Tag: راناثنااللہ

اسلام آباد : وزیراعظم کے مشیر رانا ثنااللہ کا چیف الیکشن کمشنر کے لیے جسٹس (ر) قاضی فائزعیسیٰ کا نام زیر غور ہونے کے حوالے سے اہم بیان آگیا۔

تفصیلات کے مطابق مشیر وزیراعظم رانا ثنااللہ نے اے آر وائی نیوز کے پروگرام خبر میں گفتگو کرتے ہوئے نئے چیف الیکشن کمشنر کی تقرری کے حوالے سے کہا جسٹس (ر) قاضی فائزعیسیٰ کا نام چیف الیکشن کمشنر کیلئے زیر غور نہیں۔

مشیر وزیراعظم کا کہنا تھا کہ جسٹس (ر) قاضی فائز عیسیٰ چیف الیکشن کمشنر کا عہدہ قبول بھی نہیں کریں گے، چیف الیکشن کمشنر کے لیے ابھی بات چیت بھی شروع نہیں ہوئی۔

خیال رہے چیف الیکشن کمشنر سلطان سکندر راجا کی پانچ سالہ مدت ملازمت 26 جنوری کو ختم ہو رہی ہے ہیں تاہم 26 ویں آئینی ترمیم کے تحت مدت مکمل ہونے کے بعد بھی چیف الیکشن کمشنر کام جاری رکھیں گے اور ذرائع کا کہنا ہے کہ اس آئینی ترمیم کے تحت ان تینوں کی مدت ملازمت میں توسیع ہو جائے گی۔

چیف الیکشن کمشنر کی تقرری کا نوٹیفکیشن 24 جنوری 2020 کو جاری کیا گیا تھا اور نے 27 جنوری کو اپنے عہدے کا حلف لیا تھا۔

واضح رہے کہ آئین کے آرٹیکل 215 کے تحت چیف الیکشن کمشنر اور ممبران الیکشن کمیشن کی مدت 5 سال مقرر کی گئی اور آرٹیکل 213 کے تحت چیف الیکشن کمشنر اور ممبران الیکشن کمیشن کی تقرری کا طریقہ کار واضح ہے

اسلام آباد : وزیراعظم کے مشیر راناثنااللہ نے بانی پی ٹی آئی کیخلاف غداری جیسا مقدمہ بنانے کا اشارہ دیتے ہوئے کہا کہ جو ٹوئٹ کیا ہے مقدمہ تو بن سکتا ہے۔

تفصیلات کے مطابق وزیراعظم کے مشیر راناثنااللہ نے نجی وی ٹی چینل کے پروگرام میں گفتگو کرتے ہوئے پی ٹی آئی سے مذاکرات کے حوالے سے کہا کہ کشیدگی بڑھ گئی ہے مجھے لگتا ہے اب ڈائیلاگ کا راستہ ممکن نہیں، جس سے جو ہوگا وہ کرے گا۔

بانی پی ٹی آئی پر غداری کا مقدمہ بنے کے سوال پر رانا ثنا اللہ نے واضح کہا کہ مجیب الرحمان سے متعلق جو پوسٹ کی ہے، اس پر مقدمہ تو بن سکتا ہے۔

علی امین گنڈاپور کے بیان پر وزیراعظم کے مشیر نے کہا کہ علی امین گنڈاپور اگر گورنر کو اٹھا کر باہر پھینک سکتا ہے، تواُسے بھی پھینکا جاسکتا ہے

ان کا کہنا تھا کہ علی امین گنڈا پور سمیت دیگر بانی پی ٹی آئی کو خوش کرنے کیلئےایسی باتیں کررہےہیں

خیال رہے وزیراعلیٰ خیبرپختونخوا ایک بار پھر وفاقی حکومت اور گورنر فیصل کریم کنڈی پر برس پڑے تھے اور کہا کہ فیصل کریم کنڈی کو گورنر ہاؤس سے نکال کر پھینک دوں گا، ساتھ ہی گاڑی، پٹرول اور کھانا بھی بند کردوں گا، میری کسی چور اور چور کو لیڈر ماننے والے سے رشتے داری نہیں۔

دوسری جانب ایف آئی اے حکام کی جانب سے بانی پی ٹی آئی کے سوشل میڈیا اکاؤنٹ سے متنازعہ ٹویٹ کی تفتیش جاری ہے۔

اسلام آباد : وفاقی مشیر راناثنااللہ کا کہنا ہے کہ پی ٹی آئی سے اسٹیبلشمنٹ بات کرتی ہے تو کرے ہم نے کب روکا ہے۔

تفصیلات کے مطابق وفاقی مشیر راناثنااللہ نے علی امین گنڈا پور کے بیانات پر کہا کہ وزیراعلیٰ کےپی ہوائی فائرنگ کررہے ہیں کرنا کچھ بھی نہیں، خیبرپختونخوا حکومت وہی کرے گی جو وفاق کہے گا۔

پی ٹی آئی کے حوالے سے رانا ثنااللہ کا کہنا تھا کہ پی ٹی آئی سے اسٹیبلشمنٹ بات کرتی ہے تو کرے ہم نے کب روکا ہے۔

وفاقی مشیر نے کہا کہ پی ٹی آئی کاجھگڑا شروع سےہی اسٹیبلشمنٹ سےہےوہ انہیں کہتےہیں ساتھ دیں، پی ٹی آئی کاجھگڑایہی ہےاسٹیبلشمنٹ ملکی نظام وسیاست میں مداخلت کرے۔

ان کا کہنا تھا کہ پی ٹی آئی اپنے دور حکومت میں اپوزیشن کو ختم کرنا چاہتی تھی۔

بانی پی ٹی آئی کی تصویر کے حوالے سے رانا ثنا نے کہا کہ بانی پی ٹی آئی کی تصویردیکھ کرلگ رہا ہے، انہیں جیل میں ممنوعہ چیزسمیت سب مل رہا ہے۔

اسلام آباد: وفاقی مشیرسیاسی امور راناثنااللہ نے سپریم کورٹ کے فیصلے پر ردعمل دیتے ہوئے کہا نہیں سمجھتا مخصوص نشستیں سنی اتحاد کونسل کو واپس جائیں گی۔

تفصیلات کے مطابق وفاقی مشیر سیاسی امور راناثنااللہ نے نجی ٹی وی چینل کے پروگرام میں گفتگو کرتے ہوئے کہا کہ مخصوص نشستوں سےمتعلق سپریم کورٹ کافیصلہ عبوری ہے، نہیں سمجھتامخصوص نشستیں سنی اتحاد کونسل کو واپس جائیں گی۔

راناثنااللہ کا کہنا تھا کہ میری رائےمیں سپریم کورٹ زیادہ سےزیادہ قانون میں ترمیم کاکہہ سکتی ہے،پی ٹی آئی تو الیکشن میں تھی ہی نہیں،ووٹرزنےآزادامیدواروں کوووٹ دیا، آزادامیدوارایسی جماعت میں شامل ہوئے جو مخصوص نشستوں کی دوڑ سے باہر ہے۔

وفاقی مشیر نے کہا کہ قانون وآئین کےمطابق آزادامیدوارپی ٹی آئی کےنہیں ہیں، غلطی کا خمیازہ آزاد امیدواروں کو ہی بھگتنا ہے، عدالت نے مخصوص نشستوں والےارکان کوصرف ووٹ سےروکاہے، بطور ممبر مخصوص نشستوں والےارکان اجلاسوں میں شریک ہوسکیں گے۔

ان کا کہنا تھا کہ مخصوص نشستوں پرمنتخب ہونےوالوں کا بطور ممبراسمبلی وجود رہے گا، مخصوص سیٹوں کے معاملے پر آئین واضح ہے، قانون میں وضاحت کی ضرورت پڑسکتی ہے، ججزتعیناتی اوردیگر پرآئینی ترمیم بارز کا مطالبہ ہے۔

چیف جسٹس کی مدت ملازت کے حوالے سے ن لیگی رہنما نے کہا کہ 1973کےآئین میں چیف جسٹس کی مدت ملازت متعین تھی، ملک میں 14،14دن کےبھی چیف جسٹس آتے رہےہیں، کسی بھی ادارےکی بہتری کیلئےاس کےسربراہ کی مدت کاتعین ہونا ضروری ہے۔

ان کا مزید کہنا تھا کہ چیف جسٹس کی مدت کےتعین کی بات تودرست ہے، جن ترامیم کاسوچ رہےہیں وہ عدلیہ اور بارز کامطالبہ ہے، عدلیہ اوربارزمیں اتفاق رائےہوتوآئینی ترمیم پرکسی کواعتراض نہیں ہوگا۔

وفاقی مشیر نے بتایا کہ وزیراعظم نےدوبارہ سےبلاول بھٹوسےوفاقی کابینہ میں درخواست کی تھی، بلاول نے پیشکش پر غور کرنے اور پارٹی میں تبادلہ خیال کاوعدہ کیاہے، تاثریہ ہی ہےکہ پی پی حکومت میں موجود ہے اور اتحادی ہے۔

ن لیگی رہنما نے کہا کہ حکومت کےاچھےکام کاکریڈٹ پی پی کوبھی ملےگا، حکومت اچھانہیں کرے گی توپی پی بھی تنقید سے نہیں بچےگی، پی پی حکومت میں کسی جگہ موجود نہیں تو آنے کے امکانات روشن ہیں، بلاول اگرکابینہ میں کوئی خاص جگہ چاہتے ہیں تواس پربات ہوسکتی ہے۔

لاہور : وفاقی مشیرسیاسی امور راناثنااللہ کو پنجاب میں اہم رول دینے پر غور شروع کردیا گیا تاہم نواز شریف معاملے پر فیصلہ کریں گے۔

تفصیلات کے مطابق وفاقی مشیرسیاسی امور راناثنااللہ کو پنجاب حکومت میں بھی اہم رول دینے پر غور کیا جارہا ہے۔

ذرائع کا کہنا تھا کہ نوازشریف کوچندپارٹی رہنماؤں نے وفاقی مشیرکے پنجاب میں رول کی تجویزدی۔

ذرائع نے بتایا کہ امن وامان سمیت چندسرکاری کمیٹیوں میں راناثنا کو شامل کرنےکی تجویز دی گئی جبکہ ن لیگ سےباہراہم شخصیت کی جانب سے پنجاب کے معاملات میں مداخلت پر تجویزدی گئی۔

ذرائع کے مطابق پارٹی قائد نوازشریف معاملےپرمزیدمشاورت کےبعد فیصلہ کریں گے۔

یاد رہے چند روز قبل صدر مملکت آصف علی زرداری نے مسلم لیگ(ن) کے رہنما رانا ثنااللہ خان کی وزیرِ اعظم کے مشیر برائے سیاسی و عوامی اُمور تعیناتی کی منظوری دی تھی، رانا ثنااللہ خان کو وفاقی وزیر کا درجہ حاصل ہیں۔

واضح رہے کہ گزشتہ حکومت میں رانا ثنااللہ وزیر داخلہ کے منصب پر فائز تھے تاہم 8 فروری کو ہونے والے عام انتخابات میں رانا ثنااللہ کو فیصل آباد میں ان کے آبائی حلقے سے شکست کا سامنا کرنا پڑا تھا۔