Tag: رخصتی

رخصتی کے وقت سسرال جاتے ہوئے اغوا کاروں نے دلہن کو اغوا کر لیا جب کہ دولہا کو زبردستی کار سے اتار کر تشدد کا نشانہ بھی بنایا۔

شادی کسی بھی جوڑے کی زندگی کا یادگار دن ہوتا ہے۔ دلہن نئی زندگی کے آغاز کا خواب آنکھوں میں سجائے پیا کے گھر سدھارتی ہے لیکن ایک دلہن کو رخصتی کے بعد سسرال پہنچنے سے قبل ہی اغوا کر لیا گیا جب کہ ملزمان نے اس کے دولہا کو گاڑی سے اتار کر تشدد کا نشانہ بنایا۔

یہ واقعہ بھارت میں پیش آیا جہاں سارن ضلع میں شادی کے بعد دولہا اپنی دلہن کو رخصت کرا کے اپنے آبائی گھر آسام لے جا رہا تھا تاہم راستے میں چار افراد نے کار روک کر دلہن کو اغوا کر لیا۔

بھارتی میڈیا کے مطابق ملزمان نے پہلے دولہا کا تشدد کا نشانہ بنایا اور پھر دلہن کو زبردستی کار سے اتار کر اپنی گاڑی میں بٹھا کر فرار ہو گئے۔

سسرال جاتے ہوئے دلہن کا اغوا: دراصل جب دلہن دولہا کے ساتھ کار میں اپنے سسرال جا رہی تھی، یہ واقعہ کل (پیر کو) منوپلی علاقے میں پیش آیا۔ تاہم پولیس نے 6 گھنٹے کی محنت کے بعد دلہن کو بازیاب کرالیا۔

واقعہ کے بعد دولہا اور اس کے رشتہ دار فوری طور پر سہجیت پور تھانہ پہنچے اور واقعے کی رپورٹ درج کرائی جس کے بعد پولیس نے ابتدائی طور پر دولہا کی کار کے ڈرائیور سمیت دو لوگوں کو حراست میں لے کر تفتیش کی اور ان سے تحقیقات کے بعد دلہن کو قریبی علاقے سے بازیاب کرا لیا۔

https://urdu.arynews.tv/girls-family-took-the-groom-and-his-relatives-hostage/

شادی کسی بھی جوڑے کے لیے بہت خاص دن ہوتا ہے لیکن بعض اوقات کچھ ایسا ہوتا ہے کہ دولہا دلہن سمیت مہمان بھی ہکا بکا رہ جاتے ہیں۔

شادی کا ایسا ہی دلچسپ واقعہ مصر میں پیش آیا جب عین رخصتی کے وقت پولیس شادی ہال میں داخل ہوئی تو یہ منظر دیکھ کر سب حیران وپریشان ہوگئے۔

عرب میڈیا کے مطابق مصر میں ایک شادی کی تقریب جاری تھی اور دلہن کی رخصتی کی تیاریاں کی جا رہی تھیں۔ انتظار تھا تو صرف بینڈ باجے والوں کا کہ شہنائیوں کی گونج میں دلہن کو رخصت کیا جانا تھا۔

تاہم دولہا، دلہن اور باراتیوں کے ارمان اس وقت ٹھنڈے پڑ گئے جب انہوں نے بینڈ باجے کے بجائے پولیس کو شادی ہال میں داخل ہوتے دیکھا۔

رپورٹ کے مطابق دلہن کی رخصتی کے لیے بینڈ باجا جس ٹرک پر لایا جا رہا تھا، اس کے ڈرائیور نے شادی ہال جلد پہنچنے کی کوشش میں راستے میں تین افراد کو کچل ڈالا تھا۔

حادثے کے حوالے سے مصری ذرائع ابلاغ کا کہنا ہے کہ ٹرک ڈرائیور شادی ہال میں جلدی پہنچنے کی کوشش میں انتہائی تیز رفتاری سے ٹرک چلا رہا تھا کہ اچانک اس کی زد میں دو افراد آگئے، جنہیں وہ روندتا ہوا نکل گیا۔ آگے جا کر اس نے ایک اور شخص کو کچل دیا جو موقع پر ہی دم توڑ گیا۔

ڈرائیور تیسرے شخص کو بھی کچل کر فرار ہونے کی کوشش کر رہا تھا کہ لوگوں نے اسے پکڑ لیا اور پولیس کو اطلاع دی جس کے بعد پولیس نے آ کر اسے ٹرک سمیت اپنی تحویل میں لے لیا۔

پولیس نے شادی ہال پہنچ کر بینڈ باجے کے منتظر باراتیوں کو بتایا کہ اب بینڈ باجا نہیں آئے گا کیونکہ اس کے ٹرک ڈرائیور نے تین افراد کو کچل دیا ہے جس پر اس کو گرفتار کر لیا گیا ہے۔

پولیس نے کہا کہ دلہن کی رخصتی بغیر بینڈ باجے کے ہی کی جائے، اس کو سن کر وہاں لوگوں کے ارمانوں پر اوس پڑ گئی۔