اسلام آباد : اسلام آباد ہائیکورٹ کے رجسٹرارآفس نے چیئرمین پی ٹی آئی عمران خان کے وارنٹ برقرار رکھنے کیخلاف درخواست پر آرڈرکی سرٹیفائیڈ کاپی نہ ہونے کا اعتراض لگادیا۔
تفصیلات کے مطابق چیئرمین پی ٹی آئی عمران خان کے وارنٹ برقرار رکھنے پر سیشن جج کے فیصلے کیخلاف درخواست پر اسلام آباد ہائی کورٹ کے رجسٹرارآفس نے اعتراض لگادیا۔
اعتراض میں کہا گیا ہے کہ عمران خان کی درخواست میں آرڈرکی سرٹیفائیڈ کاپی موجود نہیں ہے جبکہ بائیو میٹرک اور عرض نامے کی عدم تصدیق پر بھی اعتراض عائد کیا گیا۔
ایڈووکیٹ نعیم پنجھوتہ نے کہا ہے کہ اعتراضات دورکرنےکیلئےپی ٹی آئی قانونی ٹیم جدوجہدکررہی ہے، درخواست پراعتراضات آدھےگھنٹےمیں دورکردیں گے، درخواست کی آج ہی سماعت کیلئےاستدعاکی گئی ہے۔
یاد رہے تحریک انصاف نے عمران خان کے وارنٹ معطلی پر سیشن عدالت کے فیصلے کیخلاف درخواست دائر کی تھی۔
پی ٹی آئی قانونی ٹیم کی جانب سےفیصلےکیخلاف باضابطہ نظرثانی درخواست دائر کی گئی ، جس کے بعد اسلام آباد ہائیکورٹ عملے نےسیشن عدالت کے فیصلے کیخلاف درخواست کو نمبر لگایا۔
درخواست میں سیشن عدالت کے فیصلے پر قانونی اعتراضات اٹھاتے ہوئے عدالت سے نظرثانی کی استدعا کی گئی۔
