مشترکہ جنگی مشقوں کی اختتامی تقریب سے خطاب کرتے ہوئے آرمی چیف نے کہا کہ الشہاب کے عنوان سے جاری یہ جنگی مشقیں انسداد دہشتگردی کے پہلو کو مدنظر رکھتے ہوئے کی گئیں ہیں ،جس میں دونوں ممالک کے جوانوں نے انسداد دہشتگردی سے متعلق اسپیشک آپریشن بشمول ایئرڈراپنگ اور ہیلی لفٹنگ کے آپریشنز شامل تھے۔
آرمی چیف نے کہا کہ دونوں ملکوں کے درمیان گہرے تاریخی اور مضبوط تعلقات ہیں اور ان مشقوں کے نتیجے میں دونوں ممالک کو دہشتگردی کے خاتمے سے نمٹنےکی صلاحیتوں میں مزید اضافہ ہو گا۔
اختتامی تقریب میں سعودی اسپیشل فورسز کے کمانڈر جنرل مفلح بن سلیم العتیبی کی سربراہی میں چھ رکنی وفد نےخصوصی شرکت کی۔
راولپنڈی : آرمی چیف راحیل شریف نے کہا ہے کہ سیلاب سے متاثرہ علاقوں میں پاک فوج کا امدادی آپریشن صورتحال معمول پر آنے تک جاری رہے گا۔
آرمی چیف جنرل راحیل شریف نے چترال کے سیلاب زدہ علاقوں کا دورہ کیا ، اس موقع پر انہیں ملٹری کمانڈرز ،ایف ڈبلیو او، فرنٹئیر کور کی خدمات اور ان کو چترال میں جاری کارروائیوں سے آگاہ کیا گیا۔
آرمی چیف نے متاثرین کے ساتھ کچھ وقت گزارااور ان کو بروقت اور بھر پور امداد کی یقین دہانی کرائی ۔
آرمی چیف نے امدادی کارروائیوں کی تعریف کرتے ہوئے ایف ڈبلیو او کو ہدایت کی کہ وہ چترال کے زمینی راستوں کو ملک کے دیگر حصوں کے ساتھ بحال رکھیں۔
راولپنڈی : پاک آسٹریلیا آرمی کرکٹ سیریز پاکستان آرمی نے جیت لی۔ دوسرے میچ میں پاکستان آرمی نے آسٹریلیا آرمی کو سات وکٹ سے ہرادیا۔
آرمی چیف جنرل راحیل شریف مہمان خصوصی تھے۔ راولپنڈی کے آرمی کرکٹ اسٹیڈیم میں کھیلے گئے میچ میں آسٹریلیا آرمی ٹیم نے پہلے بیٹنگ کرتے ہوئے ایک سو تینتس رنز بنائے۔
مطلوبہ ہدف پاکستان آرمی نے باآسانی تین وکٹ پر حاصل کرکے آرمی کرکٹ سیریز اپنے نام کرلی۔ آرمی چیف جنرل راحیل شریف مہمان خصوصی تھے۔ آرمی چیف نے میچ کے اختتام پر کھلاڑیوں میں انعامات تقسیم کئے۔
کراچی: وزیراعظم نواز شریف سے آرمی چیف جنرل راحیل شریف نے ملاقات کی ہے،ملاقات میں کراچی آپریشن اور قومی ایکشن پلان پر تفصیلی تبادلہ خیال کیا گیا ۔
وزیراعظم ہاوس میں ہو نے والی اس ملاقات میں آپریشن ضرب عضب آئی ڈی پیز کی بحالی ،مغربی سرحد پر ایف سی کی اضافی نفری کی تعیناتی اور کراچی اپریشن میں پیش رفت اور قومی ایکشن پلان پر عمل درآمد کا جائزہ لیا گیا۔
اس سے پہلے وزیر اعظم سے مختلف اراکین اسمبلی نے بھی ملاقات کی، وزیر اعظم کا اس موقع پر کہنا تھا کراچی میں آپریشن شروع کرنےسےقبل تمام سیاسی جماعتوں کواعتمادمیں لیاگیا تھا۔ پاکستان کےمعاشی حب کراچی کو پرامن بناناملکی مفادمیں ہے ۔
ان کا کہنا تھا غیرقانوی ہتھیاررکھنےکاکسی کےپاس کوئی جواز نہیں،سنگین جرائم میں ملوث ملزمان کوکٹہرےمیں لایاجائےگا۔
نوشہرہ: پاک فوج کے سربراہ جنرل راحیل شریف نے ایک بار پھر اس عزم کا اعادہ کیا ہے کہ پاکستان سے ہر قسم کی دہشتگردی کا خاتمہ یقینی بنایا جائے گا۔
آرمی چیف جنرل راحیل شریف پبی کی پہاڑیوں پر قائم کردہ قومی انسداد دہشت گردی کے تربیتی مرکز میں خصوصی تربیت حاصل کرنے والے پانچ سو اہلکاروں کے پہلے بیج کی تقریب میں مہمان خصوصی تھے، جس میں صوبائی پولیس کے دو سو ،ایف سی رینجرز ،ایس پی ڈی اور اے این ایف کے دو سو اہلکاروں سمیت فضائیہ اور بحریہ کے سو سابق اہلکار شامل ہیں۔
#COAS:We have resolved to cleanse Pak from all kinds of terrorism.Lets join hands,Ops must continue fearlessly-6 pic.twitter.com/UzRBRhBxOu
— AsimBajwaISPR (@AsimBajwaISPR) March 18, 2015
اس موقع پر خطاب کرتے ہوئے آرمی چیف جنرل راحیل شریف نے کہا کہ پاک فوج دہشت گردی کے خاتمے کیلئے موثر انداز میں قانون نافذ کرنے والے اداروں کے اہلکاروں کی تربیت کررہی ہے تاکہ دہشت گردوں کا پیچھا کرکے ان کا خاتمہ کیا جاسکے۔
#COAS at newly established National Ctr Terrorism Trg Centre Pabbi Hills:1st batch of mixed LEAs trained by Army-1/6 pic.twitter.com/nURCfYlvIh
— AsimBajwaISPR (@AsimBajwaISPR) March 18, 2015
آرمی چیف نے زور دیا کہ تربیت کے ساتھ ساتھ موئثر انٹلیجنس میکنزم بھی ضروری ہے تاکہ دہشتگردی کے واقعات کو رونما ہونے سے پہلے روکا جاسکے، اس سلسلے میں ابہام مشتبہ عناصر کی نشاندہی کرے۔
Snr mil,police Ldrship,home secys provinces present.#COAS impressed.Such Trg to rid Pak of terrorism-3/6 pic.twitter.com/B4IZPCs2fz
— AsimBajwaISPR (@AsimBajwaISPR) March 18, 2015
انہوں نے کہا کہ آئیں سب ملکر بلاخوف و خطر اس سلسلے میں اپنا کردار ادا کریں، جنر ل راحیل شریف نے کہا ہے کہ دہشگرد شہروں میں ہوں یا دور دراز علاقوں میں انہیں دھونڈ نکالیں گے، دہشتگردی کے خاتمے کا تہیہ کر رکھا ہے ۔
#COAS:Batch of 500 completes anti terror trg.200 police,elite from provinces,200 FC/Rangers,SPD,ANF,100 ex PAF,PN-2/6 pic.twitter.com/NrpQmMRU6M — AsimBajwaISPR (@AsimBajwaISPR) March 18, 2015
اس موقع پر آرمی چیف کو بریفنگ دیتے ہوئے بتایا گیا کہ دہشتگردی کے خلاف لڑنے کیلئے پاک فوج نے پانچ سو جوانو ں پر مشتمل دستے کو تربیت دی ہے، تربیت حاصل کرنے والے دو سو اہلکاروں کا تعلق مختلف صوبوں کی پولیس سے جبکہ ایف اسی اے این ایف اور رینجرز کے دو سو اور بحریہ اور فضائیہ کے سو جوان شامل ہیں ۔
راولپنڈی: جنرل راحیل شریف نے کہا ہے کہ پوری قوم مادر وطن کے دفاع کے لیے متحد ہو ہے۔ ہر قسم کی اشتعال انگیزی کا منہ توڑ جواب دیا جائے گا ۔
پاک فوج کے سربراہ جنرل راحیل شریف نے سیالکوٹ ورکنگ باوٴنڈری کا دورہ کیا جہاں پر انہیں ورکنگ باوٴ نڈ ری اور لائن آف کنٹرول کی مجموعی صورتحال بالخصوص بھارت کی جانب سے کی گئی سیز فائر کی خلاف ورزیوں سے آگا ہ کیا گیا۔
اس موقع پر خطاب کرتے ہوئے آرمی چیف نے کہا کہ بھارت کی جانب سے لائن آف کنٹرول اور ورکنگ باوٴنڈری پر بار بار سیز فائر کی خلاف ورزیوں سے دہشت گردی کے خلاف پاکستان کی کوششیں متاثر ہورہی ہیں اور خطے میں عدم استحکام کی صورتحال برقرار ہے۔
انہوں نے واضح کیا کہ ہر قسم کی اشتعال انگیزی کا منہ توڑ جواب دیا جائے گا اور اس سلسلے میں کوئی کسر نہیں اٹھا رکھی جائے گی۔
جنرل راحیل شریف نے علاقے کے لوگوں کے ساتھ اظہار یکجہتی کرتے ہوئے کہا کہ پوری قوم مادر وطن کے دفاع کے لیے متحد ہو ہے، انہوں نے وہاں پر تعینات سیکورٹی اہلکاروں اور مقامی آبادی سے ملاقات کی اور ان کے حوصلے اور جذبے کو سراہا۔