ARYNews.tv | Urdu – Har Lamha Bakhabar

Tag: را

  • سری لنکا واقعے میں را کے ملوث ہونے کے ثبوت ہیں: مشاہد اللہ خان

    سری لنکا واقعے میں را کے ملوث ہونے کے ثبوت ہیں: مشاہد اللہ خان

    اسلام آباد:‌ سینیٹر مشاہد اللہ خان نے کہا ہے کہ کوئٹہ واقعےکی مذمت ہوئی، لیکن کیوی وزیراعظم جیسا کردار نظر نہیں آیا.

    ان خیالات کا اظہار انھوں نے سینیٹ میں تقریر کرتے ہوئے کیا. ان کا کہنا تھا کہ کوئٹہ واقعے پر آگے بڑھ کر حکومت کو اقدامات کرنے چاہیے تھے، ہمیں‌ نیوزی لینڈ جیسا ردعمل دینا چاہیے تھے.

    انھوں نے کہا کہ سری لنکا واقعے میں را کے ملوث ہونے کے ثبوت ہیں، سری لنکا میں تامل ٹائیگرز کا بھی ماضی میں کردار رہا ہے. پاکستان کو  سری لنکن حکومت کی جتنی ممکن ہو، مدد کرنی چاہیے.

    مشاہد اللہ خان نے کہا کہ ماضی میں کسی نے کہا تھا کہ جو روڈ بند کرے گا، اس کی چھترول ہوگی، آج جس کے ہاتھ میں چھتر ہے، کل اس کی پیٹھ بھی ہوسکتی ہے.

    انھوں نے کہا کہ چھتر کو ہمیشہ کے لئے الماری میں بند کریں، ملک متحمل نہیں ہوسکتا، اگر چھتر مارنے سے دہشت گردی ختم ہوسکتی ہے تو ہم حاضر ہیں.

    مزید پڑھیں: سری لنکا میں حملے نظام کی واضح ناکامی ہے، امریکی سفیر کی تنقید

    خیال رہے کہ 23 اپریل 2019 کو سینیٹ کی قائمہ کمیٹی سیفران میں فاٹا (کے پی میں ضم شدہ قبائلی علاقہ جات) پر اراکین کو بریفنگ دی گئی تھی، جس میں فاٹا کے عوام پر ٹیکسوں کا بوجھ لادے جانے پر تشویش کا اظہار کیا گیا۔

  • را اور افغان خفیہ ایجنسی این ڈی ایس کی پاکستان کے خلاف منصوبہ بندی کا انکشاف

    را اور افغان خفیہ ایجنسی این ڈی ایس کی پاکستان کے خلاف منصوبہ بندی کا انکشاف

    اسلام آباد: پاکستان دشمنوں کی جانب سے افغانستان میں منصوبہ بندی کا انکشاف ہوا ہے، بھارتی خفیہ ایجنسی را نے افغان خفیہ ایجنسی این ڈی ایس سے مدد مانگ لی۔

    ذرایع کے مطابق پاکستان کی مختلف محاذوں پر زبردست کام یابیوں سے خائف دشمن سر جوڑ کر بیٹھ گئے ہیں، بھارتی خفیہ ایجنسی کو پاکستان کے خلاف افغان خفیہ ایجنسی سے مدد مانگنی پڑ گئی۔

    [bs-quote quote=”پاکستانی جیٹ گرانے کے لیے را نے افغان خفیہ ایجنسی این ڈی ایس سے مدد مانگ لی۔” style=”style-8″ align=”left” author_name=”ذرایع”][/bs-quote]

    ذرایع کا کہنا ہے کہ بھارتی خفیہ ایجنسی را اور افغان خفیہ ایجنسی این ڈی ایس کی منصوبہ بندی بے نقاب ہو گئی ہے۔

    پاکستانی شاہینوں کے ہاتھوں بھارت کے دو طیاروں کی تباہی اور او آئی سی محاذ پر زبردست نا کامی کے بعد بھارت نے اپنی ہزیمت کے احساس سے نجات کے لیے ایک اور سازش تیار کر لی۔

    را نے این ڈی ایس سے مدد کی درخواست کی ہے کہ کسی بھی طریقے سے پاکستان کا ایک جیٹ گرایا جائے، اس سلسلے میں پشاور، سمگلی یا کسی اور بیس سے جہاز پرواز کرتے یا اترتے وقت نشانہ بنانے کا منصوبہ بنایا گیا۔

    یہ بھی پڑھیں:  بھارتی طیارے مار گرانے والے پائلٹس کو قومی اسمبلی میں خراج تحسین، قومی ہیروز قرار

    ذرایع کا کہنا ہے کہ پاکستان میں تنصیبات کو نشانہ بنانے کے لیے افغانستان سے دہشت گرد بھیجنے کا بھی منصوبہ بنایا گیا۔

    یاد رہے کہ 27 فروری کو بھارتی فضائیہ کے طیارے پاکستانی حدود میں داخل ہو کر دوسری مرتبہ دراندازی کے مرتکب ہوئے، تاہم اس بار پاک فضائیہ کے شاہینوں نے انھیں واپس جانے کی مہلت نہیں دی اور دو طیارے مار گرائے، جن میں سے ایک آزاد کشمیر اور دوسرا مقبوضہ کشمیر میں گرا، اور ایک بھارتی پائلٹ بھی زندہ پکڑا گیا۔

  • سابق آئی ایس آئی چیف اسد درانی کا نام ای سی ایل سے نکالنے پرفیصلہ محفوظ

    سابق آئی ایس آئی چیف اسد درانی کا نام ای سی ایل سے نکالنے پرفیصلہ محفوظ

    اسلام آباد: عدالت نے سابق ڈی جی آئی ایس آئی اسد درانی کی جانب سے ای سی ایل سے نام نکلوانے کی درخواست پر فیصلہ محفوظ کرلیا، وزارت دفاع نے انکوائری رپورٹ بھی پیش کردی۔

    تفصیلات کے مطابق آج اسلام آباد ہائی کورٹ میں جسٹس محسن اختر کیانی نے اسد درانی کی جانب سے دائر کردہ درخواست کی سماعت کی ، سماعت میں وزارت دفاع کے نمائندے بریگیڈیئر فلک ناز نے سر بمہر انکوائری رپورٹ عدالت میں پیش کر دی۔

    رپورٹ پاک فوج نے جنرل اسد درانی کے خلاف بھارتی خفیہ ایجنسی را کے چیف کے ساتھ مل کر کتاب لکھنے کے حوالے سے ہونے والی انکوائری پر مرتب کی ہے۔جسٹس محسن اختر کیانی نے رپورٹ پڑھ کر واپس وزارت دفاع کے نمائندے کو دے دی۔

    جسٹس محسن کیانی نے وزارتِ دفاع کے نمائندے سے استسفار کیا کی کہ اسد درانی کے خلاف جاری انکوائری مکمل ہوگئی ہے، جس پر بریگیڈئر فلک ناز کا کہنا تھا کہ جی! انکوائری مکمل ہو گئی ہے رپورٹ میں تجاویز درج ہیں۔ انہوں نے عدالت سے استدعا کی کہ رپورٹ کی روشنی میں جنرل اسد درانی کا نام ای سی ایل سے نہ نکالاجائے۔

    اس موقع پر سابق آئی ایس آئی چیف کے وکیل عمر فرخ آدم نے عدالت سےاستسفار کیا کہ کیا اب کتاب لکھنے پرکورٹ مارشل کریں گے؟۔ جس پر جسٹس محسن کیانی نے ریمارکس دیے کہ ایسی تو کوئی بات رپورٹ میں نہیں لکھی گئی۔

    اسد درانی کے وکیل نے مزید دلائل دیے کہ کیا اسد درانی کا کتاب نیشنل سیکورٹی کا ایشو ہے،اس طرح تو پھر سابق جنرل پرویز مشرف نے بھی کتاب لکھی ہے۔ وکیل نے مزید کہا کہ ان کے موکل1993 میں ریٹائر ہو ئے اور سنہ 2018 میں تجزیے کی بنیاد پر کتاب لکھی گئی ، اس میں کیا غلط ہے۔

    عدالت نے دونوں جانب کے دلائل سننے کے بعد ای سی ایل سے نام نکالنے کی درخواست پر فیصلہ محفوظ کرلیا ہے، ذرائع کا کہنا ہے کہ آج فیصلہ سنائے جانے کا امکان نہیں ہے۔

    یاد رہے کہ گزشتہ برس مئی میں متنازع کتاب لکھنے کے معاملے میں اسد درانی کا نام ای سی ایل میں شامل کیا گیا تھا۔ یہ اقدام ملٹری انٹیلی جنس ڈائریکٹوریٹ کی سفارش پر عمل میں‌ لایا گیا تھا۔

    لیفٹیننٹ جنرل اسد درانی اگست 1990 سے مارچ 1992 تک آئی ایس آئی کے سربراہ رہے ہیں. انھوں نے سابق را چیف اے ایس دلت کے ساتھ مل کر کتاب ’دی اسپائے کرونیکلز: را، آئی ایس آئی اینڈ دی الوژن آف پیس‘ لکھی ہے۔

    اس کتاب پر پاکستان کے سیاسی و عسکری حلقوں‌ کی جانب سے شدید تحفظات کا اظہار کیا گیا تھا ، اور آرمی چیف جنرل قمرجاوید باجوہ کے حکم پر جنرل اسد درانی کو ان کی کتاب پر وضاحت پیش کرنے کے لیے جی ایچ کیو طلب کیا گیا تھا۔

  • پاکستان کو ہمیشہ بھارتی خفیہ ایجنسی را کی دہشت گردی کا سامنا رہا: رضا ربانی

    پاکستان کو ہمیشہ بھارتی خفیہ ایجنسی را کی دہشت گردی کا سامنا رہا: رضا ربانی

    اسلام آباد: سابق چیئرمین سینیٹ اور پاکستان پیپلز پارٹی کے مرکزی رہنما رضا ربانی نے کہا ہے کہ پاکستان کو ہمیشہ بھارتی خفیہ ایجنسی را کی دہشت گردی کا سامنا رہا ہے، بلوچستان میں بھارت دہشت گردی میں ملوث ہے۔

    ان خیالات کا اظہار انہوں نے میڈیا سے بات چیت کرتے ہوئے کیا، رضا ربانی کا کہنا تھا کہ پاکستان کا جمہوری عمل ہی اس کی بقا کا ضامن ہے، جمہوریت مضبوط ہوگی تو ملک بھی ترقی کرے گا، جمہوریت کے لیے ہم نے قربانیاں دی ہیں۔

    امریکی سفارت خانے کی بیت المقدس منتقلی اور اسرائیلی فوج کی جارحیت سے متعلق تبصرہ کرتے ہوئے رضا ربانی کا کہنا تھا کہ فلسطین کی سرزمین پر صیہونی طاقتوں نے قبضہ جما رکھا ہے، ظلم وبربریت کی وہ داستان رقم کی جس کی مثال کہیں نہیں ملتی۔

    نواز شریف کا بیان نامناسب اور پاکستان کے اصولی مؤقف کی نفی ہے: رضا ربانی

    ان کا کہنا تھا کہ امت مسلمہ نے فلسطینی مظلوموں کے لیے کبھی مؤثر آواز نہیں اٹھائی، جبکہ گلف ممالک اسرائیل کے ساتھ روابط بڑھا رہے ہیں، دنیا کی سیاست میں ایک نیا الائنس نظر آرہا ہے، فلسطین اور کشمیر کا مسئلہ آج تک حل نہیں ہوا، فلسطین اور کشمیر کا مسئلہ اقوام متحدہ میں جب بھی پیش ہوا ویٹو کیا گیا۔

    رہنما پی پی کا مزید کہنا تھا کہ فلسطین اور کشمیر میں انسانیت سوز مظالم ہورہے ہیں، سامراجی قوتیں مسئلہ فلسطین وکشمیر کےحل میں سب سے بڑی رکاوٹ ہیں، شام میں اسرائیلی بمباری سے مظلوموں کا خون بہایا جارہا ہے۔

    امریکی سفارتخانہ بیت المقدس منتقل، اسرائیلی فوج کی فائرنگ سے 52 فلسطینی شہید

    خیال رہے کہ آج امریکا نے بیت المقدس میں اپنے سفارت خانے کا افتتاح کردیا ہے جس میں امریکی صدر ڈونلڈ ٹرمپ کی بیٹی ایوانکا نے بھی شرکت کی۔

    دوسری جانب سفارت خانہ مقبوضہ بیت المقدس منتقلی کے خلاف فلسطینیوں کی احتجاجی ریلی پر اسرائیلی فوج کی فائرنگ سے 52 فلسطینی شہید ہوگئے ہیں، جس پر ترکی کے وزیر اعظم نے شدید مذمت کی ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سانحہ درگاہ نورانیٌ میں این ڈی ایس اور را ملوث ہیں، ذرائع

    سانحہ درگاہ نورانیٌ میں این ڈی ایس اور را ملوث ہیں، ذرائع

    گوادر : بلوچستان میں دہشت گردی کا واقعہ ہونے کے حوالے سے ذرائع کا کہنا ہے کہ درگاہ شاہ نورانیؒ میں دہشت گردی میں این ڈی ایس اور را ملوث ہیں۔ افغانستان سے دہشت گرد بلوچستان بھیجے جانے کا الرٹ کچھ عرصہ قبل جاری کیا گیا تھا۔

    تفصیلات کے مطابق تجارتی جہاز کی گوادر سے روانگی سے چند گھنٹے قبل بلوچستان کے علاقے حب میں درگاہ شاہ نورانیؒ کے احاطے میں دہشت گردی کے واقعے میں اب تک کی اطلاعات کے مطابق باون افراد جاں بحق ہو چکے ہیں۔

    اس حوالے سے ذرائع کا کہنا ہے کہ مذکورہ واقعے میں افغان حفیہ ایجنسی این ڈی ایس اور بھارتی را ملوث ہیں، ذرائع کا مزید کہنا ہے کہ وفاق کی جانب سے افغانستان سے دہشت گرد بلوچستان بھیجے جانے کا الرٹ پانچ نومبر کو جاری کیا گیا تھا کہ دہشت گرد قلعہ عبداللہ کےراستے داخل ہوئے ہیں۔

    مزید پڑھئے: بلوچستان میں سال کی تیسری بڑی دہشت گردی

    ذرائع کا کہنا ہے کہ سی پیک کے افتتاح کے موقع پربھارت بلوچستان میں بدامنی چاہتا تھا، بلوچستان میں رواں سال یہ تیسرا بڑا سانحہ شاہ نورانیؒ کا ہوا ہے، سو دنوں کے دوران تیسرے بڑے واقعے میں درجنوں افراد جاں بحق ہوئے۔

    بلوچستان میں دہشت گردوں نے اس وقت دوبارہ  وار کیا جب پاک چین راہداری کے حوالے سے آج ایک اہم ترین تقریب منعقد کی جانے والی ہے۔

    گوادر کی بندرگاہ سے آج چینی سامان کے کنٹینرروانہ ہو رہے ہیں،تقریب کے مہمان خصوصی وزیراعظم نوازشریف ہیں، وزیراعظم نوازشریف آج اتوارکو گوادر کادورہ کریں گے۔

    وہ گوادر پورٹ سے پہلے میگا پائلٹ ٹریڈ کارگو روانہ کرنے کی مرکزی تقریب سے خطاب کریں گے۔

  • بھارتی ہائی کمیشن میں بڑی تعداد میں را کے ایجنٹ رکھے گئے، سراج الحق

    بھارتی ہائی کمیشن میں بڑی تعداد میں را کے ایجنٹ رکھے گئے، سراج الحق

    پشاور : جماعت اسلامی کے امیر سراج الحق نے کہا ہے کہ بھارتی ہائی کمیشن میں بڑی تعداد میں را کے ایجنٹ رکھے گئے، بھارتی خفیہ ادارے پاکستان میں انتشار پھیلانے میں مصروف ہیں۔

    تفصیلات کے مطابق امیر جماعت اسلامی سراج الحق ایک بڑے جلسہ عام سے خطاب کر رپے تھے انہوں نے کہا کہ کرپشن مٹاؤ تحریک سب سے پہلے جماعت اسلامی نے شروع کی اور کرپٹ مراعات یافتہ طبقے کے خلاف ہماری جدو جہد کرپشن کے خاتمے تک جاری رہے گی۔

    انہوں نے کہا کہ جماعت اسلامی پاکستان کو ایک خوشحال اسلامی ریاست بنانا چاہتی ہے جس کے لیے جماعت اسلامی قربانی دیتی آئی ہے اور آج بھی بنگلہ دیش میں پاکستان سے محبت کے جرم میں جماعت اسلامی کے رہنما پھانسی چڑھ رہے ہیں۔

    امیر جماعت اسلامی کا کہنا تھا کہ ہم نے پاکستان کی غریب عوام کے لیے ہمیشہ قربانیاں دی ہیں، جماعت اسلامی ایسا پاکستان دیکھنا چاہتی ہے جہاں بچے ملاوٹ زدہ دودھ نہ پیتے ہوں،جہاں ہر بچے کے ہاتھ میں قلم اور دوات ہو اور بے روزگار کو روزگار ملے،ایسا پاکستان جس میں حکمراں پہرہ دیں اور عوام آرام سے سوئیں۔

    انہوں نے کہا کہ میں نے اپنے کارکنان کو ہدایات جاری کیں ہیں کہ دوسروں سے الجھیں نہیں ہمیشہ مثبت بات کریں اور کسی منفی سرگرمیوں میں ملوث نہ ہوں۔

    امیر جماعت اسلامی سراج الحق نے کہا کہ ہمسائیہ ملک اپنے خفیہ اداروں کے ذریعے ہمارے ملک کو نقصان پہنچا رہا ہے اور بھارتی ہائی کمیشن بڑی تعداد میں را کے ایجنٹ بھرتی کیے ہوئے ہیں۔

  • نیٹو اجلاس میں افغان صدر کے بیان پر مایوسی ہوئی، دفتر خارجہ

    نیٹو اجلاس میں افغان صدر کے بیان پر مایوسی ہوئی، دفتر خارجہ

    اسلام آباد: پاکستان دفتر خارجہ کے ترجمان کا کہنا ہے کہ پاکستان کو افغان صدر کے ریمارکس پر مایوسی ہوئی ہے۔

    پاکستان دفتر خارجہ نے افغان صدر اشرف غنی کے بیان پر ردعمل دیتے ہوئے کہا ہے کہ نیٹو اجلاس کے دوران افغانستان کے پاکستان پر الزامات قابل افسوس ہیں،افغان قیادت پاکستان کے خلاف جارحانہ بیانات کا سلسلہ جاری رکھے ہوئے ہے۔

    ترجمان دفتر خارجہ نے کہا ہے کہ افغان صدر کا بیان مایوس کن تھا مفروضوں پر مبنی بے بیناد الزامات سے گریز کرنا چاہیے، افغانستان اپنی پالیسیوں پر نظر ثانی نہیں کرتا جبکہ اپنی ناکامیوں پر پاکستان کو مورد الزام ٹھہرانا صیح نہیں ہے۔

    جاری کردہ بیان میں کہا گیا ہے کہ پاکستان افغان قیادت سے بارڈر میجمنٹ کے تحت تعاون کرتے ہیں،افغان قیادت کی جانب سے دہشت گردی میں تعاون کی توقع کرتے ہیں۔

    ان کا کہنا تھا کہ دونوں ممالک کے درمیان دہشت گردی کے خاتمے کے لیے تعاون وقت کی اہم ضرورت ہے، افغانستان میں امن پاکستان کے مفاد میں ہے۔

    واضح رہے کہ امریکہ میں جاری نیٹو اجلاس میں افغان صدر اشرف غنی نے پاکستان پر الزام تراشی کرتے ہوئے کہا تھا کہ پاکستان کے سوا تمام پڑوسیوں کو اتحاد کے اچھے ثمرات مل رہے ہیں۔

    افغان صدر نے کہا تھا کہ پاکستان اچھے اور برے دہشتگردوں میں امتیاز کی پالیسی برقرار رکھے ہوئے ہے، ہم معاملات طے کرنے کے قواعد پر پڑوسیوں سے متفق نہیں ہوسکتے۔

  • پاکستان میں بھارتی مداخلت اورراکی سرگرمیوں کیخلاف جنوبی افريقہ میں مظاہرہ

    پاکستان میں بھارتی مداخلت اورراکی سرگرمیوں کیخلاف جنوبی افريقہ میں مظاہرہ

    جوہانسبرگ: پاکستان میں بھارتی مداخلت اور را کی سرگرمیوں کےخلاف پاکستانی کمیونٹی نے جنوبی افريقہ کے شہرجوہانسبرگ ميں بھارتی قونصليٹ کے باہرمظاہرہ کيا۔

    مظاہرين کی بڑی تعداد نے پارک ٹاون ميں واقع بھارتی قونصليٹ کی جانب پُر امن مارچ کيا،جس ميں مختلف شعبہ ہائےزندگی سے تعلق رکھنے والے پاکستانيوں نےشرکت کی۔


    Protest in South Africa against RAW activities… by arynews

    احتجاجی مظاہرین نے پلے کارڈزاور پوسٹرز اٹھا رکھے تھا، پوسٹرز ميں مودی سرکار ،بھارتی دہشتگردی اور را ميں پاکستان کی مداخلت کے خلاف نعرے درج تھے۔

    مظاہرين کا کہنا تھا کہ بھارت مسلسل پاکستان کے خلاف سازشوں ميں مصروف ہے۔

    مزید پڑھیے: کراچی میں پولیس کی کارروائی ’را‘ کامشتبہ ایجنٹ گرفتار

    واضح رہے کہ بھارتی وزیرخارجہ سشما سوراج نے پاکستان میں پکڑےجانے والے ’را‘ کے ایجنٹ پرعائد الزامات رد کرتے ہوئے پاکستان سے قونصلررسائی کا مطالبہ کردیا۔

    بھارتی دفترِخارجہ نے پاکستان میں گرفتار ہونےوالے راکے افسر کلبھوشن یادو کی ویڈیو پرردعمل کا اظہارکرتے ہوئے اسے بے بنیاد قراردے دیا۔

    بھارتی دفترخارجہ کی جانب سے جاری کردہ اعلامیے کے مطابق کلبھوشن بھارتی بحریہ کا سابق افسرہے اورایران میں اپنا قانونی کاروبارکررہا تھا۔

    مزید پڑھیئے:  پاکستان نے کلبھوشن یادو تک بھارتی قونصلر کی رسائی کو مسترد کردیا

    واضح رہے کہ بلوچستان سے گرفتارہونے والے بھارتی جاسوس نے پاکستانی حکام کے ساتھ رضاکارانہ تعاون کرتے ہوئے ’را‘ کی پاکستان میں سرگرمیوں کا اعتراف کیا تھا، جن میں بلوچستان اورکراچی میں دہشت گرد عناصر کی مدد کرنا شامل ہے۔

  • حساس اداروں نے را کے سہولت کاروں کا کراچی میں سراغ لگا لیا

    حساس اداروں نے را کے سہولت کاروں کا کراچی میں سراغ لگا لیا

    کراچی : پاکستان کے حساس اداروں نے بھارتی خفیہ ایجنسی را کے سہولت کاروں کا پاکستان میں سراغ لگا لیا۔

    تفصیلات کے مطابق را کراچی میں دہشتگردی کی کاروائیوں کو انجام دنیے کے لئے محمود صدیقی اور خلیل بہرامی کو استعمال کرتی ہے۔

    بھارتی خفیہ ایجنسی کے دونوں ایجنٹس پہلے جنوبی افریقہ اور ملائیشیا سے آپریٹ کر رہے تھے اب ان کو بھارت منتقل کردیا گیا ہے، اور وہاں سے دونوں بھارتی خفیہ ایجنسی کے ایجنٹوں کا منظم نیٹ ورک پاکستان میں چلا رہے ہیں.

    پاکستان کے حساس اداروں نے محمود صدیقی اور خلیل بہرامی کے حوالے سے قانونی دستاویزات حاصل کر لی ہیں۔

    را کے دونوں سہولت کاروں کی حالیہ تصاویر اے آروائی نیوز نے حاصل کر لی ہیں۔

    اس سے قبل راہ کے ایجنت کلبھوشن یادیو کو بلوچستان سے گرفتار کیاگیا تھا.

    بھارتی ایجنٹ کلبھوشن یادیو کو 25 مارچ کو بلوچستان میں حساس اداروں کی جانب سے مارے کئے چھاپے میں گرفتار کیا گیا تھا، جبکہ پاکستانی وزارت خارجہ کی جانب سے جاری کردہ بیان میں کہا گیا تھا کہ کلبھوشن یادیو غیر قانونی طور پر پاکستان میں داخل ہوا تھا، اور پاکستان میں تخریبی کاروائیوں میں ملوث تھا۔

    اسی طرح بلوچستان، پاکستان کا سب سے بڑا صوبہ ہونے کے ساتھ ساتھ کم ترقی یافتہ ہے، گذشتہ کئی سالوں سے بھارت کی جانب سے پاکستان میں دہشتگردی کو فروغ دیا جارہاہے،جسے پاکستان کی فوج کی طرف سے منظر عام پر لایا گیا ہے.

  • را پاکستان میں خفیہ کارروائیاں بند کرے، ترجمان دفتر خارجہ

    را پاکستان میں خفیہ کارروائیاں بند کرے، ترجمان دفتر خارجہ

    اسلام آباد: ترجمان دفتر خارجہ نفیس زکریا کہتے ہیں کل بھوشن سے دستیاب معلومات پر مزید بھارتی ایجنٹوں کو گرفتار کیا گیا ہے، را پاکستان میں خفیہ کارروائیاں بند کرے، کل بھوشن تک رسائی کی بھارتی درخواست پرپاک بھارت معاہدہ کے تحت غور کیا جا رہا ہے۔

    ترجمان دفتر خارجہ نفیس زکریا کا ہفتہ وار بریفنگ سے خطاب کرتے ہوئے کہا ہے کہ کل بھوشن تک رسائی کئی بھارتی درخواست ابھی زیر غور ہے،پاک بھارت معاہدہ کے تحت غور کیا جا رہا ہے اور کل بھوشن یادیو سے تحقیقات جاری ہیں۔

    تحقیقات کی روشنی میں قانون نافذ کرنے والے ادارے ملک دشمن سرگرمیوں میں ملوث افراد کی گرفتاری کی کوشش کر رہے ہیں، ترجمان کا کہنا تھا کہ پاک بھارت سیکریٹری خارجہ ملاقات کے حوالے سے معاملات طے ہو رہے ہیں۔

    ترجمان دفتر خارجہ کا مزید کہنا تھا کہ واشنگٹن میں ہونے والی چوتھی نیوکلیر سیکیورٹی سمٹ کامیاب رہی، سمٹ پاکستان کے نیوکلیر سیکیورٹی اور کمانڈ اینڈ کنٹرول نظام کو سراہا گیا۔

    ایک سوال پر نفیس زکریا نے کہا کہ ہم دو خودمختار ممالک کے تعلقات پر ردعمل نہیں دیتے، سوامی آسیم نند نے سمجھوتہ ایکسپریس میں دہشت گردی کا اعتراف اپنے بیان میں کیا تھا، بھارت نے کئی مرتبہ سمجھوتہ ایکسپریس پر تحقیقات کے نتائج کی فراہمی کی درخواست پر کوئی کاروائی نہیں کی۔