ARYNews.tv | Urdu – Har Lamha Bakhabar

Tag: رحمان ملک

  • رحمان ملک اور سراج الحق کا پشاور میں آرمی پبلک اسکول کا دورہ

    رحمان ملک اور سراج الحق کا پشاور میں آرمی پبلک اسکول کا دورہ

    پشاور: جماعت اسلامی کے امیرسراج الحق نےکہاہےملٹری کورٹس پر رضامندی حکومتی درخواست پر کی،رحمان ملک نے افغانستان سےملا فضل اللہ کو مانگ لیا ہے۔

    پیپلز پارٹی کے رہنما رحمان ملک اور امیر جماعت اسلامی سراج الحق نے پشاور میں آرمی پبلک اسکول کا دورہ کیا اور شہدا کو خراج عقیدت پیش کیا ۔

    پشاور میں سیاسی جرگے کے بعد میڈیا سے گفتگو میں امیر جماعت اسلامی سراج الحق نے کہاپشاور تین دہائیوں سے دہشتگردی کا شکار ہے،سراج الحق نے کہا حکومتی اپیل پر ملٹری کورٹس کے قیام پررضا مند ہوئے۔

     پیپلزپارٹی کے رہنما سینیٹررحمان ملک نےپشاورشہدا کیلئے نشان حیدرکامطالبہ کرتے ہوئےافغان حکام سے ملا فضل اللہ کوپاکستان حوالے کرنے کی اپیل کی،سیاسی جرگے کےرہنماؤں نےپشاورشہداکےایصال ثواب کیلئےفاتحہ خوانی بھی کی۔

  • دہشت گردوں کی سزائے موت پرعملدرآمد کا فیصلہ خوش آئند ہے،رحمان ملک

    دہشت گردوں کی سزائے موت پرعملدرآمد کا فیصلہ خوش آئند ہے،رحمان ملک

    لاہور : سابق وفاقی وزیرِ داخلہ رحمان ملک نے کہا ہے کہ دہشت گردوں کی سزائے موت پر فوری عملدرآمد کا فیصلہ خوش آئند ہے، افغانستان سے مولوی فضل اللہ سمیت مولوی فقیراور خالد خراسانی کی حوالگی کا بھی مطالبہ کیا جائے، طالبان داعش سے مل چکے ہیں۔

    لاہور ایئرپورٹ پر میڈیا سے گفتگو کرتے ہوئے رحمان ملک نے کہا کہ چیف آف آرمی اسٹاف نے چھ افراد کے ڈیٹھ وارنٹ پر دستخط کرکے اچھی شروعات کی ہے، اب دوسرے مجرموں کو بھی سزا دینے کا عمل مکمل ہونا چاہیے۔

    انھوں نے کہا کہ پیپلز پارٹی نے سزائے موت پر پابندی عالمی دباؤ پر صرف عام مقدمات میں لگائی، منشیات اور دہشت گردوں کے لیے کوئی پابندی نہیں۔ انھوں نے کہا کہ پیپلز پارٹی نے مالا کنڈ، سوات، باجوڑ میں فوجی آپریشن کروایا، موجودہ حکومت نے صرف ایک آپریشن ضربِ عضب کروایا، ضرورت ہے کہ لشکرِ جھنگوی کے خلاف رحیم یار خان، بہاولپور اور جھنگ میں کارروائی کی جائے۔

    رحمان ملک نے افسوس کا اظہار کیا کہ دہشت گرد اکٹھے ہوچکے ہیں، مگر سیاستدان تقسیم ہیں، نواز شریف اور عمران خان کو اکھٹے پشاور جاکر فوج سے اظہارِ یکجہتی کرنا چاہیے۔

    انھوں نے کہا کہ طالبان نے داعش کے طریقہ کار پر بچوں کو قتل کیا۔ ان کا اسلام سے کوئی تعلق ہے نہ ہی وہ انسان ہیں۔

    رحمان ملک کا کہنا تھا کہ قوم پارلیمانی کمیٹی کو مضبوط کرے ہمیں دہشت گردوں کو شک کا فائدہ دینے والے قوانین کی خامیوں کو دور کرنا ہوگا اور ججوں کو تحفظ فراہم کرنا ہوگا۔

  • دھرنوں اور احتجاج سے ملکی معیشت کو نقصان پہنچا ، رحمان ملک

    دھرنوں اور احتجاج سے ملکی معیشت کو نقصان پہنچا ، رحمان ملک

    اسلام آباد: پیپلز پارٹی کے رہنماء اور سابق وزیر داخلہ رحمان ملک کا کہنا ہے کہ دھرنوں اور احتجاج سے ملکی معیشت کو نقصان پہنچا، موجودہ صورتحال میں ملک دھرنوں کی سیاست کا متحمل نہیں ہوسکتا۔

    اے آروائی نیوز سے گفتگو میں رحمان ملک کا کہنا تھا کہ دھرنوں اور احتجاج سے ملکی معیشت کو نقصان پہنچا ہے، مسائل کا صرف مذاکرات سے ہی نکالا جاسکتا ہے، انھوں نے کہا کہ پیپلزپارٹی حکومت کے نہیں جمہوریت کے ساتھ ہے، اس لیے سیاسی جرگے ساتھ مل کر حکومت اور تحریکِ انصاف کے معاملات کو افہام وتفہیم کے ساتھ حل کرنے کوشش کرتی رہی ہیں۔

    رحمان ملک کا کہنا تھا کہ ملک کو اندورنی و بیرونی طور پر لاتعداد مسائل کا سامنا ہے، ایسی صورت میں ملک دھرنوں کی سیاست کا متحمل نہیں ہوسکتا۔

  • جماعت اسلامی کے امیر سراج الحق کی رحمان ملک سے ملاقات

    جماعت اسلامی کے امیر سراج الحق کی رحمان ملک سے ملاقات

    اسلام آباد: سیاسی جرگےکےسربراہ سراج الحق کہتےہیں جب دونوں فریق متفق ہیں تو عدالتی کمیشن بن جانا چاہئے،رحمان ملک نے کہا کہ پی ٹی آئی اور حکومت تصادم کو روکیں اور ایک میز پر آئیں۔

    سیاسی جرگے کا اجلاس اسلام آباد میں رحمان ملک کی رہائش گاہ پر ہوا سراج الحق نے میڈیا سے گفتگو میں کہا کہ ہمیں ماضی سے سبق سیکھنا چاہئے،وہ مرحلہ آگیا ہے جب پی ٹی آئی اور حکومت کا موقف ایک ہے،رحمان ملک نے کہا کہ فریقین تصادم کو روکیں اور مذاکرات کی میز پر آجائیں، اجلاس میں فیصل آباد واقعے پر اظہار افسوس اور آئندہ کے لائحہ عمل پر غور کیا گیا۔

  • جب دونوں فریق متفق ہیں تو عدالتی کمیشن بن جانا چاہئے،سراج الحق

    جب دونوں فریق متفق ہیں تو عدالتی کمیشن بن جانا چاہئے،سراج الحق

    اسلام آباد: سیاسی جرگے کے سربراہ سراج الحق کا کہنا ہے کہ جب دونوں فریق متفق ہیں تو عدالتی کمیشن بن جانا چاہئے جبکہ سابق وزیرِ داخلہ سنیٹر رحمان ملک نے کہا کہ پی ٹی آئی اور حکومت تصادم کو روکیں اور ایک میز پر آئیں۔

    سیاسی جرگے کا اجلاس اسلام آباد میں رحمان ملک کی رہائش گاہ پر ہوا،۔ اجلاس میں فیصل آباد واقعے پر اظہار افسوس اور آئندہ کے لائحہ عمل پر غور کیا گیا، اجلاس کے بعد سراج الحق نے میڈیا سے گفتگو میں کہا کہ ہمیں ماضی سے سبق سیکھنا چاہئے، وہ مرحلہ آگیا ہے، جب پی ٹی آئی اور حکومت کا موقف ایک ہے، انھوں نے کہا کہ فیصل آباد جیسے واقعات سے بچنے کے لئے حکومت اور تحریکِ انصاف کو مذاکرات کی میز پر آنا چاہیئے.

    siraj

    سراج الحق نے کہا کہ تاریخ دہرانے کی کوشش کی جارہی ہے، 1958 اور 1977  اور  1999 میں جیسے مارشل لاء کا سامنا کرنا پڑا، اسی طرح ایک مرتبہ پھر ویسے ہی حالات پیدا ہورہے ہیں۔ انہوں نے کہا کہ اب فریقین جوڈیشل کمیشن پر راضی ہے تو فوری طور پر دھاندلی کی تحقیقات کے لئے کمیشن بنا دینا چاہیئے۔

    دوسری جانب رحمان ملک نے کہا کہ فریقین تصادم کو روکیں اور مذاکرات کی میز پر آجائیں۔

  • پاکستان میں داعش موجود ہے ، رحمان ملک

    پاکستان میں داعش موجود ہے ، رحمان ملک

    اسلام آباد: سابق وزیرِ داخلہ سینیٹر رحمان ملک نے کہا ہے کہ اس وقت تک داعش کا پاکستان میں وجو دعمل میں آچکا ہے، یوسف سلفی نامی شخص پاکستان میں داعش کا سربراہ ہے ۔

    لاپتہ افراد کے کمیشن کو بیان ریکارڈ کرانے کے بعد اسلام آباد میں میڈیا سے گفتگو کرتے ہوئے ان کا کہنا تھا کہ امید ہے کہ حکومت اور تحریکِ انصاف کے درمیان مذاکرات کامیاب ہوجائیں گے، حکومت نے ہمارے خط کا جوا ب نہیں دیا تو کوئی بات نہیں مگر دونوں فریقین مذاکرات شروع کر دیتے ہیں تو سیاسی جرگے کی کامیابی ہے ۔

    رحمان ملک کا کہنا تھا کہ آر ٹیکل 6 کے کیس کا پنڈروہ بکس مزید کھولا گیا تو اس میں مزید اور نام بھی سامنے آئیں گے، حکومت کو دوبارہ سے تحقیقات کرالینی چاہیے، اس سے کوئی فرق نہیں پڑتا، نئے چیف الیکشن کمشنر کی تقرری خوش آئند ہے۔

    انھوں نے کہا کہ پیپلز پارٹی نے کبھی بھی ن لیگ کا ساتھ نہیں دیا، جمہوریت کی بقاء کے لیے پارلمینٹ کے ساتھ کھڑے ہیں، آئندہ چند روز میں بتاؤں گا کہ داعش کے کہاں کہاں اجلاس ہوچکے ہیں۔

  • اسلام آباد میں جمہوریت بستی ہے ، آصف علی زرداری

    اسلام آباد میں جمہوریت بستی ہے ، آصف علی زرداری

    لاہور: سابق صدر آصف علی زرداری نے کہا ہے ک وقت نے ثابت کردیاسیاست میں برداشت چاہئے،مشکلات آتی ہیں قیادت کاکام صحیح فیصلہ کرناہے۔

    لاہور میں پیپلز پارٹی کے یوم تاسیسی کے حوالے سے تقریبات کے دوسرے روز بلاول ہائوس میں کارکنوں سے خطاب میں سابق صدر آصف علی زرداری نے کہا ہے کہ ان کا دل چاہتا ہے کہ وہ روز کارکنوں سے ملاقات کریں، کارکنوں کی آنکھوں میں بہت پیار ہے، آصف علی زرداری کا کہنا تھا کہ ان کی حکومت نے بلوچ عوام کو کےحقوق دیئے۔

     سابق صدر نے کہا کہ قوموں پرمشکلات آتی ہیں،جمہوریت کے لئے ہم نے سسٹم نہیں توڑنے دیا، سات آصف زرداری کا کہنا تھا کہ گوکانعرہ سب سےپہلےپیپلزپارٹی نے لگایا تھا، انکا کہنا تھا کہ عمران نیازی کونظرنہیں آرہاتھاڈھاکاکاسانحہ سولہ دسمبرکوہواتھا،انہوں نےیہ تاریخ کیسےرکھ دی۔

    سابق صدر نے کہا کہ ان پر پیپلزپارٹی کےشہیدوں کا قرض ہے،نظام میں خامیاں موجودہیں مگر یہ پارلیمنٹ جمہوری ہے، انہیں چارچیزیں نہیں ہزار چیزیں سوچنی ہیں، انہوں نے کہاکہ آنےوالی نسلوں سےوعدہ کیاہوا ہے کہ ملک کو چلانا ہے،  پیپلزپارٹی کے ورکرز میرے ساتھ ہیں آپ کےساتھ نہیں، جن کواچھی جگہوں پرپہنچادیاوہ بھی آج گروپ بناناچاہتےہیں ، پیپلزپارٹی میں کوئی گروپ نہیں ہوگاسب ہمارےساتھ ہوں گے، امپائرکی انگلی کی بات کرنیوالے انہیں چھوڑ کر امپائروالوں کےپاس چلےجائیں ۔

     آصف زرداری نے کہا کہ اسلام آباد میں جمہوریت بستی ہے، سومنات کا مندر نہیں کہ چھبیس ویں حملے کی تیاری کی جارہی ہے، آصف زرداری نے عہدہ صدارت میں پارٹی ورکرز کو نظرانداز کئے جانے کا اعتراف کرتے ہوئے کہا کہ اختلافات رکھنے والے خود صلح کر لیں۔ شریک چیئرمین کا کہنا تھا کہ پیپلز پارٹی کے جن وزراء نے مال بنایا، ان کے علم میں ہے مگر وہ سب کو ساتھ لے کر چلیں گے۔ تقریب میں قرارداد وفا منظور کی گئی اور پارٹی کی سالگرہ کا کیک بھی کاٹا گیا۔

  • ایک دھرناختم ہونےسے سیاسی بحران ختم نہیں ہوا، سراج الحق

    ایک دھرناختم ہونےسے سیاسی بحران ختم نہیں ہوا، سراج الحق

    اسلام آباد: امیرجماعتِ اسلامی اور سیاسی جرگے کے سربراہ سراج الحق نے کہا ہے ایک دھرنا ختم ہونے سے سیاسی بحران ختم نہیں ہوا جبکہ رحمان ملک کا کہنا ہے کہ جمہوریت کودرپیش خطرات اب تک نہیں ٹلے۔

    جماعت اسلامی کے سربراہ سراج الحق نے کہا ہے کہ وہ اسپیکر قومی اسمبلی سےاستدعا کرتے ہیں کہ تحریک انصاف کے ممبران اسمبلی کےاستعفوں کا معاملہ فی الحال ملتوی کردیا جائے۔

    اسلام آباد میں میڈیا سے گفتگو کرتے ہوئے امیرجماعتِ اسلامی کا کہنا تھا کہ پی ٹی آئی ارکان کے استعفے منظور ہونے سے سیاسی بحران بڑھ جائے گا، اسپیکر سے کہا ہے کہ استعفوں پرعجلت کا مظاہرہ نہ کریں۔

    رحمان ملک کا کہنا ہے کہ جمہوریت سے خطرہ ابھی ٹلا نہیں، جب تک دھرنے اور دیگرسرگرمیاں جاری ہیں، جمہوریت خطرے میں ہے، رحمان ملک نے حکومت اورعمران خان سے اپیل کی وہ آگے بڑھیں اور بات کریں۔ انھوں نے کہا کہ پی ٹی آئی کے استعفے منظور ہو گئے تو بات آگے تک چلی جائے گی عمران خان قوم سے کیے گئے وعدے کا پاس کریں۔

    انہوں نےکہا کہ طاہرالقادری کا نام ای سی ایل میں نہ ڈال کرحکومت نے اچھا کام کیا۔

  • موجودہ حالات پر فوری طو ر پراے پی سی طلب کی جائے، رحمان ملک

    موجودہ حالات پر فوری طو ر پراے پی سی طلب کی جائے، رحمان ملک

    اسلام آباد: رحمان ملک نے کہا ہے کہ وہ ضرورت پڑنے پر ایم کیو ایم پی پی مذاکرات میں کردار اداکریں گے،تصادم کےبعد وسط مدتی انتخابات ہوتے ہیں یا نہیں کچھ نہیں کہا جا سکتا۔

    اے آر وائی سے خصوصی گفتگو میں رحمان ملک کا کہنا تھا کہ سیاسی جرگے کا اجلاس کل ہوگا، تحریک انصاف کچھ دھرنے ایل او سی پر بھی جاکر دے، رحمان ملک کا کہنا تھا کہ اسلام آباد میں چھائے ہوئے بادل ابھی نہیں ٹلے،حالات جمہوریت کیلئے ٹھیک نہیں ہیں، حکومت اور عمران خان نے اپنے مسئلے کا حل نہ نکالا تو پھر تصادم ہوگا، جس کے بعد مڈٹرم ہوتے ہیں یا نہیں کچھ نہیں کہا جاسکتا۔

    انہوں نے کہا کہ موجودہ حالات پر فوری طو ر پر اے پی سی طلب کی جائے، خارجہ پالیسی پر نظرِثانی اورمسئلہ کشمیر پر سیاست نہ کی جائے، رحمان ملک کا کہنا تھا کہ فی الحال پیپلزپارٹی سندھ کی قیادت مذاکرات کرے۔

  • فضل الرحمان پر حملہ پا کستان پر حملہ ہے، رحمان ملک

    فضل الرحمان پر حملہ پا کستان پر حملہ ہے، رحمان ملک

    کراچی: پیپلز پارٹی کے سینیٹر رحمان ملک کہتے ہیں مولانا فضل الرحمان پر حملہ کسی طوفان کا اشارہ ہوسکتا ہے، مولانا فضل الرحمان کا کہنا ہے کہ سب کچھ عالمی ایجنڈے کے تحت ہورہا ہے۔

    مولانا فضل الرحمان سے ملاقات کے بعد میڈیا سے گفتگو میں سابق وزیر داخلہ رحمان ملک کا کہنا تھا کہ مو لانا فضل الرحمان پر ہو نیوالا حملہ پا کستان پر حملہ ہے، جو کسی بڑے طوفان کا اشارہ ہوسکتا ہے، اس موقع پر مولانا فضل الرحمان کا کہنا تھا کہ جو سازشیں ہورہی ہیں وہ عالمی ایجنڈے کے تحت ہورہی ہیں۔

    ان کا کہنا تھا کہ بھارت کارویہ خطےمیں کشیدگی بڑھانےکاسبب بن رہاہے اور کشمیری حق خودارادیت کے لیے اپنے مؤقف کونہیں بھولے ہیں۔