Tag: راگھو چڈھا

پرینیتی چوپڑا کی فلم ’امر سنگھ چمکیلا‘ حال ہی میں نیٹ فلکس ریلیز ہوئی، اپنی اداکاری پر انھوں نے شوہر راگھو کے ردعمل کے بارے میں بتایا ہے۔

بھارتی ذرائع ابلاغ کو ایک خصوصی انٹرویو کے دوران پرینیٹی نے بتایا کہ جب ان کے رشتے کا آغاز ہوا تھا تو وہ ’چمکیلا‘ کی شوٹنگ کر رہی تھیں۔ انھوں نے یہ بھی انکشاف کیا کہ راگھو وہ پہلے شخص تھے جنھوں نے پیش گوئی کی تھی کہ فلم کامیاب ہوگی۔

’امر سنگھ چمکیلا‘ پر راگھو چڈھا کے ردعمل کے بارے میں بتاتے ہوئے پرینیتی چوپڑا نے کہا کہ شوہر ہمیشہ کہتے تھے کہ یہ فلم بڑی ہٹ ہونے والی ہے۔

انھوں نے بتایا کہ میں راگھو سے کہتی تھی کہ تم کچھ نہیں جانتے اس لیے چپ رہو، پہلے فلم بننے دو اور ہم اس دن کا انتظار کریں گے۔

بالی وڈ اداکارہ نے بتایا کہ فلم کے حوالے سے کافی اچھا رسپانس آرہا ہے اور وہ بہت خوش ہیں، انھیں فلم پسند ہے اور ان کی فیملی میں ہر کوئی بہت خوش ہے۔

اس فلم میں پرینیتی چوپڑا نے امرجوت کور کا کردار ادا کیا ہے جبکہ اداکارہ نے یہ بھی انکشاف کیا تھا کہ فلم اسے قبل کچھ لوگوں نے انھیں ڈرایا تھا کہ ’چمکیلا‘ ان کا کیریئر ختم کردے گی۔

بھارتی سیاستدان سے شادی کے بندھن میں بندھنے والی معروف بالی وڈ اداکارہ پرینیتی چوپڑا نے اپنی کامیاب شادی کا راز بتاتے ہوئے جوڑوں کو مشورہ دیا ہے۔

بھارتی ذرائع ابلاغ کے مطابق ایک انٹرویو میں اداکارہ نے انکشاف کیا کہ میرے شوہر راگھو چڈھا بالی ووڈ کے بارے میں کچھ نہیں جانتے یہی میری کامیاب شادی کا راز ہے۔ مجھے بھی سیاست کے بارے میں کچھ نہیں پتا اور شادی میں کبھی اس میدان میں قدم نہ رکھوں۔

اداکارہ نے کہا کہ جب آپ شادی کے لیے کسی درست انسان کا انتخاب کرتے ہیں تو وہ شادی کامیاب بھی ہوتی ہے اور شادی شدہ زندگی بھی بہترین رہتی ہے۔

انھوں نے بتایا کہ مجھے اور راگھو کو اندازہ نہیں تھا کہ ہماری شادی پر پورے بھارت سے مداح اس قدر پیار اور محبت سے نوازیں گے۔

پرینیتی چوپڑا نے کہا کہ نجی اور پیشہ ورانہ زندگی میں توازن برقرار رکھنا بہت ضروری ہے، میں بھی سخت محنت کرنے پر یقین رکھتی ہوں لیکن مجھے دوستوں اور اہلخانہ کے ساتھ وقت گُزارنا بھی اچھا لگتا ہے،

انھوں نے کہا کہ میں زندگی کے ہر لمحے سے لطف اندوز ہونا چاہتی ہوں تاکہ 85 یا 90 کی عمر میں پیچھے مُڑ کر دیکھوں تو اپنی زندگی کے حسین لمحوں کو یاد کرسکوں۔

اس سال 24 ستمبر کو پرینیتی چوپڑا نے عام آدمی پارٹی سے تعلق رکھنے والے بھارتی سیاست دان راگھو چڈھا کے ساتھ اودے پور میں شاہانہ شادی کی تھی جبکہ انھوں نے مہمانوں سے تحائف بھی نہیں لیے تھے۔

ممبئی: سیاست دان راگھو چڈھا نے اپنی ہونے والی اہلیہ پرینیتی چوپڑا سے پہلی ملاقات کے حوالے سے گفتگو کی ہے۔

یوٹیوبر کو انٹرویو دیتے ہوئے عام آدمی پارٹی رہنما راگھو چڈھا نے کہا کہ پرینیتی سے پہلی ملاقات جادوئی تھی، ہم دونوں جیسے بھی ملے، وہ بہت طلسماتی تھا اور ہمارے ملاقات کا بہت مناسب طریقہ تھا۔

راگھو نے کہا کہ میں ہر روز خدا کا شکر ادا کرتا ہوں کہ اس نے پرینیتی کو میری زندگی میں بھیجا، یہ میرے لیے بہت بڑی رحمت ہے اور میں اس کا جیون ساتھی بننے پر بے انتہا خوش ہوں۔

یوٹیوبر نے کہا کہ پوری قوم آپ لوگوں کی شادی کا انتظار کر رہی ہے اور بہت خوش ہے، جواباً راگھو نے کہا کہ میں پورے ملک سے زیادہ خوش ہوں۔

پرینیتی چوپڑا کی شادی کا دعوت نامہ منظرِ عام پر آگیا

واضح رہے کہ بالی وڈ کی معروف اداکارہ پرینیتی چوپڑا کی رواں ماہ میں ہونے والی شادی کا دعوت نامہ سوشل میڈیا پر وائرل ہوگیا۔

پرینیتی چوپڑا اور راگھو چڈھا رواں ماہ شادی کے بندھن میں بندھنے والے ہیں۔ دونوں کی شادی کی تقریب ریاست راجستھان کے شہر ادے پور میں منعقد ہوگی، کارڈ کے مطابق جوڑا 30 ستمبر کو شادی کے بندھن میں بندھ جائے گا۔

جوڑے نے رواں سال 13 مئی کو منگنی کی تھی۔ منگنی کی محدود تقریب دہلی کے کپورتھلہ ہاؤس میں منعقد ہوئی جہاں جوڑے کے قریبی رشتہ داروں، دوستوں اور خاص شخصیات سمیت 150 افراد نے شرکت کی تھی۔

نئی دہلی: بالی وڈ اداکارہ پرینیتی چوپڑا اور سیاستدان راگھو چڈھا کی آج ہونے والی منگنی میں شرکت کے لئے عالمی شہرت یافتہ بھارتی اداکارہ پریانکا چوپڑا دہلی پہنچ گئی ہیں۔

بھارتی میڈیا رپورٹس کے مطابق پرینیتی چوپڑا اور راگھو چڈھا کی دہلی کے کپورتھلا ہاؤس، کناٹ پیلس میں مختصر تقریب منعقد ہوگی۔

پرینیتی چوپڑا کی منگنی کب ہوگی؟ تاریخ سامنے آگئی

بھارتی میڈیا کے مطابق منگنی کی اس تقریب میں تقریباً 150 افراد شرکت کریں گے، جن میں ان کے قریبی رشتہ دار اور عزیز و اقارب شامل ہیں۔

بھارتی میڈیا نے کہا کہ پرینیتی چوپڑا کی کزن اداکارہ پریانکا چوپڑا بھی آج صبح دہلی ایئر پورٹ پر نظر آئیں تاہم یہی خیال کیا جارہا ہے کہ وہ منگنی میں شرکت کے لیے آئیں ہیں۔

واضح رہے کہ اے اے پی کے رہنما راگھو چڈھا اور بالی ووڈ اداکارہ پرینیتی چوپڑا کی منگنی آج دہلی میں ہوگی، لیکن اس حوالے سے دونوں کی جانب سے کوئی تصدیق نہیں کی گئی ہے۔

بالی وڈ اداکارہ پرینیتی چوپڑا اور بھارتی راجہ سبھا کے کم عمر ترین رکن راگھو چڈھا کی منگنی کی تاریخ سامنے آگئی۔

بالی وڈ اداکارہ پرینیتی چوپڑا کی عام آدمی پارٹی کے رکن اور بھارتی راجہ سبھا کے کم عمر ترین رکن راگھو چڈھا سے جلد شادی ہونے کی افواہیں ان دنوں میڈیا کی زینت بنی ہوئی ہیں تاہم اب دونوں کی منگنی کی تاریخ کے حوالے سے دعویٰ کیا جارہا ہے۔

بھارتی میڈیا رپورٹس کے مطابق پرینیتی اور راگھو چڈھا کی منگنی 10 اپریل کو ہونے کا امکان ہے۔

پرینیتی چوپڑا کا سیاست دانوں سے متعلق پرانا بیان وائرل

رپورٹس میں کہا  گیا ہے کہ 10 اپریل کو  پرینیتی اور راگھو نئی دہلی میں ایک نجی تقریب میں منگنی کرکے اپنے رشتے کا باضابطہ طور پر اعلان کریں گے۔

راگھو چڈھا اور پرینیتی چوپڑا پرانے دوست ہیں، دونوں نے لندن اسکول آف اکنامکس میں ایک ساتھ تعلیم بھی حاصل کی۔

دونوں کو گزشتہ دنوں  کئی بار ایک ساتھ ہوٹل میں بھی دیکھا گیا جس کی ویڈیوز سوشل میڈیا پر وائرل ہوئی تھیں۔