Tag: رانی مکھرجی

میلبرن میں بھارتی فلم فیسٹیول کے انعقاد کے موقع پر بالی ووڈ اسٹارز رانی مکھرجی اور کرن جوہر کے ساتھ آسٹریلوی وزیراعظم کی سیلفی وائرل ہوگئی۔

آسٹریلوی شہر میلبرن میں جاری بھارتی فلم فیسٹیول کے دوران آسٹریلیا کے وزیراعظم انتھونی البانی نے بالی ووڈ پروڈیوسر کرن جوہر اور اداکارہ رانی مکھرجی سے ملاقات کی اور ان کے ساتھ تصویر لی جبکہ آسٹریلوی پارلیمنٹ میں یش چوپڑا کے حوالے سے ڈاک ٹکٹ کا اجرا بھی کیا گیا۔

رانی مکھرجی نے فیسٹیول کے ایک حصے کے طور پر آسٹریلوی پارلیمنٹ میں یش چوپڑا سے متعلق ڈاک ٹکٹ کا اجرا کرکے یش راج فلمز کے 50 سال کی یاد منائی، کینبرا میں پارلیمنٹ میں رانی اور کرن نے تقریر بھی کی۔

بعدازاں آسٹریلوی پارلیمنٹ وزیراعظم انتھونی نے بھارتی اداکاروں کے ساتھ سیلفی کلک کی، اس سیلفی میں بھارتی اداکار اور آسٹریلوی وزیراعظم کافی خوشی دکھائی دیے۔

View this post on Instagram

A post shared by HT City (@htcity)

رانی مکھرجی نے کہا کہ ’آسٹریلوی پارلیمنٹ ہاؤس میں لیجنڈ فلمساز یش چوپڑا کے یادگاری ڈاک ٹکٹ کی رونمائی کے اس اہم موقع کا حصہ بن کر مجھے واقعی فخر اور عاجزی محسوس ہو رہی ہے۔‘

یش چوپڑا کے بیٹے اور پروڈیوسر آدتیہ چوپڑا کی اہلیہ رانی نے کہا کہ یہ نہ صرف یش چوپڑا اور وائی آر ایف کے پاپ کلچر کی تشکیل اور 50 سالہ وراثت کا جشن ہے بلکہ بھارتی فلم انڈسٹری کے لیے جشن کا موقع ہے جس نے لاتعداد لوگوں کو محظوظ کیا ہے۔

انھوں نے کہا کہ میلبرن کا انڈین فلم فیسٹیول (آئی ایف ایف ایم) گزشتہ 15 سالوں سے ثقافتی اور تخلیقی تعلقات کو برقرار رکھتے ہوئے بھارت اور آسٹریلیا کو ایک دوسرے کے قریب لانے کے لیے کردار ادا کررہا ہے۔

بالی وڈ اداکارہ رانی مکھرجی نے کہا ہے کہ فلم میں حقیقی جذبات کی ترجمانی کرنا بہت مشکل کام ہے۔ اس طرح کی فلمیں بہت محنت طلب ہوتی ہیں۔

ایک حالیہ انٹرویو میں ان کا کہنا تھا کہ ماضی کی مشہور فلم ’تلاش‘ میں ایک ایسی ماں کا کردار ادا کیا تھا جس کا بچہ کھو جاتا ہے لیکن آج مجھ میں اتنی ہمت نہیں کہ’ تلاش‘ جیسی فلم میں کام کرسکوں۔

رانی نے کہا کہ آج شاید ان میں اتنی جرات نہیں کہ وہ ’تلاش‘ جیسی فلم میں کام کرسکیں۔ ایسا نہ کرنے کی وجہ بتاتے ہوئے اداکارہ نے کہا کہ حقیقی جذبات کی بڑے پردے پر عکاسی ایک کٹھن کام ہے۔

ان کا کہنا تھا کہ حقیقی زندگی پر مبنی کسی کہانی پر بنائی جانے والی فلم جس کی درست انداز میں تصویر کشی کی گئی ہو، ایسی فلمیں شدت جذبات کے گرد گھومتی ہیں۔

اداکارہ نے فلم تلاش کا حوالہ دیتے ہوئے کہا کہ ایسی فلم میں اس ماں کا کردار نبھانا جس کا بچہ گم ہوگیا ہے، اس طرح کے جذبات کی عکاسی کرنا مشکل تجربہ ہے۔

انھوں نے یہ بھی کہا کہ خوش قسمتی کی بات یہ ہے میں نے یہ کردار حقیقی زندگی میں ماں بننے سے پہلے نبھایا، اب ایسا کرنے کی شاید مجھ میں ہمت ہی نہ ہو۔

بالی وڈ کی اداکارہ نے ایک عرصے تک شائقین کے دلوں پر راج کیا ہے۔ کچھ کچھ ہوتا ہے، بادل، بچھو، راجا کی آئیگی بارات، غلام، چوری چوری چپکے چپکے، تلاش سمیت دیگر فلموں میں ان کی بہترین فلمیں ہیں جس میں فلم بینوں نے ان کی اداکاری کو خوب سراہا۔

بالی وڈ کی معروف اداکارہ رانی مکرجی نے انکشاف کیا ہے کہ ان کی اوربالی وڈ کنگ شاہ رخ کی فلم کی وجہ سے بہت زیادہ طلاقیں ہوئیں۔

رومینٹک فلم ’کبھی الوداع نہ کہنا‘ کو مشہور ہدایت کار کرن جوہر نے بنایا تھا۔ فلم میں یہ دکھایا گیا تھا کہ شادی کے سالوں بعد بھی میاں اور بیوی ایک ساتھ خوش نہیں اور انھیں سکون کی تلاش ہے۔ رانی کے مطابق اس فلم نے کئی جوڑوں کی آنکھیں کھول دی تھیں۔

’کچھ کچھ ہوتا ہے‘ کہ اداکارہ نے حال ہی میں گوا میں منعقدہ 54 ویں “انٹرنیشنل فلم فیسٹیول آف انڈیا” میں خطاب کے دوران فلمساز کرن جوہر کی فلم “کبھی الوداع نہ کہنا” کے بارے میں بات کی۔

انھوں نے انکشاف کہا کہ ’کبھی الوداع نہ کہنا‘ کی ریلیز کے بعد بہت سی طلاقیں ہوئیں کیونکہ کئی لوگ زبردستی کے رشتے میں رہ رہے تھے۔۔

رانی مکھرجی کا کہنا تھا کہ شاہ رخ اور ان کی فلم ‘کبھی الوداع نہ کہنا’ کو دیکھ کر بہت سے شادی شدہ جوڑوں کی آنکھیں کھل گئی تھیں اور انھیں احساس ہوا تھا کہ انھیں بھی اپنی زندگی میں اصل خوشی حاصل کرنی چاہیے۔

فلم میں اپنے کردار مایا کے بارے میں بات کرتے ہوئے رانی مکھرجی نے کہا کہ ‘مایا کے کردار کی خوبصورت بات یہ تھی کہ وہ رشی (ابھیشیک بچن) کو ایک دوست کے طور پر پسند کرتی تھی جبکہ دیو (شاہ رخ خان) سے انھیں وہ محبت ملی جو وہ ہمیشہ چاہتی تھیں‘۔

رانی مکھرجی نے مزید کہا کہ “عورت کی خواہشات اور اس کے انتخاب کے بارے میں بات کرنا بہت ضروری ہے، معاشرے میں اکثر خواتین سے ان کی مرضی اور رغبت کے بارے میں پوچھنے سے گریز کیا جاتا ہے۔

واضح رہے کہ سپر ہٹ فلم ’’کبھی الوداع نہ کہنا ‘‘2006 میں ریلیز ہوئی تھی جس میں شاہ رخ خان اور رانی مکھرجی کے علاوہ میگا اسٹار امیتابھ بچن سمیت پریٹی زنٹا اور ابھیشیک بچن نے بھی کام کیا تھا۔

بالی وڈ کی سینئر اداکارہ رانی مکھرجی نے آج کے ڈیجیٹل دور میں سوشل میڈیا استعمال نہ کرنے کی اہم وجہ بتا دی۔

دنیا میں بڑی شخصیات سے لے کر ایک عام آدمی جہاں ہر فرد سوشل میڈیا پر فالوورز کی دوڑ شامل ہونا چاہیتے ہیں وہی بالی وڈ کی اداکارہ رانی مکھرجی ہیں جو سوشل میڈیا استعمال ہی نہیں کرتیں ہے۔

اداکارہ رانی مکھرجی آج کل اپنی نئی فلم ’مسز چترجی ورسز ناروے‘ کی کامیابی سے لطف اندوز ہو رہی ہیں، حال ہی میں انہوں نے بھارتی میڈیا کو انٹرویو دیتے ہوئے سوشل میڈیا استعمال نہ کرنے کی وجہ بتائی ہے۔

رانی مکھرجی کا کہنا تھا کہ سوشل میڈیا آپ پر ایک الگ پریشر ڈالتا ہے اور اسے روز کی بنیاد پر اپ ڈیٹ کرنا پڑتا ہے اور یہ دونوں چیزیں میں نہیں سنبھال سکتی۔

رانی مکھرجی کی فلم دیکھ کر نارویجن سفیر ناراض

رانی مکھرجی نے کہا کہ  یہ ہر ایک کی اپنی مرضی ہے کہ وہ اس پریشر کے سامنے جھکنا چاہتا ہے یا نہیں۔

بالی وڈ اداکارہ نے کہا کہ جب سوشل میڈیا کا آغاز ہوا تو سب نے مجھ سے کہا آپ کو سوشل میڈیا  پر اکاؤنٹ بنانا چاہیے لیکن مجھے اچھے سے معلوم ہے کہ میں یہ چیز نہیں کرسکتی، میں اس میں اچھی نہیں ہوں تو میں پھر اسے استعمال کرکے خود کو مشکل میں کیوں ڈالوں؟

کبھی الوداع نی کہنا کی اداکارہ نے کہا کہ میں نے اپنی ذاتی اور پروفیشنل زندگی الگ رکھی ہوئی ہے، میں اور میرے شوہر آدتیا چوپڑا ہم اپنی  بیٹی کے سامنے فلموں کے بارے میں بات بھی نہیں کرتے۔