عامر خان کی بیٹی ایرا خان اور نوپور شیکھرے کی باقاعدہ بارات سے قبل مہندی کی تقریب منعقد ہوئی، جس کی تصاویر سوشل میڈیا پر وائرل ہوگئیں۔
مسٹر پرفیکشنسٹ کی بیٹی ایرا خان نے اپنی رسم حنا پر منفرد انداز سے اپنے ہاتھوں پر مہندی لگوائی، انھوں نے اپنی کلائیوں سے لے کر پورے بازو میں مہندی لگوائی جس نے مداحوں کی توجہ اپنی جانب کھینچ لی۔
نوپور شیکھرے نے تاج جھیل پیلس میں دوپہر میں منعقد ہونے والی مہندی کی تقریب کی تصاویر خود سوشل میڈیا پر شیئر کیں۔ ایک تصویر میں وہ اپنی دلہن کے پیچھے مسکراتے نظر آرہے ہیں۔
تصاویر میں دیکھا جاسکتا ہے کہ ایرا خان کی مہندی کے لیے پھولوں کی سجاوٹ کافی دلکش انداز میں کی گئی ہے جبکہ مہمانوں کو دھوپ سے بچانے کے لیے بہت سے چھتریاں بھی نصب کی گئی ہیں۔
اس سے قبل ایرا نے بھی مہندی کی تیاری کرتے ہوئے اپنے انسٹاگرام اسٹوریز پر ایک ویڈیو شیئر کی تھی۔
اس ویڈیو میں انھوں نے اپنے ہاتھ میں واکی ٹاکی پکڑا ہوا تھا اور مذاق میں کہہ رہی تھیں کہ وہ لاجسٹک ٹیم کی جاسوسی کر رہی تھیں، جو کام کرتے ہوئے چیٹنگ کر رہی تھی۔
واضح رہے کہ ایرا خان اور نوپور شیکھرے کی شادی کی تقریب 8 جنوری کو ادے پور میں منعقد کی جائے گی جس میں مہمانوں کی بڑی تعداد شریک ہوگی۔
