راولپنڈی : موٹر وے پر کراچی سے سوات جانے والی بس حادثے کا شکار ہوگئی ، جس کے نتیجے میں 5 افراد جاں بحق ہوگئے جبکہ 18 افراد زخمی ہیں۔
تفصیلات کے مطابق راولپنڈی میں موٹروے ایم ٹو نیلہ دولہ کے قریب افسوسناک ٹریفک حادثہ پیش آیا، جس میں مسافر بس حادثے کا شکار ہوگئی۔
حادثے کے نتیجے میں 5 افراد جاں بحق اور 18 افراد زخمی ہوگئے ، جس میں سے 3 کی حالت تشویش ناک ہیں۔
موٹر وے پولیس نے بتایا کہ ابتدائی معلومات کےمطابق حادثہ ڈرائیورکی غفلت سے پیش آیا، کراچی سے سوات جانے والی بس میں 43 افراد سوار تھے۔
یاد رہے راولپنڈی میں صبح سویرے افسوسناک حادثہ پیش آیا تھا، جہاں تھانہ روات کے علاقہ چیک بیلی روڈ کوٹلہ موڑ کے قریب ٹرک اور کار میں خوفناک تصادم ہوا تھا اور حادثے میں 2 خواتین سمیت 4 افراد جانبحق ہوگئے تھے۔
پولیس زرائع نے بتایا تھا کہ جانبحق افراد کی شناخت جنید احمد، صباء، مس وقار اور محمد جنید کے نام سے کی گئی تاہم ڈرائیور ٹرک چھوڑ کر موقع سے فرار ہو گیا۔
پولیس کے مطابق حادثہ مبینہ تیز رفتاری کے باعث پیش آیا ، جس میں ٹرک اور کار آمنے سامنے سے ٹکرا گئے۔
