بھارتی اداکار رام کپور نے حال ہی میں 42 کلو وزن کم کرنے کے بعد اپنی تصاویر شیئر کیں جسے دیکھ کر مداح حیران رہ گئے۔
فوٹو اور ویڈیو شیئرنگ ایپ انسٹاگرام پر اداکار رام کپور نے حالیہ تصاویر شیئر کیں جسے دیکھ کر مداحوں انہیں پہچان نہیں سکے وہ تقریباً تین ماہ سے سوشل میڈیا سے غائب تھے۔
اداکار نے اچانک تصویر شیئر کی جس میں وہ آئینے کے سامنے کھڑے سیلفی لے رہے ہیں۔
تصویر میں ان کا وزن حیران کن طور پر کم ہوگیا اور دیکھ کر گمان ہوا کہ وہ بیمار تھے لیکن انہوں نے لکھا کہ انسٹاگرام سے دوری کے لیے معذرت، میں اپنے جسم پر کافی محنت کررہا تھا۔
View this post on Instagram
51 سالہ اداکار نے اہلیہ گوتامی کے ساتھ بھی تصویر شیئر کی جس میں انہوں نے انکشاف کیا کہ انہوں نے 42 کلو گرام وزن کم کرلیا ہے۔
مداحوں کی جانب سے ان کے وزن کم کرنے کی تصاویر پر تبصرے بھی کیے جارہے ہیں۔
ایک صارف نے کمنٹ کیا کہ کپورصاحب ، یہ تبدیلی واقعی متاثر کن ہے جبکہ ایک اور مداح نے کہا کہ یہ تبدیلی غیر معمولی ہے۔
واضح رہے کہ یہ پہلا موقع نہیں ہے جب رام کپور نے اپنی جسمانی تبدیلی سے توجہ حاصل کی ہو، اس سے قبل بھی انہوں نے 30 کلو گرام وزن کم کیا تھا۔