اسلام آباد : وفاقی وزیر داخلہ رانا ثنا اللہ نے دعویٰ کیا کہ عمران خان کی رہائش گاہ میں بم بنانے کی فیکٹری لگی ہوئی تھی، وہاں موجود تمام دہشت گرد کو گرفتار کر لیا گیا ہے۔
تفصیلات کے مطابق وفاقی وزیر داخلہ رانا ثنا اللہ نے پریس کانفرنس کرتے ہوئے کہا کہ زمان پارک میں نوگوایریا کو کلیئر کرادیا گیا ہے، زمان پارک نوگوایریا تھا، شہریوں کو مسائل تھے، آئی جی پنجاب کچھ دیر میں تمام چیزیں قوم کے سامنے رکھیں گے۔
وفاقی وزیر داخلہ کا کہنا تھا کہ زمان پارک میں آپریشن نہیں ہوا بلکہ صرف لوگوں کو ہٹایاگیاہے، پولیس کے پاس عمران خان کے گھر کے سرچ وارنٹ تھے ، عمران خان کے گھر سے16 رائفل ملی ہیں۔
رانا ثنا اللہ نے کہا کہ عمران خان کا مائنڈ سیٹ سامنے آگیا ہے ،پولیس گئی تو آج بھی لوگوں نے پتھر مارے، پولیس کی ذمہ داری تھی نوگوایریا کو کلیئر کرایاجائے۔
انھوں نے دعویٰ کیا کہ زمان پارک میں موجود تمام دہشت گرد کو گرفتارکرلیاگیا، زمان پارک سے اسلحہ اور بم ملے ہیں۔
وزیر داخلہ نے کہا کہ زمان پارک سے جو بھی ملا ہے وہ عدالت کےسامنے رکھیں گے ، عمران خان کی رہائش گاہ میں ایک بلٹ پروف بنکر بناہوا ہے اور بم بنانے کی فیکٹری لگی ہوئی تھی۔
انھوں نے بتایا کہ زمان پارک میں عمران خان کی اہلیہ موجود ہیں اس لیے اہلکار اندرنہیں گئے۔
رانا ثنا اللہ نے مزید کہا کہ گرفتار کرنے کا سوچتے ہیں تو ان کو ضمانت مل جاتی ہے، عدالت میں پیش ہورہےہیں ہمارا مقصد بھی یہی تھا، عمران خان ملک میں انار کی اور افراتفری پھیلانا چاہتاہے۔
وفاقی وزیر داخلہ کا کہنا تھا کہ عمران خان کی گرفتاری کا کوئی پلان نہیں ہے، عمران خان نےسیاست کو دشمنی میں تبدیل کردیا ہے، اس کو ووٹ کی طاقت سے مائنس کیا جانا چاہیے۔
تحریک انصاف کی جانب سے مذاکرات کی پیشکش کے حوالے سے انھوں نے کہا پی ٹی آئی مذاکرات چاہتی ہے تو وزیراعظم سے رابطہ کرے۔
رانا ثنا اللہ کا کہنا تھا کہ آج نو گو ایریاکو سرچ کیا تو مریم نواز کی بات 200 فیصددرست ثابت ہوئی ،عجیب لندن پلان ہے کہ ابھی مقدمہ بنا نہیں اور ان کو ریلیف مل جاتا ہے۔
