Tag: راناثنا اللہ

وزیراعظم کے مشیر برائے سیاسی امور رانا ثنااللہ نے کہا ہے کہ مودی بھی زور لگائے گا اور پی ٹی آئی بھی لیکن کچھ نہیں کرسکیں گے۔

اے آر وائی نیوز کے پروگرام خبر میں گفتگو کرتے ہوئے رانا ثنااللہ نے کہا کہ معرکہ حق میں مودی کا دھڑن تختہ ہوا اور پی ٹی آئی کا بھی نقصان ہوا ہے، معرکہ حق دراصل حق و باطل کی لڑائی تھی، معرکہ حق کا نتیجہ خدانخواستہ کچھ اور ہوتا تو پی ٹی آئی آسمان سر پر اٹھا لیتی۔

رانا ثنا نے کہا کہ پی ٹی آئی والے بڑی باتیں کررہے ہیں لیکن کچھ نہیں کرسکیں گے، بات کرنے سے کسی کو نہیں روکا جاسکتا، تحریک چلانا پی ٹی آئی والوں کا کام نہیں ہے۔

انھوں نے کہا کہ معرکہ حق میں پاکستان کی کامیابی ہوئی اسی لیے پوری قوم فخر کررہی ہے، نقصان کی بھرپائی کرنےکیلئےپی ٹی آئی تحریک چلانے کی کوشش کریگی۔

رانا ثنااللہ نے کہا کہ مودی بھی بھڑکیں لگارہا ہے یہ کچھ نہیں کرسکیں گے، پی ٹی آئی اب کچھ بھی نہیں کرسکے گی یہ ریکارڈ پررکھ لیں۔

پی ٹی آئی کا مقصد صرف بانی پی ٹی آئی کو جیل سے باہر لانا ہے تو یہ کوئی نظریہ نہیں، بانی پی ٹی آئی کو صرف جیل سے باہر لانا ہے تو پی ٹی آئی کوئی سیاسی جماعت نہیں۔

انھوں نے کہا کہ پی ٹی آئی سیاسی جماعت ہے تو سیاسی جماعتوں کیساتھ بیٹھ کر بات کرنی چاہیے، پاکستان تحریک انصآف کو چارٹر آف ڈیموکریسی کرنی چاہیے، ملکی مسائل پر بات کرنی چاہیے۔

اسلام آباد : وفاقی وزیر داخلہ رانا ثنا اللہ کا کہنا ہے کہ پرویز الہٰی پر کیس تحریک انصاف سے علیحدگی والا نہیں، انھوں نے اپنے حالیہ دور میں بہت کرپشن کی۔

تفصیلات کے مطابق وفاقی وزیر داخلہ رانا ثنا اللہ نے پی ٹی آئی کے مرکزی صدر پرویز الہی کی گرفتاری پر کہا ہے کہ پرویزالہٰی پر کیس تحریک انصاف سے علیحدگی والا نہیں، پرویز الٰہی نے بطور وزیر اعلیٰ اپنے حالیہ دور میں بہت کرپشن کی۔

راناثنااللہ کا کہنا تھا کہ پرویزالہٰی نے فرح گوگی والا کام بڑے دھڑلے سے کیا، ٹھیکوں میں 10فیصد کمیشن اور گرین لینڈ کوبراؤن لینڈ کرا کر اربوں روپے کمائے اور جہاز کے ذریعے مونس الٰہی نے ڈالرز بیرون ملک منتقل کئے۔

یاد رہے لاہورمیں گذشتہ شام اینٹی کرپشن اور پنجاب پولیس نے صدرپی ٹی آئی چوہدری پرویزالہیٰ کو ظہورالہٰی روڈ پر رہائش گاہ کے قریب سے گرفتار کیا تھا۔

سابق وزیراعلیٰ پنجاب پرویزالٰہی چارمقدمات میں مطلوب ہیں جبکہ اینٹی کرپشن اور اے ٹی سی کے دو مقدمات میں ضمانت خارج ہو چکی ہے۔

ستائیس مئی کواینٹی کرپشن کی عدالت نے پرویزالٰہی کےوارنٹ گرفتاری جاری کیے تھے اور عدالت نے دو جون کو پرویزالٰہی کو گرفتار کر کے عدالت میں پیش کرنے کا حکم دیا تھا۔

ذرائع کا کہنا تھا کہ اینٹی کرپشن نے پرویزالٰہی کو اشتہاری قرار دلوانے کی تیاری کر رکھی تھی، چوہدری پرویز الٰہی عدالتی اشتہاری ہونے سے بچنے کے لیے گھر سے نکلے تھے۔

رینالہ خورد: پی ٹی آئی چیئرمین عمران خان کو دھمکی دینے پر وفاقی وزیر داخلہ راناثنا اللہ کیخلاف اندراج مقدمہ کیلئے 2 درخواستیں دائر کردی گئیں۔

تفصیلات کے مطابق پنجاب کے ضلع اوکاڑہ کی تحصیل رینالہ خورد اور حجرہ شاہ مقیم میں چیئرمین پی ٹی آئی عمران خان کو دھمکی دینے پر وفاقی وزیر داخلہ رانا ثنااللہ کیخلاف اندراج مقدمہ کیلئے ایک درخواست دائر کردی۔

رینالہ خورد میں درخواست کاشف مجید ایڈووکیٹ کی مدعیت میں تھانہ سٹی میں دائر کی گئی جبکہ دوسری درخواست مرزا ذوالفقار ایڈووکیٹ کی مدعیت میں تھانہ صدر اوکاڑہ میں دائرکی گئی۔

درخواست میں کہا گیا کہ عمران خان رہےگایا ہم،راناثناکی کھلی دھمکی ہے، وزیرداخلہ جان بوجھ کر ملک میں انارکی پھیلارہے، اس سے قبل بھی وزیرآبادمیں عمران خان پرحملہ کروایا گیا تھا۔

یاد رہے وزیرداخلہ رانا ثنااللہ نے ایک انٹرویو میں کہا تھا کہ عمران خان معاملات کو جس سطح پر لے گئے ہیں۔ اب وہ سیاست سےمائنس ہوجائیں گے یا ہم۔

رانا ثنااللہ کا کہنا تھا کہ جب ہم سمجھیں گے ہمارے وجود کی نفی ہو رہی ہے تو ہرحد تک جائیں گے، پھر یہ نہیں سوچا جاتا کہ یہ جمہوری ہے یہ غیرجمہوری اور یہ اصولی یہ بے اصولی۔

انھوں نے مزید کہا تھا کہ ملک اور ملک کی سیاست کو وہاں پر لاکھڑا کردیا ہے کہ اب دونوں میں سے ایک کا وجود ہی باقی رہے گا، انارکی پھیلی ہوئی ہے، عمران خان کے ساتھ جتنے لوگ ہیں وہ ہمیں اپنا دشمن سمجھتے ہیں۔