Tag: راشد لطیف

کراچی: قومی کرکٹ ٹیم کے سابق کپتان راشد لطیف نے کپتانی کے لیے بابر اعظم اور اظہر علی کا متبادل نام بتا دیا۔

تفصیلات کے مطابق قومی کرکٹ ٹیم کے سابق کپتان اور وکٹ کیپر راشد لطیف نے کہا کہ پی سی بی کو سرفراز احمد کو کپتانی سے ہٹانے کے بعد محمد حفیظ کو تینوں فارمیٹس کا کپتان بنانا چاہیے تھا۔

سابق کپتان کی جانب سے یہ بیان قومی کرکٹ ٹیم کی دوسرے ٹی ٹوینٹی میچ میں شکست کے بعد سامنے آیا۔

راشد لطیف نے کہا کہ سرفراز کے بعد محمد حفیظ کو کپتان مقرر کرنا چاہیے تھا،مختلف فارمیٹس کے لیے دو کپتان آئے، اگرچہ اظہر علی اور بابر اعظم با صلاحیت کھلاڑی ہیں لیکن انہوں نے اب تک خود کو بطور کپتان ثابت نہیں کیا، یہ بابر اور یہاں تک اظہر کے لیے بھی مشکل ہے۔

محمد رضوان کو کرکٹ ٹیم کا کپتان بنانے کی تیاریاں

اس سے قبل گزشتہ ہفتے 30 اگست کو پاکستان کرکٹ ٹیم کے سابق کپتان راشد لطیف کا کہنا تھا کہ وکٹ کیپر بیٹسمین محمد رضوان کو مستقبل کا کپتان بنایا جاسکتا ہے، رضوان میں قیادت کی صلاحیت موجود ہے۔

راشد لطیف کا کہنا تھا کہ رضوان نے پاکستان اے ٹیم کی بھی قیادت کی ہے، اگر ٹیم مینجمنٹ اسے ہر فارمیٹ میں کھلا رہی ہے تو شاید وہ انہیں مستقبل میں ضرورت پڑنے پر قیادت سونپنے کے بارے میں سوچ رہے ہوں گے۔

کراچی: قومی کھیل ہاکی کی بحالی کے لیے سابق اسٹار کرکٹر راشد لطیف میدان میں آگئے۔

تفصیلات کے مطابق قومی کرکٹ ٹیم کے سابق کپتان راشد لطیف نے ہاکی ٹیم کے کھلاڑیوں کو لیکچر دیا اور کھلاڑیوں کو ڈٹ کر ٹریننگ کرنے کی تلقین کی۔

راشد لطیف نے کہا کہ جدید دور میں کامیابی کے لیے فزیکل فٹنس اہم ہے، پاکستان ہاکی کی کامیابیاں دنیا کے لیے مثال ہیں۔

سابق کپتان نے کہا کہ پاکستان ہاکی نے دنیا کے بڑے اسٹار کھلاڑی پیدا کیے ہیں، امید ہے نوجوان کھلاڑی ہاکی کا کھویا ہوا مقام واپس دلائیں گے۔

مزید پڑھیں: پاکستان میں ہاکی کب بحال ہوگی؟ ہیڈکوچ نے بتادیا

واضح رہے کہ اس سے قبل ہیڈ کوچ ہاکی ٹیم خواجہ جنید کا کہنا تھا کہ پاکستان ہاکی فیڈریشن فائیو اے سائیڈ ایونٹ کا پلان کررہی ہے، فائیواےسائیڈ کے انعقاد کے لیے ہمیں اسٹیڈیم کھلنے کا انتظار ہے۔

ان کا کہنا تھا کہ ہم نے لاک ڈاؤن کے دوران فٹنس اور مینٹل اسٹرینتھ پر کام کرایا، ہاکی لیجنڈز کے ساتھ ویڈیو کانفرنس کے ذریعے لیکچر کا انعقاد کیا گیا، اس دوران اہم پہلوؤں پر تبادلہ بھی خیال ہوا۔

خواجہ جنید کا مزید کہنا تھا کہ سیشن میں اولمپیئن سمیع اللہ نے کھلاڑیوں سے تجربات شیئر کیے اور ٹپس دیں۔

لاہور: پی سی بی کی ڈریم پیئر مہم میں راشد لطیف بہترین وکٹ کیپر قرار پائے۔

تفصیلات کے مطابق 37 ٹیسٹ میچوں میں وکٹوں کے پیچھے 130 شکار کرنے کے ساتھ 1381 رنز بنانے والے راشد لطیف نے مقبولیت میں سب کو پیچھے چھوڑ دیا۔

ڈریم وکٹ کیپر کی فہرست میں امتیاز احمد، وسیم باری، سلیم یوسف، معین خان، راشد لطیف، کامران اکمل، سرفراز احمد اور عدنان اکمل شامل تھے۔

مداحوں نے دیگر وکٹ کیپرز کے مقابلے میں وکٹ کیپر و بیٹسمین راشد لطیف کا انتخاب کیا، پسندیدہ وکٹ کیپر چننے کے لیے ٹویٹر پر مقابلہ ہوا، مقبولیت کی دوڑ میں معین خان کا دوسرا اور سرفراز احمد کا تیسرا نمبر رہا۔

سابق فاسٹ بولر شعیب اختر نے راشد لطیف کو اپنا فیورٹ وکٹ کیپر چنا تاہم فہرست میں شامل سرفراز احمد اور کامران اکمل نے 1990 کی دہائی کے دو عظیم وکٹ کیپرز راشد لطیف اور معین خان کا ہی انتخاب کیا۔

قومی کرکٹ ٹیم کے سابق ہیڈ کوچ مکی آرتھر نے اپنی سابقہ ٹیم کے کپتان سرفراز احمد کا انتخاب کیا۔

واضح رہے کہ 29 اپریل سے جاری مہم میں اس سے قبل 1990 کی دہائی کے عظیم کرکٹرز سعید انور اور عامر سہیل پر مشتمل اوپننگ جوڑی مہم کے پہلے حصہ میں مقبول ترین رہی۔

مڈل آرڈر بلے بازوں کے ڈریم پیئرز میں یونس خان اور محمد یوسف کا ڈریم پیئر سب سے مقبول جوڑی رہا، فاسٹ باؤلرز کے ڈریم پیئرز میں ٹو ڈبلیوز کی جوڑی نے مقبولیت کے تمام گذشتہ ریکارڈز توڑدئیے۔

اسپنرز کی کٹیگری میں گگلی ماسٹر مرحوم عبدالقادر اور دوسرا کے موجد ثقلین مشتاق کی اسپن جوڑی کو مقبول ترین قرار دیا گیا۔

آل راؤنڈرز میں عمران خان اور شاہد آفریدی کی جوڑی سب سے مقبول رہی تھی جبکہ شاہد آفریدی اور عبدالرزاق نے اس ریس میں دوسرا نمبر حاصل کیا تھا۔

کراچی: سابق وکٹ کیپر بیٹسمین راشد لطیف کا کہنا ہے کہ ڈیپارٹمنٹل کرکٹ بند کرنے کے فیصلے پر نظرثانی کی جائے۔

تفصیلات کے مطابق قومی کرکٹ ٹیم کے سابق کپتان راشد لطیف نے میڈیا کے ساتھ ویڈیو کانفرنس کرتے ہوئے کہا کہ بورڈ قوانین میں تبدیلی کی ضرورت ہے، پی سی بی ڈیپارٹمنٹل کرکٹ بند کرنے کے فیصلے پر نظرثانی کرے۔

انہوں نے یہ بھی دعوی کیا کہ یہ کھلاڑی محض پیر ہیں جنہیں بورڈ کے اعلی عہدیدار استعمال کررہے ہیں ، جو فکسنگ کے معاملے میں معاملات کی نگرانی میں ہیں۔

راشد لطیف کا کہنا تھا کہ میں فکسنگ کے لئے کسی کھلاڑی پر مکمل طور پر الزام نہیں عائد کروں گا۔ بورڈ کا فکسنگ میں بڑا کردار ہے۔

رمیز راجہ، شعیب ملک اور محمد حفیظ کی نوک جھونک کے سوال پر راشد لطیف نے کہا کہ شعیب ملک اور محمد حفیظ کی ٹیم میں جگہ بنتی ہے، اگر دونوں کا متبادل موجود ہے تو بتایا جائے۔

راشد لطیف کا کہنا تھا کہ سابق کپتان اور کمنٹیٹر رمیز راجہ کی باتوں کا ان دونوں کو بُڑا نہیں منانا چاہئے تھا۔

واضح رہے کہ گزشتہ دنوں رمیز راجہ نے کہا تھا کہ شعیب ملک اور محمد حفیظ کو ریٹائر ہوجانا چاہئے اسی میں پاکستان کرکٹ کی بہتری ہے، نوجوان کرکٹرز کا ایک پول موجود ہے ہمیں اب آگے کی طرف دیکھنا چاہئے۔

جواب میں شعیب ملک نے بھی طنز کرتے ہوئے کہا کہ رمیز بھائی میں آپ کی بات سے متفق ہوں ہم تینوں کا کیریئر ہی اختتام کے قریب ہے، آئیے مل کر عزت سے ریٹائر ہوں، کیا اس کو 2022 میں پلان کریں، اس پر رمیز راجہ غصے میں آگئے۔

رمیز راجہ نے لکھا کہ آپ مجھے کہاں سے ریٹائر ہونے کا کہہ رہے ہیں، کیا میں پاکستان کرکٹ کی بہتری کے لیے آواز بلند کرنے سے ریٹائرمنٹ لے لوں، میں ملکی کرکٹ کو ٹاپ پر دیکھنا چاہتا ہوں کیا اس کو خیر باد کہہ دوں۔

ان کا کہنا تھا کہ ملک صاحب میں ان چیزوں پر کبھی ریٹائرمنٹ  نہیں لے سکتا،آپ لوگوں کے لیے اگلے سال کمنٹری  کی طرف آنا مشکل ہوگا تب آپ میری جتنی عمر کے لگ بھگ ہوچکے ہوں گے۔

لاہور: پاکستان کرکٹ بورڈ نے ایسوسی ایشن کرکٹ ٹیموں کے انتخاب کے لیے تین رکنی آزاد ماہرین کا پینل تشکیل دے دیا۔

تفصیلات کے مطابق پی سی بی نے آئندہ ڈومیسٹک سیزن کے لیے ٹیموں کے انتخاب کے عمل کا جائزہ لینے کے لیے تین رکنی آزاد ماہرین کا پینل بنادیا جس میں مصباح الحق، راشد لطیف اور ندیم خان شامل ہیں۔

آزاد پینل جمعرات کو قذافی اسٹیڈیم لاہور میں مشاورت کے بعد ایسوسی ایشن کرکٹ ٹیموں کو حتمی شکل دے گا، پینل 32 کھلاڑیوں کا انتخاب، فرسٹ، سیکنڈ الیون کے لیے کپتان کا نام بھی تجویز کرے گا۔

رپورٹ کے مطابق حتمی کھلاڑیوں کو پی سی بی ایک سال کے لیے کنٹریکٹ دے گا۔

📰 Respected independent experts to finalise cricket association sides for 2019-20 season

MORE 🔽https://t.co/Jp2yktKhFc pic.twitter.com/9vqSvfKZCA

— Pakistan Cricket (@TheRealPCB) August 20, 2019

پی سی بی کے منیجنگ ڈائریکٹر وسیم خان کا کہنا ہے کہ پینل کے اراکین ڈومیسٹک کرکٹ میں وسیع تجربہ رکھتے ہیں، امید ہے کہ متوازن اسکواڈ سامنے آئیں گے۔

انہوں نے کہا کہ پینل کے قیام سے ایسوسی ایشن کرکٹ ٹیموں میں کھلاڑیوں کا انتخاب شفافیت پر مبنی ہوگا۔

ممبر آزاد پینل اور سابق کپتان راشد لطیف کا کہنا ہے کہ ملک میں ٹیلنٹ کی کمی نہیں ہے، ہم تمام ٹیموں کے لیے بہترین کھلاڑیوں کا انتخاب کرنے کی کوشش کریں گے۔

کرکٹ ایسوسی ایشن ایسوسی ایشنز کی ٹیمیں آئندہ سیزن میں قائد اعظم ٹرافی، ٹی ٹوینٹی کپ اور پاکستان ون ڈے کپ میں حصہ لیں گی، ڈومیسٹک سیزن 12 ستمبر سے آئندہ برس 24 اپریل تک جاری رہے گا۔