Tag: راولپنڈی اور اسلام آباد

اسلام آباد : راولپنڈی اور اسلام آباد میں رات گئے موسلادھار بارش سے جل تھل ایک ہوگیا، ابتک 120ملی میٹرسےزائد بارش ریکارڈ کی گئی۔

تفصیلات کے مطابق راولپنڈی اور اسلام آباد میں رات سے موسلادھاربارش کا سلسلہ جاری ہے ، بارش سے جڑواں شہروں کے درجہ حرارت میں کمی ہوئی۔

موسلادھاربارش کے بعد واسا نے االرٹ جاری کردیا ہے ، نالہ لئی گوالمنڈی کےمقام پرپانی کی سطح 12فٹ اور کٹاریاں کےمقام پرپانی کی سطح 14فٹ ریکارڈ کی گئی۔

ایم ڈی واسا سلیم اشرف نے شہر کے مختلف علاقوں کا دورہ کیا ، اس موقع پر سلیم اشرف کا کہنا تھا کہ نالہ لئی کی مسلسل مانیٹرنگ کی جارہی ہے، نشیبی علاقوں میں نکاسی آب کیلئےعملہ تعینات ہے اور نالہ لئی میں طغیانی کے پیش نظرانتظامات مکمل ہیں۔

راولپنڈی اور اسلام آبادمیں ابتک 120ملی میٹرسےزائد بارش ریکارڈ کی گئی۔

لوئر دیر کے علاقے خال رباط میں بارش اور ژالہ باری سے ندی نالوں میں طغیانی آگئی ہے جبکہ صوابی، مالاکنڈ اور گرد و نواح میں تیز بارش سے نشیبی علاقے زیرآب آگئے۔

محکمہ موسمیات نے آج لاہور، فیصل آباد، سیالکوٹ، نارووال، گوجرانوالہ، گجرات، اٹک، چکوال، پشاور، مردان، چارسدہ، بونیر، کشمیر اور گلگت بلتستان میں کہیں ہلکی تو کہیں تیز بارش کی پیشگوئی کی ہے

کراچی اور کوئٹہ سمیت دیگر علاقوں میں موسم گرم اور خشک رہنے کا امکان ہے۔

اسلام آباد : راولپنڈی اور اسلام آباد میں موسلا دھار بارش اور ژالہ باری سے موسم خوشگوار ہوگیا۔

تفصیلات کے مطابق اسلام آباد اورگردونواح میں گرج چمک کیساتھ بارش اورژالہ باری ہوئی جبکہ راولپنڈی کے مختلف علاقوں میں موسلا دھار بارش ہوئی، جس سے موسم خوشگوار ہوگیا۔

واسا نے نشیبی علاقوں میں رین الرٹ جاری کردیا ہے، مختلف علاقوں میں نکاسی آب کاکام جاری ہے، ایم ڈی واسا نے کہا ہے کہ نشیبی علاقوں میں ہیوی مشینری اورعملہ پہلے سے الرٹ ہے۔

دوسری جانب ملک کےبیشترعلاقوں میں موسم گرم اورخشک رہنےکاامکان ہے جبکہ شمالی بلوچستان، خیبر پختونخوا، بالائی پنجاب میں گرج چمک کیساتھ بارش ہوسکتی ہے۔

محکمہ موسمیات کا کہنا تھا کہ کشمیر اور گلگت بلتستان میں چند مقامات پرآندھی اور جھکڑ چلنے اور گرج چمک کیساتھ بارش کی توقع جنوبی پنجاب اور بالائی سندھ میں موسم شدیدگرم بعض مقامات پرہلکی بارش کا امکان ہے جبکہ کشمیر اور گلگت بلتستان میں چند مقامات پرآندھی،جھکڑچلنےاورگرج چمک کیساتھ بارش کی توقع ہے۔

چترال، دیر، سوات، ایبٹ آباد، مانسہرہ، ہری پور،کوہستان،شانگلہ، بونیر،بٹگرام ، مالاکنڈ، پشاور، چارسدہ، نوشہرہ، صوابی، مردان، کوہاٹ، کرک،لکی مروت،بنوں میں بارش کا امکان ہے۔

محکمہ موسمیات کے مطابق سندھ کےبیشتراضلاع میں موسم گرم اورخشک رہنے کے علاوہ گرد آلود ہوائیں چلنے کا امکان ہے جبکہ جیکب آباد، سکھر، کشموراورگردونواح میں آندھی/جھکڑچلنےاورگرج چمک کیساتھ بارش متوقع ہے۔