Tag: رانا ثنا اللہ

اسلام آباد: معاون خصوصی برائے اطلاعات فردوس عاشق اعوان نے کہا ہے کہ نئے پاکستان میں کوئی بھی آئین اور قانون سے بالاتر نہیں ہے، حکومتی قیادت کا رانا ثنا کی گرفتاری سے کوئی لینا دینا نہیں ہے۔

تفصیلات کے مطابق معاون خصوصی برائے اطلاعات فردوس عاشق اعوان نے رانا ثنا اللہ کی گرفتاری پر وضاحت دیتے ہوئے کہا کہ رانا ثنا اللہ کو مصدقہ اطلاعات پر اے این ایف نے گرفتار کیا ہے۔

انہوں نے کہا کہ اینٹی نارکوٹکس فورس کو باوثوق اطلاع ملی کہ ان کی گاڑی میں ہیروئن ہے، منشیات کی مالیت 15 سے 20 کروڑ روپے ہے، اے این ایف ایک خود مختار ادارہ ہے۔

فردوس عاشق اعوان نے کہا کہ اے این ایف قانون کے مطابق کارروائی کرے گی، معلومات کی بنیاد پر ان کی گاڑی کو ناکہ لگا کر روکا گیا، اے این ایف کو اطلاع تھی ہیروئن لاہور ایئرپورٹ پر ڈیلیور ہونی ہے۔

مزید پڑھیں: رانا ثنا اللہ کی ضلع کچہری میں پیشی، پولیس کا سیکورٹی پلان تیار

فردوس عاشق اعوان نے کہا کہ یہ حکومت کی سیاسی یا انتقامی کارروائی نہیں ہے اس کو یکسر مسترد کرتے ہیں، آج ان کو انسداد منشیات کی عدالت میں پیش کیا جائے گا۔

معاون خصوصی برائے اطلاعات کے مطابق لیگی قیادت رانا ثنا کی گرفتاری کو سیاسی پوائنٹ اسکورنگ کے لیے استعمال کرنا چاہتی ہے، حکومتی قیادت کا اس گرفتاری سے کوئی تعلق نہیں ہے۔

فردوس عاشق اعوان نے کہا کہ عدالتیں آزاد ہیں ان کو آج ریمانڈ کے لیے لایا جائے گا، رانا ثنا اور ان کی جماعت عدالت میں موقف پیش کرے۔

اسلام آباد: اپوزیشن رہنماؤں شہباز شریف اور بلاول بھٹو زرداری نے اے این ایف کے ہاتھوں رانا ثنا اللہ کی گرفتاری کو سیاسی انتقام قرار دے دیا۔

تفصیلات کے مطابق قومی اسمبلی میں اپوزیشن لیڈر شہباز شریف نے سابق صوبائی وزیر قانون کی گرفتاری کی مذمت کرتے ہوئے کہا کہ کسی مقدمے اور الزام کے بغیر گرفتاری سیاسی انتقام ہے۔

ادھر پاکستان پیپلز پارٹی کے چیئرمین بلاول بھٹو نے رانا ثنا کی گرفتاری پر رد عمل دیتے ہوئے کہا کہ رانا ثنا کو گرفتار کرنا سیاسی انتقام کی مایوس کن کوشش ہے۔

Arrest of President Punjab PMLN by Anti-Narcotics force is obviously desperate attempt at political victimization. Sanaullah has been a vociferous critic of PPP in the past & is currently one of the most vocal critics of the regime. Arrests expose govts weakness & desperation.

— BilawalBhuttoZardari (@BBhuttoZardari) July 1, 2019

انھوں نے کہا کہ رانا ثنا اللہ ماضی میں پیپلز پارٹی کے سخت ترین ناقد رہے ہیں، وہ موجودہ حکومت کے سخت ترین ناقدین میں مؤثر ترین آواز ہیں، گرفتاریاں حکومتوں کی کم زوریوں اور مایوسی کو ظاہر کرتی ہیں۔

یہ بھی پڑھیں:  اے این ایف نے رانا ثنا اللہ کو حراست میں لے لیا، نا معلوم مقام پر منتقل

پاکستان مسلم لیگ ن کے صدر شہباز شریف کا کہنا تھا کہ وزیر اعظم کے حکم پر اداروں کو مخالفین پر استعمال کیا جا رہا ہے، آج اداروں کے مخالفین پر استعمال کی گھناؤنی مثال قایم کی گئی، کبھی نیب، کبھی نیب ٹو اور اب اے این ایف۔

انھوں نے کہا کہ اداروں کو سیاسی مخالفین کو دباؤ کے لیے استعمال کرنا افسوس ناک ہے۔ انھوں نے مطالبہ کیا کہ رانا ثنا اللہ کو فوری مجاز عدالت میں پیش کیا جائے، عدالت میں بتایا جائے کہ ان پر کیا الزام ہے؟

خیال رہے کہ آج اینٹی نارکوٹکس فورس نے سابق وزیر قانون پنجاب اور ایم این اے رانا ثنا کو گرفتار کر کے تفتیش کے لیے نا معلوم مقام پر منتقل کر دیا ہے۔ بتایا جا رہا ہے کہ انھیں منشیات کے اسمگلروں سے روابط کے الزام میں گرفتار کیا گیا ہے۔

لاہور: مسلم لیگ ن کی نائب صدر مریم نواز نے کہا ہے کہ رانا ثنا اللہ کے ساتھ اے این ایف کا کیا تعلق ہے، ان کو اپنے دبنگ اور دلیرانہ موقف کی وجہ سے گرفتار کیا گیا۔

تفصیلات کے مطابق مسلم لیگ ن کی نائب صدر مریم نواز نے رانا ثنا کی گرفتاری پر ردعمل دیتے ہوئے کہا کہ صورت حال اس سے زیادہ بے تکی نہیں ہوسکتی ہے۔

مریم نواز نے اپنی پروفائل تصویر بھی تبدیل کرکے رانا ثنا اللہ کی تصویر لگادی۔

#NewProfilePic pic.twitter.com/rufWlxyfVS

— Maryam Nawaz Sharif (@MaryamNSharif) July 1, 2019

اس سے قبل مریم نواز کا اپنے ٹویٹ میں کہنا تھا کہ حکمران جماعت ن لیگ کی فکر چھوڑ کر عوامی مسائل پر توجہ دے، ان کی نااہلی و نالائقی نے تباہ حال کردیا ہے۔

مریم نواز کا کہنا تھا کہ عوام کو فاقوں تک پہنچادیا، حکومت شریف فیملی کی فکر چھوڑ دے، متحد رہنا شریف فیملی کے خون میں شامل ہے۔

مزید پڑھیں: اے این ایف نے رانا ثنا اللہ کو حراست میں لے لیا، نا معلوم مقام پر منتقل

واضح رہے کہ اب سے کچھ دیر قبل پاکستان مسلم لیگ ن کے رہنما رانا ثنا اللہ کو اینٹی نارکوٹکس فورس (اے این ایف) نے حراست میں لیا تھا۔

اے این ایف نے رانا ثنا اللہ کو سکھیکی کے قریب سے حراست میں لیا، اینٹی نارکوٹکس فورس نے یہ کارروائی منشیات فروشوں کے خلاف حالیہ آپریشن کے بعد کی ہے۔

ذرایع کا کہنا تھا کہ لیگی رہنما کا منشیات کے اسمگلروں کے ساتھ تعلقات کا انکشاف ہوا ہے، اسمگلرز فیصل آباد میں رانا ثنا کے ڈیرے پر بھی پناہ لیتے تھے، رانا ثنا و دیگر افراد کی تفتیش بریگیڈیئر خالد محمود کریں گے۔

لاہور: مسلم لیگ ن کے رہنما رانا ثنا اللہ نے کہا ہے کہ نواز شریف کی جیل واپسی کے جلوس میں رکاوٹیں نہ ڈالی جائیں، موجودہ انتظامیہ جعلی حکمرانوں کے ایجنڈے پر کام نہ کرے۔

تفصیلات کے مطابق مسلم لیگ ن کے رہنما رانا ثنا اللہ نے میڈیا سے گفتگو کرتے ہوئے کہا کہ نواز شریف کی جلوس کی صورت میں جیل واپسی میں پولیس نے سیکیورٹی کی ذمے داری نبھائی تو ایک پتہ بھی نہیں ٹوٹے گا۔

انہوں نے کہا کہ حمزہ شہباز کے گھر پر چادر اور چار دیواری کا تقدس پامال کیا گیا تھا، نواز شریف کو سیکیورٹی دینا انتظامیہ کی ذمہ داری ہے، نواز شریف کے روٹ پر آنے والے راستے بند نہیں کرنے دیں گے۔

رانا ثنا اللہ نے کہا کہ عدالتوں سے انصاف کی امید رکھتے ہیں، روٹ پر آنے والے تمام راستے کھلے رکھے جائیں، کارکنوں کو روکا گیا تو صورت حال کی ذمہ دار حکومت ہوگی، کسی شہری کو روٹ سے آنے سے نہ روکا جائے، کارکنوں کی گرفتاریاں برداشت نہیں کریں گے۔

مزید پڑھیں: نوازشریف کو قانوناً شام پانچ بجے جیل پہنچنا چاہیے، جیل حکام

مسلم لیگ ن کے رہنما نے کہا کہ جعلی حکومت کے خلاف عید کے بعد کوئی مہم چلی تو ن لیگ اس کا حصہ ہوگی، انتظامیہ منفی ہتھکنڈے اپنائے گی تو اپنا ردعمل دیں گے، انتظامیہ نواز شریف کو سیکیورٹی فراہم کرے۔

انہوں نے کہا کہ ہم ریلی نہیں نکالنے جارہے، کارکن اظہار یکجہتی کے لیے آرہے ہیں۔

رانا ثنا اللہ نے کہا کہ شہباز شریف بجٹ سیشن سے پہلے آجائیں گے، ان کی طبیعت ٹھیک ہے، وہ سالانہ میڈیکل چیک اپ کے لیے لندن گئے ہیں، ابتدائی رپورٹس کے مطابق شہباز شریف ٹھیک ہیں۔