Tag: راشد سومرو

اسلام آباد : جے یوآئی رہنما راشد سومرو کا کہنا ہے کہ کون چیف جسٹس ہوگا کون نہیں، ہمیں اس معاملے پر کوئی اعتراض نہیں۔

تفصیلات کے مطابق جے یوآئی رہنما راشد سومرو نے اے آر وائی نیوز کے پروگرام الیونتھ آور میں گفتگو کرتے ہوئے جب تک مسودہ پی پی کا تھا تو بلاول مولانافضل الرحمان کےپاس آرہےتھے، مسودہ جے یو آئی ف کا ہے تو مولانا فضل الرحمان بلاول کے پاس جا رہے ہیں، کل مولانافضل الرحمان نے واضح کہا کہ جومسودہ پہلے تھا قبول نہیں ہے۔

جے یوآئی رہنما کا کہنا تھا کہ جو مسودہ جے یو آئی نے تیار کیا تھا اس کو بلاول بھٹو کے سامنے پیش کیا گیا، جے یو آئی ف کے مسودے پر بلاول بھٹو سے اتفاق حاصل کرلیا ہے، آج جو مسودہ نواز شریف کے سامنے پیش کیا گیا وہ جے یو آئی کا تیار کردہ ہے۔

انھوں نے کہا کہ آئینی مسودہ انسانی حقوق کےمنافی نہیں ہوگاجس پرہم آج بھی قائم ہیں، انسانی حقوق کے منافی جو چیزیں زیرگردش تھیں نئے مسودے میں ایسا کچھ نہیں، اداروں کومضبوط کرنےکیلئےکام کررہےہیں، مسودہ آئین سے متصادم نہیں ہوگا۔

جے یو آئی کے رہنما نے مزید کہا کہ کون چیف جسٹس ہوگا کون نہیں ہمیں اس معاملےپرکوئی اعتراض نہیں ، ظاہر ہے سنیارٹی کا خیال رکھا جائے گا،دوسرے نمبر والا جج بھی سینئرہوتا، سپریم کورٹ میں پہنچنے والے تمام ججز ہمارے نظر میں سینئر ہوتے ہیں۔

ان کا کہنا تھا کہ آئینی ترامیم پراتفاق رائے ہوجائےتوآج ووٹنگ میں کوئی حرج نہیں ، ترامیم پراتفاق ہوجائے تو پی ٹی آئی سے بھی بات ہوسکتی ہے۔

کراچی : جے یو آئی نے لاڑکانہ اور شکارپور میں مبینہ بے ضابطگیوں کی ویڈیوز جاری کر دیں اور کہا انگھوٹوں کے نشان چیک کرائیں، دودھ کا دودھ پانی کا پانی ہوجائے گا۔

تفصیلات کے مطابق چیئرمین پیپلزپارٹی بلاول بھٹو کے خطاب پر جے یو آئی سندھ کا ردعمل سامنے آیا۔

جے یو آئی نے لاڑکانہ اور شکارپور میں مبینہ بے ضابطگیوں کی ویڈیوزجاری کردیں، رہنما راشد سومرو نے اپنے بیان میں کہا کہ بلاول بھٹونے ٹھٹھہ کے جلسے میں کہاتھا دھاندلی ہوئی توثبوت دکھاؤ،جے یوآئی نےدھاندلی کی تحریری شکایات بھی آراوکو جمع کرائی تھیں۔

رہنما جے یو آئی کا کہنا تھا کہ ویڈیو میں انتخابی عملے کے پاس درجنوں شناختی کارڈدکھائے گئے ہیں، ایک ویڈیو میں تیر پر پہلے سے اسٹیمپ لگے ہوئے بیلٹ پیپر دیکھے گئے۔

راشد سومرو نے کہا کہ ہم نےانتخابی دھاندلی کی شکایات الیکشن کے دن ہی کی تھیں، ڈی آر او آراو،ریجنل الیکشن کمشنرکوبھی شکایات جمع کرائیں، شواہد کےساتھ پٹیشن کےذریعے ہائی کورٹ سےرجوع کررہے ہیں۔

ان کا مزید کہنا تھا کہ انگھوٹوں کےنشان چیک کرائیں،دودھ کا دودھ پانی کاپانی ہوجائے گا۔