Tag: رشبھ پنت

لیڈز میں انگلینڈ کے خلاف پہلے ٹیسٹ کے چوتھے دن بھارت کے نائب کپتان رشبھ پنت کو اپنے آپ سے بات کرتے ہوئے دیکھا گیا۔

رشبھ پنت بھارت کی دوسری اننگز کے پہلے سیشن میں بلے بازی کے لیے اس وقت آئے جب کپتان شبمن گل 8 رنز پر اپنی وکٹ گنوا چکے تھے، اس وقت کریز پر نوآموز ہونے کے باوجود رشبھ پنت اس صورتحال سے گھبرائے نہیں بلکہ انگلش بولرز کےخلاف کھل کرکھیلنے کی کوشش کی۔

تاہم 32ویں اوور میں رشبھ پنت کئی بار آئوٹ ہوتے ہوتے بچے اور انھیں کافی مشکلات پیش آئیں، وہ ایک سلوگ سویپ کرنے گئے اور ڈلیوری ان کے بیٹ سے ٹاپ ایج لگ کر ہوا میں معلق ہوگئی لیکن وہ بچنے میں کامیاب رہے۔

کچھ گیندوں کے بعد رشبھ پنت اپنے گھٹنوں کے بل ایک سکوپ کھیلنے کے لیے گئے جو مس ہوئی اور انگلینڈ کو ڈی آر ایس لینے کا موقع ملا، تاہم ری پلے سے پتہ چلا کہ گیند پیڈ سے ٹکرانے سے پہلے بیٹ سے ٹکرائی۔

اس کے بعد رشبھ پنت خود سے ناراض ہوگئے اور ان کا خود پر غصہ اسٹمپ مائیک پر ریکارڈ ہوگیا، وہ بولتے ہوئے سنے گئے "تیز بال ہے رشبھ، مارنا ہے تو سیدھا لگ جائے گا نا اس بال پر، کچھ الگ کرنے کی ضرورت نہیں ہے،”

رشبھ پنت نے خود سے یہ گفتگو ہندی میں کی جسے ہندوستان کے سابق کرکٹر دنیش کارتک نے وضاحت کرتے ہوئے انگلش میں بتایا۔

DK translates what Rishabh Pant was saying! pic.twitter.com/ofGWM4OfOp

— Sky Sports Cricket (@SkyCricket) June 23, 2025

سابق قومی کرکٹر باسط علی نے بھارت کے مستقبل کے کپتان کے طور پر رشبھ پنت کے نام کی پیشگوئی کی ہے۔

یوٹیوب چینل پر سابق کرکٹر باسط علی نے کہا کہ بھارت کو مستقبل کا کپتان رشبھ پنت اور نائب کپتان شبھمن گل کو بنتے دیکھ رہے ہیں۔

54 سالہ کرکٹر نے کہا کہ پنتھ کی قیادت میں ناصرف بھارتی ٹیم کو فائدہ ہوگا بلکہ ان کی انفرادی کارکردگی میں بھی اضافہ ہوگا۔

باسط علی نے یہ بھی کہا کہ یشسول جیسوال، شبھمن گل سے زیادہ بڑا کھلاڑی ہے۔

انہوں نے کہا کہ بھارت کے مستقبل کے کپتان کے لیے میرا ووٹ رشبھ پنت ہے، اگرچہ شبھمن گل کو ایک کپتان کے طور پر بہت زیادہ درجہ دیا جاسکتا ہے۔

سابق کرکٹر نے کہا کہ اگر شبھمن گل پاکستان کے خلاف سنچری بناتا ہے تو ہر کوئی اس کی تعریف کرے گا تب بھی میں جیسوال کو تکنیکی اور دوسری صورت میں ایک بہتر کھلاڑی کے طور پر درجہ دوں گا۔

باسط علی نے چیمپئنز ٹرافی 2025 کے لیے بھارتی لائن اپ میں بائیں ہاتھ کے دو بیٹرز کی اہمیت کو بھی اجاگر گیا۔

انہوں نے رشبھ پنت اور یشسول جیسوال دونوں کو پلیئنگ الیون میں شامل کرنے کی حمایت کی اور دلیل دی کہ ان کی موجودگی میں بھارت کی بیٹنگ لائن مزید مضبوط ہوگی۔

سابق پاکستانی کرکٹر نے کہا کہ یشسول جیسوال کے بغیر بھارت کی پلیئنگ الیون مکمل نہیں ہوسکتی اور رشبھ پنت اور جیسوال کے بغیر بھارت کے لیے چیمپئنز ٹرافی کے فائنل میں پہنچنا تقریباً ناممکن ہوجائے گا۔

بھارتی ٹیم کے وکٹ کیپر بیٹر رشبھ پنت نے چھکا لگایا اور گیند کو اتارنے کے لیے گراؤنڈ اسٹاف کو سیڑھی لگانا پڑی۔

سڈنی ٹیسٹ میں آسٹریلیا کے خلاف بھارتی ٹیم پہلی اننگز 185 رنز پر ڈھیر ہوگئی، پہلے روز کھیل کے اختتام پر آسٹریلیا نے ایک وکٹ پر 9 رنز بنالیے ہیں۔

عثمان خواجہ 2 رنز پر بمراہ کا نشانہ بنے، کونسٹاس 7 رنز کے ساتھ ناٹ آؤٹ ہیں۔

تاہم بھارتی ٹیم پہلی اننگز میں 185 رنز بنا کر آؤٹ ہوئی، ویرات کوہلی 17 اور رویندرا جڈیجا 26 رنز بنا کر آؤٹ ہوئے، کے ایل راہول 4، یشسول جیسوال 10 رنز بنا کر پویلین لوٹ گئے۔

رشبھ پنت 40 رنز کے ساتھ نمایاں رہے، کپتان جسپریت بمراہ نے 22 رنزبنائے۔

آسٹریلیا کی جانب سے اسکاٹ بولینڈ نے 4 کھلاڑیوں کو پویلین کی راہ دکھائی، مچل اسٹارک تین اور پیٹ کمنز نے دو وکٹیں حاصل کیں۔

تاہم سوشل میڈیا پر رشبھ پنت کے چھکے کی ویڈیو وائرل ہورہی ہے۔

بھاتی وکٹ کیپر بیٹر نے کریز سے آگے نکل کر ویسٹر کو اسٹریٹ پر چھکا رسید کیا اورگیند اتارنے کے لیے گراؤنڈ اسٹاپ کو سیڑھی کا استعمال کرنا پڑا کیونکہ گیند سائیڈ اسکرین کی جانب پھنس گئی تھی۔

View this post on Instagram

A post shared by cricket.com.au (@cricketcomau)

بھارتی بیٹر رشبھ پنت کو آؤٹ کرنے کے بعد ٹریوس ہیڈ نے انگلی سے ایسا اشارہ کیا کہ بھارتی تلملا اٹھے، مگر اب اسکی وضاحت سامنے آگئی ہے۔

میلبرن ٹیسٹ کی دوسری اور اختتامی اننگز میں بھارتی ٹیم کافی مشکلات کا شکار تھی، ایسے میں جلد تین وکٹیں گرنے کے بعد کریز پر یشسوی جیسوال اور رشبھ پنت جمے ہوئے اور آسٹریلین بولرز ان کی پارٹنرشپ سے کافی پریشان لگ رہے تھے۔

تاہم رشبھ پنت اس قدر محتاط بیٹنگ کررہے تھے کہ انھوں نے 104 بالز پر صرف 30 رنز بنائے تھے، تاہم پارٹ ٹائم بولر ٹریوس ہیڈ کی ایک بال پر اونچا شارٹ کھیلنے کی کوشش میں وہ اپنی وکٹ گنوا بیٹھے۔

ٹریوس ہیڈ نے اس وکٹ کا جشن نہایت انوکھے انداز میں منایا، انھوں نے اپنے الٹے ہاتھ کی انگلیوں کو دائرے کی شکل دی اور پھر اس میں اپنے سیدھے ہاتھ کی انگلی ڈبو دی۔

پہلے لوگوں نے اس اشارے کو غلط معنوں میں لیا تاہم یہ کسی خاص مقصد میں کامیابی حاصل کرنے کے بعد کیا جانے والا اشارہ تھا کیوں کہ وہ ٹریوس اپنے کپتان کی حکمت عملی کے تحت یشسوی اور اور پنت کی پارنٹر شپ توڑنے میں کامیاب رہے تھے۔

کمنٹیٹر جیمز بریشا نے اس اشارے کی حقیقت بیان کی ہے، انھوں نے بتایا کہ جب 2022 میں سری لنکا کے خلاف ہیڈ نے 10 رنز دے کر 4 وکٹیں حاصل کی تھیں تو انھوں نے مذاق کرتے ہوئے کہا تھا کہ اب انھیں اپنی انگلیوں کو برف میں رکھنے کی ضرورت ہے۔

یہ اس بات کی طرف اشارہ تھا کہ ان کی انگلیوں نے کافی محنت کی ہے، اس لیے تھکن کی وجہ سے انگلی کو برف کی سیکائی کی ضروت ہے، اس بار بھی ہیڈ کے جشن منانے کا انداز کچھ اسی طرح کا تھا، جس پر بھارتی حلقوں نے اعتراض کیا۔