Tag: رشوت

مالی: مالدیپ کی حکومت نے سابق صدر عبداللہ یامین کو گواہوں کو رشوت دینے کے الزام میں گرفتار کرلیا۔

تفصیلات کے مطابق مالدیپ کے سابق صدر عبداللہ یامین کو منی لانڈرنگ کے مقدمے کی سماعت کے دوران گواہان کو رشوت دینے کے الزام میں کرلیا۔

پولیس حکام کا کہنا ہے کہ سابق صدر عبداللہ یامین کو کشتیوں کے ذریعے مافوشی جیل منتقل کردیا گیا۔

دوسری جانب عبداللہ یامین نے گواہان کو بیان تبدیل کرنے کے لیے رشوت دینے کے پولیس کے الزامات کو مسترد کردیا ہے۔

سابق صدر عبداللہ یامین کو گزشتہ سال ستمبر میں صدارتی انتخابات میں ناکامی کے بعد منی لانڈرنگ کے الزام میں ٹرائل کا سامنا ہے۔

یاد رہے کہ عبداللہ یامین نے 2013 میں حکومت سنبھالی تھی جس کے بعد انہوں نےاپنے کئی مخالفین کو قید یا جلا وطن کردیا تھا۔

سابق صدر اپنے 5 سالہ دور حکومت میں انسانی حقوق کے حوالے سے عالمی برداری کی جانب سے شدید تنقید کا شکا رہے۔

واضح رہے کہ انسداد کرپشن کے ادارے نے گزشتہ ہفتے رپورٹ جاری کی تھی جس کے مطابق مالدیپ کے سرکاری میڈیا اینڈ پبلک ریلیشن کارپوریشن میں عبداللہ یامین کے دور میں مبینہ طور پر 7 کروڑ 90 لاکھ ڈالر کی کرپشن ہوئی ہے۔

دبئی : متحدہ عرب امارات میں بے گناہ شخص کو گرفتار کرنے کے جرم میں دبئی پولیس کے اہلکار کو ایک سال قید کی سزا سنادی گئی۔

تفصیلات کے مطابق دبئی پولیس کے 23 سالہ سوڈانی اہلکار کو ساتھی اہلکار کے ہمراہ بے گناہ غیرملکی شخص کو گرفتار کرنے اور اس سے رشوت لینے کے جرم میں ایک سال قید کی سزا سنادی گئی۔

عدالتی فیصلے کے مطابق پولیس اہلکار اور اس کے ساتھی کو ایک سال کی سزا پوری ہونے پرملک بدر کردیا جائے گا۔

خیال رہے کہ دبئی پولیس اسٹیشن میں تفتیش کے دوران متاثرہ شخص کا کہنا تھا کہ وہ پولیس اہلکار سے نائٹ کلب میں ملا اوراسے لفٹ دی اور جب وہ شیخ زید روڈ پر پہنچا تو2 پولیس اہلکاروں نے اسے روکا اور ڈرائیونگ لائسنس مانگا۔

غیرملکی شخص کا کہنا تھا کہ پولیس اہلکار نے اسے گرفتار کرکے کار میں بٹھا لیا اور 3000 درہم لے لیے جبکہ دوسرا پولیس اہلکار اس کی کار ڈرائیوکرکے چلا گیا۔

اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔