Tag: رانا مشہود

  • حکومت نے دھرنا ختم کرانے کیلئے بیس کروڑ روپے اور سینیٹر بنانے کی پیشکش کی تھی، صاحبزادہ حامد رضا

    حکومت نے دھرنا ختم کرانے کیلئے بیس کروڑ روپے اور سینیٹر بنانے کی پیشکش کی تھی، صاحبزادہ حامد رضا

    کراچی: سنی اتحاد کونسل کے سربراہ صاحبزادہ حامد رضا نے انکشاف کیا ہے کہ حکومت نے انھیں طاہر القادری کا دھرنا ختم کرانے میں مدد کے لیے بیس کروڑ روپے اور سینیٹر بنانے کی رشوت کی پیشکش کی تھی۔

    اے آر وائی نیوز کے پروگرام سوال تو یہ ہے میں گفتگو کرتے ہوئے صاحبزادہ حامد رضا نے بتایا کہ ایک حکومتی شخصیت نے ان سے رابطہ کرکے بیس کروڑ روپے اور سینیٹر بنانے کی پیشکش کی تھی۔

    صاحبزادہ حامد رضا اس پر ن لیگ کے رہنما اور سابق وزیر قانون پنجاب رانا مشہود نے اس بات کی تصدیق یا تردید کرنے سے انکار کردیا۔ رانا مشہود کا کہنا تھا کہ دھرنوں سے ملک کی معیشت کو نقصان ہوا ہے، جس کی ذمے داری دھرنا دینے والوں پر عائد ہوتی ہے۔

  • رانا مشہود سےوزارت قانون پنجاب کاقلمدان واپس

    رانا مشہود سےوزارت قانون پنجاب کاقلمدان واپس

    لاہور: رانا مشہود سےوزارت قانون پنجاب کاقلمدان واپس لے لیاگیا۔ اے آروائی نیوز کے پروگرام کھرا سچ میں رانا مشہودسے متعلق اہم انکشافات کئے گئے تھے۔وزیراعلیٰ شہبازشریف  نےپنجاب کابینہ میں بڑے پیمانے پر ردوبدل کا فیصلہ کرلیا ہے ۔

    پہلے مرحلےمیں وزیر قانون کاچارج رانا مشہوداحمدخان سے لے کر وزیرخزانہ میاں مجتبیٰ شجاع اُلرحمن کو دے دیا گیا ہے رانامشہود کی تبدیلی کو اے آروائی کے پروگرام کھرا سچ میں اُن کاویڈیو اسکینڈل سامنے آنے کے تناظر میں دیکھاجارہا ہے۔جس میں وہ ایک شخص عاصم ملک سے ایک بڑی رقم کا چیک وصول کرتے نظر آرہے ہیں۔

    ایک دوسری ویڈیو میں رانا مشہود جعلی پولیس مقابلوں کا اعتراف بھی کرتے نظر آتے ہیں، رانامشہود کو وزارت سے ہٹائےجانے کے فیصلے کی خبر بھی چند روز قبل اے آروائی ہی نے سب سے پہلے نشر کی تھی۔

    ذرائع کے مطابق وزیراعلٰیٰ پنجاب شہباز شریف نے اپنے پاس موجود وزارت داخلہ کا قلمدان وزیر ماحولیات کرنل ریٹائرڈ شجاع خانزادہ کودے دیا، ذرائع کا کہنا ہے کہ آئندہ ایک ہفتے میں خوشاب، بوریوالہ اوررحیم یارخان سے تعلق رکھنے والے وزراء سے قلمدان واپس لیے جانے کا امکان ہے۔

    علاوہ ازیں  لیگی رہنماء زعیم قادری، عائشہ غوث اور رانا ارشد سمیت نئے ارکان کی کابینہ میں شمولیت متوقع ہے۔

  • رانا مشہود کے کرپشن کی ایک اورویڈیومنظرِعام پرآگئی

    رانا مشہود کے کرپشن کی ایک اورویڈیومنظرِعام پرآگئی

    اسلام آباد: اے آر وائی نیوز کے پروگرام ’’کھراسچ‘‘ میں انکشافات کا سلسلہ جاری ہے، پروگرام میں صوبا ئی وزیرِقانون پنجاب رانا مشہود کی پیسے لے کرآئی جی پنجاب کی تقرری کی اعترافی ویڈیو دکھائی گئی، دوسری جانب رحمان ملک کو طیارے سے اترنے پر مجبور کرنے والے شہری ارجمند نے بھی پہلی بار پاکستان کے کسی ٹیلی ویژن پرانٹرویو دیا۔

    رانامشہود نے لاہورمیں ماورائےقانون قتل ہونےکااعتراف کرتے ہو ئے ویڈیو میں کہا کہ ایس پی نےبندے کومارمارکراسے جان ہی سے مار ڈالا، ساتھ ساتھ وہ انتہا ئی سفاکی سے یہ بھی کہتے ہوئے دکھائی دیئے کہ ہرایک کو نہیں مارتے بلکہ کیٹیگری میں جوآتا ہے اسے ماردیتے ہیں۔

    شہری ارجمند نے کھرا سچ میں گفتگو کرتے ہوئے بتایا کہ سینیٹر رحمان ملک کو طیارے سے اترنے پر مجبور کرنے کہ پاداش میں انہیں اپنی نوکری سے ہاتھ دھونے پڑے کیونکہ ان کی کمپنی کی انتظامیہ پرانہیں برطرف کرنے پر شدید دباؤ ڈالا گیا ہے۔

    اے آروائی نیوز کے توسط سے حوصلہ مند شہری ارجمند کو فوری طورپر نئی نوکری کی پیشکش بھی ہوگئی ہے۔


    Khara Such 29 Sep 2014 by arynews

  • رانا مشہود کے ویڈیو اسکینڈل کی تحقیقات مسلم لیگ ن کی کمیٹی نے مکمل کرلی

    رانا مشہود کے ویڈیو اسکینڈل کی تحقیقات مسلم لیگ ن کی کمیٹی نے مکمل کرلی

    اسلام آباد: صوبائی وزیر قانون پنجاب رانا مشہود کے ویڈیو اسکینڈل کی تحقیقات مسلم لیگ ن کی کمیٹی نے مکمل کرلی ہیں رپورٹ وزیراعلی پنجاب کو پیش کی جائے گی۔

    صوبائی وزیر قانون پنجاب رانا مشہود کے ویڈیو اسکینڈل کی تحقیقات مسلم لیگ ن  کی کمیٹی نے مکمل کرلی ہیں رپورٹ وزیراعلی پنجاب کو پیش کی جائے گی کمیٹی ذرائع کے مطابق رانا مشہود کی ویڈیو کا تفصیلی جائزہ ان کے بھائی کی موجودگی میں لیا گیا۔

    ویڈیومیں رانا مشہود کی آواز حققیت پر مبنی ہے کمیٹی ذرائع نے بتایا کہ رانا مشہود کی اواز اور ٹرانسکرپٹ میں واضع فرق ہے اورا س ویڈیو کی ترتیب بھی بدلی گئی ہے جس کے باعث شکوک و شبہات جنم لے رہے ہیں، ذرائع نے بتایا کہ تین رکنی کمیٹی جلد رپورٹ وزیراعلی کو پیش کرے گی جس میں رانا مشہود کو اس اسکینڈل میں بے قصور قرار دے دیا جائے گا۔

  • وزیرِ قانون پنجاب رانا مشہود کو کابینہ سے فارغ کیے جانے کا امکان

    وزیرِ قانون پنجاب رانا مشہود کو کابینہ سے فارغ کیے جانے کا امکان

    لاہور: اے آر وائی نیوز کے پروگرام کھرا سچ میں چلنے والی ویڈیو پر وزیرِقانون پنجاب رانا مشہود کو کابینہ سے فارغ کئے جانے کا امکان ہے۔

    اے آر وائی نیوز کے پروگرام کھرا سچ میں رانا مشہود اور عاصم علی ملک کے درمیان ہونے والی گفتگو کی ویڈیو چلائی گئی تھی، جس کی تحقیقات کیلئے مسلم لیگ ن کی سطح پر کمیٹی قائم کی گئی تھی۔

    کمیٹی نے تحقیقات کے بعد اپنی سفارشات وزیراعلیٰ پنجاب کو بھجوادیں ہیں، سفارشات میں رانا مشہود احمد خان اور عاصم علی ملک کے درمیان ہونے والی گفتگو کو درست قرار دیا گیا ہے۔

    ذرائع کے مطابق صوبائی وزیرِ قانون و تعلیم رانا مشہود احمد خان سے تمام وزارتیں واپس لی جاسکتی ہیں۔

  • عوام نےآزادی اورانقلاب مارچ کومسترد کردیا، رانا مشہود

    عوام نےآزادی اورانقلاب مارچ کومسترد کردیا، رانا مشہود

    لاہور: صوبائی وزیر قانون رانا مشہود احمد خان نے کہا ہے کہ وزیر اعلی پنجاب کی ہدایت پر گوجرانوالہ واقعہ میں ملوث دس افراد کے خلاف مقدمہ درج کرلیا گیا ہے تاہم لانگ مارچ کے پر امن اختتام کے لیےڈاکٹر طاہر القادری، پرویز الہی کو اور عمران خان شیخ رشید کو اپنے ٹرک سے دور رکھیں۔

    لاہور میں پریس کانفرنس کرتے ہوئے رانا مشہود احمد خان نے کہا کہ پاکستانی عوام نے آزادی اور انقلاب مارچ کو مسترد کردیا ہے جبکہ اب تک پی ٹی آئی اور پی اے ٹی کے ساتھ جو روٹ طے ہوا تھا اس پر مثالی عمل در آمد ہورہا ہے، انہوں نے کہا کہ پومی بٹ انتہائی شریف اور ذمہ دار مسلم لیگی ہیں گوجرانوالہ واقعہ میں وہ مشتعل کارکنوں کو منع کرتے رہے۔

    صوبائی وزیر قانون کاکہنا تھا کہ مشرف کی جانب سے لانگ مارچ میں شرکت کے اعلان سے ساری صورتحال واضع ہوچکی ہے کہ اس کھیل کے پیچھے کون ہے، رانا مشہود نے کہا کہ میں نے خود اپنے خلاف پارٹی سطح پرکمیشن قائم کروایا تاکہ ویڈیو کےمعاملے کی شفاف تحقیقات ہو سکے۔

  • آزادی اور انقلاب مارچ میں دہشتگردی کا خطرہ ہے، رانا مشہود

    آزادی اور انقلاب مارچ میں دہشتگردی کا خطرہ ہے، رانا مشہود

    لاہور: پنجاب کے وزیر قانون رانا مشہود نے ایک ہی سانس میں آزادی اور انقلاب مارچ کو ٹارگٹ کلرز کا نام دے کر دھمکا دیا۔۔ تو دوسرے سانس میں مارچ کے راستے طے کرنے کا بھی بتا دیا۔

    وزیر قانون رانا مشہود نے انقلاب اور آزادی مارچ والوں کو خبردار کردیا، تیرہ اور چودہ اگست کو ٹارگٹ کلرز پوزیشن آگ اور خون کا بازار گرم کریں گے،اس کے ساتھ ہی یہ بھی بتا دیا کہ پی ٹی آئی قیادت سے رابطے ہیں،مارچ کے راستے طے کئے جارہے ہیں، پنجاب کے وزیر قانون کا کہنا ہے کہ لاہور ہائی کورٹ نے غیر ضروری کنٹینرز ہٹانے کیلئے کہا ہے، حکومت اس معاملے کو دیکھ رہی ہے۔

  • طاہر القادری کے خلاف بغاوت کا مقدمہ بنائیں گے، رانا مشہود

    طاہر القادری کے خلاف بغاوت کا مقدمہ بنائیں گے، رانا مشہود

    لاہور: حکومت پنجاب نے پاکستان عوامی تحریک کے خلاف کریک ڈاؤں کا اعلان کر دیا، وزیر قانون پنجاب رانا مشہود کہتے ہیں آج رات سے گرفتاریاں شروع کر دی جائیں گی، علامہ طاہر القادری کا مقدر جیل کی سلاخیں ہیں، طاہر القادری کے خلاف بغاوت کا مقدمہ درج ہوگا۔

    لاہور میں ہنگامی پریس کانفرنس کرتے ہوئے رانا مشہود نے کہا کہ طاہر القادری پاکستان کا آئین اور قانون لپیٹنا چاہتے ہیں، ان کی سیاست لاشوں کی سیاست ہے، ان کا ایجنڈا تشدد ہے کیونکہ وہ اپنے کارکنان کو دنگا فساد اور قتل کرنے پر اکسا رہے ہیں اور اپنی تقریر میں کہہ رہے ہیں ڈنڈوں میں کیلیں لگالو تاہم کوئی غلط فہمی میں نہ رہے، ہم نے آخری حد تک صبر و تحمل کا مظاہرہ کیا لیکن قانون ہاتھ میں لینے والوں کو کسی صورت نہیں چھوڑا جائے گا۔

    رانا مشہود کا کہنا تھا کہ طاہر القادری نے انقلاب مارچ کی آڑ میں عوام کی توجہ آپریشن ضرب عضب اور یوم آزادی سے ہٹانے کی کوشش کی، پاکستان عوامی تحریک نے 10 اگست کو پنجاب کے7 شہروں پر حملوں کا منصوبہ بنایا تھا اور آج ان کے کارکنوں نے حد پار کرتے ہوئے پولیس پر تشدد کیا جس میں 7 اہلکار زخمی ہوئے جبکہ انہوں نے ایک تھانہ بھی جلایا مگر پولیس امن کے لئے خاموش رہی تاہم اس غیر قانونی حرکت پر طاہر القادری کے خلاف بغاوت اور دہشت گردی کا مقدمہ ہوگا اور پولیس پر حملہ کرنے والوں کی گرفتاری کا عمل آج رات سے ہی شروع کردیا جائے گا۔

  • حکومت نے ڈاکٹرطاہرالقادری کیخلاف منفی پروپیگنڈا شروع کردیا

    حکومت نے ڈاکٹرطاہرالقادری کیخلاف منفی پروپیگنڈا شروع کردیا

    حکومت نے ڈاکٹرز طاہرالقادری کے خلاف عوام کی رائے تبدیل کرنے کےلئے منفی پراپیگنڈا شروع کردیا۔انقلابی مارچ کیسے روکا جائے؟عوام کےذہنوں سےڈاکٹرطاہرالقادری کی انقلابی سوچ کو کیسے نکالا جائے۔ حکومت نے طاہر القادری کے خلاف منفی پروپیگنڈہ شروع کردیا۔لیگی ارکان طاہرالقادری کی تقاریرکوتوڑ مڑوڑ کے پیش کرکےان کا سیاق و سباق تبدیل کرنے میں مشغول ہوگئے۔

    سانحہ ماڈل ٹاؤن میں سولہ شہادتوں پر نم آنکھوں کے ساتھ غم سے بھرے دل کے ساتھ طاپرالقادری مقدمہ اندراج کا مطالبہ کررہے ہیں۔ طاہرالقادری صوبائی وزیرپنجاب رانا مشہودنےسفیدجھوٹ کہاکہ طاہرالقادری کو جاں بحق کارکنان سے ہمدردی نہیں، طاہرالقادری نے کارکنوں کو ہدایت کی کہ وہ یوم شہداپر قانون کا احترام کرنے والے پولیس اہلکاروں کو سلام کریں۔

    رانا مشہود کاکہناہے طاہر القادری نےکارکنوں کو قانون ہاتھ میں لینے کی ہدایت کی ۔ عام پاکستانی کی حالت زارپر افسوس کرتے ہوئےطاہرالقادری نے کہا کہ مغربی ممالک میں کتے کو پاکستانی شہری سے زیادہ حقوق حاصل ہیں ، مسلم لیگ ن کے طلال چوہدری نے الزام لگایا کہ طاہر القادری نےمغربی کتے کو پاکستانی سے بہتر قرار دیا  طاہر القادری نے سانحہ ماڈل ٹاؤن کا مقدمہ درج نہ ہونے پرتنقیدکی ۔ صوبائی وزیر پنجاب رانا مشہود کا کہنا ہے طاہر القادری جمہوری اور آئینی نظام کے خلاف تقریر کرتے ہیں