Tag: رحیم پردیسی

  • ویڈیو: فیروز خان نے اپنی شکست کا ملبہ جج پر ڈال دیا

    ویڈیو: فیروز خان نے اپنی شکست کا ملبہ جج پر ڈال دیا

    معروف اداکار فیروز خان نے یوٹیوبر رحیم پردیسی سے باکسنگ میچ ہارنے کے بعد سوشل میڈیا پر ویڈیو شیئر کی ہے۔

    پاکستان شوبز انڈسٹری کے معروف اداکار فیروز خان نے فوٹو اینڈ شیئرنگ ایپ انسٹاگرام پر رحیم پردیسی سے باکسنگ میچ میں شکست کے بعد ویڈیو اسٹوری شیئر کی ہے۔

    ویڈیو میں اداکار نے اپنا چہرہ دکھاتے ہوئے کہا کہ میں بالکل ٹھیک ہوں جیسے پہلے تھا ویسا ہی محسوس کررہا ہوں، میرے چہرے اور ناک پر چھوٹی موٹی خراش آئی ہیں۔

    باکسنگ میچ: رحیم پردیسی نے فیروز خان کو ناک آؤٹ کردیا

    اداکار نے کہا کہ میں بلکل ٹھیک اور مطمئن ہوں، مجھے اس بات پر خوشی ہے کہ میں نے اس میچ کے ذریعے اپنی طاقت کو آزمایا ہے، میں میچ کے نتائج سے بھی مطمئن ہوں لیکن میرا خیال ہے کہ میری اسکونگ کے دوران ججوں میں سے ایک جج متعصب تھے۔

     

    View this post on Instagram

     

    A post shared by Galaxy Lollywood (@galaxylollywood)

    فیروز خان نے ویڈیو میں باکسنگ میچ کے پہلے راؤنڈ کا حوالہ دیتے ہوئے کہا کہ مجھے پہلے راؤنڈ میں ایک پوائنٹ بھی نہیں دیا گیا، لیکن مجھے یہ بھی یقین ہے کہ اس کے پیچھے کسی کا ہاتھ نہیں ہے۔

    انہوں نے کہا کہ ججز کو مجھے اسکوار دیتے ہوئے باریک بینی سے سب معاملات کو دیکھنا چاہیے تھا، میرا حریف بھی بہت مضبوط تھا لیکن ان سب کے باوجود میں خوش اور مطمئن ہوں۔

    یاد رہے کہ گزشتہ روز اداکار فیروز خان اور یوٹیوبر رحیم پردیسی کے درمیان باکسنگ میچ کا مقابلہ ہوا تھا جس میں اداکار کو شکست ہوئی تھی۔

  • فیروز خان اور رحیم پردیسی کے درمیان باکسنگ فائٹ سے قبل لفظی جنگ

    فیروز خان اور رحیم پردیسی کے درمیان باکسنگ فائٹ سے قبل لفظی جنگ

    شوبز انڈسٹری کے معروف اداکار فیروز خان اور سوشل میڈیا اسٹار رحیم پردیسی کے درمیان باکسنگ فائٹ آج لاہور میں ہوگی۔

    اے آر وائی نیوز کے مطابق باکسنگ فائٹ سے قبل اداکار فیروز خان نے کہا مجھ سے مقابلہ کرنے کے لیے تیاری کرلو، رحیم پردیسی نے کہا کہ ہمارا مقابلہ بہت سخت ہوگا جسے لوگ دیکھتے رہ جائیں گے۔

    رحیم پردیسی نے کہا اس ایونٹ کا مقصد یہی ہے کہ یوتھ کو پروموٹ کریں اور کرکٹ کی طرح باکسنگ کی بھی پذٰیرائی ہو۔

    سوشل میڈیا اسٹار نے کہا کہ جو بھی ہارے یا جیتے کامیابی سب کی ہوگی لیکن پی ایس فائٹ سیریز کی ایک آفیشل بیلٹ بنی ہے وہ فائٹ جیتنے والے کو ملے گی۔

    انہوں نے کہا کہ جیتتا وہی ہے جو محنت کرتا ہے ہم دونوں کی ٹریننگ کیمپ اچھی چل رہی ہے، ہمیں ایک اچھا سیلبرٹی چاہیے تھا تو فیروز خان لسٹ میں پہلے نمبر پر تھے۔

    رحیم پردیسی نے کہا کہ ہم دونوں کا مقصد یوتھ کو اچھا پیغام دینا تھا۔

    سوشل میڈیا اسٹار نے بتایا کہ ہم 72 کلو گرام کی گیٹگری میں فائٹ کررہے ہیں، دونوں کا وزن زیادہ ہے تو ہم نے اپنا وزن بھی کم کیا۔

    انہوں نے بتایا کہ فائٹ کے لیے 15 فروری کا دن اس لیے رکھا گیا ہے کہ اس دن کوئی کرکٹ میچ نہ ہو، جو انس علی اور رجب نے میچ کیا تھا وہ جعلی تھا یا اصلی تھا میں کچھ نہیں کہہ سکتا لیکن ہمارا میچ اس سے مختلف ہوگا، ہمارے میچ میں پاکستان باکسنگ کونسل شامل ہے ان کے ججز اور ریفری شامل ہیں۔