ARYNews.tv | Urdu – Har Lamha Bakhabar

Tag: رفح

  • رفح میں اسرائیلی حملے تیز، حماس کی کارروائیوں میں درجنوں اسرائیلی فوجی زخمی

    رفح میں اسرائیلی حملے تیز، حماس کی کارروائیوں میں درجنوں اسرائیلی فوجی زخمی

    اسرائیلی فوج نے غزہ اور رفح میں حملے تیز کردیئے ہیں جبکہ فلسطینی مزاحمتی گروپوں کی اسرائیلی فوج سے شدید جھڑپوں میں 50 اسرائیلی فوجی زخمی ہوگئے ہیں۔

    غیر ملکی ذرائع ابلاغ کے مطابق فلسطینی مزاحمتی گروپوں نے ڈرون حملے سے اسرائیلی ٹینک بھی تباہ کردیا، رفح میں اقوام متحدہ کی گاڑی پر اسرائیلی فوج کی فائرنگ سے فلسطینی ڈرائیور شہید اور غیر ملکی امدادی اہلکار زخمی ہوگیا۔

    دوسری جانب غزہ میں اسرائیلی فوج کی بربریت کے باعث شہید ہونے والے فلسطینیوں کی تعداد 35 ہزار 34 تک پہنچ گئی ہے۔

    رپورٹ کے مطابق غزہ کی پٹی پر 7 اکتوبر 2023 سے شروع ہونے والے اسرائیلی فوج کے حملوں میں جان کی بازی ہارنے والوں کی تعداد بڑھ کر 35 ہزار 34تک پہنچ گئی ہے۔

    غزہ میں فلسطینی وزارت صحت کے مطابق غزہ کی پٹی پر اسرائیل کے 219 دنوں سے جاری حملوں کے بارے میں معلومات فراہم کی گئی ہیں۔

    بیان کے مطابق گزشتہ 24 گھنٹوں کے دوران اسرائیلی فوج نے غزہ میں فلسطینی شہریوں پر متعدد حملے کئے، گزشتہ روز ہونے والے حملوں میں جاں بحق ہونے والے 63 افراد کی لاشوں اور114 زخمیوں کو اسپتالوں میں پہنچایا گیا۔

    بھارتی فوجی کو اس کے سُسر نے موت کی نیند سُلا دیا

    بیان کے مطابق ملبے کے نیچے اور سڑک کے کنارے موجود لاشوں تک طبی ٹیمیں اور سول ڈیفنس کے اہلکار اسرائیلی فورسز کی رکاوٹوں کے باعث نہیں پہنچ سکے۔

  • حملے کی تیاری، اسرائیلی فوج کا رفح سے شہریوں کو نکل جانے کا حکم

    حملے کی تیاری، اسرائیلی فوج کا رفح سے شہریوں کو نکل جانے کا حکم

    اسرائیلی فوج نے ایک بار پھر رفح سے شہریوں کو نکل جانے کا حکم دیتے ہوئے کہا ہے کہ وہ رفح شہر اور غزہ کی پٹی کے شمال میں تعین کردہ ”محفوظ علاقوں ” میں چلے جائیں۔

    غیر ملکی ذرائع ابلاغ کے مطابق اسرائیلی فوج کے ترجمان کا سابقہ ٹوئٹر X سوشل میڈیا پلیٹ فارم پر کہنا تھا کہ مذکورہ علاقوں میں حماس کے خلاف حملہ کیا جائے گا۔

    اسرائیلی فوج کے ترجمان نے رفح شہر کے مشرق میں شبورا اور رفح کیمپوں، انتظامی، الجنینہ اور خربت جیسے محلوں کے بے گھر فلسطینیوں سے کہا کہ وہ فوری طور پر المواسی کے علاقے میں منتقل ہوجائیں۔

    فلسطینیوں کو شمال میں باڑ کے قریب جانے سے منع کیا گیا ہے، ترجمان نے اپنی پوسٹ میں خالی کیے جانے والے علاقوں کے نقشے بھی شامل کیے ہیں۔

    دوسری جانب شمالی غزہ کو اسرائیلی فوج نے آج چار بار وحشیانہ حملوں کا نشانہ بنایا ہے، کارروائیوں میں اسرائیلی فوج کے ٹینکس اور جنگی جہازوں نے حصہ لیا۔

    اسرائیلی فوج نے شمالی غزہ کے علاقے جبالیہ اور بیت الاہیہ پر شدید بمباری کی جبکہ زخمیوں کو اسپتال منتقل کرنے والے امدادی کارکنوں کو بھی نشانہ بنایا گیا۔

    اسرائیلی فوج نے شمالی غزہ کو چند ماہ پہلے آپریشن کے بعد محفوظ علاقہ قرار دیا تھا اور چار ماہ پہلے اسرائیلی فوج نے شمالی غزہ پر فتحیاب ہونے کا اعلان کیا تھا۔

    حماس نے چوبیس گھنٹوں میں دشمن کے 9 صہیونی ٹینک، فوجی گاڑیاں تباہ کر دیں

    اسرائیلی فوجی ترجمان کا تازہ حملوں کے حوالے سے کہنا ہے کہ اسرائیل کا مقصد شمالی غزہ میں حماس کی واپسی روکنا ہے۔

  • اسرائیلی حملوں میں اضافہ، رفح سے ایک لاکھ فلسطینیوں کی نقل مکانی

    اسرائیلی حملوں میں اضافہ، رفح سے ایک لاکھ فلسطینیوں کی نقل مکانی

    رفح میں اسرائیلی فوج کے حملوں میں مزید اضافہ ہوگیا ہے، ایسے میں نقل مکانی کرنے والے شہریوں کی تعداد ایک لاکھ سے تجاوز کرچکی ہے۔

    بین الاقوامی خبر رساں ادارے کی رپورٹ کے مطابق اسرائیلی فوج کی جانب سے خطے میں حملوں میں شدت لانے کی وجہ سے جبری نقل مکانی کا سلسلہ جاری ہے۔

    رپورٹس کے مطابق ایک لاکھ دس ہزار لوگ حفاظتی مقام کی تلاش میں رفح سے نقل مکانی کرچکے ہیں، تاہم غزہ میں کوئی بھی مقام محفوظ نہیں ہے اور حالات زندگی انتہائی خراب ہیں۔

    دوسری جانب حماس نے جنگ بندی کے لیے معاہدے کی کوششوں پر تبصرہ کرتے ہوئے کہا ہے کہ ہم جہاں سے چلے تھے واپس وہیں پر آ گئے ہیں۔

    الجزیرہ کے مطابق حماس کا کہنا ہے کہ اسرائیل نے تجاویز میں ترامیم کا جو مطالبہ کیا ہے، اس سے مذاکرات مزید پیچیدہ ہو گئے ہیں، ہم مذاکراتی حکمتِ عملی پر نظر ثانی کے لیے دیگر فلسطینی جماعتوں سے صلح مشورہ کر رہے ہیں۔

    اسرائیلی فورسز نے رفح میں تینوں جانب سے حملہ کر دیا

    روئٹرز کے مطابق حماس نے جمعے کے روز کہا کہ اسرائیل کی جانب سے بین الاقوامی ثالثوں کے منصوبے کو مؤثر طریقے سے مسترد کیے جانے کے بعد، اب غزہ کی پٹی میں جنگ بندی کے معاہدے کی تلاش کی کوششیں ایک بار پھر اپنی پہلی پوزیشن پر آ گئی ہیں۔

  • اسرائیلی وزیر دفاع کا رفح پر حملے جاری رکھنے کا اعلان

    اسرائیلی وزیر دفاع کا رفح پر حملے جاری رکھنے کا اعلان

    اسرائیلی وزیر دفاع یوآو گیلنٹ کا کہنا ہے کہ جنوبی غزہ کی پٹی میں رفح کے قریب ایک علاقے میں فوج کی دراندازی اور گزرگاہ کنٹرول کرنے کا عمل اس وقت تک جاری رہے گا جب تک حماس کے خاتمے یا تمام یرغمالیوں کی رہائی ممکن نہیں ہوجاتی۔

    غیر ملکی ذرائع ابلاغ کے مطابق اسرائیلی وزیر دفاع کا کہنا تھا کہ ان کا ملک زیرحراست افراد کی بازیابی کے لیے رعایتیں دینے کے لیے تیار ہے لیکن اگر زیر حراست افراد کے حوالے سے کوئی معاہدہ نہیں ہوا تو وہ غزہ بھر میں کارروائیاں تیز کردی جائیں گی۔

    حماس کی طرف سے جنگ بندی کے حوالے سے قبول کردہ تجویز کواسرائیلی وزیر اعظم بن یامین نیتن یاہو نے اسرائیلی مطالبات سے بہت دور قرار دیا۔

    اسرائیلی وزیر اعظم کا کہنا تھا کہ حماس کی تجویز کا مقصد اسرائیلی افواج کو رفح میں داخل ہونے سے روکنا تھا۔

    دوسری جانب وائٹ ہاؤس پرُامید ہے کہ حماس اور اسرائیل‘بقیہ خلا’ کو بھی ختم کر سکتے ہیں۔

    بائیڈن انتظامیہ کو امید ہے کہ اسرائیل اور حماس اپنی جنگ بندی کی بات چیت میں ”بقیہ خلا کو ختم”کر سکتے ہیں اور جلد ہی ایک معاہدہ طے پا جائے گا۔

    غزہ جنگ بندی کیلئے قطر، مصر، حماس اور امریکا کے مذاکرات جاری

    قومی سلامتی کونسل کے ترجمان جان کربی نے کہا کہ دونوں فریقوں کی پوزیشنوں کا قریبی جائزہ بتاتا ہے کہ وہ بقیہ خلا کو ختم کرنے کے قابل ہو جائیں اور ہم اس عمل کی حمایت کے لیے ہر ممکن کوشش کرنے جا رہے ہیں۔

  • اسرائیل کے رفح پر حملے، 19 فلسطینی شہید

    اسرائیل کے رفح پر حملے، 19 فلسطینی شہید

    غزہ میں درندگی کی مثال قائم کرنے کے بعد اسرائیل نے اپنا دوسرا ہدف رفح کو بنالیا، تازہ حملے میں رفح میں پناہ لینے والے 19 فلسطینی شہید ہوگئے۔

    برطانوی خبر رساں ادارے روئٹرز کے مطابق فلسطینی محکمہ صحت کے حکام کا کہنا ہے کہ اتوار کو اسرائیلی فائرنگ سے کم از کم 19 افراد ہلاک ہو گئے۔

    واضح رہے کہ حماس نے کیرم شیلوم کراسنگ کے مقام پر اسرائیلی فوجیوں پر حملے کی ذمہ داری قبول کی تھی، جس کے بارے میں اسرائیل نے کہا تھا کہ اس میں تین فوجی ہلاک ہوگئے ہیں۔

    اسرائیل کے فوجی حکام کے مطابق 10 راکٹ رفح کی طرف سے کراسنگ کے قریب داغے گئے، اس گزرگاہ کو اب امدادی ٹرکوں کے لیے بند کر دیا گیا ہے جبکہ دوسری گزر گاہیں کھلی ہوئی ہیں۔

    حماس کے مطابق اسرائیل کے فوجیوں کے ٹھکانوں پر راکٹ فائر کئے گئے ہیں، تجارتی سامان کی گزرگاہ حملے کا ہدف نہیں تھی۔

    غیر قانونی ریت نکالنے والے ملزمان نے اے ایس آئی کو ٹریکٹر سے کچل دیا

    یاد رہے کہ غزہ پر حملے کے بعد بڑی تعداد میں فلسطینیوں نے مصر کی سرحد کے قریب رفح کی طرف ہجرت کی تھی اور وہاں 10 لاکھ سے زائد فلسطینی شہریوں نے پناہ لے رکھی ہے۔

  • قیدیوں کا معاہدہ اسرائیل کو رفح پر حملہ کرنے سے نہیں روکے گا: نیتن یاہو

    قیدیوں کا معاہدہ اسرائیل کو رفح پر حملہ کرنے سے نہیں روکے گا: نیتن یاہو

    تل ابیب: اسرائیلی وزیر اعظم نیتن یاہو نے ایک بار پھر اپنا مذموم عزم ظاہر کرتے ہوئے کہا ہے کہ اسرائیل حماس کے ساتھ جنگ بندی اور قیدیوں کی رہائی کے معاہدے پر پہنچنے کی صورت میں بھی جنوبی ضلع رفح پر حملہ کرے گا۔

    وزیر اعظم کے دفتر کے ایک بیان کے مطابق بنجمن نیتن یاہو نے کہا ’’یہ خیال کہ ہم جنگ کو اس کے تمام مقاصد حاصل کرنے سے پہلے روک دیں گے، سوال سے باہر ہے۔‘‘

    صہیونی وزیر اعظم نے کہا ’’ہم رفح میں داخل ہوں گے اور معاہدہ ہو یا معاہدے کے بغیر ہم وہاں حماس بٹالین کو ختم کر دیں گے، مکمل فتح حاصل کرنے کے لیے۔‘‘

    کس صورت میں اسرائیل سے معاہدہ نہیں ہوگا؟ حماس کا اہم بیان

    واضح رہے کہ اسرائیلی وزیر اعظم نے کئی مہینوں سے اسرائیل کے اہم اتحادی امریکا کی طرف سے عوامی دباؤ کے باوجود رفح پر حملہ کرنے کا عزم کر رکھا ہے۔ اقوام متحدہ اور انسانی امداد کے اداروں نے بار ہا خبردار کیا ہے کہ رفح پر حملہ تباہ کن ہوگا کیوں کہ وہاں دس لاکھ سے زائد بے گھر فلسطینی پناہ گزین مقیم ہیں۔

  • صیہونی فوج رفح میں کیا کرنے جارہی ہے؟ اسرائیلی چینل کا انکشاف

    صیہونی فوج رفح میں کیا کرنے جارہی ہے؟ اسرائیلی چینل کا انکشاف

    اسرائیلی چینل کی جانب سے یہ انکشاف کیا گیا ہے کہ صیہونی فوج نے منصوبہ بنایا ہے کہ وہ رفح میں موجود دس لاکھ سے زائد فلسطینیوں کو جنوبی اور وسطی غزہ کے کیمپوں میں بسانے کا ارادہ رکھتی ہے۔

    غیر ملکی ذرائع ابلاغ کے مطابق اسرائیلی فوج کا اس حوالے سے کہنا ہے کہ یہ آپریشن چار تا پانچ ہفتے جاری رہ سکتا ہے۔

    گزشتہ روز اسرائیلی فوج کے ایک ترجمان کا کہنا تھا کہ اسرائیل نے شمالی غزہ کی پٹی میں بیت لاہیا کے علاقے کو خطرناک جنگی زون قرار دیتے ہوئے نئے انخلاء کا حکم دیا ہے۔

    اسرائیلی چینل کی جانب سے یہ انکشاف ایسے وقت میں کیا گیا ہے کہ جب رہائشیوں نے کہا تھا کہ منگل کے روز اسرائیل نے غزہ کی پٹی میں اپنے حملے بڑھا دیئے ہیں۔

    وسطی اور جنوبی علاقوں میں فضائی حملوں اور ٹینکوں کی گولہ باری کی بھی اطلاعات سامنے آئی ہیں۔ اسرائیلی فوج کی جانب سے کی گئی فائرنگ میں اسکولوں کو بھی نشانہ بنایا گیا جہاں بے گھر متاثرین پناہ لئے ہوئے تھے۔

    حماس کے دفتر کی منتقلی پر قطر کا واضح پیغام

    حماس کے میڈیا کے مطابق اسرائیلی فوج کے ٹینک گزشتہ رات غزہ کی پٹی کے شمالی کنارے پر بیت حانون کے مشرق میں ایک بار پھر گھس آئے لیکن شہر میں زیادہ دیر نہیں رکے اور روانہ ہوگئے۔

  • اسرائیل نے رفح میں حملوں کی منصوبہ بندی کرلی

    اسرائیل نے رفح میں حملوں کی منصوبہ بندی کرلی

    غزہ میں ہزاروں فلسطینیوں کو شہید کرنے کے بعد اسرائیل فوج نے رفح میں بھی قتل عام کرنے کی تیاری کرلی ہے۔

    اسرائیلی اخبار کے مطابق اسرائیل نے رمضان کے فوری بعد رفح میں 6 ہفتوں تک حملوں کی منصوبہ بندی کرلی ہے۔

    دوسری جانب غزہ میں اب بھی اسرائیلی فوج کی بربریت کا سلسلہ جاری ہے، تازہ حملوں میں مزید 70 سے زائد فلسطینی شہید ہوگئے۔

    خطے میں مسائل کی جڑ اسرائیل ہے، ایرانی صدر

    اسرائیلی وزیراعظم نے اقوام متحدہ کی قرارداد کا بھی نوٹس نہیں لیا اور کہا کہ حماس کو سمجھ جانا چاہیے کہ اسرائیل پر عالمی دباؤ کا کوئی اثر نہیں ہوگا۔

    نیتن یاہو کا ہٹ دھرمی دکھاتے ہوئے کہنا تھا کہ سلامتی کونسل میں امریکی فیصلہ بہت برا اقدام تھا، اسرائیلی وفد کو امریکا نہ بھیجنے کا فیصلہ حماس کے لیے پیغام تھا کہ کوئی بھی عالمی دباؤ قبول نہیں ہوگا۔

  • اسرائیل کی خان یونس اور رفح میں گھروں پر بمباری، 12 فلسطینی شہید

    اسرائیل کی خان یونس اور رفح میں گھروں پر بمباری، 12 فلسطینی شہید

    سلامتی کونسل میں جنگ بندی کی قرار داد منظور ہونے کے باوجود اسرائیلی جارحیت رکنے کا نام نہیں لے رہی، اسرائیل نے شمالی غزہ میں حملے تیز کردئیے۔

    غیر ملکی ذرائع ابلاغ کے مطابق خان یونس میں بمباری میں بارہ فلسطینی شہید ہوگئے، جبکہ رفح میں گھروں پر بمباری میں تین فلسطینی شہید ہوئے۔

    رپورٹس کے مطابق اسرائیلی ٹینکس نے خان یونس میں نصیر اسپتال کا محاصرہ کرکے طبی عملے کوگرفتار کرلیا، اسرائیلی جارحیت کے سبب اسپتال غیر فعال ہوگیا۔

    الشفا اسپتال میں بھی کشید گی برقرار ہے،اسرائیلی فوج نے اسپتال میں شیلنگ کی۔ قطر کا کہنا ہے جنگ بندی کیلئے مذاکرات جاری ہیں تاہم کوئی پیش رفت نہیں ہوسکی۔

    دوسری جانب بھوک و افلاس کے مارے غزہ کے فلسطینیوں کیلئے فضائی امداد بھی امتحان بن گئی۔

    امدادی سامان کے حصول کے لئے سمندر میں چھلانگ لگانے والے بارہ فلسطینی ڈوب گئے جبکہ خشکی پر گرنے والے امدادی سامان لینے کی کشمکش میں بھگدڑ سے چھ فلسطینی شہید ہوگئے۔

    غزہ میڈیا دفتر کا اس حوالے سے کہنا ہے کہ غزہ کے شمالی ساحلی علاقے میں فضا سے گرائی جانے والی امداد کچھ سمندر اور کچھ خشکی پر گری۔

    بحیرہ روم میں گرنے والے امدادی پیکٹ لینے کیلئے سمندر میں چھلانگ لگانے والے 12 فلسطینی سمندر میں ڈوب کر شہید ہوگئے۔

    غزہ میڈیا دفتر کے مطابق خشکی میں گرنے والا امدادی سامان لینے کیلئے بھگدڑ مچنے سے 6 فلسطینی شہید ہوئے۔

    کراکس ہال حملہ، روسی صدر کا اہم بیان سامنے آگیا

    غزہ میڈیا دفتر کے جاری بیان میں کہا گیا ہے کہ شمالی غزہ میں بدترین فاقہ کشی کی صورتحال ہے۔ قحط جیسی صورتحال میں فضا سے امداد گرانا بدسلوکی اور فضول ہے۔

  • رفح میں گھر پر بمباری سے 4 بچوں سمیت 30 افراد شہید

    رفح میں گھر پر بمباری سے 4 بچوں سمیت 30 افراد شہید

    اسرائیل کی جانب سے نہتے فلسطینیوں پر رمضان المبارک میں بھی بمباری کا سلسلہ جاری ہے، رفح میں گھر پر بمباری سے 4 بچوں سمیت 30 افراد شہید ہوگئے۔

    غیر ملکی میڈیا کے مطابق دیرالبلاح میں فضائی حملے میں 22 فلسطینی شہید ہوئے، جبکہ متعدد افراد زخمی ہوگئے۔

    نمائندہ خصوصی اقوام متحدہ کا کہنا ہے کہ اسرائیل غزہ میں نسل کشی کر رہا ہے،غزہ کی ناکہ بندی سے روزانہ 10 بچے دم توڑ رہے ہیں۔

    واضح رہے کہ غزہ میں فوری جنگ بندی کے لیے اقوام متحدہ کی سلامتی کونسل نے قرارداد منظور کر لی ہے۔

    الجزیرہ کے مطابق جنگ بندی کی قرارداد سلامتی کونسل کے 10 منتخب ارکان نے پیش کی ہے جس پر آج ہی ووٹنگ کی گئی۔

    قرارداد کی 14رکن ممالک نے حمایت کی جب کہ امریکا نے ووٹنگ میں حصہ نہیں لیا۔

    مسجد الحرام میں مطوفین کی تعداد بڑھادی گئی

    قرارداد میں تمام یرغمالیوں کی فوری اور غیر مشروط رہائی پر زور دیا گیا ہے۔ غزہ کی پٹی میں شہریوں کی حفاظت اور انسانی امدادکی فوری ضرورت پربھی زور دیا گیا ہے۔