ARYNews.tv | Urdu – Har Lamha Bakhabar

Tag: راہول گاندھی

  • بھارتی وزیرخارجہ وزیراعظم مودی کو سفارتی کاری کے اصول سکھائیں، راہول گاندھی

    بھارتی وزیرخارجہ وزیراعظم مودی کو سفارتی کاری کے اصول سکھائیں، راہول گاندھی

    نئی دہلی : انڈین نیشنل کانگریس کے مرکزی رہنما راہول گاندھی نے بھارتی وزیر خارجہ جے شنکر سے اپیل کی ہے کہ وہ وزیر اعظم نریندر مودی کو سفارتی کاری کے اصول سکھائیں۔

    یہ بات انہوں نے سماجی رابطے کی ویب سائٹ ٹوئٹر پر اپنے پیغام میں کہی، کانگریس رہنما راہول گاندھی نے بھارتی وزیراعظم نریندر مودی کو کھری کھری سناتے ہوئے کہا کہ وزیرخارجہ جے شنکر صاحب مودی کو کچھ سفارتی کاری ہی سکھا دیں۔

    ٹوئٹر پیغام میں انہوں نے بھارتی وزیرخارجہ کو مخاطب کرتے ہوئے کہا کہ وزیرخارجہ جے شنکر صاحب مودی کی نااہلی چھپانے کا شکریہ۔ ہیوسٹن میں ٹرمپ کے حق میں مودی کے بیان سے ڈیموکریٹک پارٹی ناراض ہے۔

    واضح رہے کہ بھارتی وزیراعظم نریندر مودی نے ہیوسٹن میں امریکہ میں مقیم بھارتیوں کے ایک جم غفیر سے خطاب کیا تھا۔ نریندر مودی نے جلسے کے دوران اب کی بار ٹرمپ سرکار کا نعرہ لگایا تھا۔

    مزید پڑھیں: جعلی خبریں، جھوٹا جشن: ممتاز بھارتی دانشور مودی سرکار پر برس پڑے

    جنگ اور تصادم کے موضوع پر ماہر تصور کیے جانے والے بھارتی پروفیسر اشوک سوین نے جعلی خبروں اور جھوٹے جشن پر بھارتی میڈیا اور مودی بھگتوں پر کڑی تنقید کی ہے۔

    انہوں نے وزیر اعظم عمران خان کی ازدواجی زندگی سے متعلق بھارتی چینلز پر چلنے والی ایک جھوٹی خبر پر کڑی تنقید کرتے ہوئے کہا کہ بھارتی میڈیا جعلی خبروں میں الجھ گیا ہے۔

    انھوں نے کہا کہ بھارتی میڈیا مودی کی اہلیہ کے بارے میں فکر کرے، مودی کی اہلیہ 46 سال سے منظر عام پر نہیں آئیں، مودی نے 1968میں شادی کی تھی، جسے 2014 میں تسلیم کیا۔

  • دنیا نے آج پھر بھارتی فسطائیت کا چہرہ دیکھ لیا: شاہ محمود قریشی

    دنیا نے آج پھر بھارتی فسطائیت کا چہرہ دیکھ لیا: شاہ محمود قریشی

    اسلام آباد: وزیر خارجہ شاہ محمود قریشی نے کہا ہے کہ سب جانتے ہیں مقبوضہ کشمیر کی صورت حال بگڑتی جا رہی ہے، دنیا نے آج بھارتی فسطائیت کا چہرہ دیکھا۔

    تفصیلات کے مطابق وزیر خارجہ شاہ محمود اسلام آباد میں پریس بریفنگ سے خطاب کر رہے تھے، انھوں نے کہا کہ مقبوضہ کشمیر کی صورت حال بگڑتی جا رہی ہے، بھارت کا جمہوری چہرہ آج سری نگر ایئر پورٹ پر بے نقاب ہو گیا۔

    انھوں نے کہا کہ بھارت دعویٰ کرتا تھا ہم دنیا کی سب سے بڑی جمہوریت ہیں، لیکن دنیا نے آج بھارت کا فاشسٹ چہرہ دیکھا، دنیا نے آج دیکھا سری نگر ایئر پورٹ پر راہول گاندھی کے ساتھ کیا ہوا۔

    [bs-quote quote=”یو این سیکریٹری جنرل کو مقبوضہ کشمیر کا خود دورہ کرنا چاہیے۔” style=”style-8″ align=”left” author_name=”شاہ محمود قریشی”][/bs-quote]

    ان کا کہنا تھا کہ راہول گاندھی اپنے دیگر 11 ساتھیوں کے ساتھ مقبوضہ کشمیر کی صورت حال کا جائزہ لینے گئے، لیکن انھیں گرفتار کر لیا گیا، بعد ازاں جہاز کے ذریعے دہلی منتقل کیا گیا، یہ ہے اصل بھارت کا چہرہ جو دنیا اب دیکھ رہی ہے۔

    شاہ محمود نے کہا کہ مقبوضہ کشمیر میں اطلاعات تک رسائی کسی کی بھی نہیں، کشمیری عوام سے ان کے حقوق چھین لیے گئے، مقبوضہ وادی سے کوئی خبر باہر نہیں آنے دی جاتی۔

    انھوں نے کہا کہ میری ابھی اقوام متحدہ کے سیکریٹری جنرل سے فون پر بات ہوئی ہے، انھوں نے مقبوضہ کشمیر کی صورت حال پر تشویش کا اظہار کیا۔ انھیں بتایا کہ مقبوضہ وادی میں کھانے کی قلت ہو گئی ہے، بھارت پلوامہ جیسا ناٹک رچانے کی تیاری کر رہا ہے، مقبوضہ کشمیر میں انسانی المیہ جنم لے چکا ہے، اقوام متحدہ کو کشمیری جانوں کے تحفظ کے لیے اپنا کردار ادا کرنا ہوگا۔

    وزیر خارجہ کا کہنا تھا کہ مقبوضہ کشمیر میں انسانی جانوں کو شدید خطرات لا حق ہیں، یو این سیکریٹری جنرل کو اپنے تمام خدشات سے آگاہ کر چکے ہیں، کل مقبوضہ وادی میں پر امن مظاہرین پر پیلٹ گنز اور آنسوگیس کی شیلنگ کی گئی، کشمیریوں کو نماز جمعہ بھی ادا نہیں کرنے دی گئی، مسجدوں کو تالہ لگا ہوا ہے، مسلسل 20 روز سے کرفیو جاری ہے۔

    تازہ ترین خبریں پڑھیں:  راہول گاندھی اور اپوزیشن رہنماوں کو مقبوضہ وادی جانے سے روک دیا گیا

    شاہ محمود نے کہا کہ بھارت کا جب اپنے لوگوں سے ایسا سلوک ہے تو کیا توقع کریں، بھارتی حکومت اپنے لوگوں کے ساتھ بیٹھنے کو تیار نہیں تو ہمارے ساتھ کیا بیٹھیں گے۔

    [bs-quote quote=”مقبوضہ کشمیر کی صورت حال پر مزید 2 اجلاس طلب کر رکھے ہیں۔” style=”style-8″ align=”right” author_name=”وزیر خارجہ”][/bs-quote]

    انھوں نے کہا کہ میں نے یو این سیکریٹری جنرل کو کہا سلامتی کونسل کی قراردادیں مطالبہ کرتی ہیں کہ کشمیریوں کو تحفظ فراہم کیا جائے، سلامتی کونسل کو معلوم ہونا چاہیے حالات کس طرف جا رہے ہیں۔

    شاہ محمود کا کہنا تھا کہ یو این سیکریٹری جنرل کو مقبوضہ کشمیر کا خود دورہ کرنا چاہیے، سیکریٹری جنرل نے کہا کہ میں فرانس میں ہوں اور مودی سے ملاقات کروں گا، مقبوضہ کشمیر میں تشویش ناک صورت حال پر نظر ہے، اقوام متحدہ اس سلسلے میں اپنا کردار ادا کرتا رہے گا۔

    ان کا یہ بھی کہنا تھا کہ یو این سیکریٹری جنرل کو پی فائیو ممبران کو صورت حال سے آگاہ کرتے رہنا چاہیے، اقوام متحدہ کے انسانی حقوق کے کمشنر کو مقبوضہ کشمیر کا دورہ کرنا چاہیے۔

    انھوں نے کہا کہ بھارت کشمیریوں کو بغاوت پر مجبور کر رہا ہے، پاکستان نے شملہ معاہدے کی پاس داری کی، بھارت نے شملہ معاہدے پر ضرب لگائی، یک طرفہ اقدام سے بھارت اپنی پوزیشن تبدیل کر رہا ہے۔

    شاہ محمود کا کہنا تھا کہ وزیر اعظم نے دوبارہ سعودی عرب، یو اے ای کے ولی عہد سے بات کی خواہش کا اظہار کیا، مقبوضہ کشمیر کی صورت حال پر مزید 2 اجلاس طلب کر رکھے ہیں، ایک اجلاس وزارت خارجہ، دوسرا کشمیر کمیٹی کے ساتھ ہوگا، اجلاسوں میں وزارت خارجہ، کشمیر کمیٹی اپنی تجاویز پیش کریں گی۔

  • پول کھلنے کا ڈر، راہول گاندھی اور اپوزیشن رہنماوں کو مقبوضہ وادی جانے سے روک دیا گیا

    پول کھلنے کا ڈر، راہول گاندھی اور اپوزیشن رہنماوں کو مقبوضہ وادی جانے سے روک دیا گیا

    نئی دہلی : بوکھلائی مودی سرکارمقبوضہ کشمیرمیں مظالم پربےنقاب ہونےلگی ، مودی سرکار نے کانگریسی رہنماراہول گاندھی سمیت اپوزیشن رہنماؤں کو مقبوضہ وادی جانے سے روک دیا۔

    تفصیلات کے مطابق کانگریس رہنما راہول گاندھی، اپوزیشن لیڈرغلام نبی آزاد سمیت دیگراپوزیشن رہنما کے ہمراہ سری نگر پہنچے، جہاں قابض انتظامیہ نے  انھیں ایئرپورٹ سے نکلنے ہی نہیں دیا گیا اور جبراًواپس بھیج دیا۔

    راہول گاندہی کاطیارہ لینڈ ہوتے ہی سری نگرہوائی اڈے پر ایمرجنسی نافذکی گئی ، بھارتی فوجیوں کی جانب سے ایئرپورٹ پرکانگریس کےرہنماؤں پربھی تشدد کیا۔

    کانگریس رہنمااورراجیہ سبھامیں اپوزیشن رہنماغلام نبی آزادنےسوالات اٹھائے کہ کشمیرکی صورتحال معمول پر ہے تو سیاسی رہنماؤں کو کیوں گرفتار کیاگیا جبکہ اپوزیشن لیڈر راجیہ کا بھی کہنا تھا کہ کشمیر پہنچنے والے سیاسی رہنماؤں کو واپس کیوں بھیجاگیا۔

    دوسری جانب بھارتی فوج نے راہول گاندھی کی کوریج کے لیے پہنچنے والے بھارتی صحافیوں کو کوریج سے روکا اور تشدد کا نشانہ بنایا۔

    یاد رہے راہول گاندھی اورغلام نبی آزاد نے سرینگر جا کر زیر حراست سیاسی رہنماؤں سے ملنے اور جموں اور کشمیر کے عوام سے اظہار یکجہتی کرنے کا اعلان کیا تھا۔

    سری نگر روانگی سے راہول گاندھی کا کہنا تھا کہ ہم مقبوضہ کشمیرمیں صورتحال خراب کرنےنہیں جارہے، جانے سےروکا گیاتواس کامطلب ہوگا حکومت کچھ چھپارہی ہے جبکہ غلام نبی آزاد نے کہا تھامقبوضہ کشمیرمیں اگر صورتحال ٹھیک ہے تو مودی سرکار ہمیں وہاں جانے کیوں نہیں دے رہی۔

    کٹھ پتلی انتظامیہ نے انتباہ کیا راہول گاندھی مقبوضہ کشمیرنہ آئیں، دورے سے صورتحال خراب ہوسکتی ہے۔

    یاد رہے غلام نبی آزاد کو 2 بار سری نگر ائیرپورٹ سے واپس دہلی بھیجا جاچکا ہے۔

    مزید پڑھیں : کشمیر کی خصوصی حیثیت ختم کرنے پر راہول گاندھی کی مودی سرکار پر کڑی تنقید

    خیال رہے اپوزیشن جماعت کانگریس نے حکومت سے آرٹیکل 370 بحال کرنےکا مطالبہ کیا تھا ، کانگریس رہنما غلام نبی آزاد نے کہا تھا کہ یہ فیصلہ غلط ثابت ہوچکا ہے، مودی سرکار کشمیر کے سیاسی رہنماؤں کورہا کرے۔

    واضح رہے مقبوضہ کشمیرمیں بیس روزسے نافذ کرفیونے کشمیریوں کوگھروں میں قید کردیا ہے۔بھارتی مظالم کیخلاف کشمیری پابندیاں توڑ کرسڑکوں پرآگئے۔

    مظاہرین پربھارتی فورسزنے آنسوگیس کی شیلنگ کی اورپیلیٹ گنزکا استعمال کیا جس سے متعدد مظاہرین زخمی ہوگئے جبکہ گرفتار مزید تیس کشمیری نوجوانوں کوآگرہ جیل منتقل کردیا گیا۔

    مقبوضہ وادی میں انٹرنیٹ،موبائل سروس اورلینڈ لائن فون بدستوربند ہیں، مسلسل لاک ڈاؤن سے لوگ دواؤں اورکھانے پینے کی شدید قلت کا سامنا کررہے ہیں۔بھارتی فوجی آدھی رات کوچھاپے مارکرکشمیری نوجوانوں کوگرفتارکررہی ہے اور ان افراد کے اہلخانہ کوبھی ان کے بارے میں معلومات نہیں دی جارہیں۔

  • کشمیر کی خصوصی حیثیت ختم کرنے پر راہول گاندھی کی مودی سرکار پر کڑی تنقید

    کشمیر کی خصوصی حیثیت ختم کرنے پر راہول گاندھی کی مودی سرکار پر کڑی تنقید

    نئی دہلی: کانگریس رہنما راہول گاندھی نے مقبوضہ کشمیر کی خصوصی حیثیت ختم کرنے پر ردعمل دیتے ہوئے کہا ہے کہ طاقت کے غلط استعمال سے ہماری قومی سلامتی پر بہت سنگین اثرات مرتب ہوں گے۔

    تفصیلات کے مطابق بھارتی اپوزیشن جماعت کانگریس کے رہنما راہول گاندھی نے اپنے ایک ٹویٹ میں مودی سرکار کو تنقید کا نشانہ بناتے ہوئے کہا ہے کہ مقبوضہ کشمیر میں منتخب نمائندوں کو قید کرنا بھارتی آئین کی خلاف ورزی ہے۔

    انہوں نے کہا کہ مقبوضہ کشمیر کو زمین کے ٹکڑوں نے نہیں، وہاں کے لوگوں نے بنایا ہے، مقبوضہ و جموں کشمیر کی تقسیم سے قومی اتحاد کو تقوت نہیں ملے گی۔

    مزید پڑھیں: آرٹیکل 370 ختم کرنے پر بھارتی پنجاب کے وزیراعلیٰ امرندر سنگھ برہم

    واضح رہے کہ گزشتہ روز بھارتی پنجاب کے وزیراعلیٰ امرندر سنگھ نے آرٹیکل 370 کے خاتمے کو غیرآئینی قرار دیتے ہوئے مرکزی حکومت کو کڑی تنقید کا نشانہ بنایا تھا۔

    امرندر سنگھ کا کہنا تھا کہ کشمیر پر آرٹیکل 370 ختم کرنا غیرآئینی عمل ہے، مقبوضہ کشمیر سے متعلق بھارتی آئین میں تبدیلی غیرقانونی ہے۔

    وزیراعلیٰ بھارتی پنجاب امرندر سنگھ نے آرٹیکل 370 کے حق میں مظاہروں پر بھی پابندی لگادی تھی۔

    یاد رہے کہ کانگریس کے ترجمان جے ویر شیرگل نے کہا تھا کہ ریاستی اسمبلی سے منظوری کے بغیر صدر آرٹیکل 370 ختم نہیں کرسکتے ہیں، اسمبلیاں تحلیل ہوں پھر بھی آرٹیکل 370 ختم نہیں کیا جاسکتا ہے، افسوس ہے قانون اور آئین کا دور ختم ہوچکا ہے۔

  • مودی نے مسئلہ کشمیر کی ثالثی کی بات کرکے ملک کو دھوکا دیا، راہول گاندھی

    مودی نے مسئلہ کشمیر کی ثالثی کی بات کرکے ملک کو دھوکا دیا، راہول گاندھی

    نئی دہلی : کانگرس کے سابق صدر راہول گاندھی نے کہا ہے کہ مودی نے مسئلہ کشمیر کی ثالثی کی بات کرکے ملک کو دھوکا دیا، مودی کو اس کا جواب دینا ہوگا۔

    تفصیلات کے مطابق کانگرس کے سابق صدر راہول گاندھی نے اپنے بیان میں کہا ہے کہ اگر مودی نے مسئلہ کشمیر کی ثالثی کی بات کی ہے تو ملک کو دھوکا دیا ہے اور ایک کمزور وزارت خارجہ کی تردید سے کام نہیں چلے گا بلکہ خود وزیراعظم مودی کو اس کا جواب دینا ہوگا۔

    دوسری جانب کانگرس کے رہنما منیش تواڑی کا کہنا ہے کہ کہ ہم وزارت خارجہ کی بجائے مودی سے وضاحت کا مطالبہ کرتے ہیں۔

    ترجمان بھارتی وزارت خارجہ نے ایک بار پھر ہٹ دھرمی کا مظاہرہ کرتے ہوئے کہا کہ مودی نے تو ٹرمپ سے مسئلہ کشمیر پرثالث بننے کی کوئی درخواست ہی نہیں کی۔

    یاد رہے امریکی صدر ڈونلڈ ٹرمپ نے وزیراعظم عمران خان سے ملاقات کے دوران بھارتی وزیراعظم نریندرمودی کی طرف سے مسئلہ کشمیر کے حل کے لیے ثالثی کی بات کرنے کا اظہار کیا تو سارا بھارت آگ بگولہ ہوگیا تھا۔

    امریکی صدر کے اس بیان کے بعد مودی سرکار وضاحتیں پیش کررہی ہے اور بھارتی وزیر خارجہ جے سنکر نے راجیہ سبھا میں امریکی صدر کے بیان اور ثالث بننے کی پیشکش کو مسترد کردیا لیکن اپوزیشن جماعتوں نے وزیراعظم نریندر مودی کی طرف سے وضاحتی بیان کا مطالبہ کردیا ہے۔

  • گروگرام میں مسلمانوں پرتشدد قابل نفرت ہے‘ راہول گاندھی

    گروگرام میں مسلمانوں پرتشدد قابل نفرت ہے‘ راہول گاندھی

    نئی دہلی : بھارت کی اپوزیشن جماعت گانگریس کے صدر راہول گاندھی نے گروگرام میں مسلمان خاندان پر ہوئے ظلم کا ذمہ دار بی جے پی اور آر ایس ایس کو قرار دے دیا۔

    تفصیلات کے مطابق سماجی رابطے کی ویب سائٹ ٹویٹر پر راہول گاندھی نے اپنے پیغام میں کہا کہ گروگرام میں مسلمانوں پرتشدد قابل نفرت ہے۔

    راہول گاندھی نے کہا کہ بی جے پی اور آر ایس ایس ملک میں نفرت اور تعصب پھیلا رہے ہیں جس کی وجہ سے لوگوں میں نفرت بڑھ رہی ہے لیکن اس حکمت عملی کے نتائج بہت بھیانک ہوں گے۔

    ہولی کے دن کرکٹ کھیلنے پر انتہا پسند ہندوؤں کا مسلمان گھرانے پر تشدد

    یاد رہے کہ گزشتہ دنوں بھارتی شہر گروگرام میں انتہا پسند ہندوؤں نے ایک مسلمان گھر میں گھس کر گھروالوں کو تشدد کا نشانہ بنایا جس کی ویڈیو سوشل میدیا پر وائرل ہوگئی تھی۔ ؎

    مسلمان خاندان پر حملہ کرنے والے انتہا پسند ہندوؤں کا تعلق راشٹریا سویام سیوک سنگ تنظیم سے بتایا گیا ہے۔

    واضح رہے کہ گزشتہ ماہ انسانی حقوق کی عالمی تنظیم ہیومن رائٹس واچ نے بھارت میں گائے کے نام پر ہونے والے قتل عام اور بڑھتی ہوئی انتہاء پسندی پر تشویش کا اظہار کرتے ہوئے حکومت کو ذمہ دار قرار دیا تھا۔

    بھارت: گائے کے نام پر مسلمانوں کا قتل عام

    عالمی تنظیم کی جانب سے 104 صفحات پر مبنی رپورٹ جاری کی گئی جس میں بتایا گیا تھا کہ گائے کے گوشت کے استعمال اور جانوروں کے کاروبار سے منسلک تاجروں کو حکمراں جماعت کے رہنماؤں نے اشتعال انگیز تقاریر کے ذریعے نشانہ بنوایا۔

  • رافیل طیاروں کی ڈیل: مودی نے 30 ہزارکروڑامبانی کی جیب میں ڈالے

    رافیل طیاروں کی ڈیل: مودی نے 30 ہزارکروڑامبانی کی جیب میں ڈالے

    نئی دہلی: کانگریس پارٹی کے صدر راہول گاندھی کا کہنا ہے کہ رافیل طیاروں کی ڈیل میں براہ راست نریندرمودی کا نام آرہا ہے۔

    تفصیلات کے مطابق بھارت کی اپوزیشن جماعت کانگریس کے صدر راہول گاندھی نے کہا کہ نریندر مودی نے 30 ہزارکروڑامبانی کی جیب میں ڈالے۔

    راہول گاندھی نے کہا کہ نریندر مودی امبانی کوڈیل دلانا چاہتے تھے اس لیے رافیل وقت پرنہ آئے، مودی کے خلاف کارروائی کی جائے۔

    کانگریس پارٹی کے صدر راہول گاندھی نے مزید کہا کہ رافیل طیاروں کی ڈیل میں براہ راست نریندرمودی کا نام آرہا ہے۔

    خیال رہے کہ گزشتہ روز بھارتی سپریم کورٹ میں رافیل طیاروں کے معاہدے کے خلاف کیس کی سماعت کے دوران اٹارنی جنرل کے کے وینوگوپال نے حکومت کی نمائندگی کی تھی۔

    بھارتی اٹارنی جنرل کا کہنا تھا کہ رافیل طیاروں کے معاہدے سے متعلق دستاویزات چوری ہوچکی ہیں۔

    یاد رہے کہ گزشتہ روز کانگریس جماعت کے صدر راہول گاندھی نے سماجی رابطے کی ویب سائٹ ٹویٹر پر اپنے پیغام میں کہا تھا کہ رافیل طیاروں کے دھوکے میں بھارتی وزیراعظم نریندر مودی پر مقدمہ چلانے کے لیے کافی ثبوت ہیں۔

    راہول گاندھی کا کہنا تھا کہ جرم ثابت کرنے والی رافیل طیاروں کی فائلیں چوری کروا کرمودی نے کرپشن چھپانے کی کوشش کی۔

  • بھارت، پاکستان کی طرح بیلٹ پیپرز استعمال کرے، راہول گاندھی

    بھارت، پاکستان کی طرح بیلٹ پیپرز استعمال کرے، راہول گاندھی

    نئی دہلی: کانگریس رہنما راہول گاندھی نے کہا ہے کہ بھارت لوک سبھا کے انتخابات میں الیکٹرانک ووٹنگ مشین کے بجائے پاکستان کی طرح بیلٹ پیپرز استعمال کرے۔

    بھارتی میڈیا کے مطابق راہول گاندھی نے الیکشن کمیشن سے مطالبہ کیا ہے کہ جس طرح پاکستان میں انتخابات کے لیے بیلٹ پیپرز استعمال کیے گئے ہیں ویسے ہی بھارت میں انتخابات کے لیے بھی استعمال کیے جائیں۔

    راہول گاندھی نے کہا کہ الیکٹرانک ووٹنگ مشین کو گھنٹوں تک آپریشنل رکھنے کے لیے بڑی مقدار میں بجلی ضائع ہوتی ہے، اگر پاکستان انتخابات کے لیے بیلٹ پیپرز استعمال کرسکتا ہے تو بھارت کو اس طرف توجہ دینے کی ضرورت ہے۔

    دوسری جانب لوک سبھا انتخابات میں بیلٹ پیپرز استعمال کرنے کا مطالبہ دیگر بھارتی سیاسی جماعتوں کی جانب سے بھی کیا گیا جن میں سی پی آئی ایم، اے اے پی، ایس پی اور بی ایس پی سمیت دیگر شامل ہیں۔

    عام آدمی پارٹی کے مطابق الیکٹرانک ووٹنگ مشین سسٹم سے دھاندلی کی گنجائش زیادہ ہے جس سے بھارتی جتنا پارٹی فائدہ اٹھا سکتی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • راہول گاندھی نے نریندرمودی کو امیتابھ بچن سے بڑا اداکار قرار دے دیا

    راہول گاندھی نے نریندرمودی کو امیتابھ بچن سے بڑا اداکار قرار دے دیا

    نئی دہلی : کانگریس کے رہنما راہول گاندھی نے وزیر اعظم نریندر مودی کو امیتابھ بچن سے بڑا اداکار قرار دے دیا اور کہا کہ مودی کو تو رونے کی اداکاری کے لیے لینس کی ضرورت بھی نہیں پڑتی۔

    تفصیلات کے مطابق انتخابی چناو میں الجھے کانگریس کے رہنما راہول گاندھی نے مودی پر ایک اور کرارا وار کرتے ہوئے کہا کہ مودی امیتابھ سے بھی بڑے اداکار ہیں کیونکہ امیتابھ بچن کو فلم میں رونے کیلئے لینس کی ضرورت پڑتی ہیں لیکن مودی کو رونے کے لیے مصنوعی سہارا نہیں لینا پڑتا ۔

    خیال رہے کہ مودی کئی مرتبہ خطاب کے دوران اور پارلیمنٹ میں اپنا رونے دھونے کا ڈرامہ رچا چکے ہیں لیکن اس بار راہول ان کی اداکاری سے اتنے متاثر ہوئے کہ امیتابھ بچن سے بڑا اداکار قرار دے ڈالا۔

    مزید پڑھیں :  نریندر مودی بھارت کے ڈونلڈ ٹرمپ ہیں، راہول گاندھی

    یاد رہے اس سے قبل کانگریس کے نائب صدر راہول گاندھی مودی کو بھارت کا ڈونلڈ ٹرمپ قرار دے چکے ہیں۔

    خیال رہے کہ کانگریس پارٹی کے نائب صدر راہول گاندھی نے بھارتی وزیراعظم نریندر مودی کو تنقید کا نشانہ بناتے ہوئے کہا تھا کہ2025 تک نریندر مودی گجرات کے ہرفرد کو چاند پر جانے کے لیے راکٹ دیں گے۔

    انکا کہنا تھا کہ بی جے پی 22 سالوں سے حکومت میں ہے اور اب بھی مودی کا کہنا ہے کہ 2022 تک گجرات سے غربت کا خاتمہ کردیں گے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تواسے اپنی فیس بک وال پرشیئرکریں۔

  • نریندر مودی 2030 میں چاند زمین پرہی لےآئیں گے‘ راہول گاندھی

    نریندر مودی 2030 میں چاند زمین پرہی لےآئیں گے‘ راہول گاندھی

    نئی دہلی : کانگریس پارٹی کے نائب صدر راہول گاندھی کا کہنا ہے کہ 2025 تک نریندر مودی گجرات کے ہرفرد کو چاند پر جانے کے لیے راکٹ دیں گے۔

    تفصیلات کے مطابق کانگریس پارٹی کے نائب صدر راہول گاندھی نے بھارتی وزیراعظم نریندر مودی کو تنقید کا نشانہ بناتے ہوئے کہا کہ بی جے پی 22 سالوں سے حکومت میں ہے اور اب بھی مودی کا کہنا ہے کہ 2022 تک گجرات سے غربت کا خاتمہ کردیں گے۔

    راہول گاندھی نے سماجی رابطے کی ویب سائٹ ٹویٹر پر اپنے پیغام میں کہا کہ میں آپ کو نریندر مودی کی اگلی بات بتاتا ہوں کہ 2025 تک مودی گجرات کے ہرفرد کو چاند پر جانے کے لیے راکٹ دیں گے۔

    انہوں نے مزید کہا کہ 2028 میں نریندر مودی گجرات کے ہرشخص کو چاند پر ایک مکان دیں گے اور پھر 2030 میں وہ چاند ہی زمین پر لے آئیں گے۔

    دریں اثناء راہول گاندھی نے بی جے پی کے رہنما امت شاہ کے بیٹے جے امت کو تنقید کا نشانہ بناتے ہوئے کہا کہ 2014 میں جے امت کی کمپنی کا کاروبار 50 ہزار روپے کا تھا جو 2015 میں 80 کروڑ تک پہنچ گیا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تواسے اپنی فیس بک وال پرشیئرکریں۔