Tag: راشد المکتوم

دبئی : متحدہ عرب مارات کا پاسپورٹ خلیجی ممالک میں سب سے زیادہ ویزہ فری سفری سہولیات مہیا کرنے والا پاسپورٹ بن گیا ہے جب کہ رواں سال دنیا بھر میں تیزی سے ترقی کرنے والا پاسپورٹ بھی یو اے ای کا ہی ہے۔

تفصیلات کے مطابق دنیا بھر میں متحدہ عرب امارات کے پاسپورٹ نے تیزی سے ترقی کرتے ہوئے گزشتہ دس برس کی نسبت اس سال کے آغاز ہی میں 33 ویں نمبر پر آگیا ہے جب کہ گزشتہ سال کے اختتام پر اس کا نمبر 23 واں تھا۔

بین الااقوامی خبر رساں ایجنسی کے مطابق دنیا بھر میں سب پہلے نمبر پر جرمنی کا پاسپورٹ براجمان ہے جس کے تحت وہاں کے شہری 177 ممالک میں بغیر ویزے کے سفر کرسکتے ہیں اسی طرح دوسرے نمبر پر آنے والے سنگاپور پاسپورٹ کے ذریعے 176 ممالک میں بغیر ویزے کے سفر کیا جاسکتا ہے.

خیال رہے رواں سال کے آغاز ہی میں متحدہ عرب امارات کا پاسپورت 23ویں نمبر سے 33 ویں نمبر پر آگیا ہے جو اس وقت گزشتہ برس کے 121 ممالک کے مقابلے میں اس سال 133 ممالک کے لیے ویزہ فری سفری سہولیات فراہم کرتا ہے۔

گزشتہ دس برس میں متحدہ عرب امارات میں ترقیاتی کاموں، جدید سہولیات کی فراہمی، کاروبار و ملازمت کے وسیع مواقع اور تیز ترقی سے دنیا بھر میں اپنا مقام بنانے میں کامیاب رہا ہے اور صرف کاروبار اور ملازمت ہی نہیں بلکہ دنیا بھر سے سیاح یہاں سیر و تفریح کے لیے بھی دوڑے دوڑے چلے آتے ہیں.

دبئی : وزیراعظم متحدہ عرب امارات راشد المکتوم نے جیلوں اور اصلاحی مراکز میں اسیر مخلتف قومیتوں سے تعلق رکھنے والے 600 سے زائد قیدیوں کی رہائی کا حکم دے دیا ہے۔

تفصیلات کے مطابق قیدیوں کی رہائی کا پروانہ نائب صدر و وزیراعظم متحدہ عرب امارات راشد المکتوم نے 46 ویں قومی دن کی خوشی میں جاری کیا جس سے قیدیوں میں خوشی کی لہر دوڑ گئی ہے۔

اس بات کا اعلان دبئی میڈیا آفس نے وزیراعظم راشد المکتوم کی جانب سے سماجی رابطے کی ویب سائٹ ٹویٹر پر جاری کیے گئے اپنے ایک پیغام میں کیا جس میں 606 قیدیوں کی رہائی کا مژدہ سنایا گیا۔

رہائی پانے والوں کا تعلق مختلف ایشیائی اور افریقی ممالک سے ہے جو ملازمت کی غرض سے متحدہ عرب امارات میں مقیم تھے اور معمولی جرائم میں ملوث پائے جانے کے بعد مختلف جیلوں میں سزا کاٹ رہے تھے یا اصلاحی مراکز میں بحالی کے مرحلے سے گذر رہے تھے۔

In his capacity as Ruler of #Dubai, @HHShkMohd orders the release of 606 inmates of #Dubai’s punitive and corrective institutions on the occasion of the UAE’s 46th National Day. pic.twitter.com/AMILO6cwcK

— Dubai Media Office (@DXBMediaOffice) November 27, 2017

خیال رہے ہر سال 2 دسمبر کو بہ طور ’الیوم وطنی‘ کے طور پر شایان شان طریقے سے منایا جاتا ہے اس موقع پر ملک بھر میں عام تعطیل کی جاتی ہے اہم عمارتوں پر خوبصورت چراغاں کیا جاتا ہے جب کہ آتش بازی کا بھی خاص انتظام کیا جاتا ہے۔