کرناٹک: بھارت میں ایک سر پھرے عاشق نے رشتے سے انکار پر دن دیہاڑے لڑکی کو اغوا کرلیا۔
بھارتی میڈیا رپورٹ کے مطابق کرناٹک میں ایک چونکا دینے والے واقعہ پیش آیا ہے، ایک اسکول ٹیچر کو دن دیہاڑے مبینہ طور پر اس کے عاشق اور دیگر نامعلوم افراد نے اغوا کر لیا۔
کرناٹک کے ہاسن ضلع میں جمعرات کی صبح 23 سالہ اسکول ٹیچر کی اغوا کی واردات قریبی سی سی ٹی وی کیمرے میں قید ہوگئی اور فوٹیج سوشل میڈیا پلیٹ فارمز پر وائرل ہوگئی۔
#Karnataka Hassan: 23 old year Teacher- Arpita kidnapped in broad daylight#crime pic.twitter.com/aoIxrd0tUM
— sumit kumar (@eyeamsumit) November 30, 2023
ویڈیو میں دیکھا جاسکتا ہے کہ متاثرہ ارپیتا ایک گلی سے نکل کر سڑک پر آتی ہے اسی دوران کچھ لوگ اسے کار میں زبردستی بیٹھا کر فرار ہوجاتے ہیں۔
مقامی عینی شاہدین کا کہنا ہے کہ جب ارپیتا نے مدد کے لیے آواز دی تو ہم نے اسے بچانی کی کوشش کی لیکن اغوا کار نے گاڑی کو تیزی سے آگے لے گئے۔
پولیس کا کہنا ہے کہ ارپیتا کے اہل خانہ نے اس کے مبینہ بوائے فرینڈ رامو پر اغوا کی منصوبہ بندی کا الزام لگایا ہے، رپورٹس کے مطابق رامو اور ارپیتا کا چار سال سے رشتہ لگا ہوا تھا لیکن لڑکی کے گھر والوں نے حال ہی میں رامو کی شادی کی تجویز کو مسترد کر دیا تھا۔
اہلخانہ کا کہنا ہے کہ رامو نے حال ہی میں ارپیتا سے شادی کے لیے رابطہ کیا تھا لیکن ارپیتا کے ساتھ ساتھ اس کے والدین نے اسے مسترد کر دیا تھا۔
انہوں نے الزام لگایا کہ انکار کرنے کے بعد بے عزتی اور غصے میں آکر رامو نے دیگر دوستوں کے ساتھ مل کر ارپیتا کو اغوا کیا تاکہ ہم سے بدلہ لیا جا سکے۔
اس واقعے کے بعد کرناٹک کے سپرنٹنڈنٹ آف پولیس نے جائے وقوعہ کا دورہ کیا اور کہا کہ پولیس نے ارپیتا کو بچانے اور اس کے اغوا کاروں کو پکڑنے کے لیے تین خصوصی ٹیمیں تشکیل دی ہیں۔
پولیس نے کہا کہ ارپیتا آرادھنا اسکول میں ٹیچر ہیں اور ہم یہ جاننے کی کوشش کررہے ہیں کہ آج چھٹی ہونے کے باوجود اس نے گھر سے باہر قدم کیوں رکھا، کیس کی مزید تفتیش جاری ہے۔
