Tag: رانا ثنااللہ

فیصل آباد : ن لیگ کے رہنما رانا ثنااللہ نے ندیم مغل اور ایف آئی آر میں نامزد امتیاز ولد سراج کو میڈیا کے سامنے پیش کرتے ہوئے کہا کہ فائرنگ کرنےوالے شخص کی تصویر بہت واضح ہے۔

جس کا ن لیگ سےکوئی تعلق نہیں۔رانا ثنااللہ نے فیصل آباد میں پریس کانفرنس کرتے ہوئے کہا عمران خان سے منظوری کے بعد مقدمہ درج کرایا گیا۔ درخواست میں ملزم کانام امتیاز ولد سراج لکھوایا گیا ہے۔

مجھ سمیت پی ٹی آئی والے کچھ لوگ بھی تفتیش میں شامل ہونگے۔رانا ثناءاللہ کا کہنا تھا کہ ناولٹی پل پر پی ٹی آئی کے لوگ جلاؤ گھیراؤ کررہے تھے۔ ان لوگوں میں سےایک شخص نےآکرفائرنگ کی اورحق نوازجاں بحق ہوا۔

سابق صوبائی وزیرقانون رانا ثنااللہ نے کہا کہ عمران خان اوردیگرنےذمہ داری براہ راست مجھ پرڈالنےکی کوشش کی۔ عمران خان نےاسلام آبادسےللکاراکہ ہم آپ کےگھر آرہے ہیں۔

رانا ثناللہ نے مزید کہا کہ عمران خان نے ملک کی ترقی روکنے کاایجنڈا شروع کررکھا ہے۔ پی ٹی آئی کے لوگ میرے گھر میں جلاؤ گھیراؤ کرناچاہتے تھے۔ جلاؤ گھیراؤ کا پیغام دینےوالوں کیخلاف درخواست دےرہاہوں۔

واضح رہے کہ گزشتہ روزمسلم لیگ ن کے رہنما راناثنااللہ کا کہناتھا کہ فائرنگ کرنے والے شخص کا ان کی فیملی سے کوئی تعلق نہیں اور جاں بحق ہونے والے شخص کا بھی پی ٹی آئی سے کوئی تعلق نہیں۔

اے آر وائی نیوز سے خصوصی گفتگو کرتے ہوئے راناثنااللہ نے کہا تھا کہ فیصل آباد میں صبح 10 بجے تک زندگی معمول پر تھی لیکن پی ٹی آئی کے کارکنان نے ٹائر جلائے اور جلاﺅ گھیراﺅ کی سیاست کا آغاز کیا۔

راناثنااللہ نے واضح طور پر بتایا کہ جاں بحق ہونے والے شخص کا تحریک انصاف سے کوئی تعلق نہیں ہے جبکہ دوسرے شخص کی ہلاکت نہر میں چھلانگ لگانے سے ہوئی ہے ۔