Tag: راہول ڈریوڈ

بھارتی کرکٹ ٹیم کو ورلڈکپ جتوانے والے کوچ راہول ڈریوڈ نے بی سی سی آئی سے کروڑوں کا بونس لینے سے صاف انکار کردیا۔

سبکدوش ہونے والے کوچ راہول ڈریوڈ نے بھارتی کرکٹ بورڈ کی جانب سے اضافی ڈھائی کروڑ بونس کی آفر ٹھکرادی ہے، بھارت کے ٹی ٹوئنٹی ورلڈ کپ جیتنے کے بعد بی سی سی آئی چاہتا تھا کہ انھیں بھی ٹیم کے پلیئنگ اسکواڈ کے ممبروں کے برابر 5 کروڑ کی رقم دی جائے۔

تاہم راہول ڈریوڈ نے ڈھائی کروڑ کی اضافی رقم بطور بونس لینے سے انکار کرتے ہوئے کہا کہ وہ بھی اتنی ہی رقم چاہتے ہیں جتنا کہ دیگر کوچز اور سپورٹ اسٹاف کو بونس دیا گیا ہے۔

بی سی سی آئی نے اپنے بیان میں کہا کہ راہول اپنے باقی معاون عملہ (بولنگ کوچ پارس مہمبرے، فیلڈنگ کوچ ٹی دلیپ اور بیٹنگ کوچ وکرم راٹھور) کی برابر ہی بونس کی رقم 2.5 کروڑ چاہتے تھے، ہم ان کے جذبات کا احترام کرتے ہیں۔

بھارتی بورڈ کے وضع کردہ تقسیم کے فارمولے کے مطابق ٹیم کے 15 کھلاڑیوں اور ڈریوڈ کو 125 کروڑ کی انعامی رقم میں سے ہر ایک کو 5 کروڑ روپے ملنا تھے۔

سپورٹ اسٹاف میں سے ہر ایک رکن کو 2.5 کروڑ روپے گیے گئے تھے جبکہ سلیکٹرز اور اسکواڈ کے ساتھ سفر کرنے والے ممبران میں سے ہر ایک کو 1 کروڑ روپے کی رقم دی گئی تھی۔

ڈریوڈ نے ہیڈ کوچ کے طور پر اپنی آخری ذمہ داری ٹی ٹوئنٹی ورلڈ کپ 2024 میں نبھائی تھی اور بھارت عالمی ایونٹ جیتنے میں کامیاب رہا تھا، ڈریوڈ نے پہلے ہی واضح کردیا تھا کہ وہ حال ہی میں ختم ہونے والے آئی سی سی ایونٹ کے بعد کوچنگ میں مزید توسیع کے خواہشمند نہیں ہیں۔

بھارتی ٹیم کے سبکدوش ہونے والے ہیڈ کوچ راہول ڈریوڈ نے کہا ہے کہ ون ڈے ورلڈکپ میں شکست کے بعد انھوں نے کوچنگ چھوڑنے کی ٹھان لی تھی۔

2023 میں آئی سی سی ورلڈ ٹیسٹ چیمپئن شپ اور آئی سی سی ون ڈے کرکٹ ورلڈ کپ دونوں میں راہول ڈریوڈ بھارتی ٹیم کو فائنل میں لے جانے میں کامیاب رہے تھے تاہم سائیڈ ٹرافی سے محروم رہی تھی۔

آئی سی سی ٹی ٹوئنٹی ورلڈ کپ 2024 کا ٹائٹل جیتنے کے ساتھ ہی راہول ڈریوڈ نے اپنے کوچنگ پورٹ فولیو میں ایک ورلڈکپ کپ وننگ کوچ کا بھی اضافہ کرلیا ہے۔

انھوں نے کہا کہ ون ڈے ورلڈکپ کے فائنل میں آسٹریلیا کے خلاف شکست کے بعد وہ اپنے معاہدے کی تجدید کا کوئی ارادہ نہیں رکھتے تھے اور کوچنگ چھوڑنا چاہتے تھے لیکن کپتان روہت شرما کے فون کی وجہ سے انھوں نے اپنا ارادہ بدل دیا۔

بی سی سی آئی کی طرف سے پوسٹ کی گئی ایک ویڈیو میں ڈریوڈ نے کہا کہ روہت شرما نومبر میں مجھے کال کرنے اور مجھ سے کوچنگ جاری رکھنے کا کہنے کے لیے آپ کا بہت شکریہ۔

راہول ڈریوڈ نے کہا کہ میرے خیال میں آپ میں سے ہر پلیئر کے ساتھ کام کرنا ایک اعزاز اور خوشی کی بات ہے، لیکن اس وقت کے لیے روہت کا بہت شکریہ۔

سبکدوش ہونے والے ہیڈ کوچ نے بتایا کہ ہم نے کئی بار گفتگو کی ہے، کئی بار بحث کی ہے، کبھی ہم ایک دوسرے کی بات سے راضی ہوئے اور کبھی اختلاف بھی کیا، لیکن میں آپ کا بہت بہت شکریہ ادا کرنا چاہتا ہوں۔

راہول ڈریوڈ نے بھارت کی ورلڈکپ میں فتح کے بعد کہا کہ میرے پاس عام طور پر الفاظ کی کمی نہیں ہوتی لیکن آج جیسا دن ہے اور میں اس کا حصہ ہوں میں اس سے زیادہ شکر گزار نہیں ہو سکتا۔

خیال رہے کہ راہول ڈریوڈ جو کرکٹ میں شاندار کیریئر کے مالک رہے ہیں جنوبی افریقہ کے خلاف ٹی ٹوئنٹی فائنل میں بھارت کی فتح کے ساتھ ہی انھوں نے بالآخر بطور کوچ ورلڈکپ جیتنے کا اعزاز بھی حاصل کرلیا ہے۔

بھارتی کرکٹ ٹیم کے ہیڈ کوچ راہول ڈریوڈ نے پریس کانفرنس کے دوران شستہ اردو میں بات کرتے ہوئے سب کو حیران کردیا۔

ٹی ٹوئنٹی ورلڈکپ میں آئرلینڈ کے خلاف پہلے میچ سے قبل صحافیوں سے بات کرتے ہوئے راہول ڈریوڈ نے ایک صحافی کے سوال کا جواب اردو میں دیا، بات چیت کے دوران انھوں نے اردو کا لفظ ’نظر انداز‘ نہایت نفاست سے اپنے جملے میں استعمال کیا۔

ڈریوڈ کا صحافی کو مخاطب کرتے ہوئے کہنا تھا کہ ’یہ فارمیٹ ہی ایسا ہے کی آپ کسی کو ’نظر انداز‘ یا ہلکا نہیں لے سکتے

اردو لفظ کے اس متاثر کن استعمال کے بعد وہ فخر سے خود بھی جھوم اٹھے، سبکدوش ہونے والے ہیڈ کوچ نے اس کے بعد خود کی تعریف کرتے ہوئے کہا کہ ’ویل ڈن‘ راہول!

View this post on Instagram

A post shared by Cricket Ki Deewani (@cricket.ki.deewani)

ان کی اس بات کے بعد ہال قہقہے سے گونج اٹھا، بھارتی ہیڈ کوچ خود بھی اور وہاں موجود صحافی بھی ہنسنے لگے۔

وا ضح رہے کہ ٹی ٹوئنٹی ورلڈکپ کے بعد راہول ڈریوڈ اپنے عہدے سے سبکدوش ہوجائیں گے جبکہ اب تک بھارتی بورڈ ان کے جانیشن کے تلاش میں کامیاب نہیں ہوسکا ہے۔

بھارتی کرکٹ ٹیم کے ہیڈ کوچ راہول ڈریوڈ کے بیٹے سمیت ڈریوڈ کی عمدہ فاسٹ بولنگ کے چرچے، ویڈیو وائرل ہوگئی۔

جہاں ڈریوڈ کوچنگ کے ذریعے بھارتی کرکٹ کو بہتری کی جانب گامزن رکھے ہوئے ہیں، وہیں ان کا بیٹا سمیت ڈریوڈ کرناٹک کے لیے انڈر19 کُوچ بہار ٹرافی کے فائنل میں اپنی عمدہ بولنگ کے ذریعے لوگوں کی نظروں میں آگیا ہے۔

اس ہفتے ہونے والے فائنل مقابلے میں 18 سالہ آل راؤنڈر نے ممبئی کے خلاف فائنل میں اپنی فاسٹ بولنگ کی مہارت کا مظاہرہ کیا۔ ایک مداح نے سوشل میڈیا پلیٹ فارم ’ایکس‘ پر سمیت کے باؤلنگ ایکشن کی ویڈیو پوسٹ کی۔

https://twitter.com/cricketvid123/status/1745725943669547516?ref_src=twsrc%5Etfw%7Ctwcamp%5Etweetembed%7Ctwterm%5E1745725943669547516%7Ctwgr%5E87c8cc005d07173325ffa0f44ad485189b3c3811%7Ctwcon%5Es1_c10&ref_url=https%3A%2F%2Fwww.hindustantimes.com%2Fcricket%2Fwatch-samit-dravid-son-of-legendary-batter-rahul-draws-attention-with-fiery-fast-bowling-display-in-cooch-behar-final-101705138417039.html

کرناٹک سے کھیلنے والے سمیت نے اس میچ میں 19 اوورز میں دو وکٹیں حاصل کیں، انھوں نے خطرناک نظر آنے والے ممبئی کے بیٹر آیوش سچن اور وکٹ کیپر بلے باز پرتیک یادو کو چلتا کیا۔

راہول ڈریوڈ نے، افغانستان کے خلاف ٹی ٹوئنٹی سیریز سے پہلے ایک انٹرویو کے دوران اپنے بیٹ سمیت کے ساتھ کام کرنے کے حوالے سے بات کی تھی۔

انھوں نے کہا تھا کہ میں اپنے بیٹے سمیت کی کوچنگ نہیں کرتا کیونکہ دو کردار (والدین اور ایک کوچ) ادا کرنا مشکل ہے۔ میں باپ بن کر خوش ہوں۔

واضح رہے کہ راہول ڈریوڈ کو کرکٹ کی تاریخ کے چند بہترین بیٹرز میں شمار کیا جاتا ہے، ان بیٹنگ تکنیک کی وجہ سے انھیں ’دی وال‘ کی عرفیت سے بھی جانا جاتا تھا۔ انھوں نے اپنے کیریئر میں کئی میچ وننگ پرفارمنس دیتے ہوئے بھارت کو میچز جتوائے ہیں۔

انھوں نے اپنے کیریئر کے دوران 164 ٹیسٹ میچز اور 344 ون ڈے انٹرنیشنلز میں بھارتی ٹیم کی نمائندگی کی۔ ڈریوڈ نے 2102 میں انٹرنیشنل کرکٹ سے ریٹائرمنٹ کا اعلان کیا تھا۔