اننت امبانی اور رادھیکا مرچنٹ کی شادی کی تقریبات میں جہاں بین الاقوامی سطح پر مشہور شخصیات نے شرکت کی وہیں بھارتی وزیراعظم نریندر مودی نے بھی ان کے ’شبھ آشیرواد‘ کی تقریب میں شرکت کی۔
ایشیا کے امیر ترین بھارتی تاجر مکیش امبانی کے بیٹے اننت امبانی اور رادھیکا مرچنٹ 12 جولائی کو شادی کے بندھن میں بندھ گئے، جبکہ گزشتہ روز شبھ آشیرواد کی تقریب منعقد ہوئی جس میں حسب معمول بالی ووڈ سے تعلق رکھنے والے ستاروں، سیاستدانوں اور اہم شخصیات نے شرکت کی۔
View this post on Instagram
جبکہ دونوں کی شادی شادی کی اس تقریب میں کئی غیر ملکی اہم شخصیات نے شرکت کی تھی جس میں سابق برطانوی وزرائے اعظم ٹونی بلیئر، بورس جانسن، سام سنگ کے سربراہ، فیفا کے صدر، معروف ریسلر اور اداکار جان سینا اور کارڈیشیئن سسٹرز شامل ہیں۔
View this post on Instagram
تاہم گزشتہ روز کی تقریب کی ویڈیو سوشل میڈیا پر وائرل ہورہی ہے جس میں نریندر مودی نوبیہاتا جوڑے کو آشیرباد دے رہے ہیں اور امبانی خاندان کے اراکین سے ملاقات کررہے۔
ویڈیو میں دیکھا جاسکتا ہے کہ بھارتی وزیر اعظم نے اسٹیج پر موجود ہیں اور انہوں نے جوڑے کو تحفے سے بھی نوازا۔
خیال رہے کہ مکیشن امبانی کے سب سے چھوٹے بیٹے 12 جولائی کو رشتہ ازدواج میں منسلک ہوئے تھے، کئی ماہ تک پری ویڈنگ فنکشنز جاری رہنے کے بعد اب ان کی شادی کے بعد کی تقریبات کا سلسلہ جاری ہے۔
