پاکستان اور انگلینڈ کے درمیان سیریز کا فیصلہ کن ٹیسٹ آج راولپنڈی میں کھیلا جارہا ہے، جہاں انگلینڈ نے ٹاس جیت لیا ہے۔
راولپنڈی کرکٹ اسٹیڈیم میں انگلینڈ کے خلاف تیسرے اور آخری ٹیسٹ میچ میں انگلینڈ نے ٹاس جیت کر پاکستان کیخلاف بیٹنگ کا فیصلہ کیا ہے۔
تیسرے ٹیسٹ کیلئے پاکستان کی فائنل الیون میں کوئی تبدیلی نہیں کی گئی ہے جبکہ انگلینڈ کی جانب سے تیسرے ٹیسٹ کیلئے ٹیم میں 2 تبدیلیاں کی گئی ہیں، انگلینڈ کی جانب سے شعیب بشیر اور گس اٹنکسن انگلینڈ کو پلیئنگ الیون میں شامل کیا گیا ہے۔
واضح رہے کہ ملتان میں ٹیسٹ سیریز کا کھیلا گیا پہلا ٹیسٹ انگلینڈ نے جیتا تھا جبکہ دوسرا ٹیسٹ پاکستان نے جیتا تھا۔
راولپنڈی: پنڈی ٹیسٹ میں پاکستان اور جنوبی افریقا کے درمیان دوسرے روز کا کھیل ختم ہو گیا، جنوبی افریقا نے پہلی اننگز میں 4 وکٹ پر 106رنز بنا لیے۔
تفصیلات کے مطابق پنڈی ٹیسٹ میں پاکستان کی گرفت مضبوط ہو گئی ہے، قومی کھلاڑیوں نے بیٹنگ کے بعد بولنگ میں بھی عمدہ کارکردگی دکھائی۔
خراب روشنی کے باعث کھیل مقررہ وقت سے 10 منٹ قبل ختم کیا گیا، حسن علی 2، نعمان علی اور فہیم اشرف نے ایک ایک وکٹ حاصل کی، جنوبی افریقا کو پاکستان کی برتری ختم کرنے کے لیے مزید 166 رنز درکار ہیں۔
قبل ازیں، پنڈی ٹیسٹ میں فہیم اشرف نے ٹیم کی لاج رکھ لی، دوسرے روز پہلے سیشن میں 4 وکٹیں گرنے کے بعد فہیم اشرف نے نصف سنچری بنا لی، فہیم اشرف نے ناٹ آؤٹ 78 رنز بنائے، قومی ٹیم پہلی اننگز میں 272 رنز بنا کر آؤٹ ہوگئی۔
دوسرے روز جنوبی افریقی بولرز نے آغاز اچھا دیا، بابر اسکور میں اضافہ کیے بغیر 77 رنز بنا کر آؤٹ ہوئے، فواد 45 رنز بنا کر بد قسمت رہے، پہلے سیشن میں چار وکٹیں گریں لیکن فہیم اشرف چٹان بنے رہے۔
تاہم دوسرے سیشن میں ٹیل اینڈرز زیادہ مزاحمت نہ کر سکے، وکٹیں وقفے وقفے سےگرتی رہیں اور پوری ٹیم 272 رنز پر آؤٹ ہو گئی، فہیم اشرف 78 رنز بنا کر ناقابل شکست رہے، جنوبی افریقا کی جانب سے انریخ نارکیا نے 5 اور کیشو مہاراج نے 3 وکٹیں حاصل کیں۔
فہیم اشرف نے ورچوئل پریس کانفرنس میں کہا کہ بلے بازی میں اسکور کرنا میرے لیے بونس ہے، جب میرے نصیب میں ٹیسٹ سنچری ہوگی تو اسکور کر لوں گا، راولپنڈی میں جتنی وکٹ ٹو وکٹ گیند بازی کریں اتنا اچھا ہے۔
راولپنڈی: پاکستان اور بنگلا دیش کے درمیان کھیلے جانے والے پہلے ٹیسٹ کے دوسرے دن کا کھیل اختتام پذیر ہوگیا، پاکستان نے 3 وکٹوں پر 342 رنز بنالیے۔
تفصیلات کے مطابق پنڈی کرکٹ اسٹیڈیم میں بنگلادیش کے خلاف بابراعظم 143 اور اسدشفیق 60 رنز کے ساتھ وکٹ پر موجود ہیں، پاکستان نے پہلی اننگز میں بنگلادیش پر 109رنز کی برتری حاصل کرلی، بنگلادیش کی ٹیم پہلے دن 233 رنز بنا کر آؤٹ ہو گئی تھی، بنگلا دیش کے خلاف اپنی پہلی اننگز کا آغاز کرتے ہی پاک ٹیم کے اوپنر عابد علی بغیر کوئی رن بنائے آؤٹ ہو گئے، عابد علی بھارتی کرکٹر محمد اظہر الدین کی مسلسل تیسرے ٹیسٹ میں سنچری کا ریکارڈ برابر نہ کر سکے۔
اس وقت راولپنڈی کرکٹ اسٹیڈیم کے اطراف سخت سیکورٹی انتظامات کیے گئے ہیں، میچ سے قبل پاکستان اور بنگلا دیش کی ٹیموں نے وارم اپ پریکٹس کی۔ بنگلا دیش کے خلاف پاکستان کی بیٹنگ کا آغاز مایوس کن انداز میں ہوا تاہم شان مسعود اور بابر اعظم نے بیٹنگ کو سنبھالا دیا، شان مسعود نے 11 چوکوں کی مدد سے شان دار سینچری اسکور کی اور 100 رنز پورے کرنے کے بعد تیج الاسلام کی گیند پر آؤٹ ہو گئے، بابر اعظم نے بھی ففٹی اسکور کی، جب کہ اظہر علی 34 رنز بنا کر ابو جید کی گیند پر نجم الحسین کے ہاتھوں کیچ آؤٹ ہو گئے، عابد علی کی وکٹ بھی ابو جید کے حصے میں آئی جن کا کیچ لتن داس نے لیا۔
گزشتہ روز شاہینوں نے بنگلا دیشی بلے بازوں کو چلنے نہ دیا، 233 رنز پر پوری ٹیم پویلین لوٹ گئی تھی، پہلے روز کا کھیل خراب روشنی کے باعث جلدی ختم کر دیا گیا تھا، شاہین آفریدی نے شان دار بولنگ کرتے ہوئے 4 کھلاڑی آؤٹ کیے، محمد عباس اور حارث سہیل نے 2،2 وکٹیں لیں۔ قبل ازیں پاکستان نے بنگال ٹائیگرز کو ٹاس جیت کر بیٹنگ کی دعوت دی، آغاز ہی میں شاہین آفریدی اور محمد عباس نے بنگلا دیشی اوپنرز کو چلتا کیا۔ نجم الحسین شانتو اور کپتان مومن الحق نے ٹکنے کی کوشش کی لیکن شاہین اور عباس کا شکار بننے سے نہ بچ سکے، محمد متھن نے بنگلا دیش کے اسکور کو آگے بڑھایا جو 63 رنز پر نسیم شاہ کی گیند پر آؤٹ ہو گئے۔
بنگلا دیش کی جانب سے تمیم اقبال 3 رنز بنا کر محمد عباس کی گیند پر ایل بی ڈبلیو ہو گئے، جب کہ سیف حسن کو شاہین آفریدی کی گیند پر شفیق نے کیچ آؤٹ کیا۔ سیف حسن رنز کا کھاتا ہی نہ کھول سکے اور صفر پر پویلین لوٹ گئے۔ کپتان مومن الحق 5 چوکوں کی مدد سے 30 رنز بنا کر شاہین آفریدی کی گیند پر رضوان کے ہاتھوں کیچ آؤٹ ہو گئے، نجم الحسین شنتو 44 رنز بنا کر محمد عباس کی گیند پر رضوان کے ہاتھوں پویلین لوٹ گئے، محمود اللہ 25 رنز بنا کر شاہین آفریدی کی گیند پر شفیق کے ہاتھوں کیچ آؤٹ ہو گئے۔
راولپنڈی ٹیسٹ میں پاکستان کی عمدہ بولنگ کی بدولت بنگلادیش کی پوری ٹیم پہلی اننگز میں 233 رنز پر ڈھیر ہو گئی۔
تفصیلات کے مطابق راولپنڈی ٹیسٹ میں پاکستان نے ٹاس جیت کر بنگلا دیش کو بیٹنگ کی دعوت دی تو قومی بولرز کے سامنے حریف بیٹنگ لائن ریت کی دیوار ثابت ہوئی، ابتدا سے ہی وکٹیں گرنے کا سلسلہ جاری رہا اور پوری ٹیم 233 رنز پر پویلین لوٹ گئی۔
تمیم اقبال 3 رنز بنا کر محمد عباس کی گیند پر ایل بی ڈبلیو ہو گئے، جب کہ سیف حسن کو شاہین آفریدی کی گیند پر شفیق نے کیچ آؤٹ کیا۔ سیف حسن رنز کا کھاتا ہی نہ کھول سکے اور صفر پر پویلین لوٹ گئے۔ کپتان مومن الحق 5 چوکوں کی مدد سے 30 رنز بنا کر شاہین آفریدی کی گیند پر رضوان کے ہاتھوں کیچ آؤٹ ہو گئے، نجم الحسین شنتو 44 رنز بنا کر محمد عباس کی گیند پر رضوان کے ہاتھوں پویلین لوٹ گئے، محمود اللہ 25 رنز بنا کر شاہین آفریدی کی گیند پر شفیق کے ہاتھوں کیچ آؤٹ ہو گئے۔
فاسٹ بولر شاہین آفریدی بنگلا کپتان مومن الحق کو آؤٹ کرنے کے بعد
بنگلادیش کی جانب سے محمد متھن 63 رنز کے ساتھ نمایاں رہے جب کہ پاکستان کی جانب سے شاہین شاہ آفریدی نے ایک بار پھر شاندار بولنگ کرتے ہوئے 4 کھلاڑیوں کو آؤٹ کیا، محمد عباس اور حارث سہیل نے 2،2 اور نسیم شاہ نے ایک وکٹ حاصل کی۔
کم روشنی کے باعث میچ کا پہلا دن ختم کر دیا گیا اور اب قومی ٹیم کل صبح اپنی پہلی اننگز کا آغاز کرے گی۔
کپتانوں کی ٹاس کے موقع پر گفتگو
کپتان اظہر علی نے ٹاس جیت کر کہا کہ ان کی کوشش ہوگی کہ بنگلادیش کو جلدی آؤٹ کریں، پاکستان ٹیم میں نوجوان کھلاڑی موجود ہیں، عابد علی نے ڈیبیو میں اچھی کارکردگی دکھائی تھی۔ کپتان نے کہا کہ بنگلا دیش کے خلاف ٹیم میں فاسٹ بولر اہم کردار ادا کر سکتے ہیں، بنگلا ٹیم میں بھی نئے کھلاڑی ہیں جو اپنا بہترین کھیل پیش کریں گے۔
تین سابق کپتان: جاوید برکی، مشتاق محمد اور ماجد خان، پنڈی اسٹیڈیم میں ٹیسٹ کے اوپننگ ڈے پر
بنگلا دیش ٹیم کے کپتان مومن الحق نے کہا کہ ان کے پاس اچھی بیٹنگ لائن ہے، بڑا اسکور کرنے کی کوشش کریں گے، پاکستان کی ٹیم بھی بہت اچھی ہے، ہم اپنا 100 فی صد دیں گے۔
واضح رہے کہ پاکستان اور بنگلا دیش کے درمیان 2 میچز پر مشتمل ٹیسٹ سیریز کھیلی جا رہی ہے۔ پاکستان نے بنگلہ دیش کو تین ٹی 20 میچز کی سیریز میں 2-0 سے شکست دی تھی۔
کراچی: قومی کرکٹ ٹیم راولپنڈی سے کراچی پہنچ گئی ہے، ٹیم کو سخت حفاظت میں ایئر پورٹ سے ہوٹل پہنچا دیا گیا۔
تفصیلات کے مطابق قومی کرکٹ ٹیم اور سری لنکا کے درمیان 2 ٹیسٹ میچز کی سیریز کا دوسرا میچ 19 تاریخ سے کراچی کے نیشنل اسٹیڈیم میں کھیلا جائے گا، قومی ٹیم کو کراچی کے جناح انٹرنیشنل ایئر پورٹ سے سخت سیکورٹی حصار میں ہوٹل پہنچایا گیا۔
سری لنکا کی مہمان ٹیم کل دوپہر کو کراچی پہنچے گی، دونوں ٹیمیں 17 اور 18 دسمبر کو نیشنل اسٹیڈیم میں ٹریننگ سیشنز میں حصہ لیں گی۔
خیال رہے کہ راولپنڈی اسٹیڈیم میں پاکستان اور سری لنکا کے مابین کھیلا جانا والا پہلا ٹیسٹ میچ ڈرا ہوا، پہلے ٹیسٹ میچ کے پانچویں روز مہمان ٹیم نے 6 وکٹوں پر 308 رنز بنا کر اپنی پہلی اننگز ڈیکلئر کر دی تھی جب کہ پاکستان نے پہلی اننگز میں 2 وکٹوں کے نقصان پر 252 رنز بنائے اور میچ ڈرا ہوگیا۔
یادگار پنڈی ٹیسٹ بارش کی نذر ہو کر ڈرا ہوا، پاکستانی اوپنر عابد علی نے منفرد عالمی ریکارڈ بنایا، ٹیسٹ اور ون ڈے میں ڈیبیو پر سنچری کرنے والے وہ دنیا کے پہلے کرکٹر بن گئے، عابد علی کو مین آف دی میچ بھی قرار دیا گیا۔ بابر اعظم نے بھی ٹیسٹ کیریئر کی تیسری سنچری بنائی، دونوں ٹیموں کو ٹیسٹ چیمپئن شپ کے لیے بیس بیس پوائنٹس مل گئے ہیں۔
راولپنڈی: پاکستان اور سری لنکا کے مابین کھیلے جانے والے پہلے ٹیسٹ میچ کے پانچویں روز مہمان ٹیم نے 6 وکٹوں پر 308 رنز بنا کر اننگز ڈیکلئر کر دی جب کہ پاکستان نے پہلی اننگز میں دو وکٹوںپر 252 رنز بنائے اور میچ ڈرا ہوگیا.
تفصیلات کے مطابق پنڈی ٹیسٹ کے آخری روز کا دوسرا سیشن ختم ہو گیا، چائے کے وقفے تک پاکستان نے 2 وکٹ پر 177 رنز بنا لیے، عابد علی 91، بابر اعظم 47 رنز بنا کر کریز پر موجود ہیں۔، اظہر علی 36 رنز جب کہ شان مسعود بغیر کوئی رن بنائے آؤٹ ہوئے۔
راولپنڈی کرکٹ اسٹیڈیم میں پاکستان سری لنکا ٹیسٹ میچ کا آج پانچواں روز ہے، میچ بارش کی وجہ سے شدید متاثر رہا، گزشتہ روز ایک بھی گیند نہیں پھینکی جا سکی تھی، خراب موسم نے ٹیسٹ کرکٹ کی واپسی کا مزہ کرکرا کر دیا۔
دونوں ٹیموں کے درمیان پہلا ٹیسٹ میچ ڈرا کی جانب گام زن ہے، میچ ڈرا ہونے کی صورت میں دونوں ٹیموں کو 20،20 پوائنٹس ملیں گے، پی سی بی ذرایع کا کہنا ہے کہ آج صدرعارف علوی بھی میچ دیکھنے اسٹیڈیم آئیں گے، اسٹیڈیم میں صرف ان گاڑیوں کو داخلے کی اجازت ہے جن پر پی سی بی کے فراہم کردہ اسٹیکرز چسپاں ہوں، پارکنگ کے لیے پی سی بی نے گاڑیوں کو نیلے اور لال اسٹیکرز فراہم کیے ہیں۔
قبل ازیں، دونوں ٹیموں کو سخت سیکورٹی میں اسٹیڈیم پہنچایا گیا تھا، محکمہ موسمیات نے پیش گوئی کی ہے کہ راولپنڈی میں آج دن بھر مطلع صاف رہے گا، سری لنکا نے 6 وکٹوں کے نقصان پر 282 رنز بنائے تھے، آج پانچویں روز کے کھیل میں مہمان ٹیم نے 26 رنز کا اضافہ کیا۔ سری لنکا کے دھنن جیا ڈی سلوا نے سنچری اسکور کی، شاہین آفریدی اور نسیم شاہ نے 2،2 وکٹیں حاصل کیں۔
پاکستان نے سری لنکا کے خلاف کھیل کا آغاز کیا تو پہلی وکٹ 3 رنز پر ہی گر گئی، شان مسعود بغیر کوئی رن بنائے آؤٹ ہو چکے ہیں۔
خیال رہے کہ گزشتہ روز چوتھے دن کا کھیل نہ ہو سکا تھا لیکن سری لنکن ٹیم نے اسلام آباد کی رونق دیکھی، کھلاڑیوں نے اسلام آباد کے مقامی شاپنگ مال کا دورہ کیا، کئی کرکٹرز نے شاپنگ بھی کی، کرکٹ کے مداحوں نے سری لنکن کرکٹرز کے ساتھ سیلفیاں بنوائیں۔ کپتان سری لنکا دمتھ کرونارتنے نے کہا کہ آج پاکستان کو دیکھنے کا اچھا موقع ملا، اسلام آباد خوب صورت شہر ہے۔
راولپنڈی: پاکستان اور سری لنکا کے درمیان کھیلے جانے والے پہلے ٹیسٹ میچ کے چوتھے روز کا کھیل بھی بارش کے باعث ممکن نہ ہو سکا۔
تفصیلات کے مطابق راولپنڈی ٹیسٹ میں ایک بھی گیند ہوئے بغیر چوتھے دن کا کھیل ختم کر دیا گیا، 3 دن میں ایک اننگز بھی مکمل نہ ہو سکی، جس کے باعث میچ ڈرا کی جانب گامزن ہے۔
پاک سری لنکا سیریز کا دوسرا ٹیسٹ 19 دسمبر سے کراچی میں ہوگا۔
خیال رہے کہ سری لنکن ٹیسٹ ٹیم کی آمد سے پاکستان میں دس سال بعد ٹیسٹ کرکٹ بحال ہوئی ہے، تاہم پہلا ٹیسٹ میچ ہی بارش اور خراب موسم کے سبب شدید متاثر ہو چکا ہے، آج سری لنکا کو 282 رنز 6 وکٹوں کے نقصان پر اپنی نامکمل اننگز دوبارہ شروع کرنی تھی تاہم بارش کی وجہ سے کھیل شروع نہ کیا جا سکا۔
پہلے دن سری لنکن ٹیم نے اننگز اوپن کرتے ہوئے 5 وکٹوں کے نقصان پر 202 رنز بنائے تھے، کپتان کرونا رتنے نے 59 رنز کی اننگز کھیلی، ڈی سلوا 38 اور ڈک ویلا 11 رنز کے ساتھ کریز پر موجود تھے۔ سری لنکا کی پہلی وکٹ 96 رنز پر گری جب کرونا رتنے 59 رنز بنا کر شاہین شاہ آفریدی کی گیند پر ایل بی ڈبلیو آؤٹ ہوئے، فرنینڈو کو 40 رنز پر نسیم شاہ نے پویلین کی راہ دکھائی۔ مینڈس 10 رنز بنا کر عثمان شنواری کا نشانہ بنے، اینجلو میتھیوز 31 رنز بنا کر نسیم شاہ کا شکار بنے، ڈنیش چندی مل 2 رنز بنا کر محمد عباس کی گیند پر بولڈ ہوئے۔ نسیم شاہ نے دو وکٹیں لیں۔
راولپنڈی ٹیسٹ کے دوسرے روز خراب موسم کے باعث صرف 18.2 اوورز کا کھیل ممکن ہو سکا۔ بارش کے وقفے کے بعد دوسرے سیشن میں شاہین آفریدی نے نیروشن ڈک ویلا کو 33 رنز پر پویلین روانہ کیا۔ میچ جلد ختم ہوا تو سری لنکا نے 6 وکٹوں کے نقصان پر 263 رنز بنالیے تھے، ڈی سلوا 72 اور پریرا 2 رنز کے ساتھ کریز پر موجود تھے۔
تیسرے روز کا کھیل بھی خراب آؤٹ فیلڈ کی نذر ہوا، دوسرے سیشن میں امپائر نے کم روشنی کے باعث میچ روک دیا اور پھر کھیل دوبارہ شروع نہ ہو سکا۔ تیسرے دن صرف 5.2 اوورز کا کھل ہی ممکن ہو سکا، جس کے اختتام پر سری لنکا کے رنز 6 وکٹوں کے نقصان پر 282 تھے، دھنن جیا ڈی سلوا 87 اور دلروان پریرا 6 رنز کے ساتھ کریز پر موجود تھے۔
