Tag: رشوت

ساہیوال: وزیراعلیٰ پنجاب نے ٹیچنگ اسپتال میں رشوت لینے والے سیکیورٹی گارڈ کیخلاف دہشتگردی کا مقدمہ درج کرا دیا۔

تفصیلات کے مطابق گزشتہ روز ٹیچنگ اسپتال میں وزیر اعلیٰ پنجاب مریم نواز کے احکامات پر خاتون سمیت 3 سیکیورٹی گارڈز کو گرفتار کیا گیا تھا، تینوں سیکیورٹی گارڈز نے 9 جون کو مریض بچی کی عیادت کیلئے آنیوالوں سے 2 ہزار روپے رشوت لی تھی۔

پولیس نے بتایا کہ چلڈرن وارڈ کے سیکیورٹی گارڈز نے مریضہ کے رشتہ دار سے کہا پیسے دو گے تو اندر جانے دونگا۔

رشتہ داروں نے گارڈز کو 2 ہزار روپے رشوت دیکر مریض بچی کی عیادت کی، گزشتہ روز مریضہ کے اہلخانہ کی شکایت پر وزیراعلیٰ پنجاب نے سیکیورٹی گارڈز کو گرفتار کرایا تھا۔

تھانہ فرید ٹاؤن نے سیکیورٹی گارڈز کیخلاف انسداد دہشت گردی اور دیگردفعات کے تحت مقدمہ درج کرلیا ہے۔

کراچی : سی آئی اے پولیس انسپکٹر عابدعلی کو 1لاکھ رشوت لیتے ہوئے رنگے ہاتھوں گرفتار کرلیا گیا۔

تفصیلات کے مطابق اینٹی کرپشن سندھ نے کارروائی کرتے ہوئے سی آئی اےپولیس انسپکٹر کو گرفتار کرلیا۔

ڈائریکٹراینٹی کرپشن امتیاز ابڑو نے بتایا کہ انسپکٹرعابدعلی کو 1لاکھ رشوت لیتے رنگے ہاتھوں گرفتار کیا گیا، انسپکٹر شہری عدنان کےخاندان سے پہلے ہی 30 لاکھ وصول کر چکا تھا۔

امتیاز ابڑو کا کہنا تھا کہ شہری عدنان دبئی سے کراچی 25 مارچ کو پہنچا تاکہ یورپ جاسکے، 7 اپریل کی رات صدر میں قائم نجی ہوٹل سے عدنان کو اغوا کیا گیا اور عدنان کے خاندان سے انسپکٹرعلی پیسوں کا مطالبہ کرتارہا۔

اینٹی کرپشن سندھ کے مطابق مطلوبہ رقم نہ ملنے پر 19 اپریل کو حب ریورروڈ سے گرفتاری ڈال کر ریمانڈ حاصل کیا گیا اور عدنان کے اہلخانہ سے 30 لاکھ وصول کرنےکے بعد 8 لاکھ کا مزید مطالبہ کیا گیا۔

حکام نے بتایا کہ ایک لاکھ کی رشوت وصول کرتے ہوئے پولیس انسپکٹر کو اینٹی کرپشن نے گرفتار کیا، عابد حسین پرمقدمہ درج کرکے صبح ریمانڈ حاصل کیا جائے گا۔

کراچی: سی ویو پر ساحل پولیس اہلکاروں نے دوسرے شہر سے آنے والے نوجوانوں سے رشوت وصول کرنے لگے۔

تفصیلات کے مطابق سی ویو پر ساحل پولیس اہلکاروں نے حیدرآباد سے آئے نوجوانوں سے رشوت لی ہے،  حیدرآباد سے آئے 4 دوستوں کو پولیس نے ساحل سمندر پر روکا۔

پولیس اہلکاروں نے نوجوانوں کو روک کر دستاویزات طلب کیں، کرائے کی گاڑی ہونے پر نوجوان کے پاس دستاویزات موجود نہیں تھیں، جس پر  سب انسپکٹر رمضان نے مبینہ طورپرگاڑی چھوڑنے کے 20 ہزار مانگے۔

نوجوانوں نے 20 ہزار روپے دے کر اپنی جان چھڑائی،  واقعے پر ڈی آئی جی ساؤتھ نے انکوائری کا حکم جاری کردیا، حکام کا کہنا ہے کہ سب انسپکٹر رمضان کی ڈیوٹی مارننگ شفٹ میں لگائی تھی،  وہ نائٹ شفٹ میں کب چلا گیا اس بات کا علم نہیں ہے۔

پولیس حکام کے مطابق ایس آئی سب انسپکٹر رمضان اور متاثرہ نوجوانوں کو طلب کرلیا ہے،  پوچھ گچھ کے بعد قانونی کارروائی عمل میں لائی جائے گی۔

اینٹی کرپشن پنجاب نے کروڑوں روپے کی رشوت لینے کے الزام میں چوہدری مونس الہٰی کے قریبی دوست اور فرنٹ مین زبیر خان کو گرفتار کرلیا۔

ترجمان اینٹی کرپشن پنجاب کا کہنا ہے کہ اینٹی کرپشن نے پرویزالہٰی، مونس الہٰی، محمد خان بھٹی، زبیر خان کیخلاف مقدمہ درج کیا ہے،  پرویز الہٰی اینڈ کمپنی پر ساڑھے 12کروڑ روپے رشوت لیے ہیں۔

اینٹی کرپشن کے ترجمان کا کہنا ہے کہ رشوت غیر ملکی کمپنی کی واجب الادا رقم 2 ارب 90 کروڑ کی ادائیگی کے عوض لی گئی ہے پرویز الہٰی اینڈ کمپنی نے لاہور ویسٹ مینجمنٹ کمپنی کے ذریعے یہ ادائیگی کی۔

ترجمان کے مطابق چوہدری پرویز الہٰی کے خلاف مقدمہ ٹھوس شواہد کی بنا پر درج کیا گیا، چوہدری پرویزالہٰی، مونس الہٰی، محمد خان بھٹی کی ڈیل  زبیر خان نے کرائی تھی۔

ترجمان نے یہ بھی بتایا کہ غیرملکی کمپنی کی واجب الادارقم کے عوض پرویز الہی نے ساڑھے 6کروڑ وصول کئے، مونس الہٰی اور محمد خان بھٹی نے 5 کروڑ جبکہ زبیر خان نے 50 لاکھ روپے لئے۔

اینٹی کرپشن کے ترجمان نے مزید کہا کہ ملزمان پرویزالہٰی، مونس الہٰی، محمد خان بھٹی اور زبیر خان نے اختیارات کا ناجائز استعمال کیا، پرویز الہٰی نے لاہور ویسٹ مینجمنٹ کمپنی کے علی انان قمر پر دباؤ ڈال کر ادائیگی کرائی۔