کراچی کے علاقے رزاق آباد میں مٹی کا تودا گرنے سے 2 افراد جاں بحق ہوگئے جبکہ ایک شخص واقعے میں شدید زخمی بھی ہوا ہے۔
ریسکیو حکام نے بتایا کہ تینوں افراد شوروم کے قریب گڑھا کھود رہے تھے کہ ان پر مٹی کا تودا گرگیا، جاں بحق ہونے والوں اور شدید زخمی شخص کو جناح اسپتال منتقل کیا جارہا ہے،
اس حوالے سےریسکیو حکام کا مزید کہنا تھا کہ تودا گرنے کے واقعے میں جاں بحق اور زخمی ہونے والوں کی شناخت نہیں ہوسکی ہے۔
پولیس نے بتایا کہ زراق آباد کے قریب 2 مزدور مٹی کے تودے تلے دب کرجاں بحق ہوئے، 3 مزدور کےالیکٹرک کے پرائیویٹ ٹھیکیدار کیلئے کام کررہےتھے، شوروم کیلئے پی ایم ٹی لگانے کے سلسلے میں 20 سے 25 فٹ گہرا گڑھا کھودا گیا۔
مزید پولیس نے بتایا کہ پی ایم ٹی لگانے کے بعد کنکشن کا کام کیا جارہا تھا کہ مٹی کا تودہ گرگیا، واقعے میں 2 مزدور جاں بحق ہوئے ایک کی حالت بہترہے۔
اس سے قبل ماضی میں بھی کراچی میں مٹی کے تودا گرنے کے باعث ہلاکتوں کا واقعات پیش آشکے ہیں، چند سالوں قبل جھگیوں پر پہاڑی تودہ گرنے سے 7 بچوں اور3 خواتین سمیت 13 افراد ہلاک ہوئے تھے۔
گلستان جوہر کے علاقے میں جھگیوں پر پہاڑی تودہ گرا تھا گیا جس کے بعد امدادی ٹیمیں فوری متاثرہ مقام پر پہنچیں اور دبے ہوئے افراد کو نکالا تھا تاہم 13 کے قریب لوگ اپنی جان سے ہاتھ دھو بیٹھے تھے۔
