Tag: راولپنڈی

راولپنڈی: نجی ہاؤسنگ سوسائٹی کے برساتی نالے سے نوجوان کی لاش ملی ہے، لاش تھانہ گوجرخان کی حدود سے ملی۔

تفصیلات کے مطابق ریسکیو حکام نے بتایا کہ راولپنڈی میں 20سالہ نوجوان کی لاش نجی ہائوسنگ سوسائٹی کے برساتی نالے سے برآمد ہوئی ہے، یہ ہائوسنگ سوسائٹی تھانہ گوجرخان کی حدود میں واقع ہے۔

نوجوان کی لاش سے متعلق میں ریسکیو حکام نے مزید بتایا کہ نالے سے ملنے والی لاش کو شناخت کے لیے اسپتال منتقل کردیا گیا ہے۔

تاہم اسلام آباد میں زیرزمین برساتی نالے کی گزرگاہ میں ریسکیو آپریشن کے دوران نجی ہاؤسنگ سوسائٹی میں ڈوبنے والے باپ بیٹی یا گاڑی اب تک کوئی سراغ نہیں مل سکا ہے۔

اسلام آباد کی نجی ہاؤسنگ سوسائٹی میں ڈوبنے والے باپ بیٹی کی تلاش کیلئے ریسکیو آپریشن جاری ہے، ریسکیو ذرائع نے بتایا کہ زیر زمین برساتی نالے کی گزرگاہ میں آپریشن مکمل کرلیا گیا ہے۔

گزرگاہ کی کھدائی کرکے تربیت یافتہ کھوجی کتے بھی گزارے گئے تھے تاہم نجی ہاؤسنگ سوسائٹی میں باپ بیٹی یا گاڑی کا کوئی سراغ نہیں مل سکا۔

ریسکیو حکام کے مطابق آپریشن کے دوران ریسکیو1122 کی گاڑیاں کشتیاں غوطہ خور جدید الات کے ذریعے سرچ کیا گیا۔

یاد رہے نجی ہاوسنگ سوسائٹی میں افسوس ناک واقعہ پیش آیا تھا، جہاں نشیبی علاقے میں گاڑی بے قابو ہو کر سیلابی ریلے میں بہہ گئی اور کار سوار باپ بیٹی بے رحم موجوں کی نذر ہوگئے تھے۔

https://urdu.arynews.tv/car-carrying-father-daughter-swept-away-in-islamabad/

راولپنڈی : راول ڈیم میں پانی کی سطح بلند ہونے پر اسپل ویز کھول دیے گئے، ڈیم کا لیول 1750،10 فٹ پر پہنچ گیا تھا۔

تفصیلات کے مطابق اسلام آباد اور راولپنڈی میں حالیہ موسلا دھار بارشوں کے باعث راول ڈیم میں پانی کی سطح خطرناک حد تک بلند ہوگئی، جس کے پیش نظر حکام نے اسپل ویز کھول دیے گئے۔

اس کے ساتھ ہی شہریوں کے لیے ایمرجنسی الرٹ جاری کر دیا گیا ہے اور تمام حفاظتی انتظامات مکمل کر لیے گئے ہیں۔

راول ڈیم میں پانی کی سطح 1750 ایکڑ فٹ تک پہنچ چکی ہے، جو معمول سے زیادہ ہے۔

حکام کے مطابق اسپل ویز کھولنے کے بعد پانی کی سطح 1746 ایکڑ فٹ تک لائی جائے گی تاکہ پانی کے اضافی دباؤ کو کم کیا جا سکے۔

ضلعی انتظامیہ نے تمام متعلقہ اداروں کو احتیاطی تدابیر اختیار کرنے اور ملحقہ علاقوں کے رہائشیوں سےبھی احتیاطی تدابیراختیار کرنےکی ہدایت کی گئی ہے۔

دوسری جانب خان پور ڈیم میں اس وقت پانی کی سطح 1949 فٹ تک پہنچ گئی ، ڈیم میں پانی کی گنجائش 1982 فٹ ہے۔

مون سون بارشوں سے قبل خانپور ڈیم میں پانی کی سطح انتہائی کم ہوکر ڈیڈلیول تک پہنچ گئی تھی ، کمشنر راولپنڈی کا کہنا ہے کہ حالیہ بارشوں سےخانپور راول ڈیم ساملی ڈیم سمیت دیگر ذخائر میں بہتری آئی۔

خیال رہے اسلام اباد اور راولپنڈی سمیت ملحقہ نواحی علاقوں میں رات سے اب تک بارش کا سلسلہ جاری ہے، ضلعی انتظامیہ نے الرٹ وارننگ جاری کر دی ہے، واسا اور ریسکیو کی ٹیمیں مختلف علاقوں میں موجود ہیں۔

سیکٹرایف سکس سے ملحق سید ویلیج کے برساتی نالے میں طغیانی آگئی ریلہ گاڑی بہاکر لے گیا جبکہ مون سون کے نئے اسپیل سے دارالحکومت پانی پانی ہوگیا اور ڈپلومیٹک انکلیو میں پھر پانی آگیا۔

راولپنڈی کے علاقے پلینہ میرا میں زمین کے تنازع پر جھگڑا ہوا جس میں ڈنڈوں اور ہنٹروں سے خواتین کو بُری طرح تشدد کا نشانہ بنایا گیا۔

اے آر وائی نیوز کے مطابق تھانہ گوجر خان کی حدود میں زمین کے تنازع پر جگھڑا ہوا، جہاں خواتین پر بہیمانہ تشدد کیا گیا، خواتین پر ڈنڈوں اور ہنٹروں سے تشدد کی ویڈیو سوشل میڈیا پر وائرل ہوگئی۔

خواتین کو اس طرح ڈنڈوں اور ہنٹروں سے مارنے کی ویڈیو وائرل ہونے کے بعد پولیس کو ایکشن لینا پڑا، متاثرین کی درخواست پر باقاعدہ مقدمہ درج کرلیا گیا ہے۔

ویڈیو میں دیکھا جاسکتا ہے کہ خواتین کو ڈنڈوں، سوٹوں اور تاروں کی مدد سے خواتین کو بری طرح مارا جارہا ہے۔

تھانہ گوجر خان پولیس نے خواتین کو بری طرح زدوکوب کرنے کا مقدمہ درج کرلیا ہے، مقدمے میں تشدد کرنے والے کئی مردوں سمیت 3 خواتین کو بھی نامزد کیا گیا ہے۔

راولپنڈی : محکمہ وائلڈ لائف نے شیر جی ٹی روڈ پر کھڑی گاڑی سے شیر پکڑ لیا، برآمد شیر میلوں میں سرکس کیلےلایا گیا تھا۔

تفصیلات کے مطابق محکمہ وائلڈ لائف پنجاب نے راولپنڈی میں چک بیلی روڈ سے غیر قانونی شیر تحویل میں لے لیا۔

حکام نے بتایا کہ شیر جی ٹی روڈ پر کھڑی گاڑی سے برآمد کیا گیا، شیر کا مالک جس کی شناخت فخر عباس کے نام سے ہوئی ہے۔

برآمد شیر میلوں میں سرکس کیلےلایا گیا تھا تاہم شیر کا مالک فخرعباس لائسنس پیش کرنےمیں ناکام رہا ، جس کی وجہ سے قانونی کارروائی کی گئی۔

حکام کا کہنا تھا کہ غیر قانونی شیر رکھنے پر مالک کو 60 ہزار روپے جرمانہ عائد کردیا ہے اور تحویل میں لئےگئے شیر کو محفوظ مقام پرمنتقل کر دیا گیا ہے۔

مزید پڑھیں : راولپنڈی : گھر سے افریقی نسل کا نایاب شیر برآمد ، مقدمہ درج

محکمہ وائلڈ لائف کے مطابق پنجاب بھر میں جنگلی جانوروں کو پرمٹ کے بغیر رکھنے پر سخت پابندی ہے ، ٹارگٹڈ آپریشن کے دوران پنجاب کے مختلف علاقوں سے پالتو جانوروں کے طور پر غیر قانونی طور پر رکھے گئے اٹھارہ شیروں کو پکڑا گیا ہے۔

گزشتہ ماہ لاہور کے ایک گھر سے شیر کے فرار ہونے اور ایک خاتون اور دو بچوں پر حملہ کرنے کے بعد وسیع پیمانے پر کریک ڈاؤن شروع کر دیا گیا ہے۔

محکمہ وائلڈ لائف نے زور دیا کہ جانوروں کے تحفظ کے قوانین کی خلاف ورزی کرنے والے افراد کے خلاف کارروائی جاری رہے گی۔

راولپنڈی : گزشتہ روز سیلابی ریلے میں بہہ جانے والے 5 سالہ بچے سمیت 3 افراد کی لاشیں مل گئیں۔

تفصیلات کے مطابق راولپنڈی میں سیلابی ریلے میں بہنے والے 5 سالہ بچے سمیت دوافراد کی تلاش دوبارہ شروع کردی گئی۔

جس کے بعد بہہ جانے والے بچے سمیت تین افراد کی لاشیں مل گئیں۔

گزشتہ روز صدر بھوسا منڈی کے نالے میں پانچ سال کا بچہ ڈوب گیا تھا، ریسکیو حکام کا کہنا تھا دھمیال میں نوجوان پاؤں پھسلنے سےسیلابی ریلے میں بہہ گیاتھا۔

بعد ازاں آپریشن کا آغاز کیا گیا تاہم رات اندھیرے کے باعث آپریشن روک دیا گیا تھا۔

راولپنڈی میں مون سون بارش کے نتیجے میں ہلاکتوں کی مجموعی تعداد تعداد 6 ہو گئی۔

مزید پڑھیں : راولپنڈی میں موسلادھار بارش کے بعد ہنگامی حالت کا اعلان

گذشتہ روز راولپنڈی اور اسلام آباد میں کل دو سو ساٹھ ملی میٹر بارش نے جڑواں شہروں کو ڈبودیا، نالہ لئی میں پانی کی سطح خطرناک حد اکیس فٹ تک بلند ہوئی۔

مختلف علاقوں میں گلیاں اور سڑکیں تالاب بن گئیں، موٹروے پر گاڑیاں پانی میں تیرتی نظر آئیں، ہر طرف سے پانی میں ڈوبے لوگ تختوں پر تیرتے ہوئے محفوظ مقامات پر منتقل ہوئے، گھروں کے گھر پانی میں ڈوب گئے تو چھتوں پر پناہ لینے پر مجبور ہوئے-

انتظامیہ نے فلڈ ایمرجنسی نافذ کی، سری نگر ہائی وے پانی میں بہہ گئی، مری میں لینڈ سلائیڈنگ کی وجہ سے سڑک کا ایک حصہ دھنس گیا-

راولپنڈی : راولپنڈی میں اٹھارہ گھنٹوں سے جاری بارش کا سلسلہ تھم گیا، جڑواں شہروں میں 240 ملی میٹر سے زائد ریکارڈ کی گئی۔

تفصیلات کے مطابق ملک بھر میں مون سوبارشوں نے تباہی مچادی، راولپنڈی اٹھارہ گھنٹوں سے جاری بارش کا سلسلہ تھم گیا، بارش رکنے کے بعد نالہ لئی میں پانی کی سطح کم ہونا شروع ہوگئی ہے۔

ایم ڈی واسا نے بتایا کہ شہر کے نالوں سے پانی نکاسی بروقت ممکن بنائی گئی، ہنگامی صورت حال کے باعث تمام اداروں کا بروقت رسپانس نوٹ کیا گیا۔

شہرکی بڑی شاہراہیں اور ملحقہ علاقے کلیر کر دیے ہیں اور نشیبی علاقوں میں ٹیمیں تاحال تعینات ہیں۔

مزید پڑھیں : راولپنڈی میں موسلادھار بارش کے بعد ہنگامی حالت کا اعلان

جڑواں شہروں میں 240 ملی میٹر سے زائد ریکارڈ کی گئی، شہر کی مجموعی صورت حال اب کنٹرول میں ہے، نشیبی علاقوں سے شہریوں کے انخلاء کی ضرورت نہیں۔

کمشنر راولپنڈی انجینئر عامر نے گفتگو میں کہا کہ ادارےہنگامی صورتحال سےنمٹنے کیلئےالرٹ ہیں، ٹرپل ون بریگیڈ کا دستہ بھی نالہ لئی پہنچ چکا ہے۔

انجینئر عامر نے شہریوں سے اپیل کی کہ نالہ لئی اور دیگرنالوں کے قریب نہ جائیں، واسا کا عملہ ہیوی مشینری سےپانی کی نکاسی میں مصروف ہے۔

راولپنڈی : راولپنڈی میں موسلادھار بارش کے بعد ہنگامی حالت کا اعلان کردیا گیا اور پانی آبادی میں داخل ہونے کے خطرے کے پیش نظر مساجد میں اعلانات شروع کردیئے گئے ہیں۔

تفصیلات کے مطابق اسلام اباد اور راولپنڈی سمیت نواحی علاقوں میں رات سے موسلا دھار بارش کا سلسلہ جاری ہے، راولپنڈی میں دو سو بیس ملی میٹر سے زائد بارش ریکارڈ کی گئی ہے۔

ندی نالوں میں طغیانی کے باعث جڑواں شہروں میں الرٹ جاری کردیا گیا اور نالہ لئی کے اطراف خطرے کی گھنٹیاں بج گئیں۔

ریسکیوون ون ٹو ٹو کی جانب سے مختلف مساجد میں اعلانات شروع کردیئے گئے ہیں، نالہ لئی میں پانی کی سطح بیس فٹ بلند ہونے پر پانی آبادی میں داخل ہونے کا خطرہ ہے۔

مزید پڑھیں : راولپنڈی میں خراب موسم کے باعث ایک دن کی چھٹی کا اعلان

ریسکیو ون ون ٹوٹو کی جانب سے شہریوں سے نشیبی علاقے خالی کرنے کی اپیل کی جارہی ہے۔

راولپنڈی کنٹونمنٹ بورڈ اور مری روڈ کی شاہراہیں زیرآب آگئیں جبکہ نشیبی علاقوں میں گلیوں اور سڑکوں پر پانی جمع ہوگیا اور بجلی کی فراہمی معطل ہوگئی، محکمہ موسمیات کا کہنا ہے بارش کا سلسلہ آئندہ چند گھنٹے تک جاری رہنے کا امکان ہے۔

راولپنڈی میں موسلادھار بارش کے بعد ہنگامی حالت اور آج چھٹی کا اعلان کردیا گیا ہے، وزیراعلیٰ پنجاب کی ہدایات پرراولپنڈی میں رین ایمرجنسی نفاذ کیا گیا۔

مساجد سے لوگوں کو گھروں میں رہنے کے اعلانات کئے جارہے ہیں کیونکہ مختلف مقامات پر نالہ لئی میں پانی کی سطح بیس فٹ تک بلند ہوچکی ہے۔

ڈی جی پی ڈی ایم اے نے کہا کہ نالہ لئی کےاطراف نشیبی علاقوں کےرہائشی انخلاکی صورت میں تعاون کریں ، نالہ لئی کے اطراف جمع اور نہانے والوں کیخلاف سخت کارروائی کی جائے تاہم شہری موسمی صورتحال کے پیش نظر احتیاطی تدابیر اختیار کریں۔