ARYNews.tv | Urdu – Har Lamha Bakhabar

Tag: رد الفساد

  • آپریشن ردالفساد: سیکورٹی فورسز کی کارروائیاں‘ 31افرادگرفتار

    آپریشن ردالفساد: سیکورٹی فورسز کی کارروائیاں‘ 31افرادگرفتار

    راولپنڈی : ملک بھرنیشنل ایکشن پلان کےتحت سیکورٹی اداروں نےکارروائیوں کے دوران 31افراد کوگرفتار کرکے اسلحہ برآمد کرلیا۔

    تفصیلات کےمطابق دہشت گردوں کےخلاف ملک میں نیشنل ایکشن پلان کے تحت سیکورٹی اداروں نے کارروائیوں کےدوران فیصل آباد،شکار پورسمیت دیگر شہروں سے درجنوں افراد کو گرفتار کرلیا۔

    آپریشن ردالفساد کے تحت خانیوال میں سرچ آپریشن کے دوران سو سے زائد افراد کی بائیو میٹر ک تصدیق کی گئی،اس دوران پانچ مشتبہ افراد سےاسلحہ برآمد ہونے پر انہیں حراست میں لےلیا گیا۔

    دوسری جانب انسداد دہشت گردی پولیس نے فیصل آباد سے کالعدم ٹی ٹی پی کے خطرناک دہشت گرد کو گرفتارکرکے اس کے قبضےسےدو خودکش جیکٹس، ڈیٹونیٹر اورایک کلو بارودی مواد برآمد کیاہے

    آپریشن رد الفساد: ملک بھر سے درجنوں مجرمان گرفتار، اسلحہ برآمد

    سی ٹی ڈی حکام کے مطابق کالعدم تنظیم کا دہشت گرد حساس تنصیبات کو نشانہ بنانے کی منصوبہ بندی کر رہا تھا۔

    ادھر پنجاب کےشہرقصور میں سرچ آپریشن کےدوران سترہ مشتبہ افراد سمیت 33 ملزمان کو حراست میں لیا گیاجبکہ ٹوبہ ٹیک سنگھ سے2مشکوک افراد پکڑے گئے۔

    آپریشن ردالفساد کےتحت سیکورٹی فورسز کی جانب سے صوبہ سندھ کےشہرشکار پور میں سرچ آپریشن کے دوران چھ ملزم گرفتارکرلیےگئے۔

    واضح رہےکہ گزشتہ روز ملک کے مختلف شہروں میں آپریشن رد الفساد کے دوران درجنوں جرائم پیشہ افراد کو گرفتار کرکےملزمان سےاسلحہ، شناختی کارڈ، موبائل فون اور سمیں برآمد کرلی گئی تھیں۔

  • آپریشن رد الفساد: ملک بھر سے درجنوں مجرمان گرفتار، اسلحہ برآمد

    آپریشن رد الفساد: ملک بھر سے درجنوں مجرمان گرفتار، اسلحہ برآمد

    ملک کے مختلف شہروں میں آپریشن رد الفساد کے دوران درجنوں جرائم پیشہ افراد کو گرفتار کرلیا گیا۔ ملزمان سے اسلحہ، شناختی کارڈ، موبائل فون اور سمیں برآمد ہوئیں۔

    تفصیلات کے مطابق دہشت گردوں کے خلاف شکنجہ لمحہ بہ لمحہ تنگ کیا جارہا ہے۔ ملک بھر میں آپریشن رد الفساد کے تحت کارروائیاں جاری ہیں۔

    صوبہ پنجاب کے دارالحکومت لاہور کے اقبال ماڈل ٹاؤن میں پولیس نے مشترکہ سرچ آپریشن کیا جس میں 40 سے زائد مشتبہ افراد گرفتار کرلیے گئے۔ 200 سے زائد افراد کے کوائف چیک کیے گئے۔

    مزید پڑھیں: کراچی میں رینجرز کا یونیورسٹی روڈ پر واقع پارک میں چھاپہ

    جلال پور بھٹیاں میں پولیس کے ٹارگٹڈ آپریشن میں 11 ملزمان گرفتار کرلیے گئے۔ ملزمان سے بڑی تعداد میں اسلحہ بھی برآمد ہوا۔

    پتوکی میں تھانہ سٹی پولیس نے کارروائی کے دوران مختاری گینگ کے 3 اراکین کو گرفتار کرلیا۔ ملزمان سے اسلحہ، نقدی، زیورات، موبائل فون، درجنوں شناختی کارڈ اور سمیں برآمد ہوئیں۔

    بھکر میں پولیس نے کارروائی کے دوران جعلی نوٹ بنانے والا ملزم گرفتار کرلیا۔ ملزم سے پرنٹنگ مشین اور لاکھوں کی جعلی کرنسی برآمد ہوئی۔

  • کراچی:رینجرزکایونیورسٹی روڈ پرواقع پارک میں چھاپہ،بڑی تعدادمیں اسلحہ برآمد

    کراچی:رینجرزکایونیورسٹی روڈ پرواقع پارک میں چھاپہ،بڑی تعدادمیں اسلحہ برآمد

    کراچی: شہرقائد میں واقع گوایش پارک میں رینجرز نےکارروائی کرتے ہوئےبھاری مقدار میں اسلحہ،دستی بم اور گولیاں برآمد کی ہیں۔

    تفصیلات کےمطابق کراچی میں یونیورسٹی روڈ پرواقع گوایش پارک پررینجرز کےچھاپے کےدوران پارک کےاسٹور روم سےاسلحے کی بڑی کھیپ پکڑی گئی۔

    ترجمان سندھ رینجرز کے مطابق پارک پر چھاپہ خفیہ اطلاع پرماراگیا،پارک کےاسٹور سے بڑی تعداد میں جدید اسلحہ برآمدہوا جس میں کلاشنکوف،رائفلز،ایس ایم جی،ایل ایم جیز شامل ہیں۔

    ترجمان رینجرز کےمطابق گوایش پارک میں کارروائی کےدوران مختلف اقسام کی گولیاں اورکارتوس بھی برآمدہوئے جبکہ کارروائی میں دستی بم ،بال بم ،بلاک بم اوردیگر اسلحہ بھی ملا ہے۔

    سندھ رینجرز کےترجمان کا کہناہےکہ اسلحہ تھیلیوں اورپینافلیکس میں لپیٹ کرچھپایاگیاتھا جوشہر میں بدامنی کےلیے استعمال ہونا تھا۔

    مزید پڑھیں:آپریشن رد الفساد، 45 افراد گرفتار، اسلحہ و غیر ملکی کرنسی برآمد

    دوسری جانب کراچی میں رضویہ پولیس نے کارروائی کے دوران غیرقانونی مقیم 8افغان شہریوں کو گرفتار کرلیاہے۔

    ادھر کراچی کےعلاقےموچکو میں پولیس نےایرانی ڈیزل اسمگلنگ کی کوشش کو ناکام بناتے ہوئے بس کےخفیہ خانوں میں چھپایاگیا4ہزارلیٹرایرانی ڈیزل برآمد کرکے2ملزمان کوگرفتارکرلیا۔

    مزید پڑھیں:جدید ٹیکنالوجی کا استعمال، کراچی پولیس نے خطرناک ملزم کو گرفتارکرلیا

    واضح رہےکہ دوروز قبل کراچی پولیس نےجدید ٹیکنالوجی کا استعمال کرکے خطرناک ملزم کوگرفتار کرلیاتھا۔ملزم کی شناخت سی سی ٹی وی فوٹیج سے کی گئی تھی۔

  • آپریشن ردالفساد : انیس افراد گرفتار، اسلحہ غیرملکی پاسپورٹ برآمد

    آپریشن ردالفساد : انیس افراد گرفتار، اسلحہ غیرملکی پاسپورٹ برآمد

    راولپنڈی / اسلام آباد/ اٹک/ سیالکوٹ/ لاہور/ قصور : سیکیورٹی فورسز نے اسلام آباد سمیت ملک کے مختلف شہروں میں کامیاب کارروائیوں کے دوران انیس مشتبہ افراد گرفتار کر لیے گئے۔ سرچ اور انٹیلی جنس بیسڈ آپریشن میں اسلحہ اور غیر ملکی پاسپورٹ بھی برآمد ہوئے۔

    تفصیلات کے مطابق ملک بھر میں آپریشن ردالفساد پوری قوت سے جاری ہے، ملک سے فسادیوں کا صفایا کیا جارہا ہے، پاک فوج کے شعبہ تعلقات عامہ آئی ایس پی آر کے مطابق راولپنڈی،اسلام آباد، اٹک، سیالکوٹ، لاہور اور ،قصورمیں آپریشنز کئےگئے۔

    سرچ اور انٹیلی جنس بیسڈ آپریشن میں انیس مشتبہ افراد حراست میں لیے گئے ہیں، آئی ایس پی آر کے مطابق کارروائیوں میں اسلحہ،گولیاں اور لیپ ٹاپ اور دیگرسامان برآمد ہوا۔

    گرفتار ملزمان سےغیر ملکی پاسپورٹ، نفرت انگیز مواد اور کرنسی بھی برآمد ہوئی ہے۔ اس کے علاوہ خیبرایجنسی میں سرحد پار سے پاکستانی چیک پوسٹوں پر دہشت گردوں کا حملہ ناکام بنایا گیا۔

    سیکیورٹی ذرائع کے مطابق فورسز کی جوابی کارروائی میں تین دہشت گرد مارے گئے، سیکورٹی ذرائع کے مطابق چاغی میں افغانستان کے ساتھ سرحدی راستوں پرگشت بڑھا دیا گیا ہے اور چیکنگ پوائنٹس بھی قائم کردیئےگئے ہیں۔

  • آپریشن رد الفساد: پولیس اور حساس اداروں کا آپریشن، متعدد گرفتار

    آپریشن رد الفساد: پولیس اور حساس اداروں کا آپریشن، متعدد گرفتار

    لاہور / کوئٹہ: ملک کے مختلف شہروں میں آپریشن رد الفساد کے تحت پولیس، رینجرز اور حساس اداروں کی کارروائی کے دوران متعدد ملزمان کو گرفتار کر کے بھاری تعداد میں اسلحہ بارود برآمد کرلیا گیا۔

    تفصیلات کے مطابق آپریشن رد الفساد کے تحت دہشت گردوں اور سہولت کاروں کے خلاف چھاپے اور گرفتاریاں تیزی سے جاری ہیں۔

    صوبہ پنجاب کی تحصیل جہانیاں میں پولیس اور حساس اداروں کے سرچ آپریشن کے دوران 7 مشکوک افراد گرفتار کر لیے گئے۔ پولیس کے مطابق ملزمان کے قبضہ سے اسلحہ اور منشیات برآمد ہوئیں۔

    شیخو پورہ میں رینجرز کے آپریشن کے دوران 15 افغان شہریوں سمیت 25 مشتبہ افراد کو گرفتار کرلیا گیا۔ شاہ کوٹ میں پولیس نے کارروائی کرتے ہوئے خاتون سمیت 5 افراد گرفتار کرلیے۔

    دوسری جانب صوبہ بلوچستان کے شہر ڈیرہ مراد جمالی مں ٹھپل شاہ کے مقام پر پولیس نے جرائم پیشہ افراد کے خلاف آپریشن کیا۔ کارروائی کے دوران حملہ آوروں نے پولیس پر فائرنگ کردی۔

    پولیس کی جوابی فائرنگ سے ایک ملزم ہلاک ہوگیا۔

  • آپریشن ردالفساد، درجنوں مشتبہ افراد گرفتار، اسلحہ برآمد

    آپریشن ردالفساد، درجنوں مشتبہ افراد گرفتار، اسلحہ برآمد

    راولپنڈی : ملک بھر میں جاری رد الفساد آپریشن کے نتیجے میں پنجاب کے مختلف علاقوں سے 3 افغان شہریوں سمیت 33 مشتبہ افراد گرفتار کر لیے گئے ہیں جب کہ بھاری مقدار اسلحہ اور گولہ بارود بھی برآمد کیا گیا ہے۔

    آئی ایس پی آر کے ترجمان کے مطابق ملک بھر میں آپریشن ردالفساد پورے ذور و شور سے جا ری ہے جس کے دوران 3 افغان شہریوں سمیت 33 مشتبہ افراد کو حراست میں لے لیا گیا ہے جب کہ گرفتار افراد سے بھاری مقدار میں اسلحہ اور دھماکا خیز مواد بھی تحویل میں لے لیا گیا ہے۔

    آئی ایس پی آر کے مطابق رینجرز، پولیس اور حساس اداروں کی جانب سے سرچ آپریشن پنجاب کےعلاقوں ڈی جی خان، لاہور، راولپنڈی، اسلام آباد، نارووال، شکرگڑھ اور راجن پور میں کیے گئے۔

    واضح رہے آپریشن ردالفساد ملک کے طول و عرض میں بڑی کامیابی سے جاری ہے جس کے دوران درجنوں مشتبہ غیر ملکی افراد کو حراست میں لے کر بھاری مقدار میں اسلحہ بارود تحویل میں لے لیا گیا ہے جب کہ پاک افغان بارڈر پر واقع دہشت گردوں کی تربیت گاہوں کو تباہ کیا گیا۔

    یاد رہے آپریشن رد الفساد کے درمیان لاہور مال روڈ دھماکے کے ماسٹر مائنڈ دہشت گردوں کو بھی پاک افغان بارڈر پر ہلاک کردیا گیا تھا اور بارڈ مینیجمنٹ کو مزید سخت کردیا گیا ہے۔

  • آپریشن رد الفساد: اٹک میں سرچ آپریشن، 250 ملزمان گرفتار

    آپریشن رد الفساد: اٹک میں سرچ آپریشن، 250 ملزمان گرفتار

    ملک بھر میں بڑے پیمانے پر آپریشن رد الفساد جاری ہے۔ مختلف شہروں میں سیکیورٹی اداروں نے مزید درجنوں مشتبہ افراد کو گرفتار کر کے بھاری تعداد میں اسلحہ برآمد کر لیا۔

    تفصیلات کے مطابق ملک کے طول و عرض سے دہشت گردی کا ناسور جڑ سے اکھاڑنے کے لیے آپریشن رد الفساد پوری رفتار سے جاری ہے۔

    صوبہ سندھ کے دارالحکومت کراچی میں سائیٹ اے پولیس نے مقابلے کے بعد 2 دہشت گردوں لیاقت اور شیر عالم کو گرفتار کر کے دستی بم اور اسلحہ برآمد کرلیا۔

    کراچی ہی میں کورنگی میں انٹیلی جنس بیسڈ کارروائی میں 4 ، بلدیہ مدینہ کالونی سے 3 اور نیو کراچی انڈسٹریل ایریا سے 4 ملزمان گرفتار کر لیے گئے۔ دادو میں ہوٹلوں اور مسافر خانوں میں تلاشی کے دوران 18 مشتبہ افراد قانون کی گرفت میں آگئے۔

    صوبہ پنجاب کے دارالحکومت لاہور میں اقبال ٹاؤن سمیت مختلف علاقوں سے سرچنگ کے دوران متعدد مشتبہ افراد پکڑے گئے۔

    اٹک میں رینجرز اور پولیس نے 16 مختلف آپریشنز میں 13 خطرناک اشتہاریوں اور 10 افغانوں سمیت 250 ملزم گرفتار کر لیے۔ ملزمان سے بڑی تعداد میں جدید اسلحہ اور لوٹی گئی رقم بھی برآمد کر لی گئی۔

    راولپنڈی، ٹیکسلا، واہ کینٹ اور ائیر پورٹ کے علاقوں میں سرچ آپریشن میں 13 مشتبہ افراد کو حراست میں لے کر تفتیشی مرکز منتقل کر دیا گیا۔ بھکر کی تحصیل کلور کوٹ سے 8 اشتہاریوں سمیت 22 مشتبہ افراد کو حراست میں لے لیا گیا۔

    کوٹ مٹھن میں کارروائی کے دوران 18 اشتہاری دھر لیے گئے جن میں اے کیٹیگری کے ملزمان بھی شامل ہیں۔ لیاقت پور سے 6 ملزمان اور چشتیاں میں مطلوب 55 اشتہاری پکڑے گئے۔

  • آپریشن رد الفساد، سیکیورٹی فورسز کی بڑی کارروائی،10 دہشت گرد مارے گئے

    آپریشن رد الفساد، سیکیورٹی فورسز کی بڑی کارروائی،10 دہشت گرد مارے گئے

    صوابی : آپریشن رد الفساد کے دوران سیکیورٹی فورسز کی بڑی کارروائی میں مزید دس دہشت گرد مارے گئے، صوابی میں دو روز کے دوران انجام کو پہنچنے والے ملزمان کی تعداد پندرہ ہوگئی۔

    تفصیلات کے مطابق دہشت گردوں اور ان کے سہولت کاروں کے خلاف آپریشن ردالفساد کے تحت شہر شہر چھاپے اور گرفتاریاں جاری ہے، صوابی باجابائی پاس میں دہشت گردوں کے ساتھی کی اطلاع پر خفیہ ٹھکانوں پر کارروائی کی گئی اس دوران آرمی اور پولیس سے مقابلے میں دس دہشت گرد مارے گئے۔

    کارروائی کے دوران تین دہشت گرد فرار ہونے میں کامیاب ہوگئے، صوابی میں مختلف آپریشنز میں انجام کو پہنچنے والے ملزمان کی تعداد پندرہ ہوگئی۔

    مزید پڑھیں: صوابی میں آپریشن، 5 دہشت گرد ہلاک

    یاد رہے گزشتہ روز خیبر پختونخوا کے علاقے صوابی میں سیکیورٹی فورسز کے آپریشن میں پاک فوج کے کیپٹن جنید اور سپاہی امجد نے جام شہادت نوش کیا جبکہ فورسز سے فائرنگ کے تبادلے میں 5 دہشت گرد ہلاک ہوئے تھے۔

    دوسری جانب پشاور میں سرچ آپریشن کے دوران بائیس مشتبہ افراد کو حراست میں لے کر تفتیش شروع کردی گئی، مالاکنڈ میدان لال قلعہ سے پولیس پر حملے میں ملوث دہشت گرد ثناء پکڑا گیا۔

    کراچی اتحاد ٹاؤن سے پولیس کو مطلوب تین ملزمان جنت گل ،سعید اور دانش کو گرفتار کر لیا گیا، نیوکراچی انڈسٹریل ایریا کی کچی آبادی سے غیرقانونی مقیم دو افغان اور ایک بنگالی شہری پکڑا گیا، اندرون سندھ کندکوٹ اورتنگوانی میں پولیس اور رینجرز نے کومبنگ آپریشن میں سات ملزمان گرفتار کر کےاسلحہ برآمد کرلیا۔

    شیخوپورہ سے سیکیورٹی اداروں نے آٹھ مشتبہ افراد کو حراست میں لے کر تفتیشی مرکز منتقل کردیا، کوٹ مومن سے چھ مشکوک افراد کو گرفتار کر کے اسلحہ اور منشیات برآمد کرلی گئی، پتوکی میں بڑے کریک ڈاؤن کے دوران دس ملزمان گرفت میں آئے۔

  • آپریشن ردالفساد جاری : بھاری تعداد میں اسلحہ برآمد، متعدد گرفتار

    آپریشن ردالفساد جاری : بھاری تعداد میں اسلحہ برآمد، متعدد گرفتار

    کوئٹہ/ سوات /سکھر/ چنیوٹ : ملک بھر میں آپریشن ردالفساد جاری ہے، سیکیورٹی فورسز نے کارروائیاں کرتے ہوئے متعدد دہشت گردوں اور مشکوک افراد کو گرفتار کرکے بھاری تعداد میں اسلحہ برآمد کرلیا۔

    تفصیلات کے مطابق ملک کے چپے چپے میں آپریشن ردالفساد کامیابی سے جاری ہے، بلوچستان میں کاہان کے علاقے چوٹھ کیمپ میں سیکیورٹی فورسز نے بڑی کارروائی کرکے گولہ بارود برآمد کرلیا۔

    آئی ایس پی آر کے مطابق برآمد ہونے والے اسلحے میں چوبیس دستی بم چھوٹی مشین گن کی چار ہزارنو سو گولیاں، بارہ اعشاریہ سات ایم ایم گن کے چارسو تریپن راؤنڈز شامل ہیں۔

    دوسری جانب کوہلو کے علاقے نیساؤ میں ایف سی اور حساس اداروں نے کارروائی کرکے زیر زمین چھپائے گئے چھیانوے مارٹر گولے برامد کرلئے۔

    سوات پولیس نے آپریشن کے دوران دو روپوش دہشت گردوں سمیت پندرہ افراد کو گرفتار کرلیا۔ پولیس کے مطابق ملزمان اسلم اور علی اکبر دھماکوں اور فورسز پر حملوں میں مطلوب تھے۔

    چنیوٹ میں سی ٹی ڈی نے کارروائی کرکے مبینہ دہشت گرد احمد رضا مسعود کو گرفتار کرلیا۔ ملزم کے قبضے سے دھماکا خیز مواد، خود کش جیکٹ اور اسلحہ برامد ہوا ہے۔

    سکھر میں پولیس اور سی ٹی ڈی نے کارروائیاں کرکے ایک ہفتے کے دوران کالعدم تنظیم کے تین دہشت گردوں کو گرفتار کرلیا۔

  • آپریشن ردالفساد، پختونوں کی عزت و احترام کا خیال رکھا جائے، مصطفیٰ کمال

    آپریشن ردالفساد، پختونوں کی عزت و احترام کا خیال رکھا جائے، مصطفیٰ کمال

    کراچی: پاک سرزمین پارٹی کے سربراہ مصطفیٰ کمال نے کہا ہے کہ پختون جہاں بھی ہوں اُن کی شکایات کا ازالہ ہونا چاہیے اور آپریشن ردالفساد کے تحت ہونے والی کارروائیوں میں پختونوں کی عزت و احترام کا خیال رکھا جائے۔

    تصیلات کے مطابق کراچی میں مقیم پختون وفود سے پاک سرزمین پارٹی کےسربراہ نے ملاقات کی، پختون وفود نے کراچی آپریشن میں ہونے والی گرفتاریوں کے حوالے سے اپنے تحفظات کا اظہار کیا۔

    مصطفیٰ کمال نے کہا کہ پوری قوم کو اپنے اتحاد سے دشمن کو  ناکام بنانا ہے تاہم حکومت کو بھی چاہیے کہ وہ پاکستان کے مختلف علاقوں میں مقیم پختونوں کی شکایات کا ازالہ کرے۔

    انہوں نے کہا کہ پوری قوم جانتی ہے دہشت گردی کے خلاف جاری جنگ میں سب سے زیادہ قربانیاں پختونوں نے ہی دی ہیں۔ مصطفیٰ کمال نے مطالبہ کیا کہ آپریشن ردالفساد کے تحت جاری کارروائیوں میں پختونوں کی چادر اور چار دیواری کا احترام کیا جائے۔

    پڑھیں: ’’ کراچی کے پشتونوں کی گرفتاری قابل مذمت ہے، عارف علوی ‘‘

    یاد رہے لاہور حملے کے بعد ملک بھر میں آپریشن ردالفساد جاری ہے، جس کے تحت کسی بھی شہر میں غیر قانونی طور پر مقیم ملکی اور غیر ملکی باشندوں کے خلاف کارروائی عمل میں لائی جارہی ہے۔

    تحریک انصاف کے رہنماء عارف علوی نے بھی گزشتہ روز کراچی میں مقیم پختونوں کی گرفتاریوں کی مذمت کرتے ہوئے انہیں فوری طور پر روکنے کا مطالبہ کرتے ہوئے کہا تھا کہ ہر افغانی پختون نہیں اور ہر پختون دہشت گرد بھی نہیں۔