Tag: راولپنڈی

دربار عالیہ محمدیہ عید گاہ شریف راولپنڈی میں چیئر مین اے آر وائی گروپ جناب حاجی عبد الرزاق صاحب کی صحت یابی کیلئے دعائیہ محفل کا اہتمام کیا گیا۔

دربار عالیہ محمدیہ عید گاہ شریف راولپنڈی میں چیئر مین اے آر وائی گروپ جناب حاجی عبد الرزاق صاحب کی صحت یابی کیلئے دعائیہ محفل کا انقاد کیا گیا ۔

دعائیہ محفل میں پیرنقیب الرحمٰن نقشبندی اورصاحبزادہ محمد حسان حسیب الرحمٰن نقشبندی، علماء ومشائخ کرام اورمریدین کے علاوہ ہزاروں افراد نے شرکت کی، دعائیہ محفل میں حاجی عبد الرزاق صاحب کی صحت یابی کے لیے خصوصی دعائیں مانگی گئیں، دعائیہ محفل میں چیئرمین حاجی عبدالرزاق کی دینی خدمات کوبھی سراہا گیا۔
   

راولپنڈی آر اے بازار چوک کے قریب خود کش دھماکے پر سیاسی قائدین اور رہنمائوں نے سخت مذمت کی ہے ۔

راولپنڈی آر اے بازار قریب ہونے والے خود کش دھماکے پر وزیراعلیٰ پنجاب شہباز شریف نے مذمت کی، وزیراعلیٰ پنجاب نے زخمیوں کے بہترین علاج کی ہدایت کی اور دھماکے میں قیمتی انسانی جانوں کے ضیاع پر اظہار افسوس کیا۔

وزیر قانون پنجاب رانا ثناءاللہ نے راولپنڈی دھماکے کی بھرپور مذمت کی، وزیراعلیٰ خیبر پختونخوا پرویز خٹک نے خودکش دھماکے کی مذمت کرتے ہوئے کہا کہ سابق حکمرانوں کی غلط پالیسیوں کی وجہ سے دہشتگردی کی عفریت پروان چڑھی۔

جنرل ہیڈ کوارٹر راولپنڈی کے گیٹ نمبر پانچ پر کئے جانے والے خود کش حملہ پر ایم کیو ایم کے قائد الطاف حسین نے اظہار مذمت کیا، سنی اتحاد کونسل کے رہنما صاحبزادہ حامد رضا کی جانب سے راولپنڈی میں خودکش حملے پر اظہار مذمت کیا، انھوں نے کہا کہ مذاکرات کی رٹ چھوڑ کے دہشت گردوں کی خلاف آپریشن کیا جائے۔

ڈاکٹر طاہرالقادری نے دھماکے کی مزمت کرتے ہوئے کہا کہ دہشتگردی کے خاتمے کیلئے حکومت کی کوئی پالیسی ہی نہیں، قائد ملت جعفریہ علامہ ساجد علی نقوی کی طرف سے راولپنڈی بم دھماکے کی مذمت کی۔

شیعہ علما کونسل پنجاب نے دہشت گردوں کے خلاف فوجی آپریشن کا مطالبہ کردیا، پاکستان تحریک انصاف کے چیئرمین عمران خان اور رہنما شاہ محمود قریشی کی جانب سے بھی راولپنڈی دھماکے کی شدید الفاظ میں مذمت کی گئی، امیر جماعت الدعوة حافظ محمد سعید نے بھی دھماکے کی شدید مذمت کی۔
       

راولپنڈی میں عسکری ادارہ برائے امراض قلب کی چوتھی منزل پر شارٹ سرکٹ کے باعث اچانک آگ بھڑک اٹھی، بروقت کارروائی کرتے ہوئے آگ کو بجھا دیا گیا, پرویز مشرف اسی اسپتال میں زیر علاج ہیں۔

راولپنڈی کےعسکری ادارہ برائے امراض قلب میں اچانک آگ بھڑک اٹھی، جس پر بروقت قابو پالیا گیا، آگ چوتھے فلور کے ایک کمرے میں لگی تھی، ذرائع کے مطابق آگ کم شدت کی تھی اور شارٹ سرکٹ کے باعث لگی۔

فوجی اہلکاروں نے کارروائی کرتے ہوئے خود کار سسٹم کے ذریعے بروقت آگ پر قابو پالیا، سابق صدر پرویز مشرف اسی اسپتال کے وی آئی پی وارڈ میں زیر علاج ہیں، پرویز مشرف کوغداری کیس میں کل خصوصی عدالت کے سامنے پیش ہونا ہے۔
       

پرویز مشرف کے دل کا سی ٹی انجیو گرام ٹیسٹ کے ذریعے جائزہ لیا جارہا ہے، پرویز مشرف نے پہلی رات راولپنڈی کے اے ایف آئی سی کے سی سی یو میں گزاری، حالت میں اب تک کوئی بہتری نہیں آسکی۔

سابق صدر پرویز مشرف اے ایف آئی سے اسپتال میں زیر علاج ہیں، سابق صدر پرویزمشرف کے علاج کیلئے سات رکنی میڈیکل ٹیم بھی تشکیل دیدی گئی جبکہ دوسری جانب لندن میں بھی مشرف کے ساتھیوں نے ایک ہسپتال کے دو ماہر ڈاکٹروں سے رجوع کرلیا ہے، جنہیں سابق صدر کی میڈیکل رپورٹس بھجوائی جائیں گی۔

اطلاعات کے مطابق ان ڈاکٹروں سے امور طے ہونے پر عدالت کو ان کے شیڈول سے آگاہ کیا جائے گا اور استدعا کی جائے گی کہ سابق صدر کو علاج کیلئے لندن جانے کی اجازت دی جائے، پرویز مشرف کی بیرون ملک روانگی کی صورت میں سابق صدر کا نام ای سی ایل سے نکالنے کے حوالے سے وزارت داخلہ حکومتی فیصلے کی روشنی میں لائحہ عمل مرتب کرے گی۔

گزشتہ روز غداری کیس میں پیشی کیلئے جاتے وقت سابق صدر پرویز مشرف کی طبیعت اچانک خراب ہوگئی تھی، جس کے باعث انہیں اے ایف آئی سی اسپتال میں داخل کیا گیا تھا، ذرائع کے مطابق گزشتہ رات سابق صدر نے بات کرنے کی کوشش کی تاہم وہ بات کرنے سے قاصر رہے۔

جس پر ڈاکٹروں نے انہیں بات کرنے سے منع کرتے ہوئے مکمل آرام تجویز کیا ہے، سابق صدر کی اے ایف آئی سی میں منتقلی کے باعث اسپتال میں سیکورٹی کے سخت ترین انتظامات کئے گئے ہیں۔