اسلام آباد: گھریلو ملازمہ رضوانہ کو ملازمت پر رکھوانے والے ٹھیکیدار مختار کو بھی شامل تفتیش کر لیا گیا۔
تفصیلات کے مطابق کمسن گھریلو ملازمہ رضوانہ تشدد کیس میں وفاقی پولیس کی مختلف پہلوؤں سے تفتیش جاری ہے، رضوانہ کو ملازمت پر رکھوانے والے ٹھیکیدار مختار کو بھی شامل تفتیش کر لیا گیا۔
دوسری طرف رضوانہ کو ابتدائی طبی امداد دینے والے ڈاکٹر نے بیان دینے سے معذرت کر لی ہے۔
ذرائع کے مطابق تفتیشی ٹیم کا ایک اہلکار سرگودھا میں بھی موجود ہے، جب کہ ایک ٹیم لاہور میں ہے، سرگودھا میں موجود پولیس اہلکار متاثرہ فیملی سے متعلق معلومات جمع کر رہے ہیں۔
رضوانہ تشدد کیس، بچی کو ملازمت نہیں تعلیم کے لیے لایا گیا تھا، وکیل صفائی کا نیا پینترا
ذرائع نے بتایا ہے کہ جب رضوانہ کے والدین اسے لینے ملزمہ کے گھر گئے تو سومیا عاصم نے ان سے کہا کہ ہم بچی کو 26 نمبر چونگی چھوڑ دیتے ہیں۔