Tag: رانا ثنا اللہ

لاہور: مسلم لیگ ن کے رہنما رانا ثنا اللہ کا کہنا ہے کہ حکومت نے جیل میں بھی میرا پیچھاکیا،6 ماہ تک فرش پر سویا، مجھے قید تنہائی میں رکھا گیا اور ہر طرح کی اذیت دی گئی۔

تفصیلات کے مطابق سابق صوبائی وزیرقانون رانا ثنا اللہ نے اے آروائی نیوز سے خصوصی گفتگو کے دوران انکشاف کیا کہ حکومت مجھے قتل کرنا چاہتی تھی، اطلاعات ملی تھیں کہ یہ لوگ مجھے ٹارگٹ کرسکتے ہیں۔ رانا ثنا اللہ کا کہنا تھا کہ انہوں نے مجھے مارنے کے لیے کسی اورکو بھیجنا تھا۔

مسلم لیگ ن کے رہنما نے کہا کہ لندن اجلاس میں کسی نے حمایت کے لیے کہا تو پورے وثوق سے نہیں کہہ سکتا،ایکٹ میں ترمیم کے لیے جلدبازی کی جس سے اپنے لوگ ناراض ہوئے۔ انہوں نے کہا کہ ہمیں فوری اپنا اجلاس بلانے کے بجائے اپوزیشن سے رابطہ کرنا چاہیے تھا۔

سابق صوبائی وزیر قانون کا کہنا تھا کہ حکومت نے جیل میں بھی میرا پیچھاکیا،6 ماہ تک فرش پر سویا، مجھے قید تنہائی میں رکھا گیا اور ہر طرح کی اذیت دی گئی۔

نوازشریف نے ساڑھے7 ارب کا بانڈ نہیں 50 روپے کا اسٹامپ پیپر دیا، رانا ثنا اللہ

واضح رہے کہ آج لاہور میں پریس کانفرنس کے دوران مسلم لیگ ن کے رہنما رانا ثنا اللہ کا کہنا تھا کہ نوازشریف نے ساڑھے 7 ارب روپے کے ضمانتی بانڈز نہیں دیے صرف 50 روپے کے اسٹامپ پیپر پر لکھا کہ واپس آؤں گا، اب حکومت اسٹامپ پیپپرکا تعویز بنا کر گلے میں ڈال لے تاکہ سکون ملے۔

لاہور: مسلم لیگ ن کے رہنما اور سابق صوبائی وزیر رانا ثنا اللہ نے کہا کہ جب ہیروئن کا کچھ نہیں بنا تو اثاثوں کا ریفرنس بنایا جا رہا ہے۔

تفصیلات کے مطابق سابق صوبائی وزیر قانون رانا ثنا اللہ کا کہنا ہے کہ ریاست گودام سے ہیروئن نکال کر شہریوں پر ڈالے تو کیا ہوگا، مجھے کس کھاتے میں 4 ماہ جیل میں رکھا گیا، یہ کھلا سیاسی انتقام ہے۔

مسلم لیگ ن کے رہنما نے کہا کہ جب ہیروئن کا کچھ نہیں بنا تو اثاثوں کا ریفرنس بنایا جا رہا ہے۔ انہوں نے کہا کہ اس طرح سیاسی انتقام شروع ہوجائے تو پارلیمنٹ کی کیاعزت رہے گی، پارلیمنٹ میں بیٹھے ہرشخص کو سوچنا ہوگا۔

اس سے قبل گزشتہ ہفتے سابق صوبائی وزیر قانون رانا ثنا اللہ آمدن سے زائد اثاثہ جات کیس میں نیب لاہور کے آفس میں پیش ہوئے۔ نیب نے رانا ثنااللہ سے 14 سوالات کے جوابا ت مانگ لیے تھے۔

منشیات برآمدگی کیس: رانا ثنا اللہ ضمانت پر رہا

یاد رہے کہ گزشتہ ماہ 26 دسمبر کو منشیات برآمدگی کیس میں لاہور ہائی کورٹ نے لیگی رہنما کی ضمانت کا تحریری فیصلہ جاری کیا تھا جس کے بعد ان کو رہا کر دیا گیا تھا۔

لاہور: پاکستان مسلم لیگ ن کے رہنما رانا ثنا اللہ نے کہا ہے کہ وہ فرد جرم اس وقت تک قبول نہیں کریں گے جب تک کیس کے سلسلے میں ویڈیو پیش نہیں کی جاتی۔

تفصیلات کے مطابق آج لاہور کی انسداد منشیات کی عدالت میں رانا ثنا اللہ کو پیش کیا گیا، اس دوران کمرہ عدالت کے باہر پولیس کی بھاری نفری تعینات رہی، عدالت نے سماعت 18 جنوری تک ملتوی کر دی۔

عدالت میں پیشی کے بعد میڈیا سے گفتگو کرتے ہوئے رکن قومی اسمبلی رانا ثنا نے کہا کہ فرد جرم کو اس وقت تک قبول نہیں کروں گا جب تک یہ ویڈیو پیش نہ کریں، شہریار آفریدی نے خود فلور پر کہا تھا کہ ویڈیو موجود ہے، تو اب پیش کریں ویڈیو۔

پیشی کے موقع پر سیکورٹی کے حوالے سے انھوں نے کہا کہ سپریم کورٹ میں بھی میڈیا پر پابندی نہیں، یہاں 500 پولیس اہل کار کھڑے کرنے کی کیا ضرورت ہے؟ کیس کا اوپن ٹرائل ہونا چاہیے، کسی کو اندر جانے کی اجازت نہیں دی جاتی، ہم احتجاج کریں گے، ہم نے جج صاحب کے سامنے یہ بات رکھی کہ یہ اوپن کورٹ ہے، ہائی کورٹ نے ضمانت پر یہ لکھ دیا تھا کہ یہ انتقامی کارروائی ہے، میڈیا کو عدالت کی ہر چیز رپورٹ کرنے کا اختیار ہے۔

سابق صوبائی وزیر قانون نے کہا کہ اتنی زیادہ سیکورٹی کا کوئی جواز نہیں بنتا، حکومت وہ ویڈیو فراہم کرے جس کا دعویٰ کیا گیا تھا، کہتے ہیں ویڈیو وزیر اعظم کو بھی فراہم کی گئی تھی، تو جب تک ویڈیو فراہم نہیں کی جاتی کیس آگے چلنے نہیں دیں گے۔

لاہور: آمدن سے زائد اثاثہ جات کیس میں مسلم لیگ ن کے رہنما اور سابق صوبائی وزیر رانا ثنا اللہ نیب کے سامنے پیش ہوگئے۔

تفصیلات کے سابق صوبائی وزیر قانون رانا ثنا اللہ آمدن سے زائد اثاثہ جات کیس میں نیب لاہور کے آفس میں پیش ہوئے۔ نیب نے رانا ثنااللہ سے 14 سوالات کے جوابا ت مانگ لیے۔

رانا ثنا اللہ سے ایڈن ہاؤسنگ کے ریاست ڈوگر سے تعلقات پر سوال پوچھا گیا، مسلم لیگ ن کے رہنما سے رانااعجاز کی ہاؤسنگ اسکیم پالم سٹی سے متعلق بھی سوال کیا گیا۔

سابق صوبائی وزیر قانون سے حاجی سلامت سے مالی تعلقات سے متعلق سوالات کیے گئے ہیں، 20 سال میں اپنے اور اہل خانہ کے نام جائیدادوں کی تفصیلات طلب کیں۔

رانا ثنا اللہ سے بینک آف پنجاب میں شیئرز کی سرمایہ کاری کے ذرائع بھی پوچھے گئے، رانا ثنا اللہ سے 18-2001 کے دوران اثاثوں میں اضافے کے ذرائع پوچھے گئے، بیرون ممالک سے وصول ترسیلات کے زرائع بھی پوچھے گئے۔

مسلم لیگ ن کے رہنما سے اہل خانہ کے بینک اکاؤنٹس کی تفصیلات بھی طلب کیں، اندرون و بیرون ممالک سرمایہ کاری کی تفصیلات بھی مانگی گئی ہیں، رانا ثنا اللہ سے فیصل آباد میں موجود 6 جائیدادوں سے متعلق سوال کیا گیا۔

سابق صوبائی وزیر قانون سے لاہور میں لاچیمبر اور ڈی ایچ اے کے 2 گھروں،8 کنال زرعی اراضی پر سوال کیا گیا، رانا ثنا اللہ سے رحمان گارڈ میں 4 دکانیں، سونے اور لینڈ کروزر کی تفصیلات بھی طلب کی گئیں۔

نیب میں پیشی سے قبل مسلم لیگ ن کے رہنما رانا ثنا اللہ نے غیر رسمی گفتگو کرتے ہوئے کہا تھا کہ مجھ پر ایک الزام پہلے بھی لگایا گیا، مگر ثابت نہیں ہوا، اب ایک اور کیس میں طلبی کی گئی، کچھ ثابت نہیں ہوگا۔

سابق صوبائی وزیر قانون کا کہنا تھا کہ آمدن سے زائد اثاثوں کی تحقیقات میں بھی کچھ ثابت نہیں ہوگا۔

منشیات برآمدگی کیس: رانا ثنا اللہ ضمانت پر رہا

یاد رہے کہ گزشتہ ماہ 26 دسمبر کو منشیات برآمدگی کیس میں لاہور ہائی کورٹ نے لیگی رہنما کی ضمانت کا تحریری فیصلہ جاری کیا تھا جس کے بعد ان کو رہا کر دیا گیا تھا۔

لاہور: منشیات برآمدگی کیس میں لاہور ہائی کورٹ نے لیگی رہنما کی ضمانت کا تحریری فیصلہ جاری کیا تھا جس کے بعد آج ان کو رہا کر دیا گیا۔

تفصیلات کے مطابق منشیات برآمدگی کیس میں مسلم لیگ ن کے رہنما رانا ثنا اللہ کو کیمپ جیل سے رہا کر دیا گیا، اس موقع پر لیگی کارکنان کی بڑی تعداد رانا ثنا اللہ کے استقبال کے لیے پہنچی۔

اس سے قبل لاہور ہائی کورٹ نے سابق صوبائی وزیر قانون رانا ثنا اللہ کی درخواست ضمانت کا تحریری فیصلہ جاری کیا۔ جسٹس چوہدری مشتاق احمد نے 9 صفحات پر مشتمل فیصلہ جاری کیا۔

رانا ثنا اللہ کی درخواست ضمانت کا تحریری فیصلہ جاری

فیصلے میں کہا گیا ہے کہ رانا ثنا اللہ کے شریک ملزمان کی ٹرائل کورٹ سے ضمانت ہوچکی ہے مگر استغاثہ نے شریک ملزموں کی ضمانت منظوری کو ہائی کورٹ میں چیلنج نہیں کیا۔

تحریری فیصلے کے مطابق رانا ثنا اللہ پر 15 کلو ہیروئن رکھنے کا مقدمہ بنایا گیا لیکن ان کا جسمانی ریمانڈ ہی نہیں لیا گیا۔ عدالت نے قرار دیا کہ اس مرحلے پر ملزم ضمانت کا حقدار ہے لہٰذا 10، 10 لاکھ کے دو ضمانتی مچلکوں کے عوض ضمانت منظور کی جاتی ہے۔