Tag: رشی سونک

لندن: برطانوی وزیر اعظم رشی سونک کے گھر گھسنے والے چار افراد کو گرفتار کر لیا گیا۔

برطانوی میڈیا رپورٹس کے مطابق مختلف عمروں کے چار مشتبہ افراد رشی سونک کے یارک شائر والے گھر میں گھس گئے تھے، جنھیں پولیس نے ایک منٹ سے بھی کم وقت میں گرفتار کر لیا۔

برطانوی پولیس کے مطابق ملزمان کی عمریں 20، 21 ، 43 اور 52 سال ہے، اور تمام افراد کا تعلق مختلف علاقوں سے ہے، یہ تمام افراد پولیس کی حراست میں ہیں، جن سے تفتیش کی جا رہی ہے۔

برطانوی وزیر اعظم کے خلاف ان کے گھر کے باہر کیے گئے احتجاج کے دوران ایک شخص کی گھر میں گھسنے کی ویڈیو بھی سوشل میڈیا پر شیئر کی گئی تھی۔ واقعے کے وقت رشی سونک اپنے انتخابی حلقے کربی سگسٹن میں جاپان کے سرکاری دورے کے سلسلے میں خطاب کر رہے تھے۔

اسکائی نیوز کی رپورٹ کے مطابق گرفتار افراد کا تعلق ’یوتھ ڈیمانڈ‘ نامی گروپ سے ہے، اور وہ احتجاج کا حصہ تھے، اس گروپ کا مطالبہ ہے کہ ٹوریز اور لیبر پارٹی دونوں اسرائیل کو ہتھیاروں کی فراہمی پر پابندی لگائیں، اور تیل اور گیس کے تمام نئے لائسنسوں کو بند کرنے کا عہد کریں۔ گروپ کے ترجمان نے یہ بھی بتایا کہ گرفتار کیے گئے افراد میں سے تین مظاہرے میں حصہ لے رہے تھے، جب کہ چوتھا شخص ایک فوٹوگرافر تھا۔

پولیس حکام کے مطابق باون سالہ شخص کا تعلق لندن سے، تینتالیس سالہ شخص کا تعلق بولٹن سے، اکیس سالہ شخص کا تعلق مانچسٹر اور بیس سالہ کا تعلق چیچسٹر سے ہے۔

لندن: دو ماہ میں برطانیہ کے تیسرے وزیر اعظم آج وزارتِ عظمی کا عہدہ سنبھالیں گے۔

تفصیلات کے مطابق لز ٹرس کے مستعفی ہونے کے بعد بھارتی نژاد رشی سونک نئے وزیر اعظم ہو گئے ہیں، گزشتہ دو ماہ کے دوران وہ برطانیہ کے تیسرے وزیرِ اعظم ہیں، جو آج باضابطہ طور پر عہدہ سنبھال لیں گے۔

کابینہ اجلاس کے بعد لز ٹرس ٹین ڈاؤنگ کے باہر خطاب کریں گی، بادشاہ چارلس رشی سونک کو حکومت بنانے کی دعوت دیں گے۔

رشی سونک کو 100 سے زائد پارلیمنٹیرین کی حمایت حاصل ہوئی ہے، جب کہ ان کی حریف پینی موڈرنٹ نے مقررہ حمایت نہ ملنے پر اپنا نام واپس لیا۔

بھارتی نژاد رشی سونک بھارتی آئی ٹی کمپنی انفوسس کے شریک بانی نارائن مورتی کے داماد ہیں، بیالیس سالہ رشی سونک کو بورنس جانسن نے 2020 میں اپنی کابینہ میں شامل کیا تھاھی اور وزیر خزانہ بنایا تھا۔

رشی سونک کے والد انوسٹمنٹ بینک میں ملازم رہے، رشی سونک کے آباؤ اجداد کا تعلق گوجرانولہ سے تھا۔