ARYNews.tv | Urdu – Har Lamha Bakhabar

Tag: راہول گاندھی

  • مردہ لوگوں کے ساتھ چائے پینے کا موقع نہیں ملا تھا، راہول گاندھی

    مردہ لوگوں کے ساتھ چائے پینے کا موقع نہیں ملا تھا، راہول گاندھی

    کانگریس کے مرکزی رہنما راہول گاندھی نے مردہ سمجھے جانے والے لوگوں کے ساتھ چائے پی کر بھارتی الیکشن کمیشن کا مذاق اڑا دیا۔

    راہول گاندھی نے اپنے آفیشل ایکس اکاؤنٹ پر ایک ویڈیو شیئر کی ہے، ساتھ ہی انھوں نے کیپشن میں طنز کرتے ہوئے لکھا کہ ‘زندگی میں بہت دلچسپ تجربات ہوئے ہیں، لیکن کبھی ’مردہ لوگوں‘ کے ساتھ چائے پینے کا موقع نہیں ملا تھا، اس انوکھے تجربہ کے لیے، شکریہ الیکشن کمیشن!’۔

    بھارتی لوک سبھا میں حزب اختلاف کے قائد راہول گاندھی اس ویڈیو میں بہار کے 7 ایسے لوگوں کے ساتھ چائے پیتے ہوئے دیکھائی دے رہے ہیں جن کے نام الیکشن کمیشن کی جانب سے جاری ڈرافٹ ووٹر لسٹ میں کاٹ دیے گئے ہیں۔

    الیکشن کمیشن نے ان تمام ساتوں ووٹرس کو مردہ قرار دیتے ہوئے ان کا نام کاٹا ہے، مذکورہ ویڈیو میں راہول گاندھی کو ان سات لوگوں کے ساتھ بات چیت کرتے ہوئے بھی دیکھا جاسکتا ہے۔

    راہول گاندھی کو بتایا گیا کہ یہ سب لوگ آج سپریم کورٹ میں یہ ثابت کرنے آئے تھے کہ وہ زندہ ہیں لیکن الیکشن کمیشن نے ووٹر لسٹ سے ان کے ناموں کو کاٹ دیا ہے۔

    ایک شخص ویڈیو میں بتاتا ہے کہ 85 سالہ خاتون کا نام کاٹ دیا گیا اور انھیں مردہ ظاہر کیا گیا جب ان کے بیٹے کو پتہ چلا تو نام لسٹ میں ڈلوانے کے لیے بھاگ دوڑ شروع کی، بزرگ خاتون آج سپریم کورٹ میں 6 گھنٹے کھڑی رہیں تاکہ انھیں ووٹ دینے کا حق ایک بار پھر حاصل ہو۔

    راہول گاندھی سے مردہ قرار دیے گئے لوگوں کی ملاقات پر مبنی کچھ تصویریں کانگریس نے اپنے آفیشیل ’ایکس‘ ہینڈل سے شیئر کی۔

    کانگریس کی پوسٹ میں کہا گیا کہ’’الیکشن کمیشن نے بہار کے کئی ووٹروں کو ’مردہ‘ قرار دے کر ووٹر لسٹ سے ان کے نام کاٹ دیے۔ یہ صاف طور پر ایک سازش ہے، جس کے تحت غریبوں، پسماندوں اور اقلیتوں کے ووٹ چھینے جا رہے ہیں۔‘‘

    https://urdu.arynews.tv/rahul-gandhi-questions-narendra-modis-election-victory/

  • بی جے پی حکومت کے خلاف احتجاج، راہول اور پریانکا گاندھی کئی رہنما سمیت زیرحراست

    بی جے پی حکومت کے خلاف احتجاج، راہول اور پریانکا گاندھی کئی رہنما سمیت زیرحراست

    دہلی(11 اگست 2025): بھارتی اپوزیشن لیڈر راہول گاندھی اور پریانکا گاندھی کو گرفتار کر لیا گیا انہیں ووٹ چوری مارچ کے دوران حراست میں لیا گیا۔

    بھارتی میڈیا کے مطابق راہول گاندھی اپوزیشن ارکان لوک سبھا کے ساتھ پارلیمنٹ سے الیکشن کمیشن آفس مارچ کیلئے جا رہے تھے کہ انہیں دیگر اپوزیشن رہنما کے ہمراہ حراست میں لیا گیا ہے۔

    راہول گاندھی کا کہنا ہے سچائی پورے ملک کے سامنے ہے، آپ بات نہیں کرسکتے ہیں، حکومت اپوزیشن کی آواز دبانے کیلئے طاقت کا استعمال کررہی ہے۔

    راہول گاندھی نے حراست کے دوران گفتگو میں کہا کہ یہ سیاسی نہیں جمہوریت، آئین اور ون مین ون ووٹ کی لڑائی ہے، ہمیں صاف اور شفاف ووٹر لسٹ چاہیے۔

    دوسری جانب بھارتی میڈیا کا کہنا ہے کہ فی الحال مارچ رک گیا ہے، دہلی پولیس کی جانب سے حراست میں لیے گئے رہنماؤں کو بس میں لے جایا جا رہا ہے۔

    دوسری جانب دہلی پولیس کا کہنا ہے کہ الیکشن کمیشن کی طرف سے اپوزیشن رہنماؤں کو وقت دیا گیا تھا لیکن وہ اس کے دفتر نہیں گئے بلکہ سڑک پر ہنگامہ کر رہے ہیں۔

    واضح رہے کہ بھارتی اپوزیشن جماعتیں مودی سرکار اور الیکشن کمیشن گٹھ جوڑ کے خلاف سرپا احتجاج ہیں، بھارتی اپوزیشن جماعتوں نے الیکشن کمیشن آفس تک احتجاجی ریلی کا اعلان کر رکھا تھا۔

  • نریندر مودی کی انتخابی جیت پر راہول گاندھی نے سوال اُٹھا دیا

    نریندر مودی کی انتخابی جیت پر راہول گاندھی نے سوال اُٹھا دیا

    بھارت میں پچھلے انتخابات میں نریندر مودی کی جیت پر بھارتی اپوزیشن جماعت کانگریس کے رہنما راہول گاندھی نے سوال اٹھا دیا۔

    غیر ملکی ذرائع ابلاغ کے مطابق راہول گاندھی کا کہنا ہے کہ بھارتی الیکشن کمیشن نے بھارتیہ جنتا پارٹی (بی جے پی) کے ساتھ مل کر عام انتخابات میں ووٹ چرائے اور عوام سے اُن کا حق چھین لیا۔

    کانگریس کے رہنما اس حوالے سے دستاویزی ثبوت سامنے لے آئے اور کہا کہ کہیں ڈپلی کیٹ ووٹر آئی ڈیز بنائی گئیں تو کچھ حلقوں میں مکانوں کے جعلی ایڈرس بنائے گئے۔

    رپورٹس کے مطابق کانگریس رہنما نے الزام عائد کیا کہ کہیں جعلی تصاویر کا استعمال کیا گیا، کم سے کم 100 سے زیادہ نشستوں پر ڈاکا ڈالا گیا۔

    اُن کا کہنا تھا کہ اگر جعل سازی نہ ہوتی تو مودی آج بھارت کے وزیراعظم نہ ہوتے۔ پچھلے انتخابات میں بی جے پی، مودی اور ان کے ساتھیوں نے آئین پر حملہ کیا۔

    انہوں نے مزید کہا کہ الیکشن کمیشن جو کر رہا ہے وہ غداری ہے، ہم کارروائی کریں گے، یہ بچ نہیں سکیں گے۔

    دوسری جانب امریکا کی جانب سے مزید ٹیرف عائد کرنے ہر راہول گاندھی نے وزیر اعظم نریندر مودی کی پُراسرار خاموشی پر شدید برہمی کا اظہار کر دیا۔

    اڈانی کیخلاف امریکی تحقیقات مودی کی خاموشی کی وجہ ہے، راہول گاندھی

    راہول گاندھی نے سوشل میڈیا پلیٹ فارم ایکس پر جاری بیان میں لکھا کہ ڈونلڈ ٹرمپ کا 50 فیصد ٹیرف عائد کرنا معاشی بلیک میلنگ ہے، یہ ایک غیر منصفانہ تجارتی معاہدے میں بھارت کو دباؤ میں لانے کی کوشش ہے۔

    انہوں نے کہا کہ بہتر ہے وزیر اعظم نریندر مودی اپنی کمزوری کو بھارتی عوام کے مفادات پر غالب نہ آنے دیں۔

  • پاکستانی فتح کی بھارتی پارلیمنٹ میں گونج، حکومت میری بات مانتی تو 5 جہاز نہ گرتے، راہول گاندھی

    پاکستانی فتح کی بھارتی پارلیمنٹ میں گونج، حکومت میری بات مانتی تو 5 جہاز نہ گرتے، راہول گاندھی

    پاکستانی فتح کی گونج بھارتی پارلیمنٹ تک جا پہنچی، راہول گاندھی نے کہا کہ مودی حکومت میری بات مانتی تو 5 جہازوں سے ہاتھ نہ دھونے پڑتے۔

    پاکستان کے ہاتھوں شکست کے بعد نریندر مودی کو بھارتی پارلیمنٹ میں شدید تنقید کا سامنا کرنا پڑا، بھارتی پارلیمنٹ میں راہول گاندھی نے نریندر مودی کو چیلنج کردیا، اپوزیشن رہنما نے کہا کہ نریندر مودی میں ہمت ہے تو ٹرمپ کو جھوٹا کہہ کر دکھائے۔

    راہول گاندھی نے کہا کہ دنیا میں ایک بھی ملک نہیں جس نے پاکستان کی مذمت کی ہو، مودی کو کہا سرنڈر کرو اور اس نے آدھے گھنٹے کے اندر ہتھیار ڈال دیے۔

    بھارتی وزیردفاع کو چین سے ڈر لگتا ہے، مودی حکومت نے بھارتی خارجہ پالیسی کوتباہ کرکے رکھ دیا، آج چین پاکستان کے ساتھ کھڑا ہے۔

    یہ بھی پڑھیں: حکوت بتائے آپریشن سندور میں بھارتی فضائیہ کے کتنے طیارے تباہ ہوئے؟ راہول گاندھی

    بھارت کے سابق وزیر داخلہ پی چد مبرم نے بھی گزشتہ دنوں بھی پہلگام حملے کے حوالے سے تہلکہ خیزانکشاف کیا تھا اور کہا تھا کہ حملے کے دہشت گرد پاکستانی نہیں بھارتی تھے۔

    بھارت کے سابق وزیرداخلہ چدم برم نے بھارتی میڈیا کو دیے گئے انٹرویو میں کہا کہ مودی حکومت میں اتنی ہمت نہیں کہ وہ بتاسکے اتنے ہفتوں میں پہلگام واقعے کی کیا تحقیقات کیں؟

    بھارتی سابق وزیر نے سوال کیا کیا دہشت گردوں کی شناخت ہو پائی ہے؟ کیایہ جان پائے کہ دہشت گرد کہاں سے آئے تھے؟

    ان کا کہنا تھا کہ پہلگام واقعے میں مقامی دہشت گرد بھی ملوث ہوسکتے ہیں، ہم یہ کیوں فرض کرتے ہیں کہ دہشتگرد پاکستان سے آئے، اگرایسا ہے تو ثبوت کیوں نہیں پیش کیے گئے، اس بات کا کوئی ثبوت نہیں کہ پہلگام واقعے میں ملوث دہشت گرد پاکستان سے آئے تھے۔

    https://urdu.arynews.tv/rahul-gandhi-modi-trump-call-04-06-2025/

  • آج پھر پوچھ رہا ہوں جے شنکر بتائیں پاکستان نے کتنے بھارتی طیارے گرائے؟ راہول گاندھی

    آج پھر پوچھ رہا ہوں جے شنکر بتائیں پاکستان نے کتنے بھارتی طیارے گرائے؟ راہول گاندھی

    راہول گاندھی نے بھارتی حکومت سے مسلسل دوسرے روز سوال کیا ہے کہ وہ سچ بتائیں جنگ میں پاکستان نے بھارت کے کتنے طیارے بتاہ کیے۔

    بھارتی اپوزیشن رہنما راہول گاندھی رافیل طیارہ گرنے کے معاملے پر مودی حکومت کوے گلے کو آگئے ہیں، انھوں نے آج سوشل میڈیا پر شیئر کی گئی اپنی ٹوئٹ میں پھر سے بھارتی وزیر خارجہ جے شنکر سے سوال کیا ہے کہ وہ بتائیں پاکستان نے بھارتے کے کتنے طیارے گرائے؟

    ایکس پر شیئر کی گئی اپنی پوسٹ میں راہول گاندھی نے کہا کہ وزیر خارجہ جے شنکر کی خاموشی کچھ چیزیں بتا ہی نہیں رہی بلکہ یہ شرمندگی کا باعث ہے۔

    انھوں نے کہا کہ اس لیے میں آج پھر پوچھ رہا ہوں کہ ہم نے پاکستان کے خلاف حالیہ جنگ میں کتنے بھارتی ایئرکرافٹ کھوئے ہیں وہ بھی اسلیے کہ پاکستان پہلے سے ہمارے حملے کے بارے میں جانتا تھا۔

    راہول گاندھی نے مزید کہا کہ یہ کوئی چھوٹی موٹی غلطی نہیں ایک جرم ہے، بھارتی قوم اس حوالے سے سچ جاننا چاہتی ہے۔

    اس سے قبل بھی کانگریس رہنما کہہ چکے کہ پاکستان پر حملہ کرنے سے پہلے اسے مطلع کرنا ایک جرم تھا، وہ مسلسل رافیل اور دیگر طیاروں کی تباہی کے حوالے سے مودی حکومت سے سوال کرہے ہیں۔

    https://urdu.arynews.tv/rahul-gandhi-government-tell-indian-air-force-aircraft-destroyed-operation-sindoor/

  • حکوت بتائے آپریشن سندور میں بھارتی فضائیہ کے کتنے طیارے تباہ ہوئے؟ راہول گاندھی

    حکوت بتائے آپریشن سندور میں بھارتی فضائیہ کے کتنے طیارے تباہ ہوئے؟ راہول گاندھی

    کانگریس رہنما راہول گاندھی نے آپریشن سندور پر تنقید کرتے ہوئے کہا ہے کہ حملے کے آغاز پر پاکستان کو مطلع کرنا سنگین جرم تھا۔

    راہول گاندھی نے آپریشن سندور کے حوالے سے اپنی حکومت کو کھری کھری سنائی ہیں اور کئی سوالات اٹھائے ہیں، انھوں نے کہا کہ آپریشن سندور کے ایک حصے کے طور پر پاکستان کو اس حملے کی "اطلاع” دینا حکومت ایک جرم ہے، انھیں اس چیز کی اجازت کس نے دی تھی۔

    سوشل میڈیا پلیٹ فارم ایکس پر اپنی ایک پوسٹ میں راہول گاندھی نے وزیر خارجہ ایس جے شنکر سے عوامی طور پر یہ اعتراف کرنے پر سوال کیا کہ بھارتی حکومت نے پاکستان کو کارروائی سے آگاہ کیوں کیا۔

    انھوں نے حکومت سے سوال کرتے ہوئے کہا کہ اس حملے کے نتیجے میں ہندوستانی فضائیہ کے کتنے طیارے تباہ ہوئے یہ بھی بتایا جائے۔

    لوک سبھا میں اپوزیشن لیڈر نے پوسٹ میں لکھا کہ ہمارے حملے کے آغاز میں پاکستان کو مطلع کرنا جرم تھا جبکہ عوامی طور پر اسکا اعتراف کیا گیا بتایا جائے اس کے نتیجے میں ہماری فضائیہ نے کتنے طیارے کھوئے؟”

    انھوں نے جے شنکر کی ایک ویڈیو بھی شیئر کی جس میں وہ بتاتے نظرآرہے ہیں کہ پاکستان کو اسکی سرزمین پر کارروائی کے حوالے سے آگاہ کیا ہے۔

  • پڑوسی ملک میں سوشل میڈیا پر جلیبی کی ویڈیوز اور تصاویر کیوں وائرل ہوئیں؟

    پڑوسی ملک میں سوشل میڈیا پر جلیبی کی ویڈیوز اور تصاویر کیوں وائرل ہوئیں؟

    پڑوسی ملک بھارت کی لوک سبھا میں اپوزیشن لیڈر راہل گاندھی نے جلیبی کا ذکر کیا تو سوشل میڈیا پر ’جلیبی کا طوفان‘ آ گیا، لوگ جلیبی کی تصاویر اور ویڈیوز شیئر کرنے لگے۔

    دراصل ہریانہ ریاست کے انتخابات کے نتائج میں ایک دل چسپ صورت حال اس وقت پیدا ہوئی جب ابتدائی نتائج سے یہ نظر آنے لگا کہ

    کانگریس جیت رہی ہے، اسے دیکھتے ہوئے ہریانہ کانگریس نے X ہینڈل پر لکھا: ’’ہریانہ جلیبی ڈے مبارک۔‘‘

    لیکن اس سے قبل انتخابی مہم کے دوران لوک سبھا میں قائد حزب اختلاف راہل گاندھی نے جلیبی کا ذکر کیا تھا اور کہا تھا کہ اتنی لذیذ جلیبی بڑے پیمانے پر کیوں تیار نہیں کی جا سکتی اور اسے بیرون ملک کیوں برآمد نہیں کیا جا سکتا۔

    اس بیان پر بی جے پی کے حامیوں نے سوشل میڈیا پر ان کا مذاق اڑانا شروع کر دیا کہ جلیبی صرف گرم ہی کھائی جاتی ہے اور فیکٹری میں نہیں بن سکتی۔ تاہم اس کے فوراً بعد سوشل میڈیا پر ’جلیبی کی بڑے پیمانے پر پیداوار‘ اور ملک اور بیرون ملک ’پیک جلیبی کی فروخت‘ کی ویڈیوز اور تصاویر وائرل ہونے لگیں۔

    دوسری طرف ہریانہ انتخابات کے جب مزید نتائج سامنے آنے لگے تو تصویر ہی بدل گئی، اور بی جے پی کے تقریباً 50 سیٹوں کی برتری کے ساتھ تیسری بار حکومت بنانے کے امکانات زور پکڑنے لگے، اس پر ہریانہ بی جے پی کے X ہینڈل پر جوابی طنز کیا گیا کہ ’’آپ کی جلیبی، پان، گھی اور دودھ سب محفوظ ہیں کیوں کہ بی جے پی تیسری بار آ گئی ہے۔‘‘

  • امریکا میں تقریر پر مودی حکومت نے راہول گاندھی کو غیر ملکی ایجنٹ قرار دے دیا

    امریکا میں تقریر پر مودی حکومت نے راہول گاندھی کو غیر ملکی ایجنٹ قرار دے دیا

    بھارت میں مذہبی آزادی کے حوالے سے امریکا میں تقریر پر مودی حکومت نے راہول گاندھی کو غیر ملکی ایجنٹ قرار دے دیا۔

    تفصیلات کے مطابق بھارت میں لوک سبھا کے اپوزیشن لیڈر اور کانگریس کے رہنما راہول گاندھی نے امریکا میں مذہبی آزادی کے حوالے سے تقریب میں شرکت کی، اور کہا کہ بھارت میں مذہبی اقلیتوں کو مذہبی رسومات کی ادائیگی میں مشکلات کا سامنا ہے۔

    راہل گاندھی نے کہا بھارت میں اس وقت اس بات پر جنگ ہے کہ کیا سکھوں کو پگڑی پہننے، گرودوارے جانے اور کڑا پہننے کی اجازت ہونی چاہیے یا نہیں، اور یہ بات صرف سکھوں تک محدود نہیں تمام مذاہب پر لاگو ہو رہی ہے۔

    انھوں نے کہا بھارت کو مذہبی رواداری سے متعلق اس وقت سنگین صورت حال کا سامنا ہے۔ بھارتیہ جنتا پارٹی نے راہول گاندھی کے اس بیان پر انھیں شدید تنقید کا نشانہ بناتے ہوئے غیر ملکی ایجنٹ قراردے دیا ہے۔

    واضح رہے کہ راہول گاندھی نے اپوزیشن لیڈر کی حیثیت سے امریکا کا اپنا 3 روزہ دورہ شروع کر دیا ہے، وہ گزشتہ روز ڈلاس، ٹیکساس پہنچے تھے، جہاں ان کا پرتپاک خیر مقدم کیا گیا۔

  • راہول گاندھی نے بھارتی سرمایہ کاروں کی کمائی ڈوبنے کا خدشہ ظاہر کردیا

    راہول گاندھی نے بھارتی سرمایہ کاروں کی کمائی ڈوبنے کا خدشہ ظاہر کردیا

    بھارتی مارکیٹ ریگولیٹر سیبی کی چیئرپرسن مادھبی پوری کی اڈانی گروپ سے ملاقات کے بعد راہول گاندھی نے سرمایہ کاروں کی کمائی ڈوبنے کا خدشہ ظاہر کردیا۔

    امریکی تحقیقاتی کمپنی ہنڈن برگ ریسرچ کی نئی رپورٹ سامنے آنے کے بعد ہندوستانی سیاست میں بھونچال آ گیا ہے، امریکی رپورٹ میں بتایا گیا ہے کہ حال ہی میں بھارت کی مارکیٹ ریگولیٹر سیبی کی چیئرپرسن مادھبی پوری بوچ کی اڈانی گروپ کے اعلیٰ حکام سے براہ راست ملاقات ہوئی ہے۔

    لوک سبھا میں قائد حزب اختلاف راہول گاندھی نے سوشل میڈیا پلیٹ فارم ایکس پر 11 اگست کو ایک ویڈیو پیغام جاری کیا اور سیبی چیئرمین مادھبی پوری بوچ سے استعفیٰ کا مطالبہ کیا ہے۔

    ویڈیو میں انکا کہنا تھا کہ ’چھوٹے خوردہ سرمایہ کاروں کے اثاثوں کی حفاظت کے ذمہ دار سیبی نے چیف کے خلاف سنگین الزامات پر سمجھوتہ کرلیا، ملک بھر کے ایماندار سرمایہ کار حکومت سے کئی اہم سوالات کرنا چاہتے ہیں۔‘

    راہول گاندھی نے اپنی پوسٹ میں پوچھا کہ ’سیبی کے چیئرمین مادھبی پوری بوچ نے ابھی تک استعفیٰ کیوں نہیں دیا؟ اگر سرمایہ کاروں کی محنت سے کمائی گئی رقم ڈوب جاتی ہے، تو کون جوابدہ ہوگا۔‘

    انھوں نے کہا کہ ’وزیراعظم مودی، سیبی چیئرمین، یا گوتم اڈانی اس کے ذمہ دار ہونگے؟ انتہائی سنگین الزامات کے سامنے آنے کے بعد کیا سپریم کورٹ ایک بار پھر اس معاملے کا از خود نوٹس لے گی؟‘

    کانگریس ایم پی کے مطابق اب یہ واضح ہے کہ وزیر اعظم نریندر مودی جے پی سی کی تحقیقات سے اتنے خوفزدہ کیوں ہیں اور اس سے کیا انکشاف ہو سکتا ہے۔

    سیبی چیئرپرسن مادھبی بوچ پر الزامات کے بارے میں کانگریس کے صدر ملکارجن کھڑگے نے کہا کہ اس گھوٹالے کی تحقیقات کے لیے ایک مشترکہ پارلیمانی کمیٹی (جے پی سی) بنانے کی ضرورت ہے۔

  • راہول گاندھی نے پارلیمنٹ میں نبی آخر الزمان ﷺ پر درود پاک پڑھا

    راہول گاندھی نے پارلیمنٹ میں نبی آخر الزمان ﷺ پر درود پاک پڑھا

    نئی دہلی: بھارتی اپوزیشن لیڈر راہول گاندھی نے پارلیمنٹ میں تقریر کے دوران قرآن پاک کا حوالہ دیا اور درود پڑھا۔

    راہول گاندھی نے لوک سبھا میں عدم تشدد اور امن کی بات کرتے ہوئے حضرت محمد مصطفیٰ ﷺ کا حوالہ دیتے ہوئے درود پڑھا اور کہا کہ دنیا کی تمام عظیم ہستیوں نے عدم تشدد اور خوف کو ختم کرنے کی بات کی اوربتایا کہ ڈرنا نہیں چاہیے۔

    بھارتی لوک سبھا میں قائد حزب اختلاف کانگریسی رہنما راہول گاندھی نے وزیراعظم نریندر مودی اور اس کے انتہا پسند ہندو وزراء کو اسلامی تعلیمات کے تحت عدم تشدد کا درس دیدیا۔

    راہول گاندھی نے اسلام کی امن پسندی اور تشدد سے نفرت کا ذکر کرتے ہوئے کہا کہ سرورِ کونین احمدِ مجتبیﷺ اور قرآنی آیات کا حوالہ دے ڈالا۔

    راہول گاندھی نے دو گھنٹے کی تقریر کے دوران بار بار مودی کو ہدف بنایا اور یہ کہا کہ وہ نفرت اور تشدد کا سہارا لیکر سیاست کرتے ہیں جو لوگ خود کو ہندو کہتے ہیں وہ دراصل ہندو نہیں ہیں، اپنے آپ کو ہندو کہنے والے سچائی اور عدم تشدد کی پیروی نہیں کرتے۔

    دوسری جانب راہول گاندھی کے بیان پر بی جے پی سیخ پا ہوگئی، وزیرِ اعظم مود ی نے راہول گاندھی سے معافی کا مطالبہ کرتے ہوئے کہا کہ اپوزیشن لیڈر نے پورے ہندو معاشرے پر تشدد کا الزام لگایا ہے۔

    جواب میں راہول گاندھی نے کہا کہ بی جے پی اور آر ایس ایس ہندو سماج نہیں ہے، نریندر مودی ہندو سماج نہیں ہے۔