Tag: راشد خان

افغانستان کے ٹی ٹوئنٹی کپتان اور ورلڈکپ کلاس لیگ اسپنر راشد خان کو افغانستان ٹیم میں لانے میں پاکستان کے سابق کرکٹر کا اہم ترین کردار ہے۔

اے آر وائی کے اسپورٹس پروگرام میں گفتگو کرتے ہوئے پاکستان کے سابق وکٹ کیپر بیٹر کامران اکمل کا کہنا تھا کہ راشد خان کو افغانستان ٹیم میں لانے میں انضام الحق کا بڑا ہاتھ ہے، جب وہ 2015 میں افغانستان ٹیم کے کوچ تھے تو انھوں نے کہا کہ مجھے ایک لیگ اسپنر چاہیے۔

انھوں نے بتایا کہ راشد کو اس وقت کے افغان ٹیم کے کوچ انضام افغان ٹیم میں لے کر آئے، اس کے علاوہ فاسٹ بولنگ میں جو بہتری آئی ہے وہ عمر گل کے بطور کوچ جانے کی وجہ سے آئی ہے۔

کامران اکمل کا کہنا تھا کہ عمر گل ایک عرصے تک افغانستان ٹیم کا بولنگ کوچ رہا ہے، اس ٹیم کے پہلے اسپنرز زیادہ وکٹیں لیتے تھے، تاہم اس کے بعد جتنا عرصہ عمر گل افغان ٹیم کے کوچ رہے فاسٹ بولرز نے سب سے زیادہ آؤٹ کیے۔

View this post on Instagram

A post shared by ARY News (@arynewstv)

انھوں نے کہا کہ یہ ایک اچھا سائن ہے کہ کوئی بھی آتا ہے تو افغانستان کے کرکٹرز اس سے سیکھتے ہیں اور عمل کرتے ہیں۔

وہ لوگ ہماری کرکٹرز کی طرح نہیں ہیں کہ ایک کان سے سنا اور دوسرے کان سے نکال دیا، اس کے علاوہ سن رائزر حیدرآباد نے بھی راشد خان کو پک کیا اور انھیں پالش کیا۔

ملیبرن:  افغانستان کے لیگ اسپنر راشد خان جمعرات کو آسٹریلیا کی بگ بیش لیگ سے کمر کی انجری کے باعث باہر ہو گئے۔

بی بی ایل کے مطابق افغانستان کرکٹ ٹیم کے لیگ اسپنر راشد خان کمر کی انجری کی وجہ سے ایڈیلیڈ اسٹرائیکرز کی نمائندگی نہیں کریں گے۔

کلب کے جنرل منیجر ٹم نیلسن نے ایک بیان میں کہا کہ راشد خان پچھلے سات سال سے ہمارے ساتھ ہے، اس ایڈیشن میں ان کی کمی محسوس ہوگی۔

کلب کے منیجر نے کہا کہ راشد ایڈیلیڈ اسٹرائیکرز سے محبت کرتا ہے، اور ہم جانتے ہیں کہ وہ بی بی ایل میں کھیلنا کتنا پسند کرتے ہیں، اس لیے ہم ان کے فیصلے کی حمایت کرتے ہیں تاکہ وہ کھیل میں طویل مدت تک کھیل سکیں۔

راشد خان نے 2017 سے اسٹرائیکرز کا حصہ ہیں، انہوں نے 69 میچوں میں 6-17 کے بہترین اعداد و شمار کے ساتھ 98 وکٹیں حاصل کیں۔

واضح رہے کہ لیگ اسپنر راشد خان کو اگلے ماہ شروع ہونے والے بی بی ایل ٹورنامنٹ میں ایڈیلیڈ اسٹرائیکرز کے لیے ساتویں سال کھیلنا تھا۔

آئی سی سی کرکٹ ورلڈکپ کھیلنے میں مصروف افغانستان کے آل راؤنڈر راشد خان نے ہفتے کی صبح اپنے ملک میں آنے والے زلزلے سے متاثرہ لوگوں کے لیے اہم اعلان کیا ہے۔

زلزلے کے بعد کی تباہ کن صورتحال پر افغان بولر راشد خان نہ صرف بہت رنجیدہ ہیں بلکہ انھوں نے ورلڈکپ کی اپنی میچ فیس زلزلہ متاثرین کو دینے کا فیصلہ کیا ہے۔

سوشل میڈیا پلیٹ فارم ایکس پر زلزلے کی دلخراش تصاویر شیئر کرتے ہوئے لکھا کہ ’میں نے افغانستان کے مغربی صوبوں (ہرات، فراہ اور بادغیس) میں آنے والے زلزلے کے المناک نتائج کے بارے میں سنا جس کا مجھے بے حد افسوس ہے’۔

افغان پلیئر نے لکھا کہ ’کرکٹ ورلڈکپ کی اپنی تمام میچ فیس متاثرین کے لیے عطیہ کر رہا ہوں، جلد ہی ہم ان لوگوں سے رابطہ کرنے کے لیے ایک فنڈ ریزنگ مہم شروع کریں گے جس سے ضرورت مندوں کی مدد کی جائے گی‘۔

I learned with great sadness about the tragic consequences of the earthquake that struck the western provinces (Herat, Farah, and Badghis) of Afghanistan.
I am donating all of my #CWC23 match fees to help the affected people.
Soon, we will be launching a fundraising campaign to… pic.twitter.com/dHAO1IGQlq

— Rashid Khan (@rashidkhan_19) October 8, 2023

پاکستان کے پڑوسی ملک افغانستان کے صوبہ ہرات میں گزشتہ دنوں 6.3 شدت کا زلزلہ آیا تھا جس کی وجہ سے وہاں کافی تباہی آئی اور مرنے والوں کی تعدار 2 ہزار سے تجاوز کرچکی ہے جب کہ کئی افراد زخمی ہیں۔

افغان ترجمان کے مطابق ملک کے 12 دیہاتوں میں600 سے زائد گھر تباہ اور 4200 افراد متاثر ہوئے جب کہ ملبے سے مزید لوگوں کو نکالنے کیلئے آپریشن جاری ہے۔

افغانستان کے معروف لیگ اسپنر راشد خان نے پاکستان کے خلاف سیریز کے لیے اپنی دستیابی کی تصدیق کردی۔

اطلاعات کے مطابق افغان کرکٹ بورڈ کی جانب سے پاکستان کے خلاف سیریز کے لئے راشد خان کی دستیابی کی تصدیق کردی گئی ہے، پاک افغان تین ون ڈے میچز کی سیریز کا آغاز 22اگست سے ہوگا۔

افغان بولر راشد خان بنگلا دیش کے خلاف واحد ٹیسٹ کمر کی تکلیف کی وجہ سے نہیں کھیل پائے تھے، راشد خان نے کمر کی تکلیف کی وجہ سے دی ہنڈرڈ سے دستبرداری کا فیصلہ کیا تھا۔

چیف سلیکٹر افغانستان بورڈ کا اس حوالے سے کہنا تھا کہ راشد خان نے پاکستان کے خلاف سیریز سے قبل آرام کے لیے دی ہنڈرڈ سے علیحدہ ہونے کا فیصلہ کیا تھا۔

پاکستان کے خلاف سیریز کے لیے ٹریننگ کیمپ کا آغاز 10اگست سے کیا جائے گا، جس کے لئے افغان بولر راشد خان سری لنکا میں کیمپ میں شامل ہوجائیں گے۔

افغانستان کرکٹ ٹیم کے کپتان راشد خان نے بھارتی کرکٹ ٹیم کے آل راؤنڈر ہاردیک پانڈیا نے کے ساتھ تصویر شیئر کی ہے

فوٹو اینڈ ویڈیو شیئرنگ ایپ انسٹاگرام پر راشد خان نے ایک تصویر شیئر کی جس میں ان کے ساتھ ہاردیک پانڈیا اور افغانستان کے کھلاڑی نور احمد موجود ہیں۔

 

View this post on Instagram

 

A post shared by Rashid Khan (@rashid.khan19)

راشد خان نے تصویر کے ساتھ پیغام میں لکھا کہ کپتان آپ ہماری سحری میں شامل ہوئے ہمیں اچھا لگا۔

واضح رہے کہ ان دنوں راشد خان انڈین پریمیئر لیگ میں مصروف ہیں اور لیگ میں گجرات ٹائٹنز کی نمائندگی کر رہے ہیں۔