ARYNews.tv | Urdu – Har Lamha Bakhabar

Tag: رضاربانی

  • بھارتی چال ناکام ، پارلیمانی سفارتکاری کے میدان میں پاکستان کی شاندار فتح

    بھارتی چال ناکام ، پارلیمانی سفارتکاری کے میدان میں پاکستان کی شاندار فتح

    اسلام آباد : بھارتی وفد کی بھرپور کوشش کے باوجود پاکستانی امیدوار رضا ربانی کو تین سال کیلئے انٹر پارلیمانی یونین کی مجلس عاملہ کا ممبر منتخب کرلیا گیا، پاکستان نے گروپ میں فوری خفیہ الیکشن کا مطالبہ کیا تھا۔

    تفصیلات کے مطابق پارلیمانی سفارتکاری کے میدان میں پاکستان کی شاندار فتح حاصل ہوئی اور بھارتی وفد کی بھرپور کوشش کے باوجود پاکستانی امیدوار کامیاب ہوگیا۔

    انٹرپارلیمانی یونین کی ایک سو اکتیسویں جنرل اسمبلی کا اجلاس سربیا کے دارلحکومت بلغراد میں جاری ہے، اسپیکر قومی اسمبلی اسد قیصر کی قیادت میں پاکستانی پارلیمانی وفد شریک انٹرپارلیمانی یونین کی جنرل اسمبلی کے اجلاس میں شرکت کر رہا ہے۔

    اسپیکر اسد قیصر بین القوامی پارلیمانی تنظیم آئی پی یو کی ایشیا پیسیفک گروپ کے موجودہ چیئرمین ہیں اور پاکستان نے گروپ میں فوری خفیہ الیکشن کا مطالبہ کیا تھا۔

    بھارتی وفد نے انتخابات موخر کروانے کی بھرپور کوشش کی تاہم بھارتی چال کو چونتیس رکنی ایشیا پیسیفک گروپ کے کسی بھی رکن کی جانب سے پذیرائی نہ مل سکی۔

    ہاریقینی دیکھتے ہوئے بھارت نے امیدوار شسی تہور کا نام واپس لیکر شکست مان لی، بھارتی امیدوارکی دستبرداری پرررضاربانی بلامقابلہ منتخب کرلیا گیا۔

    اعلامیہ کے مطابق رضاربانی تین سال کیلئے انٹر پارلیمانی یونین کی مجلس عاملہ کے ممبر منتخب ہوگئے ہیں جبکہ جبکہ ایشیا پیسیفک گروپ نے سینٹر شیری رحمان کو کمیٹی برائے پائیدار ترقی، مالیات اور تجارت کا رکن بھی منتخب کیا۔

  • احتساب صرف سیاست دان کا نہیں، سول، ملٹری بیورو کریسی اور عدلیہ کا بھی ہونا چاہئے ،رضاربانی

    احتساب صرف سیاست دان کا نہیں، سول، ملٹری بیورو کریسی اور عدلیہ کا بھی ہونا چاہئے ،رضاربانی

    کراچی : چیئرمین سینیٹ رضا ربانی کا کہنا ہے کہ احتساب صرف سیاست دان کا نہیں سول بیورو کریسی، ملٹری بیورو کریسی اور عدلیہ کا بھی ہونا چاہئے ، سینٹ الیکشن میں نواز لیگ کے آؤٹ ہونے سے سیاسی نظام کو دھچکا لگا ہے۔

    تفصیلات کے مطابق چیئرمین سینیٹ رضا ربانی نے ایشیا امن فلم فیسٹول میں میڈیا سے گفتگو کرتے ہوئے کہا کہ کراچی آئندہ انتخابات انشا اللہ وقت پر ہوں گے، جن سیاسی پارٹیوں کی سینیٹ میں نمائندگی ان کو نمائندگی کا حق ہے۔

    رضا ربانی کا کہنا تھا کہ نیب کو از سر نو تشکیل کرنے کی ضرورت ہے، ملک کے اندر جب تک استحکام نہیں ہوگا انتہا پرست بڑھتے رہیں گے، تمام ادارے 1973 کے آئین تحت کام کریں گے تو جمہوریت مضبوط رہے گی۔

    چیئرمین سینیٹ نے کہا کہ نیب کے قانون کا ازسرنو جائزہ لینا چاہئے جبکہ آئینی اداروں کے درمیان محاذ آرائی سے مسائل بڑھیں گے، ملک اسوقت کسی قسم کی محاذ آرائی کا متحمل نہیں ہوسکتا۔

    مزید پڑھیں : پاکستان کا پارلیمان آئین کے تحت کام کرنے کا پابند ہے: رضا ربانی

    اس سے قبل ایشیاء امن فلم فیسٹول میں خطاب کرتے ہوئے ان کا کہنا تھا کہ افغانستان کے اندر عدم استحکام مسلم ممالک کا نہیں امریکہ نے پیدا کیا ہے، خلیج اور عرب ممالک میں تبدیلی کے نام پر امریکہ نے مداخلت کر رکھی ہے، امریکی سامراج نے مسلمُ ممالک میں جمہوری حکومتوں کو کمزور کرکے آمریتوں کی حمایت کی۔

    رضا ربانی نے کہا کہ مغرب کو چاہیے کہ وہ مسلمُ دنیا کو ان اشوز کا ذمے دار نہ سمجھے، جس کا وہ خود ذمے دار ہے، بینظیر بھٹو نے انتہا پسندی کیخلاف جنگ لڑی ، بینظیر بھٹو نے ذوالفقار بھٹو کاراستہ چنا تھا، ذوالفقار بھٹو کے راستے پرچلنا آسان بات نہیں تھی، ذوالفقار بھٹو کے راستے پر چل کر بینظیر بھٹو نے اپنی شناخت بنائی۔

    ان کا کہنا تھا کہ کراچی بینظیر بھٹو گرینڈ نیشنل فرنٹ بنانا چاہتی تھیں، وہ گرینڈ نیشنل فرنٹ جو آئین اور جمہوریت کو مضبوط کرے، سول، ملٹری بیورو کریسی نے انتہا پرستوں سے ملکر اپنے اقتدار کو طول دیا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سب کاایک جیسا احتساب ہوگاتوہی قانون کی بالادستی ہوگی،رضاربانی

    سب کاایک جیسا احتساب ہوگاتوہی قانون کی بالادستی ہوگی،رضاربانی

    اسلام آباد:چیئرمین سینیٹ رضاربانی کا کہنا ہے کہ سب کاایک جیسا احتساب ہوگاتوہی قانون کی بالادستی ہوگی، آئین کی بالادستی کیلئےقربانیاں دینےوالوں کیلئےکچھ نہیں کیاگیا، قومیں اپنےہیروز کی عزت سے ہی بنتی ہیں۔

    تفصیلات کے مطابق چیئرمین سینیٹ رضاربانی نے تقریب سے خطاب کرتے ہوئے کہا کہ آئین کی بالادستی کیلئےقربانیاں دینےوالوں کیلئےکچھ نہیں کیاگیا، قومیں اپنے ہیروز کی عزت سے ہی بنتی ہیں۔

    رضاربانی کا کہنا تھا کہ صحافیوں کی قربانیاں نہ ہوتیں توشایدریاست بکھر چکی ہوتی، ادارےکمزور،سیاست افراتفری کاشکار ہو تو صحافیوں کا کردار سامنے آتا ہے۔

    فیض آباد دھرنے کے حوالے سے چیئرمین سینیٹ نے کہا کہ 14دن سے ریاست بے بس ہے، کسی کے کان پرجوں تک نہیں رینگ رہی ، وفاق بچےگاتوہماری سیاست بھی ہوگی ، جنگجو معاشرے کو کنٹرول کریں گے تو کچھ نہیں بچے گا۔

    انکا کہنا تھا کہ آج پاکستان کی سیاست پرحاوی ہونےکی کوشش ہورہی ہے، اشرافیہ اورعام آدمی پر قانون کےاطلاق کےالگ الگ طریقے ہیں۔

    رضاربانی نے کہا کہ سب کا ایک جیسا احتساب ہوگا تو ہی قانون کی بالادستی ہوگی، پاکستان کوفلاحی ریاست بنانے کیلئے جدوجہد کی، آئندہ بھی کرینگے۔

    مزید پڑھیں :  سیاست میں ایسی زبان استعمال ہو رہی ہے جو پہلے کبھی نہیں ہوئی، رضا ربانی

    یاد رہے چند روز قبل چیئرمین سینیٹ رضا ربانی کا کہنا تھا کہ آج کل سیاست میں جیس طرح کی زبان استعمال ہو رہی ہے ایسا طرز کلام میں نے اپنی پوری سیاسی جدوجہد میں نہیں سنا جب کہ لوگ اس وقت بھی سخت اختلافات رکھا کرتے تھے۔

    انکا کہنا تھا کہ وفاق مشکل میں پھنس چکا ہے جسے سیاسی جماعتوں کےعلاوہ کوئی بھی اس دلدل سے نہیں نکال سکتا چنانچہ سیاسی جماعتوں اور وفاق کے درمیان رابطہ مزید مضبوط اور مربوط ہونا چاہیئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • اردن کا پارلیمانی وفد اسلام آباد پہنچ گیا

    اردن کا پارلیمانی وفد اسلام آباد پہنچ گیا

    اسلام آباد: اردن کی سینیٹ کےصدر عاکف الفیاض کی قیادت میں پارلیمانی وفد چار روزہ دورے پراسلام آباد پہنچ گیا ہے۔

    تفصیلات کےمطابق اردن کا پارلیمانی وفد سینیٹ کےصدر عاکف الفیاض کی قیادت میں چار روزہ دورے پر آج اسلام آباد پہنچ گیاہے۔

    اردن کا پارلیمانی وفد وزیراعظم میاں محمد نوازشریف،چیئرمین سینیٹ سمیت دیگراعلیٰ حکام سے ملاقاتیں کرےگا۔

    فیصل عاکف الفیاض کی قیادت میں اردن کا وفد پاکستان کی سینیٹ کےساتھ مفاہمت کی ایک یاداشت پر بھی دستخط کرے گا تاکہ دونوں ممالک کے ایوان پارلیمانی امور کےشعبے میں ایک دوسرےکے تجربات سے فائدہ اٹھا سکیں۔

    مالدیپ کے وزیر خارجہ آج اسلام آبادپہنچ رہے ہیں

    یاد رہےکہ گزشتہ روز مالدیپ کےوزیرخارجہ ڈاکٹر محمد عاصم چار روزہ دورے پراسلام آباد پہنچے تھے۔اس دورے کے دوران وہ وزیراعظم نوازشریف سمیت دیگر اعلیٰ حکام سے ملاقاتیں کرے گے۔

    وزیرخارجہ ڈاکٹرمحمد عاصم چار روزہ دورے میں دو طرفہ تعلقات اور باہمی دلچسپی کےامور پرتبادلہ خیال کیاجائے گا۔

    واضح رہےکہ اردن کا پارلیمانی وفد چیئرمین سینیٹ رضاربانی کی دعوت پر پاکستان کےچار روزہ دورے پراسلام آباد پہنچا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • یادگارکی تعمیر کاسہرا چیئرمین سینیٹ کو جاتاہے‘ ایازصادق

    یادگارکی تعمیر کاسہرا چیئرمین سینیٹ کو جاتاہے‘ ایازصادق

    اسلام آباد: اسپیکرقومی اسمبلی ایاز صادق کا کہناہےکہ کل کےواقعےسےپارلیمنٹیرینزکےسرافسوس سے جھکے ہوئے ہیں۔انہوں نےکہاکہ ہمیں اپنے رویوں سے جمہوریت کو مضبوط کرنا ہے۔

    تفصیلات کےمطابق اسپیکر قومی اسمبلی ایاز صادق نےپارلیمنٹ کے لان میں جمہوریت کےلیے قربانیاں دینے والوں کی یاد میں یادگار کا افتتاح کرنے کی تقریب کے موقع پرکہاکہ یادگارکی تعمیر کاسہراچیئرمین سینیٹ رضا ربانی کو جاتاہے۔

    ایاز صادق نےکہاکہ کل کےواقعےسے ان لوگوں کے ہاتھ مضبوط ہوئےجو جمہوریت نہیں چاہتے،ہمیں اپنے رویوں سے جمہوریت کو مستحکم کرنا ہے۔

    مزید پڑھیں:قومی اسمبلی میں تحریک انصاف اور ن لیگ کے کارکن آپس میں دست وگریباں

    دوسری جانب چیئرمین سینیٹ رضا ربانی نےکہاکہ ایاز صادق کاتعاون نہ ہوتا تو یادگارکا افتتاح ممکن نہ ہوتا۔انہوں نےکہاکہ یادگار کےلیےمیری اور اسپیکرقومی اسمبلی کی کاوش برابرہے۔

    رضا ربانی کا کہناتھاکہ ملک میں جمہوری نظام ہے،پارلیمان آئین کےتحت کام کررہی ہے۔انہوں نےکہاکہ پاکستان میں جمہوریت کی بحالی کےلیےہرشعبے میں کردار ادا کیا۔

    واضح رہےکہ چیئرمین سینیٹ رضا ربانی نےکہاکہ ماضی میں آمریت نے جمہوری کوششوں کا گلا گھونٹا۔