Tag: رشی کپور

نیتو کپور نے اپنے آنجہانی شوہر رشی کپور اور پوتی راہا کپور کی آرٹیفیشل انٹیلیجنس سے بنائی گئی تصاویر شیئر کردی۔

بالی ووڈ کے ماضی کے نامور ہیرو آنجہانی رشی کپور کی سالگرہ پر ان کی اہلیہ نیتو کپور نے ایک پیاری سی تصویر شیئر کی ہے جس میں رشی اور ان کی پوتی راہا کو ایک ساتھ دکھایا گیا ہے جبکہ تصویر میں اداکار اپنی پوتی کو بوسہ دیتے ہوئے بھی نظر آرہے ہیں۔

رشی کپور 2020 میں اس دنیا سے کوچ کر گئے تھے جبکہ رنبیر کپور کی بیٹی راہا کی پیدائش 2022 میں ان کے مرنے کے تقریباً ڈھائی سال بعد ہوئی تھی۔

 

View this post on Instagram

 

A post shared by neetu Kapoor. Fightingfyt (@neetu54)

نیتو کپور نے اپنے فیملی فرینڈ کی جانب سے شیئر کردہ خوبصورت تصویر کو دوبارہ شیئر کیا ہے جس کے کیپشن میں انھوں نے لکھا ہے کہ ’کیا یہ ہوسکتا تھا‘۔

راہا کپور نے اپنے دادا کو کبھی نہیں دیکھا لیکن ان کی اداکار ماں عالیہ بھٹ کو لگتا ہے کہ وہ بالکل رشی کپور جیسی لگتی ہیں۔ عالیہ نے گزشتہ سال کرن جوہر کے چیٹ شو میں بھی یہی بات شیئر کی تھی۔

رنبیر کپور کی بہن ردھیما کپور ساہنی بھی ایسا ہی محسوس کرتی ہیں، انھوں نے آنجہانی والد کی سالگرہ کے موقع پر خصوصی پوسٹ شیئر کی، ردھیما نے کہا کہ رنبیر اور عالیہ کی بیٹی راہا ’منی‘ رشی ہیں۔

ردھیما کپور کا یہ بھی کہنا تھا کہ اگر آج رشی کپور یہاں ہوتے، تو اپنی پوتی راہا اور نواسی سمارا ساہنی کے ساتھ اپنی سالگرہ کا دن منا رہے ہوتے۔

1973ء میں فلم ’بوبی‘ ریلیز ہوئی تھی جس میں دو نئے اداکار فلم بینوں کے سامنے تھے۔ یہ فلم کے ہیرو رشی کپور اور ہیروئن ڈمپل کپاڈیہ تھے۔ اس فلم نے ہر طرف دھوم مچا دی۔ بعد کے برسوں میں رشی کپور کو ان کے رومانوی کرداروں نے شہرت کی بلندیوں پر پہنچا دیا۔

بولی وڈ کے سپراسٹار رشی کپور کی کئی فلمیں کام یاب بھی ہوئیں، اور باکس آفس پر ناکامی بھی ان کا مقدر بنی لیکن رشی کپور شائقین کے دلوں پر راج کرتے رہے۔ رشی کپور کینسر کے مرض میں مبتلا ہونے کے بعد 2020ء میں آج ہی کے دن چل بسے تھے۔

بھارتی اداکار رشی کپور نے چار دہائیوں سے زیادہ عرصے تک فلم انڈسٹری پر راج کیا۔ وہ 4 ستمبر 1952ء کو ممبئی میں پیدا ہوئے۔ پشاور اُن کا آبائی شہر ہے جہاں آج بھی ڈھکی نعلبندی میں رشی کپور کی خاندانی اور تاریخی حویلی موجود ہے جو 1918ء میں چار سال کے عرصہ میں تعمیر ہوئی تھی۔ رشی کپور کے والد راج کپور اسی حویلی میں پیدا ہوئے تھے جسے اُن کے والد پرتھوی راج کپور نے تعمیر کروایا تھا۔ اداکار رشی کپور نے بھی 1990ء میں پشاور میں اپنی آبائی حویلی میں چند گھنٹے گزارے تھے۔

’بوبی‘ وہ فلم تھی جس نے ہندوستان بھر میں‌ رشی کپور کو شہرت دی اور اس فلم کے بعد انھیں انڈسٹری میں کردار آفر ہونے لگے۔ ان کا گھرانا ہندی فلموں میں اپنے فنِ اداکاری کے لیے بڑی پہچان اور مقام رکھتا تھا۔ یہ خاندان پنجابی ہندو کھتری تھا۔

رشی کپور ایک صاف گو انسان مشہور تھے اور اداکاری کے علاوہ وہ اپنی طبیعت اور مزاج کی وجہ سے بھی لوگوں‌ میں پسند کیے جاتے تھے۔ 2017 میں ان کی آپ بیتی ’کھلم کھلا‘ کے نام سے سامنے آئی تھی اور یہ کتاب بھی میڈیا میں‌ زیر بحث رہی کیوں کہ اس آپ بیتی میں رشی کپور نے اپنی زندگی کے کئی واقعات اور بہت سے معاملات پر واقعی کھل کر لکھا تھا۔ اپنے والد کی رنگین مزاجی کے علاوہ انھوں نے انڈسٹری میں اپنے کیریئر سے متعلق بھی کسی ہچکچاہٹ کا شکار ہوئے بغیر کچھ واقعات تحریر کیے ہیں۔ رشی کپور نے اپنے اس ایوارڈ کا قصّہ بھی لکھا ہے جو ان کے بقول خریدا گیا تھا اور اس کے لیے انھوں نے 30 ہزار روپے دیے تھے۔

رشی کپور کی شریکِ‌ حیات نیتو سنگھ تھیں جن کے ساتھ وہ فلموں میں‌ کام کرچکے تھے۔ نیتو سنگھ اپنے زمانے کی مشہور ہیروئن تھیں۔ انھوں نے 1980 میں شادی کی اور ان کا بیٹا رنبیر کپور بھی بولی وڈ اداکار بنا۔ رشی کپور کی ایک بیٹی ردھیما ہیں۔

رشی کپور نے اپنے ہی فلمی بینر تلے 420 اور میرا نام جوکر جیسی فلموں میں‌ چائلڈ ایکٹر کے طور پر کام کیا تھا۔ یہ اپنے وقت کی کام یاب فلمیں تھیں‌، لیکن 1980 اور 1990 کی دہائی میں وہ زیادہ مقبول ہوئے۔ اداکار رشی کپور کی آخری فلم ‘دی باڈی’ تھی۔ اپنی موت سے قبل رشی کپور نے سوشل میڈیا اکاؤنٹ پر دیپکا پاڈوکون کے ساتھ اپنے نئے فلمی پروجیکٹ کا اعلان کیا تھا جو ہالی وڈ کی ایک فلم کا ہندی ری میک تھی۔

خون کے سرطان کی تشخیص کے بعد رشی کپور علاج کی غرض‌ سے امریکا کے شہر نیویارک چلے گئے تھے اور 2019ء میں‌ ایک سال علاج کے بعد بھارت لوٹے تھے۔

رشی کپور کی چند مشہور فلمیں ‘امر اکبر انتھونی’، ‘لیلیٰ مجنوں’، ‘رفو چکر’، ‘سرگم’، ‘قرض’ اور ‘بول رادھا بول’ ہیں۔

بالی وڈ اداکارہ نیتو کپور نے  سینئر اداکار رشی کپور کیساتھ اپنی شادی سے متعلق چونکا دینے والا انکشاف کیا ہے۔

بھارت کے مقبول شو ‘کافی ود کرن’ سیزن 8 کے شو میں اداکارہ نیتو کپور نے زینت امان کے ساتھ شرکت کی جہاں میزبان کرن جوہر نے مختلف سوال پوچھے اور پرانے قصوں کو یاد کیا۔

اہلیہ نیتو کپور نے انکشاف کیا کہ اداکار رشی کپور ایک سخت بوائے فرینڈ تھے انہوں نے مجھے سختی سے پارٹیوں میں شرکت کرنے سے منع کیا ہوا تھا۔

انہوں نے اپنی ماضی کو یاد کرتے ہوئے کہا کہ اداکار یش چوپڑا کے ساتھ ایک فلم کررہی تھی اور یش چوپڑا رات دیر تک پارٹیوں کا انعقاد کرتے تھے لیکن میں پارٹیوں میں مزے نہیں کر پاتی تھی کیونکہ رشی مجھے سختی سے منع کرتے تھے اور سختی کرتے تھے یہ نہیں کرنا، وہ نہیں کرنا۔

نیتو کپور نے مزید بتایا کہ رشی کی والدہ بھی سخت تھیں، پھر رشی کپور بھی سخت تھے اور میں ان دونوں میں پھنس گئی تھی۔

واضح رہے کہ اداکارہ نیتو اور رشی کپور کی منگنی 13 اپریل 1979 کو ہوئی تھی جب کہ دونوں فلمی اداکار 1980 میں شادی کے بندھن میں بندھ گئے تھے۔

نیتو کپور نے شادی کے باد فلمی کیرئیر کو خیرآباد کہہ دیا تھا، ان کے 2 بچے رنبیر کپور اور ریدھیما کپور ہیں۔

رشی کپور نے بھارتی فلم انڈسٹری میں اپنے رومانوی کرداروں کی وجہ سے خوب شہرت سمیٹی۔ جہاں ان کی کئی فلمیں کام یاب ہوئیں، وہیں باکس آفس پر ناکامی سے دوچار بھی ہوئیں۔ کینسر کے مرض میں مبتلا رشی کپور 2020ء میں آج ہی کے دن وفات پا گئے تھے۔

’بوبی‘ وہ فلم تھی جس کی کام یابی نے ہندوستان بھر میں‌ رشی کپور کو شہرت دی اور اس فلم کے بعد انھیں انڈسٹری سے کئی فلموں میں‌ کردار آفر ہوئے۔ رشی کپور ہندی فلمی صنعت کے اس خاندان کے فرد تھے جسے راج کپور نے اپنے فن اور اپنے کام کے سبب لازوال پہچان اور مقام دلوایا تھا۔ رشی کپور ممبئی میں‌ 1952ء میں‌ پیدا ہوئے۔ وہ پنجابی ہندو کھتری برادری سے تعلق رکھتے تھے۔ ان کا آبائی گھر پشاور میں‌ تھا اور رشی کپور ہمیشہ پاکستان اور اپنے خاندانی مکان کو یاد کرتے تھے۔ وہ اپنی موت سے قبل سوشل میڈیا پر اپنے سیاسی اور مختلف موضوعات پر سنجیدہ اور مزاحیہ ٹویٹس اور تبصروں کی وجہ سے پاکستان اور بھارت میں‌ لوگوں کے درمیان زیر بحث بھی رہتے تھے۔ انھوں نے آن کیمرہ اور سوشل میڈیا اکاؤنٹ پر بھی پاکستان آنے اور پشاور میں‌ اپنے والد کے مکان کو دیکھنے کی خواہش کا متعدد مرتبہ اظہار کیا تھا۔

کہتے ہیں رشی کپور صاف گو تھے اور ان کی اداکاری کے ساتھ ان کا مزاج بھی لوگوں کو بہت پسند تھا۔ انھوں نے 2017 میں آپ بیتی شایع کی تھی جس کا نام ’کھلم کھلا‘ تھا اور ان کی یہ کتاب بھی میڈیا اور کتاب کے قارئین میں‌ خوب زیر بحث رہی کیوں کہ اس آپ بیتی میں رشی کپور نے اپنی زندگی کے کئی واقعات اور بہت سے معاملات پر کھل کر لکھا۔ انھوں نے اپنے والد کی رنگین مزاجی کے علاوہ انڈسٹری میں اپنے کیریئر سے متعلق بھی کسی ہچکچاہٹ کا شکار ہوئے بغیر بہت کچھ لکھا۔ انھوں نے اپنے اس ایوارڈ کا قصّہ بھی لکھا ہے جو ان کے بقول خریدا گیا تھا اور اس ایوارڈ کو حاصل کرنے کے لیے رشی کپور نے کسی کو اس زمانے میں‌ 30 ہزار روپے دیے تھے۔

رشی کپور کی شادی نیتو سنگھ سے ہوئی تھی اور وہ ان کے ساتھ فلموں میں‌ کام کرچکے تھے۔ وہ اس زمانے کی مشہور ہیروئن تھیں اور ان دونوں نے 1980 میں شادی کی تھی، ان کے بیٹے رنبیر کپور بھی بولی وڈ فلموں کے مشہور اداکار ہیں۔ رشی کپور کی ایک بیٹی ردھیما بھی ہیں۔

رشی کپور نے اپنے ہی فلمی بینر تلے 420 اور میرا نام جوکر جیسی فلموں میں‌ چائلڈ ایکٹر کے طور پر کام کیا تھا اور یہ اپنے وقت کی کام یاب فلمیں تھیں‌، لیکن بولی وڈ میں ان کو اصل کام یابی سنہ 1973 میں فلم ’بوبی‘ سے ملی۔ یہ اپنے وقت کی سپرہٹ فلم ثابت ہوئی۔ اس فلم کے بعد رشی کپور کو ہیرو کے طور پر کاسٹ کیا جانے لگا۔

اداکار رشی کپور کا فلمی سفر تقریباً 20 برس پر محیط ہے جس میں انھوں نے ہندی فلموں میں بہ طور ہیرو کام کیا۔ 1980 اور 1990 کی دہائی میں انھیں‌ شائقینِ سنیما نے کھیل کھیل میں، قرض اور چاندنی جیسی سپرہٹ فلموں میں بہت پسند کیا۔ عمر کے زینے طے کرتے ہوئے رشی کپور بعد میں بطور معاون اداکار فلموں میں نظر آنے لگے اور اس حیثیت میں بھی خاصا کام کیا۔ اداکار رشی کپور کی آخری فلم ‘دی باڈی’ تھی اور موت سے قبل انھوں نے اپنے سوشل میڈیا اکاؤنٹ پر بولی وڈ اداکارہ دیپکا پاڈوکون کے ساتھ اپنے نئے فلمی پروجیکٹ کا اعلان کیا تھا جو ہالی وڈ کی ایک فلم کا ہندی ری میک تھی۔

بولی وڈ کے اس کام یاب فلمی ہیرو خون کے سرطان کا مرض لاحق تھا جس کی تشخیص کے بعد علاج کی غرض‌ سے وہ امریکا کے شہر نیویارک چلے گئے تھے جہاں‌ سے 2019ء میں‌ تقریباً ایک سال کے بعد کام یاب علاج کے بعد بھارت واپس آئے۔ یہاں چند ماہ بعد ان کی حالت بگڑ گئی اور انھوں نے ممبئی کے ایک اسپتال میں‌ دم توڑ دیا۔

‘امر اکبر انتھونی’، ‘لیلیٰ مجنوں’، ‘رفو چکر’، ‘سرگم’، ‘قرض’ اور ‘بول رادھا بول’ ان کی کام یاب ترین فلموں میں شامل ہیں۔