Tag: راہول گاندھی

راہول گاندھی نے بھارتی وزیراعظم اور ان کی حکومت کر سخت تنقید کا نشانہ بناتے ہوئے کہا ہے کہ وہ انڈین فوج کی توہین کے مرتکب ہوئے ہیں۔

جلسہ سے خطاب کرتے ہوئے کانگریس کے مرکزی لیڈر کا کہنا تھا کہ فوج میں نافذ کی گئی اگنی ویر اسکیم متعصبانہ ہے۔ اگنی ویر اسکیم کے ذریعے مودی حکومت نے بھارتی فوج کی توہین کی اور دو طرح کے فوجی بنا دیے جس میں ایک کو زیادہ مراعات مل رہی ہیں۔

مدھیہ پریش کے بھنڈ حلقہ انتخاب میں منعقد جلسہ عام سے خطاب کرتے ہوئے راہول گاندھی نے کہا کہ یہاں سے لوگ فوج میں سب سے زیادہ تعداد میں جاتے ہیں۔

انھوں نے کہا کہ مودی کی اسکیم کے تحت فوج کے ایک طبقے کو کو پنشن ملے گی، کینٹین ملے گی، بہتر تربیت حاصل ہوگی جبکہ دوسرے جوان کو نہ تو کینٹین کی سہولت ملے گی، نہ پنشن ملے گی اور نہ ہی اچھی تنخواہ حاصل ہوگی۔

کانگریس کے رہنما نے کہا کہ اس تقسیم کی وجہ سے ایک کو اگنی ویر کہتے ہیں جبکہ دوسرا عام جوان ہوتا ہے۔ ایک کے شہید ہونے پر لواحقین کو سہولیات فراہم کی جائیں گی جبکہ دوسرے کو شہید کا درجہ بھی نہیں ملے گا۔

انھوں نے واضح کیا کہ ہمارے فوجی اور بھارتی عوام اگنی ویر جیسی اسکیمیں نہیں چاہتے، ایسا صرف اور صرف وزیر اعظم مودی چاہتے ہیں۔

ان کا مزید کہنا تھا کہ یہ کوئی معمولی الیکشن نہیں ہے بلکہ دو نظریات کی جنگ ہے۔ آئین نے ملک کے غریب، دلت اور جنرل کیٹیگری کے لوگوں کو حقوق دیے ہیں، جن کی حفاظت کے لئے کانگریس پارٹی اور انڈیا اتحاد میدان میں ہیں۔

انھوں نے کہا کہ بی جے پی نے ذہن سازی کر لی ہے کہ اگر وہ الیکشن جیتیں گے تو آئین کی کتاب کو پھاڑ کر پھینک دیں گے۔ ملک کے لوگوں کو جو حقوق حاصل ہیں وہ سب کچھ ختم ہو جائے گا۔

کانگرس کے رہنما راہول گاندھی نے انتخابات میں مودی سرکار پر میچ فکسنگ کا الزام کردیا اور کہا اپوزیشن جماعتوں اور ان کے لیڈروں کے خلاف انتخابات کے دوران لیول پلیئنگ فیلڈ سے محروم ہیں۔

تفصیلات کے مطابق بھارت میں لوک سبھا انتخابات سے قبل اپوزیشن جماعتیں مودی سرکار کے نشانے پر ہیں اور سیاسی جماعتیں مودی سرکار

حال ہی میں انفورسمنٹ ڈائریکٹویٹ کی جانب سے کانگرس جماعت کے کئی اکاوٴنٹس کو منجمد کیا گیا اور انکم ٹیکس ڈیپارٹمنٹ کی جانب سے پانچ انکم ٹیکس نوٹس بھیجے گئے۔

کانگرس کے رہنما راہول گاندھی کا انتخابات میں مودی سرکار پر میچ فکسنگ کا الزام عائد کرتے ہوئے کہا کہ حالیہ انکم ٹیکس کاروائیوں اور انفورسمنٹ ڈائریکٹوریٹ کی جانب سے اپوزیشن جماعتوں اور ان کے لیڈروں کے خلاف انتخابات کے دوران لیول پلیئنگ فیلڈ سے محروم کیا گیا۔

29 مارچ 2024 کو بھارتی انکم ٹیکس ڈیپارٹمنٹ کے باعث اپوزیشن جماعتوں کو پانچ انکم ٹیکس نوٹس بھیجے گئے، انکم ٹیکس ڈیپارٹمنٹ کی کانگرس سے 3567 کروڑ فوری ادا کرنے کی ڈیمانڈ بھی سامنے آئی۔

انکم ٹیکس ڈیپارٹمنٹ کی جانب سے کانگرس پر 210 کروڑ روپے کا جرمانہ عائد کر کے اکاوٴنٹس منجمد کر دئیے، سابقہ سربراہ الیکشن کمیشن کے مطابق کانگرس اور دیگر جماعتوں کو عین الیکشن سے قبل سرکاری نوٹس آزادانہ اور منصفانہ انتخابات پر سوالیہ نشان ہیں، الیکشن کمیشن یقینی طور پر اپوزیشن جماعتوں کے خلاف نوٹس کو انتخابات سے قبل روک سکتا تھا۔

مودی سرکار کے حکم پر اپوزیشن لیڈروں کے خلاف کاروائیاں، تلاشی، نوٹس جاری کرنے اور الگ الگ مقدمات میں گرفتاریاں نمایاں رہی ہیں۔

حال ہی میں دہلی کے وزیر اعلی اروند کیجریوال اور بھارت راشترا سمیتی پارٹی کی کلواکنٹلا کویتھا کو گرفتار کیا گیا۔

کانگریس پارٹی کے صدر ملکارجن کھرگے نے سوال کیا کہ مودی اہم اپوزیشن پارٹیوں کو ہراساں کرنے کے لیے محکمہ انکم ٹیکس کو ہتھیار کے طور پر کیوں استعمال کر رہا ہے؟ دیگر سیاسی جماعتوں کمیونسٹ پارٹی آف انڈیا اور سی پی آئی ایم کو بھی انکم ٹیکس ڈیپارمنٹ کی جانب سے 15 کڑور کا نوٹس جاری کیا گیا ہے۔

مودی سرکار انتخابات سے قبل میچ فکسنگ کر کے دوبارہ اقتدار میں آنے کے لئے راہ ہموار کر رہی ہے۔

دہلی کے وزیراعلیٰ اروند کیجریوال کی گرفتاری پر اہم بیان جاری کرتے ہوئے راہول گاندھی نے مودی سرکار کو آرے ہاتھوں لیا ہے۔

بھارت میں اس اہم گرفتاری کی خبرمیڈیا پر آتے ہی اپوزیشن پارٹیوں نے مرکزی حکومت کو تنقید کا نشانہ بنانا شروع کر دیا ہے۔ کئی رہنماؤں نے لوک سبھا انتخاب سے قبل ای ڈی کی کارروائی پر کو تشویشناک قرار دیا ہے۔

کانگریس کے رکن پارلیمنٹ راہول گاندھی نے سوشل میڈیا ایکس پر اپنی پوسٹ میں مودی سرکار کو شدید تنقید کا نشانہ بناتے ہوئے کہا کہ ’ایک خوفزدہ ڈکٹیٹر مردہ جمہوریت بنانا چاہتا ہے۔

انھوں نے مزید لکھا کہ میڈیا سمیت تمام اداروں پر قبضہ کرنا، پارٹیاں توڑنا، کمپنیوں سے پیسے بٹورنا، حزب اختلاف کی اہم جماعت کے اکاونٹ منجمد کرنا ’شیطانی طاقت‘ کے لیے کافی نہیں تھا کہ اب منتخب وزرائے اعلیٰ کی گرفتاری بھی معمول بن چکی ہے۔

اپنی پوسٹ کے آخر میں اپوزیشن رہنما راہول گاندھی نے یہ بھی لکھا ہے کہ ’انڈیا اس کا منہ توڑ جواب دے گا۔‘

डरा हुआ तानाशाह, एक मरा हुआ लोकतंत्र बनाना चाहता है।

मीडिया समेत सभी संस्थाओं पर कब्ज़ा, पार्टियों को तोड़ना, कंपनियों से हफ्ता वसूली, मुख्य विपक्षी दल का अकाउंट फ्रीज़ करना भी ‘असुरी शक्ति’ के लिए कम था, तो अब चुने हुए मुख्यमंत्रियों की गिरफ्तारी भी आम बात हो गई है।

INDIA इसका…

— Rahul Gandhi (@RahulGandhi) March 21, 2024

اس گرفتار کے بعد عام آدمی پارٹی کی لیگل ٹیم سرگرم ہو چکی ہے۔ دہلی حکومت کے ایک وزیر نے بتایا کہ ’ہم نے ای ڈی کے ذریعے دہلی کے وزیر اعلیٰ اروند کیجریوال کی گرفتاری کو کالعدم قرار دینے کے لیے سپریم کورٹ کا رخ کیا ہے۔ ہم نے آج رات ہی فوری سماعت کا مطالبہ کیا ہے۔‘

واضح رہے کہ نئی دہلی کے وزیر اعلیٰ اروند کیجریوال کو انفورسمنٹ ڈائریکٹوریٹ (ای ڈی) نے گرفتار کیا۔ عام آدمی پارٹی کے رہنما آتشی نے وزیر اعلیٰ اروند کیجریوال کی گرفتاری کی تصدیق کرتے ہوئے بتایا تھا کہ انہیں شراب پالیسی کیس میں گرفتار کیا گیا۔

کانگریس رہنما راہول گاندھی نے بھارتی وزیراعظم مودی کے خلاف بڑا دعویٰ کرتے ہوئے کہا کہ مودی کی پالیسیوں کی وجہ سے ہندوستان میں بنگلہ دیش، بھوٹان اور پاکستان سے زیادہ بے روزگاری ہے۔

تفصیلات کے مطابق کانگریس رہنما راہول گاندھی نے مودی سرکار کی ناکام پالیسیوں پر کڑی تنقید کرتے ہوئے کہا کہ نریندر مودی کے نوٹ بندی اور اشیا پر جی ایس ٹی کے نفاذ نے چھوٹے کاروباروں کو ختم کردیا ہے، مودی کی پالیسیوں کی وجہ سے ہندوستان میں بنگلہ دیش، بھوٹان اور پاکستان سے زیادہ بے روزگاری ہے۔

راہول گاندھی کا کہنا تھا کہ پاکستان کے مقابلے بھارت میں بے روزگاری دوگنی ہے، ہمارے پاس بنگلہ دیش اور بھوٹان سے زیادہ بے روزگار نوجوان ہیں، نریندر مودی نے نوٹ بندی اور جی ایس ٹی کو لاگو کر کے چھوٹے کاروبار ختم کر دئیے ہیں۔

کانگریس رہنما نے مزید کہا کہ آج ملک میں گزشتہ 40 سالوں میں سب سے زیادہ بے روزگاری ہے۔

راہول گاندھی نے یہ بھی دعویٰ کیا کہ مرکز انڈین ریلوے کی پالیسیاں امیر لوگوں کو ذہن میں رکھ کر بنا رہا، دوسرے طبقے کے لوگ ان سب پالیسیوں سے محروم ہیں۔