Tag: رعنا انصار

کراچی : ایم کیوایم رکن قومی اسمبلی رعنا انصار کا بیٹا ٹریفک حادثے میں جاں بحق ہوگیا، شاہ زیب نقوی ان کا سب سے چھوٹا بیٹا تھا۔

تفصیلات کے مطابق کراچی کے کلفٹن انڈرپاس میں تیز رفتار کار حادثے کا شکار ہوگئی، حادثے میں ایک شخص جاں بحق اور ایک زخمی ہوا۔

ریسکیو حکام کا کہنا تھا کہ جاں بحق شخص کی شناخت شاہ زیب کے نام سے کی گئی جبکہ زخمی شخص کی شناخت الیاس کے نام سے کی گئی۔

جاں بحق نوجوان شاہ زیب نقوی ایم کیو ایم رکن اسمبلی رعنا انصار کا بیٹا نکلا ، شاہ زیب نقوی کی عمر تئیس سال اور وہ ان کا سب سے چھوٹا بیٹا تھا۔

شاہ زیب نقوی کی میت سہراب گوٹھ سرد خانے میں موجود ہے ، جہاں ایم کیو ایم قیادت اور کارکنان سہراب گوٹھ سرد خانے موجود ہے۔

بیٹے کی ہلاکت سے متعلق ایم کیو ایم کی رکن اسمبلی کو نہیں بتایا گیا ہے ، کار حادثے اور بیٹے کے زخمی ہونے کی خبر کے بعد وہ اسلام آباد سے کراچی روانہ ہوگئی ہیں۔

ایم کیو ایم رہنما اس وقت خصوصی پارلیمانی کمیٹی کی رکن اور رکن قومی اسمبلی ہیں ، ان کے شوہر اور معروف صحافی انصار نقوی بھی جہاز حادثے میں جاں حق ہوگئے تھے۔

کراچی : وزیراعلیٰ سندھ مراد علی شاہ اور اپوزیشن لیڈر رعناانصار سندھ اسمبلی تحلیل ہونے کے بعد نگراں سیٹ اپ پر مشاورت کریں گے۔

تفصیلات کے مطابق سندھ میں نگراں سیٹ اپ پر باضابطہ مشاورت 11 اگست کے بعد شروع ہوگی ، وزیر اعلی سندھ مراد علی شاہ اور رعنا انصار اسمبلی تحلیل ہونے کے بعد بیٹھک لگائیں گے۔

ملاقات میں وزیر اعلی اور اپوزیشن لیڈر کے ناموں پر غور ہوگا، سندھ اسمبلی تحلیل ہونے کے تین دنوں میں وزیر اعلی اور اپوزیشن لیڈر کو کسی ایک نام پر متفق ہونے کا امکان ہے۔

ذرائع کے مطابق 14 اگست کی رات تک وزیر اعلی ہاوٴس نگراں وزیر اعلی کے متعلق اعلان متوقع ہے ،اگر اپوزیشن لیڈر اور وزیر اعلی کسی نام پر اتفاق نہ ہوپایا تو معاملہ الیکشن کمیشن جائے گا۔

جس کے بعد الیکشن کمیشن اپوزیشن لیڈر اور وزیر اعلی کے تجویز کردہ افراد میں سے نگراں وزیر اعلی کی نامزدگی کا اعلان کرے گا۔